Айыпталушы. Архивтегі фото

Ақтөбеде сатушы әйелді аяусыз өлтірген екеудің соты басталды

1543
(Жаңартылды 09:53 28.01.2020)
Сатушы әйел қылмыскерлерді танып, қарсылық көрсеткен көрінеді. Күдіктілер дүкендегі 140 мың теңгені қолды қылған

НҰР-СҰЛТАН, 28 қаңтар – Sputnik. Ақтөбе облысында сатушыны отыз жерден пышақтап, жауыздықпен өлтірді деп күдікке іліккен екі жігіттің соты басталды. Олардың үстінен пайдакүнемдік ниетпен топ болып кісі өлтіру және заңсыз есірткі затын қолдану баптары бойынша қылмыстық іс қозғалған.

Бұл жантүршігерлік оқиға Қарғалы ауданындағы Бадамша ауылын дүр сілкіндірген еді. Қанды оқиғадан шошымаған жан болмады. Бүгінгі сотқа келген де ауыл халқының қарасы көп болды. Барлығы бұл екі күдіктінің қатаң жазаланғанын қалайды, деп хабарлады "Астана" арнасы.

Көліктен қашып шыққан: Түркістан облысында таксисті өлтіріп кетті

"Марат екі рет отырып шыққан, екеуінде де адам өлтірген. Бұл үшінші жағдай. Бұл адамды енді өмірлікке жіберу керек қой. Дүкенге баса-көктеп кіріп өлтірген. Біздің тілегіміз бұл адам енді бұл жаққа келмейтін болсын", - дейді Бадамша ауылының тұрғыны Мамай Есеев.

Ауыл халқының айтуынша қамауға алынған жігіттің бірі ауыл тұрғыны, көпшілігі оны жақсы біледі. Бұрын да екі бірдей ауыл тұрғынын өлтіріп, істі болған екен. Сатушы келіншек үшінші құрбаны дейді. Аяусыз мойнына отыз рет пышақ салынған әйелді күйеуі тауып алыпты.

"Кіретін есік жабық тұр екен. Подъезд жақта екінші есік бар еді, сол жақтан кірдім. Қоймада сөмкесі шашылып жатыр. Сауда жасау залындағы терминалды аударып тастапты. Сол жағында әйелім қан жоса болып жатыр, жауыздықпен өлтірген", - дейді марқұмның жолдасы Тілектес Пірманов.

Марқұм болған Феруза Пірманова 46 жаста болған. Артында үш баласы қалды. Азапталған әйел қылмыскерлерді танып, қарсылық көрсеткен көрінеді. Сол кезде күдіктілер дүкеннен 140 мыңдай ақшаны да қолды қылған. Айыпталушылар кінәларын жартылай ғана мойындады деген тұрғындар олар жазадан құтылып кете ме деп сотқа арнайы келіпті.

1543
Кілт сөздер:
Ақтөбе, қанды оқиға
Тақырып бойынша
"Айқайлама, айтқанымды істе!": Алматыда әншіге шабуыл жасалды
Павлодарлық бизнесмен қарақшылардың қолынан ажал құшты
Шымкентте он жыл бұрынғы жантүршігерлік қылмыстың беті ашылды
Аса ауыр қылмысқа дайындалған: Алматыда мұздай қаруланған жігіт ұсталды
Ақтөбеде Өзбекстаннан көшіп келген кәсіпкер әйелді өлтіріп кетті
Архивтегі фото

"Кіріме дейін жуды": Індетті жеңген 89 жастағы кейуана дәрігерлерге алғыс айтты

9
Күмісхан Оразақынова коронавирус инфекциясын Кеген аудандық ауруханасына емделуге барғанда жұқтырып алған

НҰР-СҰЛТАН, 28 мамыр – Sputnik. Алматы облысында 89 жастағы кейуана коронавирустан емделіп шықты.

1931 жылы дүниеге келген Күмісхан Оразақынова бұл індетті Кеген аудандық ауруханасына емделуге барып, сол жердегі дәрігерлерден жұқтырып алған, деп хабарлайды "Хабар 24".

Ол 4 мамыр күні Еңбекшіқазақ ауданының Шелек ауылындағы аудандық ауруханаға жатқызылған.

