Нью-Йорк полициясының логотипі

Нью-Йоркте қазақстандық ұсталды: министрліктің ресми түсініктемесі

868
Сыртқы істер министрлігі Нью-Йорк полициясынан әзірге ұсталған адам туралы ресми ақпарат түспегенін хабарлады

НҰР-СҰЛТАН, 9 желтоқсан – Sputnik. Қазақстан сыртқы істер министрлігіне АҚШ билігінен республиканың 27 жастағы азаматының ұсталғаны туралы ресми ақпарат түскен жоқ. Бұл туралы брифинг барысында сыртқы істер министрлігінің ресми өкілі Айбек Смадияров мәлімдеді, деп хабарлайды Sputnik Қазақстан тілшісі.

Нью-Йоркте Қазақстан азаматының ұсталғаны туралы ақпарат 6 желтоқсанда АҚШ-тың иммиграция және кеден полициясының сайтында жарияланды.

"Нью-Йорк полициясынан ешқандай ресми ақпарат түспегенін хабарлаймыз. Өздеріңіз білетіндей, америкалық тарап заңсыз көші-қонмен күрес жүргізіп жатыр. Мұндай рейдтер оқтын-оқтын өткізіліп тұрады", - деді Смадияров журналистердің сұрағына жауап бере отырып.

Сондай-ақ, Қазақстан сыртқы істер министрлігінің өкілі америкалық тарап кейде шетелдіктерді ұстап, кейін босатып жіберетінін атап өтті. Сонымен қатар ұсталғандар туралы ақпарат үшінші елдердің дипломатиялық өкілдіктеріне берілмейді.

Тағы оқыңыз: Қазақстандық жігіт Кореяда қылмыс жасап, елден қашып кетті

Америка полициясының мәліметінше, мегаполисте бес күнде иммиграциялық заңдарды бұзғаны үшін 12 шетелдік қамауға алынған. Тұтқындалғандардың бәрі – жазадан қашып жүрген қылмыскерлер. Ұсталғандардың арасында елінде іздеу салынған 27 жастағы қазақстандық бар болып шықты. Ол адам тонағаны үшін бес жылға сотталған. Ұсталғандардың бәрі Нью-Йоркте қамауға алынып, иммиграция қызметі сотындағы сот тыңдауын күтіп отыр.   

868
Кілт сөздер:
Қазақстан азаматы, полиция, Нью-Йорк
Тақырып бойынша
Оңтүстік Кореяда баланы қағып кеткен қазақстандық жігіт 5 жылға сотталуы мүмкін
Қазақстандық волонтерлер енді шетелге жиі шығады
Шетелде тұратын қазақстандық әйел ұлын пышақтап өлтірді: оқиғаның мән-жайы
Лондон қазағы шетелдегі қандастарымыз туралы ащы шындықты айтты
Сегіз кредит жапқан: қомақты қаржы ұрлаған Қазақстан азаматы Ресейде ұсталды
Қазақстандық туристер шетелде ұятқа қалды
Ауа райы

40 градус ыстық: 26 мамырға арналған ауа райы

15
(Жаңартылды 23:14 25.05.2020)
Қазақстанның бірқатар өңірінде дабылды ескерту жарияланды. Сейсенбі күні ыстық болады, бұршақ жауып, қатты жел соғады

НҰР-СҰЛТАН, 25 мамыр — Sputnik. Қазгидромет синоптиктері 26 мамыр күні бірқатар өңірде аптап ыстық болатынын айтты.

Алдағы үш күнге арналған ауа райы болжамында солтүстік өңірлерде күн салқындайтыны хабарланды. Оңтүстікте күн ыстық болады. Кей жерлерде жел күшейеді.

Дабылды ескерту

Ақмола облысында 26 мамырда күн күркіреп, бұршақ жауып, шаңды жел болады. Жылдамдығы - 15-20 м/с.

Күндіз Павлодар облысында желдің жылдамдығы - 25 м/с.

Сейсенбі күні Солтүстік Қазақстан облысында тұман болады, желдің жылдамдығы - 25 м/с.

