Балабақшадағы бала

Ақтауда балаларды ұрған тәрбиешілерге қатысты сот үкімі шықты

191
(Жаңартылды 14:31 20.11.2019)
Ақтау қаласындағы №55 "Таңшолшан" балабақшасының қызметкерлері балғындарға қатыгездік көрсетіп, оларды ұрып-соққан екен

НҰР-СҰЛТАН, 20 қараша – Sputnik. Маңғыстау облысында балаларды ұрып-соққан тәрбиешілерге қатысты сот үкімі шықты, деп хабарлайды жергілікті Lada.kz порталы.

Маңғыстау облыстық соты баспасөз қызметінің мәліметіне сай, Ақтау қалалық сотында №55 "Таңшолшан" балабақшасының тәрбиешілері мен көмекшілеріне қатысты қылмыстық іс қаралды.

"Сот балабақша қызметкерлерінің кәмелет жасқа толмаған балаларға қатыгездік көрсеткенін анықтады. Олар балғындардың басынан, қолынан және жамбасынан ұрған. Тәрбиешілер балалардың денесіне зақым келтіріп қана қоймай, бүлдіршіндерді қорқытып-үркітіп орындықта отыруға мәжбүрлеген, ойыншықтармен де ойнатпаған", - делінген облыстық соттың баспасөз қызметі таратқан хабарламада.

Тағы оқыңыз: Балабақшада балалар кішкентай қызды жабылып соққыға жықты – видео

Қазақстан Республикасы қылмыстық кодексінің 140-бабы, 2-тармағы (кәмелетке толмағандарды тәрбиелеу жөнiндегi мiндеттердi орындамау) бойынша қозғалған қылмыстық іс сот үкімімен медиация негізінде (ҚР Қылмыстық кодексі 68-бабы, 1 тармағы - татуласуға байланысты қылмыстық жауаптан босату бойынша) тоқтатылды.

Шағым түскен тарап кәмелет жасқа толмағандардың өкілдерімен келісімге келіпті. Сот үкімі заңдық күшіне енген жоқ.

Айта кетейік, 2019 жылдың маусымында Ақтау қаласындағы №55 "Таңшолшан" балабақшасының тәрбиешілері балаларға ойыншықпен ойнауға тыйым салып, оларды сағаттап орындықта отыруға мәжбүрлеген. Бұл жағдай бейнебақылау камераларына түсіп қалған болатын.

191
Кілт сөздер:
ұрып-соғу, балабақша, Ақтау
Тақырып бойынша
Аружан Саин барлық балалар үйін жауып тастамақшы
Балабақша меңгерушісі өз кабинетінде парамен ұсталды – видео
Алматыда балабақша тәрбиешісі 6 жылға сотталды
Ресейде ер адам балабақшаға баса-көктеп кіріп, баланы өлтірді
Петропавлда ер адам екі ұлымен бірге өрт кезінде қайтыс болды

"Әйелі үйде болмаған": Петропавл тұрғыны екі баласымен бірге ажал құшты

397
(Жаңартылды 14:48 07.08.2020)
Өрт сөндірушілер оқиға орнына келген сәтте үйдің шатыры толығымен өртеніп, жалын көрші үйге шарпи бастағанын анықтады

АЛМАТЫ, 7 тамыз – Sputnik. Петропавлда жеке үйдегі өрт кезінде ер адам мен оның екі ұлы көз жұмды. Балалар бес және тоғыз жаста болған. Бұл жайында Солтүстік Қазақстан облысы төтенше жағдайлар департаменті бастығының орынбасары Нұрлан Атығаев брифинг кезінде айтты, деп хабарлайды Sputnik Қазақстан.

"6 тамыздан 7 тамызға қараған түні сағат түнгі екі жарымда Жұмысшы кентінде Щорс көшесі, 24 мекенжайындағы тұрғын үйдің жанып жатқаны туралы хабарлама келіп түсті. Оқиға орнына жедел түрде №4 өрт сөндіру бөлімінің екі техникасы және сонымен бірге №3 мамандандырылған өрт сөндіру бөлімінің тағы екі техникасы жіберілді", - деп хабарлады Атығаев.

Мужчина и двое его малолетних сыновей погибли в огне в Петропавловске
© Photo : ДЧС СКО
Петропавлда ер адам екі ұлымен бірге өрт кезінде қайтыс болды

Оқиға орнына бірінші болып барған бөлімше үйдің шатыры толығымен отқа оранғанын анықтады. Бұл өрт шыққаны туралы хабардың кеш жіберілгенін көрсетеді. Өрт әрі қарай көрші үйге тараған.

"Көршілердің айтуынша, үйде үй иесі мен балалары болған. Газ-түтіннен қорғау қызметі сағат 2.51-де 2011 жылы туған баланың денесін, бір минуттан кейін 2015 жылы туған екінші баланың денесін тапты. Сағат 2.55-те 1988 жылы туған үй иесінің денесі табылды. Балалардың анасы үйде болмаған", - деді Атығаев.

Қаза болғандардың денесі сот-медициналық сараптамаға жіберілді. Өрттің және өлімнің себебін жедел-тергеу тобы анықтайды.

Нұр-Сұлтанда моншадан әйел адамның мәйіті табылды

Нұрлан Атығаев отбасының тату-тәтті, берекелі болғанын айтты. Шаңырақ иесі көлік жүргізушісі болып жұмыс істеген, таяуда ғана сапардан оралған.

