Қыз

Тараздағы зорлық: тағы бір шенеунік қызметінен кетті

2066
(Жаңартылды 15:53 23.11.2019)
Ішкі істер министрі Ерлан Тұрғымбаев полиция департаменттерінің кәмелетке толмағандардың жыныстық қол сұғылмаушылығына қарсы қылмыстың алдын алу жұмысын сынға алды

НҰР-СҰЛТАН, 23 қараша – Sputnik. Оқушы қыз даладағы дәретханада зорлық көргеннен кейін Тараз қалалық полиция басқармасының басшысы қызметінен кетті.

"Тараз қалалық полиция басқармасының басшысы Ардақ Мәдимарова қызметінен босатылды. Бұған қоса, мектеп инспекторы ішкі істер органдарынан шығарылып, Тараз қалалық полиция басқармасы қызметтерінің басшылары жазаланды", - деп хабарлады ішкі істер министрлігінің баспасөз қызметі.

Ішкі істер министрлігіндегі жиын

Ішкі істер министрі Ерлан Тұрғымбаев кәмелетке толмағандарға қатысты зорлық-зомбылық қылмыстардың, сондай-ақ жасөспірімдер қылмысының алдын алу бойынша кеңес өткізді.  

Ол өңірлік басшыларға жергілікті атқарушы органдармен бірлесіп, қордаланған проблемалық мәселелерді мұқият талдауды және шешуді тапсырды.

Учаскелік және мектеп полиция инспекторларының жұмысын ұйымдастыру, мектептер мен балабақшаларда қауіпсіздікті қамтамасыз ету үшін күзет ұйымдарын тарту мәселелері қаралды.

Тағы оқыңыз: Дәретханада оқушы қыз зорланды: шенеуніктер жұмыстан қуылып жатыр

Тұрғымбаев бірқатар өңірлік полиция департаменті мен салалық қызмет жұмысында орын алған елеулі кемшіліктер мен олқылықтарды атап өтті.

Ақмола, Ақтөбе, Алматы, Атырау және Жамбыл облыстарының полиция департаменттерінің басшылары сынға түсті.

Кеңес қорытындысы бойынша бірқатар басшы қатаң тәртіптік жауапкершілікке тартылды:

  • Жамбыл облысы полиция департаментінің бастығы Арман Оразалиев қызметіне толық сәйкес еместігі туралы ескертілді;
  • Ақтөбе облысы полиция департаментінің бастығы Атығай Арыстановқа қатаң сөгіс жарияланды;
  • Алматы облысы полиция департаментінің бастығы Мұрат Ұрымхановқа қатаң сөгіс жарияланды.

«Полицияны бағалаудың негізгі индикаторларының бірі - кәмелетке толмағандардың қылмыстық қол сұғушылықтан қорғалу деңгейі екеніне аумақтық департамент басшыларының назарын аударамын. Адамдар бізден дәл осыны күтіп отыр. Біз олардың қауіпсіздігін қамтамасыз етуге міндеттіміз», - деді министр Тұрғымбаев. 

Оқушы қыздың көрген қорлығы

Он екі жастағы жетінші сынып оқушысы Тараз мектептерінің бірінің ауласындағы дәретханада зорлық көрді.

Мектептегі әжетхана дұрыс істемеген. Ешкім оқу орны аумағында бөтен адамның жүргеніне көңіл аудармаған, деп нарызылық білдірді оқушылардың ата-аналары.

Күдікті ұсталып, тергеу абақтысына қамауға алынды. Полиция дерегінше, ол 19 жыл бұрын зорлық жасағаны үшін төрт жыл түрмеде отырып шыққан.

Қазақстан президенті Қасым-Жомарт Тоқаев мектептегі оқиғадан кейін Тараз әкімін қызметінен босатуды тапсырды.

Бұған дейін Жамбыл облысы білім басқармасының басшысы, мектеп инспекторы, мектеп директоры, қызды сабақтан босатқан мұғалім, кезекші ұстаз, вахташы мен оқу ісінің меңгерішісі жұмыстарынан шығарылған болатын.

Дәретхана проблемасы

Қазақстанның білім және ғылым министрлігінің мәліметінше, бүгінгі таңда елімізде 7 014 мектеп бар, олардың 2 514-де әжетхана аулада орналасқан. Қалаларда бұндай мектептер саны – 157, ал ауылдарда - 2 357.

Қала және облыс әкімдіктері 2021 жылға дейін мектеп ауласындағы дәретханаларды толығымен жойып, оларды оқу орнының ішінде орнатуы тиіс.

