Полиция қызметкерлері

Министр Жамбыл облысы полициясының жаңа басшысын таныстырды

548
Отставкаға жіберілген өңірдің құқық қорғау департаментінің бұрынғы жетекшісі кадрлық резервке ауыстырылды

НҰР-СҰЛТАН, 11 ақпан — Sputnik. Ішкі істер министрі Ерлан Тұрғымбаев Жамбыл облысы полиция департаментінің жаңа жетекшісін таныстырды, деп хабарлайды Polisia.kz.

Департамент басшысы қызметіне полиция генерал-майоры Жанат Сүлейменов тағайындалды. Бұған дейін ол құқық қорғау ведомствосы басшысының бірінші орынбасары қызметін атқарған.

Жамбыл облысының бұрынғы бас полицейі Арман Оразалиев он адамның өмірін қиған өңірдегі қақтығыстан кейін президент тапсырмасы бойынша қызметінен босатылған болатын. Ол кадрлық резервке ауыстырылды делінген портал таратқан ақпаратта.

Жаңа басшы туралы не білеміз

Жанат Сүлейменов 1962 жылы Қарағанды облысы Нұра ауданы Кеңжарық ауылында дүниеге келген.

1984 жылы КСРО ІІМ Қарағанды жоғары мектебін тәмамдады. Ал 2001 жылы ішкі істер министрлігі академиясында магистрлік диссертация қорғады.

Министр внутренних дел Ерлан Тургумбаев представил нового главу полиции Жамбылской области
Департамент басшысы қызметіне полиция генерал-майоры Жанат Сүлейменов тағайындалды

Еңбек жолын Көкшетау облысындағы ішкі істер басқармасында бастаған.

Есірткімен күрес, криминалды полиция департаменттері басшысының орынбасары болған.  Қызылорда облысы, Оңтүстік Қазақстан облысы ішкі істер департаменттерінің басшысы, 2017 -2019 жылдар аралығында ішкі істер министрінің бірінші орынбасары қызметін атқарды.

548
Кілт сөздер:
басшы, полиция, Жамбыл облысы, министр
Тақырып:
Қордайдағы қақтығыс (69)
Тақырып бойынша
Қарақат Әбілдина желідегі шулы жазбасы жайлы: "Дүнгендерді жақтамадым"
"Адам өлтіргендер жазасын алады": Сапарбаев Дархан Әбдірахымның отбасына барды - видео
"Үшеуіне оқ тиді": министрлік Қордайдағы оқиға туралы нақты ақпарат берді
Жамбыл облысында бірнеше шенеунік пен полицей қызметінен босатылады
Ақсақалды кім ұрды - Қордай тұрғындары оқиғаның қалай өрбігенін айтып берді
Жандарбек Бекшин

Бекшин Алматыда енгізілген шектеу шараларын түсіндірді

0
Қазір қалада адамдар кәсіпкерлердің үйін жалға алып жатыр. Ұжым болып жиналып, карантин режимін бұзатындар көбейген

АЛМАТЫ, 3 маусым – Sputnik. Алматының бас санитар дәрігері Жандарбек Бекшин 1 маусымда қабылданған қаулыдағы шектеу шараларын түсіндірді, деп хабарлайды Sputnik Қазақстан тілшісі.

Қаулыға сәйкес, қала аумағанда топ болып жиналуға тыйым салынады.

"Қала алаңдарында, аумағында адамдардың топ болып жүруіне шектеу қойып жатырмыз. Қазір адамдар жеке үйлерді, кәсіпкерлердің үйін жалға алып жатыр. Ұжым болып жиналып, карантин режимін бұзатындар көбейді. Сол себепті осындай шешім қабылдадық", - деді ол.

Сонымен қатар баланы балабақшадан алып қайтуға егде жастағы кісілерді жібермеуге қатысты ұсынысын түсіндірді.

"60-65 жастан асқан кісілер инфекцияны тез жұқтыратын қауіпті топқа кіреді. Ең бірінші талап – оларды оқшаулау. Үлкендер бұл талапты қатаң сақтап келгендіктен науқастар арасында олардың саны көп емес. Жастардың үлесі – 41%,  үлкендердің үлесі жеті процентке жетпейді. Үлкендерге қарым-қатынасты азайту керек", - деді ол.

Қаланың бас санитар дәрігері мемлекеттік балабақшаны ашу туралы мәселе 15 маусымға дейін көтерілмейтінін айтты.  

Сонымен қатар ашық бассейн мен жағажайдың жұмысына рұқсат беру мәселесі де 15 маусымнан кейін қаралатынын жеткізді.

