Астанадағы тұман, терезеден түсірілген сурет

Қазақстанның бірнеше өңірінде дабылды ескерту жарияланды

1101
Ертең, жетінші қаңтар күні еліміздің бірқатар аймағында тұман түсіп, көктайғақ болады деп болжанып отыр

НҰР-СҰЛТАН, 6 қаңтар – Sputnik. Синоптиктер республиканың астанасы мен төрт облысында дабылды ескерту жариялады, деп хабарлайды Sputnik Қазақстан.

Ертең Нұр-Сұлтанда тұман сақталады.

Ақмола облысының кей жерлері мен Көкшетау қаласында да тұман түседі.

Қостанай облысының кей жерлерінде – тұман, көктайғақ.

Түркістан облысының кейбір аймағында тұман және көктайғақ күтіледі.

Шымкент пен Түркістан қалаларында да түнде және таңертең –  тұман, көктайғақ.

Тағы оқыңыз: 2020 жылға жұлдыз жорамал: тышқан жылы кімдер үшін сәтті болады?

Қызылорда облысының кей жерлерінде тұман түсіп, көктайғақ сақталады.

Бұған дейін Қазгидромет алдағы үш күндегі ауа райына болжам жасады. Республиканың басым бөлігінде қар жауып, бұрқасындатады, көктайғақ болады. Ауа температурасы төмендейді деп болжанып отыр.

1101
Кілт сөздер:
дабылды ескерту, синоптиктер, Қазгидромет
Тақырып бойынша
Синоптиктер қазақстандықтарды қандай қыс күтіп тұрғанын айтты
Синоптиктер қаңтар айында ауа райы қандай болатынын айтты
Спаниель

Петропавл тұрғыны итті төртінші қабаттан лақтырып жіберді

42
Ветеринарлар итті аман алып қала алмады. Жануарға қатыгездік көрсеткен әйел 27 мың теңге көлемінде айыппұл төлеуге міндеттелді

ПЕТРОПАВЛ, 2 маусым – Sputnik. Петропавлда әйел итті төртінші қабаттан лақтырып жіберді, сот оған жануарға қатыгездік көрсеткені үшін айыппұл салды, деп хабарлайды Sputnik Қазақстан тілшісі.

Оқиға Хименко көшесіндегі үйде болды. 45 жастағы қала тұрғыны итті төртінші қабаттан лақтырған. Оқиғаға куә болған тұрғындар полиция шақырды. Келген полицейлер көпқабатты үйдің терезесінің астында шала-жансар күйде жатқан үй жануарын тауып алған.  

Ветеринарлар қанша тырысса да, спаниель тұқымдас итті құтқару мүмкін болмады.

"Бұл факті Қазақстан Қылмыстық кодексінің 316-бабы (жануарларға қатыгездік таныту) бойынша сотқа дейінгі тергеудің бірыңғай тізіліміне енгізілді. Иттің иесі мас болғаны анықталды", - деді Солтүстік Қазақстан облысы полиция департаменті бастығының орынбасары, полиция полковнигі Еңбек Сембин.

1 маусымда Петропавл қаласының соты оған 10 айлық есептік көрсеткіш мөлшерінде айыппұл салды, бұл 27 мың теңгеден асады (шамамен 69 доллар).  

Мас ер адам 10 айлық сәбиін терезеден лақтырып жіберді 

"Үкім күшіне енген сәттен бастап бір ай ішінде айыппұл төленбеген жағдайда ол жаза қоғамдық жұмысқа тарту немесе қамауға алумен ауыстырылады", - деп түсіндірді облыстық полиция департаментінің баспасөз қызметі.

42
Кілт сөздер:
Петропавл, ит
Тақырып бойынша
Мас жігіт терезеден тастап жіберген 3 айлық баланы куәгер қағып алды  
Семейде анасы үш жасар баласын бесінші қабаттан лақтырып жіберді
Дәрігерлер әкесі терезеден лақтырып жіберген сәбидің хәлі туралы айтты
Перзентханада әйел екі сәбиді терезеден лақтырып жіберді
Жедел-жәрдем көлігі

Соққыға жығылған Бурабайдың бұрынғы әкімі көз жұмды

1038
(Жаңартылды 17:34 02.06.2020)
Бурабай кентінің бұрынғы әкімін ұрып-соғып, оның өліміне себепші болған күдіктіні полицейлер ұстап, қамауға алды

НҰР-СҰЛТАН, 2 маусым – Sputnik. Ақмола облысындағы Щучинск қаласының тұрғыны ұрып-соғу салдарынан көз жұмды. Қазір осы оқиғаға байланысты қылмыстық іс қозғалды. Ал марқұм бұрын Бурабай кентінің әкімі болған, деп хабарлайды Sputnik Қазақстан.

Оқиға 23 мамырда болған.

"Щучинск қаласының тұрғынына ауыр дене жарақатын салу фактісі бойынша 23 мамырда Қылмыстық кодекстің 106-бабы 1-бөлігі (қасақана ауыр зиян келтіру) бойынша сотқа дейінгі тергеу басталды. 25 мамырда осы қылмысты жасаған күдікті Бурабай аудандық полиция бөлімінің уақытша ұстау изоляторына қамалды", – делінген Ақмола облысы полиция департаментінің баспасөз хабарламасында.

27 мамырда Бурабай аудандық соты күдіктіні үй қамауына алу туралы шешім шығарды.

Ал сенбі, 30 мамырда ер адам қайтыс болды.