Батыс Қазақстан облысында аптап ыстық. Плюс 37 градус, күн күркірейді.

26 мамырда Түркістан облысында шаңды дауыл, желдің жылдамдығы - 23 м/с. Күндіз батыста аптап ыстық, плюс 40 градус.

Ірі қалалардағы ауа райы

Елордада дабылды ескерту жарияланды. Шаңды дауыл болады, желдің жылдамдығы - 20 м/с. Ауа температурасы түнде 18-20 градус жылы, күндіз плюс 32-34 градус.

Алматыда түнде плюс 17-19 градус, күндіз – 31-33 градус ыстық.

Шымкентте түнде 19-21 градус жылы, күндіз сынап бағанасы 35-37 градусқа дейін көтеріледі.

15
Кілт сөздер:
ыстық, мамыр, ауа райы
Тақырып бойынша
Көкшетауда дауыл кезінде зардап шеккен екінші адам қайтыс болды
Қазақстанда дауылды жел 160 ғимараттың шатырын ұшырып әкетті
Алматыда жалға алынған көлік ағаш пен жеке үйдің қоршауын қиратты
Ақмола облысында қатты жел ағаштарды жұлып, үйлердің шатырын ұшырды
Дезинфекция жұмысы

Сұлтанғазиев қай облыстарда коронавирус жұқтырғандар саны артқанын айтты 

78
(Жаңартылды 18:55 25.05.2020)
Соңғы деректер бойынша Қазақстанда 8 531 адам вирус жұқтырды. Оның тең жартысы, 4 400-і дертінен айықса, 35 адам көз жұмды

НҰР-СҰЛТАН, 25 мамыр – Sputnik. Қазақстанның сегіз өңірінде коронавирус жұқтыру өсімі 7 проценттен көп. Бұл туралы денсаулық сақтау министрлігі тауарлар мен қызметтердің сапасы мен қауіпсіздігін бақылау комитетінің төрағасы Тимур Сұлтанғазиев мәлімдеді, деп хабарлайды Sputnik Қазақстан тілшісі.

Ол өткен аптамен салыстырғанда ауру жұқтыру өсімі артқанын атап өтті. Өңірлер өсім қарқыны бойынша бірнеше топқа бөлінген. Бірінші топқа өсім қарқыны 7 проценттен көп өңірлер жатады. 

"Бүгінгі таңда мұндай өсім сегіз өңір – Алматы, Атырау, Жамбыл, Қарағанды, Солтүстік Қазақстан, Қостанай, Шымкент және Түркістанда тіркелген. Солтүстік Қазақстанда өсімнің жоғары болуы Ресейден келгендермен байланысты", - деді Сұлтанғазиев онлайн брифингте. 

Екінші топтағы өңірлерде өсім қарқыны 7 проценттен төмен, бірақ 5%-тен жоғары. Олар: Ақмола, Ақтөбе облыстары және Нұр-Сұлтан қаласы. 

Үшінші топқа ауру жұқтыру өсімі 5 проценттен төмен өңірлер жатқызылды. Олар: Шығыс Қазақстан, Батыс Қазақстан, Қызылорда, Маңғыстау, Павлодар облыстары және Алматы қаласы. 
Сұлтанғазиевтің айтуынша, індетке шалдыққандар санының артуы ірі кәсіпорындар мен ұйымдар жұмысының жандануымен байланысты. 

Соңғы деректер бойынша Қазақстанда 8531 адам вирус жұқтырды. Оның тең жартысы, 4400-і дертінен айықса, 35 адам көз жұмды.

 

78
Кілт сөздер:
коронавирус, облыс
Тақырып:
Коронавирус эпидемиясы
Тақырып бойынша
COVID-19 инфекциясын жұқтырған науқастар үшін қауіпті дәрілер аталды
Алматыда маскасыз жүргендерге айыппұл салынуы мүмкін
Жұмысқа шыққандар арасында вирус жұқтырғандар көбеюде – министрлік
Оралда балабақшаның екі қызметкерінен коронавирус табылды
Атырауда үш жасар қыздың коронавирусты қалай жұқтырғаны анықталды