Арман Оразалиев

Қызметінен босатылған полицей жамбылдықтарға үндеу жасады

34774
(Жаңартылды 07:58 18.02.2020)
10 ақпан күні президент Қасым-Жомарт Тоқаев Жамбыл облысының Қордай ауданындағы қақтығысқа байланысты бірқатар лауазымды тұлғаны қызметінен босату туралы тапсырма берген болатын

НҰР-СҰЛТАН, 11 ақпан — Sputnik. Қызметінен босатылған Жамбыл облысы полиция департаментінің бұрынғы бастығы Арман Оразалиев жамбылдықтарға алғысын білдірді.  

"Сіздермен қоштаса отырып, қызмет барысында көрсеткен қолдауларыңыз үшін баршаңызға зор алғысымды білдіргім келеді. Бұл, ең алдымен – белсенді азаматтар, полиция қызметкерлері, менің жақындарым. Сіздерге қай кезде де сенім артуға болатын. Жамбылдықтардың бойынан дәл осы қасиеттерді жоғары бағалайтынымды шын жүректен мойындаймын", - деп жазды ол әлеуметтік желідегі парақшасында.

Арман Оразалиев көптеген облыстарда жұмыс істегенін және әр өңірге өз пайдасын тигізуге тырысқанын айтқан.

Еске сала кетсек, кеше, 10 ақпан күні президент Қасым-Жомарт Тоқаев Жамбыл облысының Қордай ауданындағы қақтығысқа байланысты бірқатар лауазымды тұлғаны қызметінен босату туралы тапсырма берген болатын.

Оған сәйкес, Қордай аудандық полиция бөлімінің бастығы Азамат Айқымбеков пен Жамбыл облысы полиция департаментінің бастығы Арман Оразалиев қызметінен босатылды. 

Департамент басшысы қызметіне полиция генерал-майоры Жанат Сүлейменов тағайындалды. Ол бұған дейін  ішкі істер министрінің бірінші орынбасары қызметін атқарған.

34774
Кілт сөздер:
Жамбыл облысы, полицей, қызметтен кету
Тақырып:
Қордайдағы қақтығыс (69)
Тақырып бойынша
Қарақат Әбілдина желідегі шулы жазбасы жайлы: "Дүнгендерді жақтамадым"
Қордайдағы оқиға: арандатушылар ұсталды
Сапарбаев Қордайдағы қақтығысқа қатысты тың деректі бөлісті
Қордайдағы қақтығыс: Сапарбаев Қырғызстанға қашқандарға үндеу жасады
Ақсақалды кім ұрды - Қордай тұрғындары оқиғаның қалай өрбігенін айтып берді
Фонтан, бала

Қырық градус ыстық болады: ертеңге ауа райы болжамы

272
31 мамырда республиканың басым аумағында ауа райы жауын-шашынсыз, күн ыстық болады. Өңірлерде дабылды ескерту жарияланды

НҰР-СҰЛТАН, 30 мамыр – Sputnik. Қазақстан аумағында 31 мамырда ауа температурасы 41 градусқа дейін көтеріледі. Нұр-Сұлтанда жел күшейеді деп болжанып отыр. Қазгидромет жекелеген өңірлерде дабылды ескерту жариялады.

Қырық градус ыстық

Күндіз Қызылорда облысында 41 градусқа дейін аптап ыстық болады, солтүстік-шығыстан 15-20 м/с жел соғады.

Түркістан облысында да – 40 градус ыстық, кей жерлерде жылдамдығы 15-20 м/с жел тұрады. Түркістанда сынап бағанасы 40 градусқа дейін көтеріледі.

Қарағанды облысында 31 мамыр мен 2 маусым аралығында 35-39 градус ыстық күтіледі.

Тағы оқыңыз: Жаңбыр, бұршақ жауып, ыстық болады: маусымға ауа райы болжамы жарияланды

Қостанай облысында да аптап ыстық болжануда - 35-38 градус.

Қатты жел

31 мамыр күндіз Ақмола облысында желдің екпіні 15-20 м/с дейін барады.

Нұр-Сұлтанда оңтүстіктен және оңтүстік-батыстан соғатын желдің жылдамдығы секундына 15-18 метрге жетеді.

Мегаполистердегі ауа райы

Қазақстан астанасында сынап бағанасы 31-33 градусты көрсетеді деп күтілуде, көшпелі бұлт шығады, күн ашық. Желдің екпіні – 15-18 м/с.

Алматыда да ауа райы жауын-шашынсыз, 29-31 градус ыстық.

Шымкентте күн ашық, күндіз ауа температурасы 34-36 градусқа дейін жоғарылайды.

272
Кілт сөздер:
ыстық, ауа райы болжамы
Мерседес аударылып кетті

Алматыда жолда келе жатқан көлік аударылып кетті видео

336
Mercedes Benz GLE алдындағы көлікті басып озу кезінде жол апатын жасады, оқиға салдарынан бес адам жарақат алды

АЛМАТЫ, 30 мамыр – Sputnik. Сенбіге қараған түні Алматының Достық даңғылында жол талғамайтын көлік пен жеңіл көлік апатқа ұшырады, деп хабарлады Sputnik Қазақстанға құқық қорғау органдары.

Жүргізушілер мен куәгерлердің айтуынша, Hyundai Solaris пен Mercedes Benz GLE Достық даңғылының бойымен оңтүстік бағытта бірінің артынан бірі келе жатқан. Hyundai Solaris жүргізушісі айтқандай, Mercedes өткізіп жібер деп шам жарығымен белгі берген.  Hyundai сәл оңға қарай ығыса бергенде, Mercedes бірден басып озып, Hyundai-ды бар жылдамдықпен қағып өтіп, аударылып қалған.

 Хюндай после аварии
© Sputnik / Стрингер.
Hyundai Solaris көлігі апатқа ұшырады

Жол апаты салдарынан бес адам жарақат алды – Mercedes жүргізушісі мен үш жолаушысы және Hyundai жолаушысы. Дәрігерлер қарап шыққаннан кейін барлығы ауруханаға жатудан бас тартты.  

336
Кілт сөздер:
видео, Алматы, жол апаты
Тақырып бойынша
Блок бекеттегі трагедия: күдіктінің әкесі полиция мәлімдемесін жоққа шығарды - видео
Бурабайда терминалға жол ақысын төлемек болған жүргізуші көз жұмды 
Түркістан облысында жантүршігерлік жол апаты төрт адамның өмірін қиды
Нұр-Сұлтанда жол апаты болды - 13 адам ауруханаға жеткізілді