2066
Кілт сөздер:
зорлық-зомбылық, полиция, Тараз
Тақырып бойынша
Тараздағы балалар үйінде түсірілген жаға ұстатарлық видео: оқиға немен аяқталды?
Таразда мектеп дәретханасында оқушы қызды зорлаған еркек видеоға түсіп қалды
Таразда мектеп дәретханасында оқушыны зорлады: білім министрлігі түсініктеме берді
Тараздағы сұмдық: оқушы қыздың зорлануына қатысты тың деректер шықты
Архивтегі фото

Карантинде той жасаған тұрғындар жауапқа тартылды

64
Екібастұз қаласында үйлену тойы өткен, онда 60 адам болған. Мейрамхана иесіне қатысты материал жиналды

НҰР-СҰЛТАН, 29 қыркүйек – Sputnik. Павлодар облысында мониторинг топтары рейдтік іс-шара өткізу кезінде карантин режимін бұзған қоғамдық тамақтану орындарын анықтады, деп хабарлады Polisia.kz.  

Мұхтар Әуезов көшесінде орналасқан Екібастұз мейрамханаларының бірінде үйлену тойы өткен, онда 60 адам болған.

"Мейрамхана иесіне қатысты материал жиналып, шешім қабылдау үшін Екібастұз қаласы тауарлар мен қызметтердің сапасы мен қауіпсіздігін бақылау басқармасына жіберілді", – деді полиция департаментінің бастығы Нұрлан Мәсімов.

Басқа мейрамханада ер адам отбасымен бірге туған күнін атап өткен. Барлығы 25 қонақ, сондай-ақ мекеме қызметкерлері болған. Кафе иесі карантиндік нормаларды ескермегені үшін жауапқа тартылды.

Оқи отырыңыз: Маңғыстауда туған күнін тойлаған шенеунік айыппұл төледі 

Полицейлер азаматтарды денсаулығын сақтауға, сондай-ақ карантин режимі жағдайында тәртіп бұзбауға шақырады.

Айта кетейік, биыл Павлодар облысының аумағында 468 заңбұзушылық анықталды.   

64
Кілт сөздер:
той, карантин
Тақырып бойынша
Нұр-Сұлтанда мектепке барып жүрген оқушыдан коронавирус табылды
"Әлем қорқынышты белеске жетті": БҰҰ Бас хатшысы коронавирусқа қатысты мәлімдеме жасады
Нұр-Сұлтанда түнгі клуб әкімшісі қамауға алынды
Елорданың бас санитар дәрігері қандай жағдайда қатаң карантин енгізілетінін айтты
Елордада кинотеатрлар қашан ашылуы мүмкін
Масанчи ауылы

Қордайдағы тәртіпсіздік: жеті адамға қатысты сот үкімі шықты

378
Сотталғандардың әрқайсысы түрмеде жазасын өтеп қана қоймай, зардап шеккендердің қорына 20 АЕК көлемінде ақша аударады

НҰР-СҰЛТАН, 29 қыркүйек – Sputnik. Алматы горнизонының әскери сотында Қордайдағы жаппай тәртіпсіздіктерге қатысқан жеті адамға қатысты үкім шығарылды.

Ресми мәліметке сәйкес, Қордай ауданы Алматы горнизонына қарайды. Оған қоса, сотталған бір азамат әскери қызмет атқарған. Сол себепті осы қылмыстық істер әскери сотта қаралды. Жауапқа жеті адам тартылды. Олар:

  • Ерлан Буралкинов;
  • Алмат Тілеуғалиев;
  • Ұлан Атанбаев (әскери қызметші);
  • Абзал Нұраханов;
  • Мырзағали Дүйсенбаев;
  • Рүстем Бежібаев;
  • Бақытбек Ибрагимов.

Сот үкіміне сәйкес, Ерлан Буралкинов, Алмат Тілеуғалиев пен Ұлан Атанбаев үш жылға бас бостандығынан айырылды. Рүстем Бежібаев төрт жылға, Мырзағали Дүйсенбаев бес жылға сотталды. Бесеуі де жазасын  қауіпсіздігі орташа дәрежедегі мекемеде өтейді.

Ал сот Абзал Нұрахановқа 8 жыл берсе, Бақытбек Ибрагимов 7 жылға бас бостандығынан айырылды. Алғашқысы жазасын қауіпсіздігі аса жоғары мекемеде, екіншісі қауіпсіздігі максималды колонияда өтейді.

Қордайдағы жаппай тәртіпсіздік: бір адам тергеу изоляторында қайтыс болды  

Бұдан бөлек, сотталғандардың әрбіреуі зардап шеккендердің қорына 20 АЕК көлемінде ақша аударып беруге міндеттелді.

Қордайдағы жаппай тәртіпсіздік

Жамбыл облысының Қордай ауданында 7 ақпанға қараған түні жаппай төбелес болды. Қайғылы оқиға салдарынан он бір адам көз жұмды.

Өрттің салдарынан тұрғын үйлер мен коммерциялық нысандар, сондай-ақ автокөліктер бүлінді.

Кейіннен 120-дан астам қылмыстық іс тергеліп жатқандығы белгілі болды. 1 наурызда президент Қасым-Жомарт Тоқаев Қордай ауданында болып, жергілікті тұрғындармен кездесті.

