Ер адам, сот

Қорықшыны өлтірген браконьер сотта жылап жіберді видео

3954
(Жаңартылды 12:17 18.02.2020)
2019 жылдың 13 қаңтарында Қарағанды облысы Нұра ауданында браконьерлер "Охотзоопром" кәсіпорнының екі инспекторын соққыға жыққан болатын. Бір қорықшы жарақат салдарынан көз жұмды

НҰР-СҰЛТАН, 18 ақпан – Sputnik. Прокурорлар қорықшы Ерлан Нұрғалиевті өлтіргені үшін айыпталған күдіктілерді өмір бойына бас бостандығын айыруды сұрады. Инспекторды соққыға жыққан Қайрат Ақшанов сотта жылап жіберді, "қорыққаннан қорғанғанын" айтып отыр, деп хабарлайды КТК телеарнасы.

"Болған жағдайға мен шын өкінемін. Әдейі істеген жоқпын. Өзіме және қасымдағы балаларға қауіп төнген соң, қорыққанымнан қорғандым. Шын ниетпен қайғыларыңызға ортақпын. Ницык мырзадан, Петр Алексеевичтен кешірім сұраймын", - дейді Ақшанов.

Ол Нұрғалиевті мылтықтың ұңғысымен ұрып талдырғанын, бірге келген екінші қорықшы Петр Ницыкті де соққыға жыққанын мойындап отыр. Ал зардап шегуші тарап инспектордың өліміне біреуі емес, жетеуі де кінәлі деп санайды. Нұрғалиевтің туыстары жерлеу рәсіміне кеткен 9 миллион теңге өтеп беруді, сондай-ақ 20 миллион теңгені моральдық шығын ретінде өндіріп алуды талап етті.

Прокуратура Ақшановты және тағы екі айыпталушыны өмір бойына бас бостандығынан айыруды сұрады. Бұдан бөлек, тағы төрт адам заңсыз аңшылықпен айналысқаны үшін айыпталып отыр. Әзірше, оларды кепілзатпен босатқан.

Прокурорлар төртеуін алты жылға соттау керек деп санайды. Барлық айыпталушылар 17 киікті атқаны үшін мемлекет қазынасына 89 миллион теңге төлеуге міндеттеледі.

Сотта марқұмның жақындары көп инспекторлардың өздері де браконьерлермен тығыз қатынаста жүргенін айтты. Сондықтан Нұрғалиев қызмет еткен "Охотзоопром" мекемесіндегі "былық әшкереленсе екен" дейді.

Тағы оқыңыз: "Кешірші, інім" Видеоны өшірші деп жалынған инспектор жұмыстан қуылды   

"Ерлан қайтқаннан кейін бір ыдыстан тамақ жеп жүрген сыныптасы Қорғалжын қорығында 100 бас киік атып ұсталды. Сол оқиғадан кейін басшыларына ешқандай шара қолданған жоқ. Бәрі жұмыс бабымен өсті, біреуі Алматыға ауысып кетті. Жауап бергенде, білмеймін, оған біздің қатысымыз жоқ, осында келіп бір бөтен адам сияқты әңгімесін айтып кетті ғой", - дейді Нұрлан Нұрғалиев.

Инспектор браконьер қолынан қаза тапты

Еске сала кетсек, 2019 жылдың 13 қаңтарында Қарағанды облысы Нұра ауданында браконьерлер "Охотзоопром" кәсіпорнының екі инспекторына шабуыл жасаған болатын.

Қорықшылар Ерлан Нұрғалиев пен Петр Ницык күдікті аңшылардың құжаттары мен көліктерін тексермек болыпты. Көлікті қарап жатқан қызметкерлерге үш браконьер тап беріп, соққыға жыққан. Салдарынан Ерлан Нұрғалиев жарақат алып, ауруханада көз жұмды.