"Жәбірленушінің қайтыс болуына байланысты іс Қылмыстық кодекстің 106-бабының 3-бөлігіне ауыстырылды (абайсызда жәбірленушінің өліміне әкеп соққан қасақана жасалған дене жарақаты). Күдікті Бурабай аудандық полиция бөлімінің уақытша ұстау изоляторына қамалды", – деді баспасөз қызметі.

Айта кетейік, аталған бап бойынша сегіз жылдан он екі жылға дейін бас бостандығынан айыру жазасы қарастырылады.

Құқық қорғау органдарының өкілдері бұл факт бойынша Бурабай ауданы полиция бөлімінің тергеу бөлімі мұқият және объективті тергеу жүргізетінін атап өтті. Қылмыстық іс департамент басшылығының жіті бақылауында.

Сонымен бірге, баспасөз қызметі марқұм Шыңғыс Темірбековтің бұрын Бурабай кентінің әкімі болғанын растады.

Оқи отырыңыз: Жұдырық ала жүгірді: Ақтаудағы төбелес видеоға түсіп қалды

1038
Кілт сөздер:
құқық бұзу, экс-әкім, Бурабай
Тақырып бойынша
Шымкентте жаппай төбелес кезінде ауыр жарақат алған жігіт қайтыс болды
Бурабай курортын шетелдік инвесторларға беруі мүмкін
Бурабай санаторийінің экс-басшысы пара алғаны үшін сотталды
Нұр-Сұлтандағы мемлекеттік мекемеде не үшін төбелес болды – видео
Алматылық адвокатты соққыға жығу бұзақылық ретінде квалификацияланды
Жадкевич атындағы Мәскеу қалалық клиникалық ауруханасының бас дәрігері Александр Мясников

Бұрынғы КСРО елдерінде коронавирустан қайтыс болу көрсеткіші төмен

0
(Жаңартылды 23:14 02.06.2020)
Дәрігер Мясников өлім-жітімнің төмен көрсеткішін КСРО-да медицинаның ерекше болуымен байланыстыра түсіндірді

НҰР-СҰЛТАН, 2 маусым — Sputnik. Белгілі ресейлік тележүргізуші, Жадкевич атындағы Мәскеу қалалық клиникалық ауруханасының бас дәрігері, коронавирусқа қатысты жағдайды бақылау жөніндегі ақпарат орталығының өкілі Александр Мясников Sputnik арнайы онлайн-видеокөпірі кезінде шын мәнінде коронавирустың қалай дамитынын және неліктен Италия, Испания және АҚШ-тағы қайғылы жағдайлардың посткеңестік елдерде қайталанбағанын айтып берді.

КСРО құрамына кірген көптеген елде коронавирус індетінен болатын өлім-жітім көрсеткішінің әлемдік деңгейден әлдеқайда төмен болуы ғалымдар мен дәрігерлерді таңғалдырып отыр. Coronavirus-monitior.ru сервисінің мәліметінше, 1 маусымдағы жағдай бойынша олардағы өлім деңгейі Өзбекстандағы 0,4% -тен Литвадағы 4,23% -ке дейінгі аралықта құбылады. Ал Италия мен Ұлыбританияда бұл көрсеткіш –14%, Францияда – 15%, Бельгияда – 16%.  

Оқи отырыңыз: Қазақстан коронавирустың екінші толқынынан қалай сақтанып жатыр 

"Саясаткерлер, білікті дәрігерлер қазір бұрынғы Кеңес Одағы елдеріне үңіле бастады, - дейді дәрігер Мясников. – Ауыр науқастар мен қайтыс болғандардың саны эпидемияның қазіргі жағдайын көрсетеді. Ал бұрынғы КСРО-ның барлық елінде өлім-жітім деңгейі төмен. Неліктен екенін бағамдау қажет. БЦЖ-ның (КСРО-да кеңінен қолданылған туберкулезге қарсы вакцина) пайдасы тиген болуы мүмкін, айтпақшы, қазірдің өзінде зерттеу жүргізіліп жатыр – америкалықтар шағын топтарға БЦЖ еге бастады. Дүниежүзілік денсаулық сақтау ұйымы да: "Мәселе БЦЖ-ға иммундық жауапта болуы мүмкін, бірақ әзірге оны ұсынбаймыз" деді". 

Мясников посткеңестік елдер халқының иммунитеті коронавирусқа төзімді екенін айта келе, бұл жағдайдың бұрын туберкулез инфекциясын жұқтыру деңгейінің жоғары болуымен байланыстырылуы мүмкін екенін болжады.

"Кейбір ғалымдар жасырын туберкулездің таралу деңгейінің жоғары болуы иммундық жүйенің өзгеруіне әкеледі, сондықтан коронавирус үлкен қарсылыққа кезігеді" деп болжап жатыр, – дейді сарапшы. – Бірақ біз орыстар, белорустар, украиндар, қазақтар неліктен америкалықтардан, француздардан және италиялықтардан он есе аз өлетінін анықтауымыз керек. Мәселенің басын ашу керек".  

0
Кілт сөздер:
КСРО, коронавирус
Тақырып бойынша
Қазақстанда 7 журналист коронавирус жұқтырды
Бас санитар дәрігер той-томалақ өткізуге бола ма деген сұраққа жауап берді
Қазақстандық әкім коронавирус жұқтырды
Қазақстанда алған коронавирус анықтамасы ЕАЭО елдерінде жарамсыз – бас санитар дәрігер