Айта кетейік, жыл басынан бері өрттен 28 адам қаза болды, өткен жылмен салыстырғанда қаза болғандар саны артып отыр.

397
Кілт сөздер:
өрт, Петропавл
Тақырып бойынша
Үш кішкентай бала үйде жалғыз қалған: Көкшетауда қайғылы оқиға болды
Корея тұрғындары ерлік жасаған қазақ жігітін мемлекеттік марапатқа ұсынды
Көкшетауда шырт ұйқыда жатқан 120 адамды құтқарушылар оятты
Атырауда жанармай құю бекетінде жарылыс болды: көлік жүргізуші көз жұмды
Ақмола облысында үйінді астынан үш баланың мәйіті табылды
Архивтегі фото

Атырауда балаға қол жүгірткен ер адам ұсталды видео

1131
Оқиға орнына жеткен полиция қызметкерлері қаскүнемді ұстап, уақытша ұстау изоляторына қамады, екінші күдікті іздестіріліп жатыр

АЛМАТЫ, 7 тамыз – Sputnik. Атыраудың "Көктем" ықшам ауданында балаға қол жүгірткен күдікті ұсталды, деп хабарлады өңірлік "Мой Город" басылымы.

Атырау облыстық полиция департаментінің хабарлауынша, оқиға 6 тамыз күні кешке болған.

Күдікті ұсталған сәттің видеосы WhatsApp мессенджерінде тарап кетті.

Видео авторының айтуынша, күдікті адам екеу болған, оның бірі оқиға орнынан бой тасалаған. Оны сол маңдағы құқық қорғау қызметкерлері іздеп жатыр.

"Сағат 19.45-те "Көктем" ықшам ауданындағы дүкеннің жанында мас ер адам балаға қатысты сексуалдық сипаттағы зорлық-зомбылық әрекеттерін жасауға тырысты", - деп хабарлады Атырау облыстық ПД баспасөз қызметі.

Оқиға орнына жеткен полиция қызметкерлері күдіктіні ұстап, уақытша ұстау изоляторына қамауға алды.

Оқи отырыңыз: Оралда 6 жасар қызды алып кетпек болған бейтаныс адам қарсылыққа тап болды – видео

Қылмыстық кодекстің 121-бабы "сексуалдық сипаттағы зорлық-зомбылық әрекеттері" бойынша сотқа дейінгі тергеу басталды.

1131
Кілт сөздер:
видео, зорлық-зомбылық, Атырау
Тақырып бойынша
Ақтөбеде баланы зорламақ болған қарт: Түрмеден тірі шықпайтын шығармын
Түркістанда кішкентай қызды зорламақ болған педофил ұсталды
Сәтбаевтағы оқиға: полицияның педофилді үйінен қалай алып шыққаны белгілі болды
Тараздықтарды төрт күн бойы үрейде ұстаған адам қолға түсті
Медицина қызметкері

Денсаулық вице-министрі коронавирустың екінші толқыны туралы айтты

22
(Жаңартылды 15:20 07.08.2020)
Ауруханаларда қосымша төсек орындарды жасақтау жоспарланған. Жансақтау бөлімдерін кеңейту шаралары да қарастырылғаны айтылды

НҰР-СҰЛТАН, 7 тамыз – Sputnik. Денсаулық сақтау министрлігі коронавирустың екінші толқынына арналған болжамды әзірлеп жатыр, деп хабарлайды Sputnik Қазақстан тілшісі.

Вице-министр Людмила Бюрабекованың айтуынша, шілде айында алдын ала есептеу жүргізіліп, коронавирустың таралуына қатысты болжам әзірленген болатын. Оған сәйкес, ауруханаларда қосымша төсек орындарды жасақтау жоспарланған. Жансақтау бөлімдерін кеңейту шаралары да қарастырылған. 

Бастапқы болжамда коронавирусқа шалдыққан науқастар ғана есепке алынды. Ал 1 тамыздан бастап Қазақстанда коронавирус пен пневмонияның статистикасы біріктірілді. Осыған байланысты болжамды қайта қарау туралы шешім қабылданып отыр. 

"Демек, бізге бәрін қайта есептеп шығу керек. Қазір әлем бойынша коранавирустың екінші толқыны туралы айтып жатыр. Күзде болады деп отырмыз. Сол кезде вирустық инфекциялар, тұмау сынды маусымдық аурулар да көбейеді. Осының бәрін болжамда көрсету керек. Жақын арада біз осы құжатты жариялаймыз", - деді Бюрабекова орталық коммуникациялар қызметінде өткен онлайн брифингте.

22
Кілт сөздер:
коронавирус, вице-министр, денсаулық сақтау министрлігі
Тақырып:
Коронавирус эпидемиясы
Тақырып бойынша
Қазақстанда тағы бір облыста карантин жеңілдетіледі
"Олар кінәлі емес": Елді шулатқан дәрігерлерді министрлік қорғаштап жатыр
Коронавирус пен пневмония құрбандары: министрлік соңғы деректерді жария етті
"СК-Фармацияның" басшысы қанша жалақы алатынын айтты
Қазақстан тарихында бұрын-соңды болмаған ірі зертхана әшкереленді – видео