Қызметтік борышын атқару үстінде көрсеткен батылдығы мен жанқиярлығы үшін марқұм қорықшы ІІІ дәрежелі "Барыс" орденімен наградталды. Оның әріптесі Петр Ницык те дәл сондай орден алды.

3954
Кілт сөздер:
видео, сот, браконьер, инспектор
Тақырып бойынша
Полиция қарағандылық инспекторды кімдер өлтіргенін анықтады
Жүздеген адам қаза болған қорықшыны ақтық сапарға шығарып салды – видео
Министр қорықшының өліміне қатысты: Уақыт жоғалттық деп айтуға болмайды
Назарбаев браконьерлердің қолынан қаза тапқан инспекторды марапаттады
Мұстай Кәрім көшесіндегі жиһаз цехы өртенді

Алматыда жиһаз цехы өртенді: жарылыс болды видео, фото

23
(Жаңартылды 09:18 26.05.2020)
Өрттің күшті болғаны соншалықты, өрт сөндірушілер тікұшақты пайдаланбақ болды. Жалын мың шаршы метрге жуық аумаққа шарпыды

НҰР-СҰЛТАН, 26 мамыр – Sputnik. Сейсенбі күні таңертең Алматы қаласының Әуезов ауданында жиһаз жасайтын цех өртенді, деп хабарлады қалалық төтенше жағдайлар департаментінің баспасөз қызметі.

Мұстай Кәрім көшесі, 16/3 мекенжайындағы үйден түтін шыққаны туралы хабарлама сағат 05.12-де түскен. Өрт сөндірушілер оқиға орнына жеткен кезде, жиһаз цехы аумағында жиналған кесілген ағаштар, сондай-ақ Foton Aumark көлігінің жанып жатқанын көрген.

Жалын жеке тұрғын үй секторына қауіп төндірді.

"Келіп жеткен жедел әрекет ету қызметтерінен дереу шұғыл штаб құрылды, оңтүстік-шығыс және оңтүстік-батыс тараптан екі алаң ашылды, ҚР ІІМ ТЖК авиациясына ескертілді", - делінген хабарламада.

Төтенше жағдайлар департаментінің хабарлауынша, өрт кезінде жарылыс болған.

Полиция өрт шыққан жерді қоршауға алды. Жедел қабылданған шаралардың арқасында 970 шаршы метрге шарпыған өрт сағат 6:00-де оқшауланды.

  • Мұстай Кәрім көшесіндегі жиһаз цехы өртенді
    Мұстай Кәрім көшесіндегі жиһаз цехы өртенді
    © Photo : ДЧС Алматы
  • Мұстай Кәрім көшесіндегі жиһаз цехы өртенді
    Мұстай Кәрім көшесіндегі жиһаз цехы өртенді
    © Photo : ДЧС Алматы
  • Мұстай Кәрім көшесіндегі жиһаз цехы өртенді
    Мұстай Кәрім көшесіндегі жиһаз цехы өртенді
    © Photo : ДЧС Алматы
  • Мұстай Кәрім көшесіндегі жиһаз цехы өртенді
    Мұстай Кәрім көшесіндегі жиһаз цехы өртенді
    © Photo : ДЧС Алматы
1 / 4
© Photo : ДЧС Алматы
Мұстай Кәрім көшесіндегі жиһаз цехы өртенді

Өрт сөндірушілер жапсарлас салынған сантехникалық жабдықтарды сататын үй-жайды, көрші тұрғын үйлерді аман алып қалды. ІІМ ТЖК авиациясының қажеті болмады.

Оқиға орнында өрт сөндіру қызметінің 19 техникасы және 65 қызметкері жұмыс істеп жатыр. Қаза болғандар мен зардап шеккендер жоқ.  

