Мәйітхана

Қарағандыда жоғалып кеткен әйелдің мәйіті табылды: полиция мән-жайды айтты

678
(Жаңартылды 16:11 03.12.2019)
38 жастағы әйелдің екі баласы қалды. Полиция оқиғаға қатысты сотқа дейінгі тергеу басталғанын хабарлады

НҰР-СҰЛТАН, 3 желтоқсан – Sputnik. Қарағандыда көшедегі контейнерлердің бірінде жоғалған әйелдің мәйіті табылды, деп хабарлайды Sputnik Қазақстан тілшісі Қарағанды облысы полиция департаментінің баспасөз қызметіне сілтеме жасап.

Полицияның мәліметіне сәйкес, ол 29 қараша күні із-түссіз жоғалып кеткен еді.

View this post on Instagram

A post shared by Патриот Караганды (@patriotkaragandy) on

Оқиғаға қатысты қылмыстық кодекстің 99-бабының 1-бөлігі ("адам өлтіру") бойынша сотқа дейінгі тергеу басталды. Еріктілердің айтуынша, Жанар Бөлегенова 29 қараша күні сағат 10:00 кезінде үйінен шығып, таксиге отырған. Өзімен бірге қомақты ақша алыпты.

Полиция жедел шара нәтижесінде 36 жастағы күдіктінің ұсталғанын хабарлады. Тергеу жүріп жатыр.

Жанар Бөлегенованың екі баласы қалды.

678
Кілт сөздер:
полиция, мәйіт, әйел, Қарағанды
Тақырып бойынша
Қызылорда облысында автобус аударылды: бірнеше адамның мәйіті табылды
Хат жазып қалдырған: Солтүстік Қазақстанда қыз бен жігіттің мәйіті табылды
Шығыс Қазақстанда өз қызын зорлап, қашып кеткен тұрғынның мәйіті табылды  
Қызылордада 8 адамның өмірін қиған жол апаты: жаңа деректер шықты
Қарағанды облысында әйелдің өртенген мәйіті табылды
Дәріханадағы сатып алушы

Қостанайда дәріхана иесіне 1 теңге үшін 360 мың теңге айыппұл салынды

39
(Жаңартылды 14:34 14.08.2020)
Қазақстанда анальгиннің максималды бағасы – 149 теңге. Ал ауылдық дәріханада бұл дәрі 150 теңгеге сатылған

НҰР-СҰЛТАН, 14 тамыз – Sputnik. Қостанай облысындағы Бейімбет Майлин ауданының Айет ауылында дәріхана иесіне 361 140 теңге айыппұл салынды, деп хабарлайды жергілікті "Наша газета" сайты.

Инспектордың айтуы бойынша, әйел оларға анальгинді 150 теңгеден сатқан. Ал оның ең шекті  бағасы – 149 теңге болған.

Дәріхана қожайыны араша сұрап, сотқа жүгінген. Алайда, өзінің инспекторларға анальгин сатпағанын дәлелдеуіне тура келіп тұр.

"Чекте дәрінің анальгин екені көрсетілмеген. Тек, 13.01 күні 150 теңгеге арнап шығарылған. Анальгин сатылған уақыт пен менің атыма әкімшілік хаттама толтыру арасында 14 минут өткен. Міне, осы арадағы уақыт мұқият зерделенуі тиіс", - дейді Ольга Ведлер.

Анальгиннің максималды бағасы – 149 теңге.

Сотта аудандық тауарлар мен қызметтердің сапасын және қауіпсіздігін бақылау бөлімінің бастығы Бауыржан Баймұхамбетов анальгин сияқты қарапайым дәрілердің бағасын олардың өкілдері қадағаламағанын жеткізді.

"Біздің өкілдеріміз антибиотиктер мен антикоагулянттардың бағасын бақылап отырды. Бірақ сол күндері (23 шілдеде) айрықша бақылау жүргізбедік, өйткені бұл дәрі-дәрмектер сатылымда болған жоқ", - деді Баймұхамбетов.

Оқи отырыңыз: Алматыда дәріхана басшысы тексеруге келген депутатты сыртқа қуып шықты

Алайда, сот отырысында Ольга Ведлерге инспекциялық топтың заңсыз әрекеттері туралы айғақтарға қатысты көптеген сұрақтар қойылды. Ол бұл сұрақтарға нақты жауапты келесі сот отырысында дәлелмен көрсетуге уәде етті.

