Алматы, архивтегі фото

Дабылды ескерту: 29 қарашада ауа райы қандай болады

2770
Синоптиктер Қазақстанның басым аумағында ауа райы жауын-шашынсыз болады деп болжап отыр. Үш облыста дабылды ескерту жарияланды

НҰР-СҰЛТАН, 28 қараша – Sputnik. Қазақстан аумағының басым бөлігіне әлі де антициклон ықпал ететіндіктен, ауа-райы көбіне жауын-шашынсыз болады.

Тек батыс өңірлерде биік жыраның жылжуына байланысты жауын-шашын – жаңбыр, қар жауады. Оңтүстік аймақтардың кей жерлерінде жел күшейеді. Ал республиканың кей жерлерінде тұман түседі.

Дабылды ескерту

Атырау облысында кей жерлерде тұман түсіп, көктайғақ болады, оңтүстік-шығыстан 15-20 м/с жылдамдықпен жел соғады деп болжануда.

Маңғыстау облысында кей жерлерде көктайғақ болып, оңтүстік-шығыстан соққан желдің жылдамдығы секундына 15-20 метрге жетеді.

Қарашаға ауа райы болжамы: аязды күндер қашан келеді

Қызылорда облысында 29 қараша мен 1 желтоқсанда кей жерлерде тұман түседі. 29 қарашада таңертең және күндіз,  30 қараша мен 1 желтоқсанда тәулік бойы кей жерлерде солтүстік-шығыстан оңтүстік-шығысқа ауысатын желдің жылдамдығы секундына 15-20 метр болады.

Өңірлердегі ауа райы

Маңғыстау, Атырау облыстарының кей жерлерінде жел 15-20 м/с күшейеді, көктайғақ болады. Атырау облысының кей жерлерінде тұман түседі.

Күндіз Жамбыл, таңертең және күндіз Қызылорда облыстарының кей жерлерінде жел 15-20 м/с күшейеді, кей жерлерде тұман түседі.

Түркістан, Батыс Қазақстан, Ақтөбе, Қостанай, Солтүстік Қазақстан, Шығыс Қазақстан, түнде және күндіз Қарағанды, түнде Алматы облыстарында тұман түседі.

Мегаполистердегі ауа райы

Шымкентте жұмыс аптасының соңғы күні күн ашық болады. Күндіз ауа температурасы 2-4 градусқа дейін жылынады, түнде сынап бағанасы минус 2-4 градусты көрсетеді.

Алматыда көшпелі бұлт шығады, жауын-шашын болмайды. Күндіз ауа температурасы 3-5 градус суық, түнде 7-9 градус аяз болады.

Нұр-Сұлтанда синоптиктер ауа райы құбылмалы, бұлтты болады, жауын-шашын түспейді деп болжайды. Күндіз сынап бағанасы минус 10-12 градусқа дейін көтеріледі, ал түнде 14-16 градус аяз болады.  

2770
Кілт сөздер:
дабылды ескерту, аяз, қараша, ауа райы
Тақырып бойынша
Фотофакт: елордада 30 градус аязда жейдемен жүрген ер адам жұртты таңғалдырды
Синоптиктер алдағы күндері ауа райы қандай болатынын айтты
Қап, адам

Маңғыстау әкімдігі желіде тарап кеткен видеоға қатысты түсініктеме берді

5911
(Жаңартылды 17:45 05.07.2020)
Әлеуметтік желіде ауруханада пакетте адам денелері жатқаны туралы ақпарат тарап кеткен болатын. Әкімдік мұны жоққа шығарып отыр

НҰР-СҰЛТАН, 5 шлде – Sputnik. Әлеуметтік желіде Ақтаудағы ауруханада пакеттерде мүрделер жатыр деген видео тарап кетті. Бұл видеоның Маңғыстау облысына еш қатысы жоқ, деп хабарлады облыс әкімдігі.

"Бұл ақпарат шындыққа жанаспайтынын ресми түрде мәлімдейміз. Аталған видеоны Ақтау қаласындағы ауруханамен байланыстырмауды сұраймыз", - деді облыстық әкімдікте.

Бұған дейін әлеуметтік желіде екінші карантин кезінде 75 мың теңге төленеді деген ақпарат тараған болатын. Сондай-ақ, қазақстандықтар Нұрсұлтан Назарбаев қан плазмасы негізінде коронавирусқа қарсы вакцина жасалады деген жалған ақпарат таратты.

Ақпарат және қоғамдық даму министрлігі жалған ақпарат тарату үшін қылмыстық кодекстің 274-бабына сәйкес жауапкершілік қарастырылғанын ескертті.

Бір айлық есептік көрсеткіштен 1 мың АЕК-ке (2 778 000 теңге) дейінгі айыппұл қарастырылған. Сондай-ақ, бір жылға дейін бас бостандығы шектеліп немесе бас бостандығынан айырылуы мүмкін.

