Бойжеткен, архивтегі фото

"Буындырып, тепті": Алматылық қызды ұрлап әкетіп, жезөкшелікке мәжбүрлеген

3698
Құлдықтан қашып құтылған бойжеткенді екі күн қамауда ұстағандардың бірі оның бұрынғы жеңгесі болып шықты

НҰР-СҰЛТАН, 14 қаңтар – Sputnik. Алматыда 25 жастағы бойжеткен өзін біреулер ұрлап әкетіп, жезөкшелік жолға түсірімек болғанын айтып шағымданды.

Денесінің сау тамтығы қалмай таяқ жеген жәбірленушінің айтуынша, оны әуелі бір үйде соққыға жығып, кейін жеңіл жүрісті қыздардың ордасына алып барған. Ең сорақысы, бойжеткенді екі күн қамауда ұстағандардың бірі оның бұрынғы жеңгесі екен.

Қатты соққыдан есеңгіреп әрең тілге келсе де, жәбірленуші полицейлерге өзін қай жерде және кімдердің қамап ұстағанын көрсетіп берді, деп хабарлады КТК. 

"Зорлық-зобылықтың құрбаны болдым" деген 25 жастағы бойжеткеннің басы жарылып, үсті-басы түгел қанталап кеткен. Ауыр соққыдан есеңгіреп, әлсіреп қалыпты.

"Қарап тұрмаңдаршы, бәрің неге қарап тұрсыңдар?! Тамақ ішетін ожаумен, сосын тоқ ұзартқыштың бауымен буындырып, арқамнан теуіп, қолымен ұрып, тізесін батырды", - дейді жәбір көрген қыз.

Бойжеткеннің айтуынша, жұмыстан қайтқан бетінде оны ұрлап кетіп соққыға жыққандардың бірі туысқан ағасының бұрынғы әйелі екен. Ең сорақысы, қорғансыз жанды аяусыз тепкілегендер оны қорқытып-үркітіп, жеңіл жүрісті қыздардың қатарына қоспақ болыпты.

"Жезөкше болып жұмыс істейсің, әйтпесе, қағаздар жасап қойдым, апарып әке-шешеңе көрсетемін деді. Северное кольцо 32/Д немесе Г мекен-жайында автожуғыш бар, соның жертөлесінде жезөкшелер ордасы бар. Кешкісін мені сол жерге алып барды", - деп түсіндірді бойжеткен.

Тағы оқыңыз: Көкшетауда қыздарды алып қашып, секс-құлдыққа салған екі адам сотталды

Осылайша екі күн құлдықта болған ол ретін тауып, түн ішінде жақындарына хабарласқан. Өзін қай жерде күштеп ұстап отырғанын айтып үлгеріпті. Бірақ айтылған мекенге тәртіп сақшыларымен бірге жеткен туысқандары үйге кіре алмай, кері қайтыпты. Ал істің насырға шапқанын білген сыбайластар ертеңіне оны Сайран автобекетіне ертіп әкелген.

"Толық қыз сіңлімнің қасында келді. Сіңлімді көрдім. Құшақтап амандасқанда, "әпше, маған көмектесші, алып қашшы" деп жылады", - дейді әпкесі.

Алайда үйге жеткенше, белгісіз көлік аңдып келгенін айтқан әпкесі "сыртқа шығуға қорқамыз" дейді. 

"Екі жігіт торуылдап жүр" деген олар тек біздің көз алдымызда полиция шақырды. Ал тәртіп сақшыларына мән-жайды түсіндірген жәбірленуші өзін қай жерде күшпен ұстағанын көрсетіп берді.

- Мына жасыл қақпа. Қорқамын аға, кете берейінші, өтініш. Шығып қалса, қорқамын.

- Басқа қыздар болды ма?

- Иә, ішінде болды.

- Олар кім?

- Олар сол тәтеге жұмыс істейтіндер.

Жәбірленуші көрсеткен үй маңайында әп-сәтте сақшылардың қарасы  көбейіп, тіпті оқиға орнына жедел-тергеу тобы алып-ұшып жетті. Абыр-сабырды естіген көршілер бұл үйден талай рет жеңіл жүрісті қыздарды көргенін айтады. Ал алғашында қақпасын ашудан бас тартқан үй иесі, артынша полицейлерге тап берді.  Полицейлер үйдің ішін тінтіп, бірнеше адамды ішкі істер басқармасына алып кетті. Ал айдың күннің аманында зорлық көрген бойжеткен әлі де қауіпсіздігі үшін алаңдайтынын жасырмады.