378
Кілт сөздер:
сот үкімі, тәртіпсіздік
Тақырып бойынша
Қордайдағы қақтығыс: 59 адам қылмыстық жауапкершілікке тартылды
Қордайдағы қақтығыс: арнайы операция кезінде 25 адам ұсталды 
Қордайдағы қақтығыс: өртенген үйлер демеушілер есебінен қалпына келтіріледі
Әкімдік Қордайда 11 нысан неге қалпына келтірілмей жатқанын түсіндірді
Сапарбаев президентке Қордайдағы жағдайды баяндап берді
Қолдағы смартфон

Алаяқтықтың жаңа түрі: танымал дизайнер ешкімнен ақша сұрамағанын айтты

7
(Жаңартылды 09:09 30.09.2020)
Ақпараттық қауіпсіздік мамандарының айтуынша, елдегі карантин кезінде айлакерлердің қырық түрлі қулығының құрбаны болып жатқандар көбейген

НҰР-СҰЛТАН, 30 қыркүйек – Sputnik. Елімізде алаяқтықтың жаңа түрі пайда болды. Карантин уақытында айла-тәсілін асырғысы келгендер әлеуметтік желілерде танысы арқылы хабарлама жіберіп, ақша сұрайды. Сөйтіп, қомақты қаржыны өз картасына аудартып алуда. Алайда, жоспарланған сценариймен арам пиғылын жүзеге асырғандарды құрықтау әзірге мүмкін болмай тұр, деп хабарлайды КТК арнасы.
Олардың ойлап тапқан айла-тәсілі қандай? Жақында осындай алаяқтардың құрығына Құралай Нұрқаділова ілікті. Оның атынан таң сәріде таныстарына хабарлама жіберген. Сөйтіп, қиын жағдайға тап болғанын айтып, қомақты қаржы сұрапты. Десе де, күдіктенген жақындары анық-қанығын білмек болып дизайнердің өзіне хабарласқан.

"Менің атымнан таныстарымның телеграмм чатына "Мен Құралаймын, тез көмектес" деп жазған. Сағат таңғы 6-да. Олар ештеңе түсінбей ұйықтай берген. Сосын "Не болып қалды?" деп маған телефон соғады. Байланыс жоқ болғандықтан, мен телефонды ала алмаймын. Содан таныстарым басқа адамдардан ватсап нөмірімді алып, скрин жіберген", – дейді дизайнер Құралай Нұрқаділова.

Танымал дизайнер ешқашан, ешбір жаннан ақша сұрамағанын айтады. Сол себепті алдағы уақытта дәл осындай жағдай бола қалса, алданбауды ескертеді.

Сондай-ақ, ақпараттық қауіпсіздік мамандарының айтуынша, карантин уақытында айлакерлердің қырық түрлі қулығының құрбаны болып жатқандар көбейіпті.

"Көп адам қазір мессенджер қолданады: инстаграм, телеграм, ватсап. Онда көп ойын, сауалнама болады. Соған қатысып хакерлерге олар өздері туралы хабарлама береді. Олар мәліметті алып, сол арқылы кімнің акцияға қатысқанын біліп отырады және сілтемелер жібереді. Сол сілтемемен өткен кезде смартфондағы байланыстарды хакерлер өз серверіне салып алады", –  дейді "EsEt" компаниясының ақпараттық қауіпсіздік бойынша кеңесшісі Ақтайлақ Аймұрашев.

Соңғы кездері әлеуметтік желіде сан соққан зардап шеккендер алаяқтардың құрығына ілініп жатқанын жарыса жазуда. Алайда, полицияға арыз түсірген ешкім жоқ көрінеді.

"Мұндай мәлімдеме, арызбен әлі ешкім шағымданбады. Дегенмен, айта кететін бір жайт – бұл қылмыс болып табылады. Яғни, мұндай алаяқтық деректер Қылмыстық кодекстің 190-бабымен сараланды. Ол үшін кем дегенде үш жылдан аса бас бостандығынан айыру жазасы көзделеді, – дейді Алматы қалалық полиция департаментінің ресми өкілі Салтанат Әзірбек.

Оқи отырыңыз: "Енді ұят болады": Танымал қазақ әншісі фонограммаға қатысты ойын айтты

Осылайша тәртіп сақшылары ақпараттық тұрғыда сақтық шараларын күшейтіп, жеке мәлімет пен карта нөмірін ешкімге бермеу керектігін айтады. Сондай-ақ, алаяққа қатысты уақтылы арыз жазса, оларды ізін суытпай құрықтау қиындық тудырмайды екен.

7
Кілт сөздер:
жалған ақпарат, алаяқтық
Тақырып бойынша
Астанада туристік фирма алаяқтық жасады деген күдікке ілінді
Көкшетауда танымал кәсіпкердің қазасына орай ас берген мейрамханаға айыппұл салынды
Түркістанның бас судьясы алаяқтық жасағаны үшін сотталды
"Жастарға обал": танымал әншілер фонограммаға қатысты пікір білдірді
Әр балаға – 21 мың теңге: Сапарбаев алаяқтық жасағандар жауапқа тартылатынын айтты