Оқи отырыңыз: Қазақстанда 99 жастағы қария коронавирус жұқтырды 

"Пациент ауруханаға түскен кезде жағдайы орташа ауыр болды. Жас ерекшелігін ескере отырып, оны реанимация бөліміне орналастырдық. Өйткені қан қысымының жоғары болуы кез келген ауруды асқындыруы мүмкін еді. Сондықтан қатаң бақылауда ұстадық", - дейді дәрігерлер.

Кейін кейуананың 3 немересі коронавирус инфекциясын жұқтырып алғаны анықталды. Олар қазір Қарасай аудандық ауруханасында ем қабылдап жатыр. Ал Күмісхан Оразақынова ауруынан толық айығып, туған ауылы Кегенге оралды.

"14 күн бойы клиникалық протоколдарға сәйкес ем-шара жасалып, 15-күні COVID-19 ПЦР анализі оң нәтиже көрсеткендіктен, ары қарай 5 күнге ем-шараларды жалғастырдық", - дейді дәрігер-инфекционист Алмагүл Асқарқызы.  

Ал одан кейінгі екі ПЦР талдауы теріс нәтиже көрсетіп, жалпы клиникалық-лабораториялық көрсеткіштер дұрысталғандықтан ауруханадан шығарылған.

"Осы Шелектегі ауруханада жатып, жазылып шығып жатырмын. Сексен тоғыздамын, бәрі жақсы қарады. Өз үйімдегі балаларымнан артық қарады. Уақытымен тамағымды іштім, уақытымен жаттым. Кіріме дейін жуды. Оларға рахметімді айтамын. Дендері сау болсын!", - дейді Күмісхан Оразақынова.

9
Кілт сөздер:
кейуана, коронавирус
Тақырып:
Коронавирус эпидемиясы
Тақырып бойынша
Коронавирус жұқтырмағаныңды қалай білуге болады?
Нұр-Сұлтанда қарт адамдарға дәрі-дәрмек үйге жеткізіліп жатыр
Қазақстанда коронавирус жұқтырған ең қарт адамның жасы белгілі болды
Ғалым коронавирустан айыққан адам қандай қиындыққа тап болатынын айтып берді
Жедел жәрдем, архивтегі фото

Ақтөбеде хром қосылыстары зауытында 4 адам көз жұмды

808
(Жаңартылды 19:24 28.05.2020)
Абайсызда екі немесе одан да көп адамның өліміне әкеп соқтырған техника қауіпсіздігі ережелерін бұзу бабы бойынша сотқа дейінгі тергеу жүріп жатыр

НҰР-СҰЛТАН, 28 мамыр – Sputnik. Техника қауіпсіздігі ережесін бұзу салдарынан Ақтөбе хром қосылыстары зауытының төрт қызметкері қаза болды.

Оқиға 28 мамыр күні "АХҚЗ" АҚ-ның №4 цехында 50 текше метрлік бактың ішін тазарту жұмыстары кезінде болған. Бұл туралы облыстық полиция департаменті хабарлады.

Тағы екі адам ауыр жағдайда жатыр, олар жедел жәрдем ауруханасына жатқызылды.

Аталған факті бойынша Ақтөбе облысының полиция департаменті Қылмыстық кодекстің 156-бабы 4-бөлігі "Абайсызда екі немесе одан да көп адамның өліміне әкеп соқтырған техника қауіпсіздігі ережелерін бұзу" бойынша сотқа дейінгі тергеуді бастады.

Оқи отырыңыз: Түркістан облысында көз жұмған екі бала туралы ақпарат жарияланды 

Бұл бап жеті жылға дейінгі мерзімге бас бостандығын шектеу немесе дәл сол мерзімге бас бостандығынан айыру түріндегі жазаны қарастырады.    

Трагедияның мән-жайы анықталып жатыр. Оқиға орнында полиция мен құтқарушылар жүр.  

808
Кілт сөздер:
төтенше жағдай, зауыт
Тақырып бойынша
Нұр-Сұлтандағы трагедия: жүргізуші жас жігітті құтқару үшін өз өмірін қиған
Трагедия видеоға түсіп қалған: көпір құлап, адамдар қаза болды
Төрт жұмысшы кәріз құдығында қаза болды: жауаптылар 7 жылға сотталуы мүмкін
Үш адам қаза болды – Қарағандыдағы қайғылы оқиғаның мән-жайы
Қырғызстанда төтенше жағдай: екі адам көз жұмып, біреуі кепілге алынды
Зауыт қызметкері жұмыс істеп тұрған еттартқышқа құлап кетті