Посмотреть эту публикацию в Instagram

Публикация от МАҢҒЫСТАУ ОБЛЫСЫНЫҢ ӘКІМДІГІ (@akimat_mangystau)

5911
Тақырып бойынша
"Назарбаевтың қанынан вакцина жасайды": министрлік түсініктеме берді
Министрлік 75 мың теңге төленетіні туралы ақпаратқа түсініктеме берді
"Ұшақпен белгісіз зат шашады": министр желіде тараған ақпаратқа жауап берді 
Ер адамның алтыннан жасалған маскасы жұртты таңғалдырды
"Бұған жол беруге болмайды": Тоқаев жұртты алаңдатқан мәселе туралы айтты
Найзағай

Алматыға ұшқалы тұрған: Павлодарда ұшаққа найзағай түсті

2319
Әуе кемесі Павлодарда қалды, ол инженерлік-техникалық тексерістен өтеді. Жолаушыларға елордадан басқа ұшақ ұшып шықты

НҰР-СҰЛТАН, 5 шілде – Sputnik. Павлодар әуежайында FlyArystan ұшағына жай түсті, деп хабарлайды өңірлік pavlodarnews.kz басылымы.

Ұшақ Павлодардан Алматыға ұшқалы тұрған.

"Инженерлер әуе кемесіне жай түскенін растады. Ұшақ Павлодарда қалады, борт техникалық тексерістен өтеді. Оқиға орнына инженерлер жіберілді", - деп мәлімдеді FlyArystan лоукостерінің PR-менеджері Ләзат Нәбиева.

Ол техникалық регламент бойынша инженерлік-техникалық тексеріс өткізу қажет екенін нақтылады.

Тағы оқыңыз: Ақорда үстіндегі таңғажайып құбылыс видеоға түсіп қалды

Төртінші шілде күні сағат 18.55-те 133 жолаушы Павлодардан Алматыға уақытында ұшып шыға алмады. Оларға астанадан басқа борт жөнелтілді, осылайша рейс төрт сағатқа кешікті. Рейсті күткен жолаушыларға тамақ пен сусын берілді.

"Қазгидромет" синоптиктері Павлодарда найзағай жарқылдап, нөсер жауын жауып, дауыл соғатынын ескерткен болатын.

2319
Кілт сөздер:
ұшақ, Павлодар, найзағай
Тақырып бойынша
Қарағанды облысында 69 жылқының өлексесі табылды
Жолаушылар ұшағын найзағай соққан сәт видеоға түсіп қалды
Шығыс Қазақстанда жасөспірімге жай түсіп қаза тапты
Жаяу жүргінші жай түсіп жүрегі тоқтаған баланы құтқарып қалды
Дәріхана, архивтегі сурет

COVID-19: министр қандай дәрілер көмектеспейтінін айтты

227
Министр қазіргі уақытта көптеген адамдар дәрігерден кеңес алмай, өзін-өзі емдеумен айналысып жатқанын айтты

НҰР-СҰЛТАН, 5  шілде – Sputnik. Денсаулық сақтау министрі Алексей Цой коронавирус инфекциясынын айықтырмайтынын дәрілерді атады, деп хабарлайды Sputnik Қазақстан тілшісі.

"Мысалы, қазір бәрі "Цефтриаксон" деген бактерияға қарсы препаратты іздейді. Алайда Қазақстанда осы дәрінің 30-ға жуық атауы тіркелген. Соның ішінде "Цефаксон", "Аксон", "Белацеф", "Севацеф", "Сертоцеф", "ЦЕФ-триаксон", "Ротацеф", "Медаксон", "Зибан", "Цефасон", "Рацифин" және тағы басқа аналогтар бар", - деді Цой бүгінгі онлайн брифингте. 

Министрдің айтуынша, вирусқа қарсы препараттар да солай. Қазір көбі "Ингавирин" іздейді. Алайда осы іспетті 23 аналог бар. Олар – "Кагоцел", "Грипповир", "Пановир", "Арбидол", "Амиксин", "Тамифлю", "Ремантадин", "Флустоп", "Намидес", "Арпефлю" және тағы басқа дәрігер. 

"Вирусқа қарсы препараттар көп. Алайда ол дәрілер коронавирусты емдеу схемасына кірмейді. Қазір халық оның бәрін жаппай сатып алып жатыр. Бірақ онымен коронавирус инфекциясы емделмейді. Ондай дүрбелең туғызбау қажет. Себебі адамдар дәрігерлерден кеңес алмай, ол препараттарды сатып алады да, өзін-өзі емдеумен айналысады. Оның коронавирусқа қарсы көмегі болмайды", - деп атап көрсетті Цой.

227
Тақырып:
Коронавирус эпидемиясы