3698
Кілт сөздер:
Алматы, жезөкшелік
Тақырып бойынша
Оңтүстік Корея азаматтары Алматыда 20-23 жастағы қыздарды жезөкшелікке салған
Атырауда Алматы тұрғыны науқас қыздарды күштеп жезөкшелікке салған
Шымкентте аяғы ауыр келіншекті үш айы бойы жезөкше болуға мәжбүрлеген
"Ақшаның астында қаласың". Кореяда жұмысқа тұрғызуға уәде берген алматылық әйел ұсталды
Иллюстративті фото

Былтырғы оқиға есіне түсіп кеткен: Көңілдесін ұрып өлтірген атбасарлық сотталды  

1131
(Жаңартылды 17:34 28.09.2020)
Ішімдік ішкен ер адам жатын бөлмеге кіріп, әйелді бауыр тұсынан бір ұрған. Ол қатты соққыдан сылқ ете түседі. Бірақ ашуға булыққан ер адам онымен тоқтамаған

НҰР-СҰЛТАН, 28 қыркүйек – Sputnik. Атбасарда көңілдесін ұрып өлтірген 35 жастағы ер адам 9 жылға бас бостандығынан айырылды, деп хабарлайды Sputnik Қазақстан.

Тергеу материалдарына сәйкес, ер адам үйінде ішімдік ішіп отырғанда өзімен бірге тұратын әйелдің 2019 жылы желтоқсан айында таныс адамымен көзіне шөп салғаны есіне түскен. Қызғаныш сезімі билеп, әйелден өшін алуға ұмтылған.

"Ол жатын бөлмеге кіріп, әйелді бауыр тұсынан бір ұрады. Ол қатты соққыдан сылқ ете түседі. Бірақ ашуға булыққан ер адам онымен тоқтамаған, басынан және бетінен ұрғылай берген. Әйел есінен танып қалғаннан кейін есікті құлыптап, далаға шығып кеткен. Сол күні үйге келмеген", - дейді полицейлер.

Келесі күні қайтып келгенде үйдің іші тым-тырыс болған. Көңілдесі жатын бөлмеде сол күйі қозғалмай жатқанын көрген.

Полицейлер атап өткендей, ер адамның зәресі ұшып, қылмыстық жазадан құтылудың амалын іздей бастайды. Содан әйелді далаға сүйреп шығарып, мәйітін жерқоймаға тастап, қашып кетеді.

"Жәбірленуші жабық бас сүйек-ми жарақатын алған. Біршама уақыттан кейін миы ісініп кеткен", - делінген сот-медициналық сараптамада.

Оқи отырыңыз: Түркістанда әйелін пышақтап өлтірген прокурорға сот үкімі шықты 

Қаскүнем тағы бір қылмыс жасайды. Көрші келіншектің кетіп қалғанын пайдаланып, үйіне түскен. Сол жерден ыдыс-аяқ пен тосап ұрлаған.  

Сот оны Қылмыстық кодекстің екі бабы – денсаулыққа қасақана ауыр зиян келтіру және ұрлық бойынша жазаға тартып, 9 жылға бас бостандығынан айыруға шешім шығарды.

1131
Кілт сөздер:
көңілдес, Атбасар
Тақырып бойынша
Күйеуін өлтіріп, анасының қабіріне көмген: елордалық әйелдің адам шошырлық қылмысы
Үйлену тойына ақша жетпеген: Шымкентте бай ерлі-зайыптыны өлтірген жігіт сотталды
Ер адам үйлену тойынан кейін әйелін жансақтау бөлімінен бір-ақ шығарды
16 рет пышақ сұққан: шымкенттік мұғалімді кім және не үшін өлтірді
Архивтегі фото

Алматыда 28 қыркүйектен бастап жылу беріледі

30
(Жаңартылды 16:07 28.09.2020)
Балабақшаларға, мектептерге, денсаулық сақтау нысандарына бүгінгі күннен бастап жылу толық қуатында беріледі

АЛМАТЫ, 28 қыркүйек – Sputnik. Алматыда жылу маусымы 28 қыркүйектен басталады, деп хабарлайды Sputnik Қазақстан.