39
Кілт сөздер:
дәрі-дәрмек, дәріхана, дәрі
Тақырып:
Төтенше жағдай және карантин
Тақырып бойынша
Қазақстанда дәрі-дәрмек сату саласында 400-ге жуық заңбұзушылық анықталды
Министрлік тегін дәрі алу үшін не істеу керек екенін айтты
Ибупрофен, парацетамол және цефтриаксон: елордаға қандай дәрі-дәрмек жеткізілді
Парацетамол ұрлаған: Атырауда дәріхана тоналды
Қазақстанда оқушыларға дәрілік есірткі сатқан 101 дәріхана басшысы жауапқа тартылды
Портфель

Жезқазғанға жаңа әкім тағайындалды

41
(Жаңартылды 14:20 14.08.2020)
Жезқазғанның бұрынғы әкімі Қайрат Бегімов басқа жұмысқа ауысуына байланысты қызметінен босатылды

АЛМАТЫ, 14 тамыз– Sputnik. Жезқазғанның жаңа әкімі болып Қайрат Әбсаттаров тағайындалды. Бұған дейін ол "Азаматтарға арналған үкімет" мемлекеттік корпорациясының басқарма төрағасының бірінші орынбасары –басқарма мүшесі қызметін атқарған.

Жаңа басшыны Қарағанды облысының әкімі Жеңіс Қасымбек таныстырды, деп хабарлады облыс әкімдігінің баспасөз қызметі.

"Қайрат Бектайұлының мемлекеттік басқаруда тәжірибесі бар, қаладағы мәселелерді біледі және шешімін табады. Ол тәжірибесімен білімінің арқасында президент қойған міндеттерге сәйкес жұмысты ұйымдастыра алады", - деді Қасымбек.

Қаланың жаңа басшысының кандидатурасы Жезқазған мәслихатының депутаттарына кезектен тыс сессияда ұсынылды. Олар Қайрат Әбсаттаровқа бірауыздан дауыс берді.

Ал Қайрат Бегімов президент әкімшілігінің келісімімен басқа жұмысқа ауысуына байланысты атқарып отырған қызметінен босатылды.

Қайрат Әбсаттаров туралы не білеміз?

Қайрат Бектайұлы Әбсаттаров 1966 жылы Жезқазғанда дүниеге келген. Үш жоғары білімі бар. 1990 жылы Қарағанды политехникалық институтын "автомобиль және автомобиль шаруашылығы" мамандығы бойынша;

1998 жылы О.Байқоңыров атындағы Жезқазған университетін "экономика және өндірісті басқару" мамандығы бойынша;

 2018 жылы "МИСиС" Ұлттық техникалық зерттеу университетін "іскерлік әкімшіліктендіру магистрі" мамандығы бойынша тәмамдаған.

1990-1997 жылдары Жезқазғанның автомобиль өнеркәсібінің өнеркәсіп кәсіпорындарында, Қарағанды облысының әкімшілік аппаратында еңбек еткен.

Әр жылдары стратегиялық жоспарлау және реформалау агенттігінде, Қазақстан президентінің әкімшілігінде жұмыс істеген, ақпарат және байланыс министрлігінің жауапты хатшысы лауазымын атқарды. Сонымен қатар көлік және коммуникация вице-министрі, бірнеше министрлікте комитет төрағасы болды. Одан кейін премьер-министр кеңсесін, өңірлік даму департаментін басқарды.

Оқи отырыңыз: Жаңа әкім Павлодар қаласының атауын өзгертуге қатысты пікір білдірді

2019 жылдан бастап осы күнге дейін "Азаматтарға арналған үкімет" мемлекеттік корпорациясы басқармасы төрағасының бірінші орынбасары – басқарма мүшесі болған.

"Құрмет" орденімен марапатталған.

41
Кілт сөздер:
жаңа әкім, Жезқазған
Тақырып бойынша
Жаңа әкім Назарбаевқа Астананың құрылысын қалай жалғастыратынын айтты
Ақтөбе қаласына жаңа әкім тағайындалды
Шымкентке жаңа әкім келді
Нұр-Сұлтанның "Алматы" ауданына жаңа әкім тағайындалды
Ақтау қаласына жаңа әкім тағайындалды
Ер адам, архивтегі фото

Күзде теңге тағы құнсыздана ма сарапшылар пікір білдірді  

36
(Жаңартылды 17:07 14.08.2020)
Brent мұнайының қазіргі бағасы теңгенің қатты құнсызданбауына негіз болып отыр. Дегенмен бәрібір ұзақ мерзімде ұлттық валютаға қысым түседі

НҰР-СҰЛТАН, 14 тамыз – Sputnik. Алдағы күз айларында коронавирустың екінші толқыны басталады деп болжанып отыр. Өйткені жыл сайын сол уақытта инфекциялық аурулар өршіп кетеді. Үкімет дайындық шараларына кірісіп кетті. Ал халық арасында күзде теңге тағы құнсыздануы мүмкін деген әңгімелер де тарап жатыр. Sputnik Қазақстан тілшісіне сұхбат берген сарапшылар ұлттық валюта бағамына қатысты пікір білдірді.

Еңбек өнімділігін арттыру керек

Қаржы кеңесшісі Расул Рысмамбетовтың пікірінше, Қазақстан коронавирустың екінші толқынын жеңіл еңсереді. Себебі төтенше жағдай кезінде мемлекеттік органдар да, жеке құрылымдар да біраз тәжірибе жинады. Банктер мен компаниялар қашықтан жұмыс істеуге үйренді. 