23
Кілт сөздер:
Алматы, өрт, жиһаз
Тақырып бойынша
Үй отқа оранды - балаларды құтқарған астаналықтың аты-жөні айтылды
Нұр-Сұлтанда балаларды жанып жатқан көліктен құтқарған ер адам марапатталды
Шығыс Қазақстанда ірі өрт болды - видео
Алматыда ірі тұрғын үй кешені өртенді – видео
Өскеменде ер адам танысының көлігін өртеп жіберді – видео
Ақтөбе облысында ер адам өртеніп жатқан үйден жеті адамды құтқарды
Иллюстративті фото

Алматыда екі полицейдің өмірін қиған апаттың куәгері: жедел жәрдем кеш келді

62
Блок бекеттегі жантүршігерлік апаттан қаза тапқан Жарас Жанғазиев пен Дастан Әбдіқановтың жақындары кінәліні әділ жазалауды талап етті

НҰР-СҰЛТАН, 25 мамыр – Sputnik. Алматыда екі полицейдің өмірін жалмаған апаттың куәгерлері оқиғаның қалай болғанын айтып берді.  

Олардың бірі жедел жәрдем жылдам келмеді деп отыр.   

"Дала шығып едім, төңірек тұманданып кетіпті. Айқай-шу, біреу айқайлап, біреу жылап жатыр. Көмектесіңдер, тәте дәке, бинт беріңізші деді. Матрас әкеліп, баланы шығардық. Біреуін шығара алмадық. Жедел жәрдем кеш келді, жарты сағаттан кейін келді", - дейді куәгер Фарида Сафарова.

Алматыдағы трагедия: ішкі істер министрі полицейлердің отбасына көңіл айтты

Апаттан көз жұмған екі полицейдің де артында аңырап балалары мен жұбайлары қалды. Марқұм Жарас Жанғазиевтің өсіріп отырған екі қызы болса, Дастан Әбдіқановтың сәбиі жақында ғана қырқынан шыққан. Қайғыдан көкірегі қарс айрылған жақындары кінәлілер жазалануы қажет дейді.

"Лайықты жазасын алуы керек, қызметте тұрғандарды аямаған адам халыққа не істемейді. Баламыз таяуда сәбилі болып, қырқынан шығарып, қуанышқа бөленіп отыр едік. Қайғыға соқтырды да кетті. Кінәлі адам жазасын алсын", - деп талап етті Әбдіхановтың жиен ағасы Камал Ұлдаханов.  

Полиция департаменті апат салдарынан тағы бір қызметкердің жарақат алғанын айтты. Ауыр соққыдан Ербұлан Сейдазым есімді азаматтың басына зақым келген. Қазір ол жансақтау бөлімінде жатыр, деп хабарлады "Астана" арнасы.

Еске сала кетейік, трагедия кеше Алматыдағы Көксай шағын ауданында болды. BMW көлігін тізгіндеген 28 жастағы жүргізуші алдымен блок бекет қоршауына, содан кейін екі полицей отырған патрульдік көлікке соқтығысқан. 42 жастағы полицей Жарас Жанғазиев оқиға орнында қаза болды. Ал 26 жастағы екінші полицей Дастан Әбдіқанов ауруханада есін жимастан көз жұмды.

Ережеге бағынбаған азаматтың ішімдік ішкені расталды. Ол Алатау ауданының тұрғыны болып шықты. Егер кінәсі дәлелденсе, 15 жылға дейін бас бостандығынан айырылуы мүмкін.

62
Кілт сөздер:
полицей, Алматы
Тақырып бойынша
Алматы блок бекетіндегі апат: екінші полицей көз жұмды
Полицей Қазақстанның туын алу үшін суға түсті – видео
"Бала-шағам жейтін тамақ жоқ" дейді": полицейлер карантиндегі жұмысы туралы айтты
Ақтау полицейлері балаларды аула ішінде қуу себебін түсіндірді – видео
Алматы тұрғыны блок бекетті бұзып өтпек болды: полицей көз жұмды
Блок бекеттегі апат: үшінші полицей жансақтау бөлімінде жатыр