Мүгедектер арбасы

Түркістан әкімі мүгедектер арбасына отырды

1119
(Жаңартылды 12:25 24.11.2019)
Түркістан облысы әкімінің орынбасары мен Түркістан қаласының басшысы мүгедектер арбасына отырып, қаладағы пандустарды тексерді

НҰР-СҰЛТАН, 24 қараша – Sputnik. Түркістан облысы әкімінің орынбасары Ұлан Тәжібаев пен шаһар басшысы Рашид Аюпов тротуарлардың сапасын білу үшін және пандустардың ыңғайлылығын тексеру үшін қаланы қоларбамен аралап өтті, деп хабарлайды облыс әкімінің баспасөз қызметі.

"Бір топ шенеунік «Сенім жүрек» мүгедектер қоғамдық бірлестігінің жетекшілерімен бірге Түркістан қаласындағы қоғамдық орындар мен орталықтарды аралады. Қоғамдық көлікке де мініп көрді", - делінген ақпаратта.

Аталған бірлестік қамкөңіл жандардың қоғамда тең мүмкіндікте өмір сүруіне жол бастайтын "Қолжетімді Қазақстан" жобасын ұсынған болатын.

Жобаны қолдап, мүмкіндігі шектеулі жандардың жағдайын түсіну үшін қоларбаға отырған билік басшылары қолайсыз пандустарды ауыстыруды тапсырды.

Түркістан облысы мен қала басшылығы
Түркістан облысы әкімінің баспасөз қызметі
Түркістан әкімі мүгедектер арбасына отырды

Олар мүгедек жандардың кез келген қоғамдық орынға баруына кедергі келтірмейтіндей жағдай жасауға тапсырма берді.

Бұған қоса, жаңадан салынып жатқан ғимараттарда пандус орнатып, оның биіктігін тиісті талапқа сай келтіруді міндеттеді.

1119
Кілт сөздер:
мүгедектер, әкім, Түркістан
Тақырып бойынша
Түркістан облысының әкімі өңірде неге зорлық жиілеп кеткенін түсіндірді
Назарбаев: Тәуелсіздік алғаннан соң Түркістанды астана ретінде қарастырдым
Түркістан облысында 26 экс-полицей сотталып кетті – олар қандай қылмыс жасады
Загрузка...