"Иә, жыл сайын күзде инфекциялық аурулар өршіп кетеді. Сондықтан тағы шектеу шаралары енгізіледі деп ойлаймын. Бірақ коронавирустың екінші толқыны біріншісіне қарағанда жеңілдеу өтеді. Сол кезде цифрлық экономиканы дамытуға жақсы мүмкіндік болады", - дейді Рысмамбетов.

Сарапшының айтуынша, теңге бағамына пандемия да, карантин де қатты әсер етпейді. Негізгі фактор – мұнай бағасы және осы шикізатқа тәуелді отандық экономика.

"Теңге бағамына карантин немесе пандемия емес, мұнайға тәуелді экономикамен өткізген бейқам жылдар әсер етіп отыр. Теңге карантинге қарамастан, әлсірей береді. Шикізаттық мемлекеттің тағдыры сол, ылғи девальвацияға ұшырап отырады. Бүгінде осы проблеманы валюталық одақтар арқылы шешуге болады деген ұсыныстар бар. Алайда олай ғана емес, экономиканың сапасын және еңбек өнімділігін көтеріп те шешуге болады", - деп атап өтті Рысмамбетов.

Теңге қатты құнсыздана ма?

Экономист Бауыржан Ысқақов та теңгенің бағамы көбінесе мұнайға байланысты екенін айтып отыр. Сондықтан осы шикізаттың қазіргі бағасы күзде түспесе, теңге бағамы анау айтқандай өзгермейді деп санайды.   

"Қазір Brent маркалы мұнайдың бір баррелі 44-45 доллардың шамасында тұр ғой. Бұл теңгенің қазіргі бағамын ұстап тұруға жеткілікті. Меніңше, күзде ұлттық валютамыздың бағамы әрі кетсе, 440 теңгеге барады. Бірақ бір кездері "500-ге дейін жетуі мүмкін" деп айтылды ғой. Оған себептер де болған. Бірақ қазір жағдай өзгерді", - дейді Ысқақов.

Сарапшының айтуынша, коронавирусқа қарсы шаралар, вакцинаның шығуы, карантинді жеңілдету және тағы басқа жағымды өзгерістер оң әсерін беріп жатыр.

Оқи отырыңыз: Досаев теңгенің не себепті әлсірегенін түсіндірді

"Сондықтан күзде теңге қатты құлдырап кетеді, девальвация болады деп айта алмаймын. Оған қоса үкімет дағдарысқа қарсы шараларды қолға алды. Ұлттық қордан біраз ақша бөлінді. Жалпы, осы саладағы шаралардың нәтижесі көріне бастайды. Бірақ коронавирустың екінші толқыны болса, қосымша қолдау шараларын қолға алу қажет. Экономиканы дамытпасақ та, осы қарқында ұстап қалу үшін тағы ақша құю керек болады", - деді Ысқақов.

Санкция теңгеге кері әсер етуі мүмкін

Ал GSB UIB бизнесті талдау орталығының сарапшысы, экономист Мақсат Халық ұлттық валютамызға оң әсер етіп жатқан қазіргі сыртқы факторды атады. Ол – доллардың құнсыздануы.

"Негізі қазірдің өзінде теңгеміз біраз құнсызданып кететін еді. Бүгінде АҚШ-тың федералды резерв жүйесі долларды көптеп басып, экономикасына салып жатыр. Ал ақша массасының өсуі доллардың әлсіреуіне себеп болды. Қазір доллар еуроға қарағанда, Швейцарияның франкіне қарағанда біраз құнсызданды. Демек, әлемдік валюталарға шаққанда доллардың өзі әлсіреп, теңгеміздің қатты құнсызданбауына септігін тигізіп тұр", - деп түсіндірді Халық. 

Экономистің айтуынша, санкциялық соғыстар теңгеге кері әсер етуі мүмкін. Мәселен, АҚШ-тың Ресейге қатысты санкциялары күшейтілетін болса, рубль біраз құнсызданады. Ұлттық валютамыз да әлсірейді. Ал мұнайдың қазіргі бағасы теңге бағамын ұстап тұр. Алайда уақыт өте келе, ұлттық валютамызға қысым түседі. 

"Brent маркалы мұнай бағасының 40 доллардан жоғары тұрғаны теңгеміздің қатты құнсызданбауына негіз болып отыр. Бірақ бәрібір ұзақ мерзімде ұлттық валютамызға қысым түседі. Өйткені экспортымыздың көп бөлігі осы шикізаттан тұрады. Ал экспорттан түсетін ақша азайса, теңгенің жағдайы қиындайды. Сондықтан ұзақ мерзімде ұлттық валютамыз қатты құнсызданбаса да, ақырын-ақырын құнын жоғалтуы мүмкін", - дейді Халық.

36
Кілт сөздер:
доллар бағамы, теңге бағамы
Тақырып бойынша
"Экономикалық ахуал күрделі": қаржы министрі алдағы жоспар туралы айтты
Brent мұнайының қымбаттауы теңгеге қалай әсер етті
Ұлттық экономика министрі келешегі бар салаларды атады
Тоқаев теңге бағамына қатысты бірқатар тапсырма берді