Оқи отырыңыз: Алматыда карантин шарасы күшейтіледі 

"Бізде күн ыстық, көбіне судың сапасы қажетті бактериологиялық және паразитологиялық көрсеткіштерге сәйкес келмейтінін көпжылдық талдау көрсетіп отыр. Сол себепті шомылу аймақтарын ашу мәселесін қарастырмаймыз. Оларды 1 маусымнан бастап ашу жөнінде бірқатар ұсыныс түсті, алайда бұл мәселені 15 маусымнан кейін қарастырамыз", - деді Бекшин.

Ол қаладағы спорт кешендерінде бассейн ашық екенін, ал Алматыдағы су қоймаларының сапасы сын көтермейтінін алға тартты.

0
Кілт сөздер:
Алматы, Жандарбек Бекшин
Тақырып:
Төтенше жағдай және карантин
Тақырып бойынша
Қазақстанда карантин кезінде балалар суициді жиілеген
Бекшин Алматыда қызметі тоқтатылған нысандарды атады
Әскерге шақырылғандар он төрт күнге карантинге алынады 
Алматыда той жасауға рұқсат берілді ме
Блок бекетте шын мәнінде не болғаны жұртқа жария етіледі – полиция бастығы
Архивтегі фото

Алматыда карантин шарасы күшейтіледі

20
(Жаңартылды 16:56 03.06.2020)
Жандарбек Бекшин карантин режимі күшейтілгендіктен, саябақтарда сауда нысандары, аттракциондар жұмыс істемейтінін айтты  

АЛМАТЫ, 3 маусым – Sputnik. Алматыда карантин режимі  күшейтіледі. Бұл туралы қаланың бас санитар дәрігері Жандарбек Бекшин мәлімдеді, деп хабарлайды Sputnik Қазақстан тілшісі.

"Қалада 2 715 адамнан коронавирус табылды, оның ішінде 1 627 адам жазылды. Сол себепті карантин жалғасады және күшейтіледі. Бассейн, жағажай, саябақтар мен гүлзарлардағы түрлі аттракциондар ашылмайды. Егде жастағы адамдар баратын шипажайлар, мәдениет нысандары, ойын-сауық ғимаратында орналасқан кинотеатрлар, фуд-корттар, балалар алаңдары жабық тұрады", - деді Бекшин брифингте.

Оқи отырыңыз: Бекшин Алматыда қызметі тоқтатылған нысандарды атады 

Сонымен қатар карантин талаптарын жиі бұзатын нысандар қайтадан жабылуы мүмкін. Нысандардың жұмысына талдау жасалып жатыр, деді ол.

Бекшин карантин режимін күшейту бойынша басқа да шаралар қабылданатынын айтты.

"Саябақта үш адамнан артық серуендеуге болмайды, бұл отбасы мүшелеріне қатысты емес. Қазір карантин режимі күшейтілгендіктен, саябақтарда сауда нысандары, аттракциондар жұмыс істемейді", - деді ол.

Сонымен қатар бас санитар дәрігер мектептерде аттестат тапсыру кезіндегі санитарлық нормалар жайлы айтып өтті.

"Ең алдымен бұл іс-шара 40-50 минут арасында өтеді, тек бір сынып қана жиналады. Жиналғандар саны 60 адамнан аспайды. Тізім бойынша өткізіп жатқан іс-шара арасында үзіліс бір сағатқа созылады. 60 минут ішінде оқушылар мен ата-аналар шоғырланбай, қуаныштарымен бөлісіп, маңызды іс-шара аяқталады", - деді ол.

Екіншіден, қатысушылар медициналық маска тағады, деп толықтырды Бекшин.

Бекшин брифинг барысында мемлекеттік балабақшаларды ашу мәселесі қашан қаралатынын айтты.

"Қазіргі таңда карантинді күшейту шарасын қолға алып отырмыз. 15 маусымға дейін мемлекеттік балабақшаны ашу мәселесін қарастырмаймыз", - деді ол.

Бекшиннің айтуынша, қазір қалада мәдени нысандар ашылған жоқ. Барлығы қаладағы санитарлық-эпидемиологиялық жағдайға байланысты болады. Егер науқастардың өсімі соңғы жеті күнде 2 проценттен төмен болса ғана мәдени нысандарды ашу мәселесі қаралады.

"Өткен аптада күніне 25-тен 117 жағдайға дейін тіркелді. Біз қала аумағында адамдардың топ болып жиналуына тыйым салу бойынша қосымша шаралар енгізуге мәжбүрміз", - деді ол.

20
Кілт сөздер:
Алматы, карантин
Тақырып:
Төтенше жағдай және карантин
Тақырып бойынша
Блок бекетте шын мәнінде не болғаны жұртқа жария етіледі – полиция бастығы
Әскерге шақырылғандар он төрт күнге карантинге алынады 
"Тревога" десе, үй киімімен барасың": арнайы жасақтағы қыздар ашық сұхбат берді
Алматыда той жасауға рұқсат берілді ме
Қазақстанда карантин кезінде балалар суициді жиілеген