"Алматы әкімі Бақытжан Сағынтаевтың тапсырмасы бойынша жылу маусымын бүгіннен, яғни 28 қыркүйектен бастау туралы шешім қабылданды. Энерготиімділік және инфрақұрылымдық даму басқармасының мәліметі бойынша жылу желілері мен жылумен қамту жүйелері 100% дайын", - деп хабарлады қала әкімінің баспасөз хатшысы.

Қалада ең алдымен бірінші кезекте жылуға әлеуметтік нысандар қосылады. Балабақшаларға, мектептерге, денсаулық сақтау нысандарына бүгінгі күннен бастап жылу толық қуатында беріледі.

Тұрғын үйлер осы апта ішінде жылу жүйелеріне қосылады.

Айта кетейік, қалада 444 білім беру нысаны, 133 денсаулық сақтау саласындағы нысан мен орталық жылу жүйесіне қосылған 8 024 көппәтерлі үй бар.

Жыл сайын қалада жылу маусымда 15 қазаннан бастап, орташа тәуліктік температура үш күн бойы +8 градустан төмен болған кезде басталатын еді.

Оқи отырыңыз: Нұр-Сұлтанда жылу беру маусымы уақытынан бұрын басталды 

Қазгидрометтің мәліметінше, Алматы мен Алматы облысында қазанда орташа айлық температура +6 +12°С шамасында болады.

Қазанның бірінші онкүндігінде ауа температурасы түнде +8...+13 градустан +3...+8 градусқа дейін төмендейді. Ал таулы және таулы аймақтағы аудандарда 0...+5 градустан 0...-5° градусқа дейін түседі.

Күндіз ауа температурасы +23...+28 градустан +10...+15°С-қа дейін, оңтүстікте +32°С-тан +20°С-қа дейін төмендейді.

Қазанның екінші онкүндігінде ауа температурасы түнде 0...+5° градустан +8...+13 градусқа дейін төмендейді. Таулы аймақтарда -3...-8 градустан -2...+3°С-қа дейін түседі.

Үшінші онкүндікте ауа температурасы түнде +5...+10°С-тан 0...-5°С-қа дейін, таулы аймақтарда -10°С болады деп болжанды. Күндіз +10...+15°С-тан 0...+5°С-қа дейін біртіндеп төмендеуі мүмкін.

30
Кілт сөздер:
Алматы, жылу беру маусымы
Тақырып бойынша
Үсік жүреді – қыркүйекте ауа райы қандай болады
Қазақстанда қар жауды – видео
Экология, геология және табиғи ресурстар министрі Мағзұм Мырзағалиев

Министр Мырзағалиев "Алтынемелде" түсірілген видеоны жариялады

441
(Жаңартылды 18:53 28.09.2020)
Орта Азияда сирек кездесетін қар барысы көктемде "Сайрам Өгем" ұлттық паркінде де көрініп еді, дейді экология министрі

АЛМАТЫ, 28 қыркүйек – Sputnik. Алматы облысында "Алтынемел" ұлттық паркінде алғаш рет қар барысы видеоға түсірілді. Бұл туралы экология, геология және табиғи ресурстар министрі Мағзұм Мырзағалиев мәлімдеді, деп хабарлайды Sputnik Қазақстан.

​Министр Twitter парақшасында қар барысының фото және видеосын жариялады.

"Жақсы жаңалықты бөліскім келіп отыр. "Алтынемел" мемлекеттік ұлттық табиғи паркінде алғаш рет қар барысы байқалды. Жануар фототұзақ объективіне ілінген. Орта Азияда сирек кездесетін сүтқоректі көктемде "Сайрам Өгем" ұлттық паркінде де көрініп еді", - деп жазды министр.

Министрдің айтуынша, Қазақстан аумағында 120-130 бас қар барысы бар. Жануар жоғалып кетудің алдында тұр.  

"Барыстың көзге түсуі – ерекше құбылыс. Біз сирек кездесетін жануарларды барынша қорғауымыз керек. Экология, геология және табиғи ресурстар министрлігі бұл үшін бірқатар шара қабылдап, жүзеге асырады", - деп жазды Мырзағалиев.

Айта кетейік, Қазақстанның ерекше қорғалатын 13 аймағына 294 фототұзақ орнатылған.

441
Кілт сөздер:
видео
Тақырып бойынша
Белгісіз құбыжық тұрғындардың зәресін алды – жантүршігерлік видео
Шымкент зообағында жас жігіт жирафқа мініп алды - видео
Африкада түсірілген видео жұртты күлдірді
Семейде жыртқыш аң видеоға түсіп қалды