Жолаушылар

Коронавирус жұқтырғандарды Қытайдан ШҚО-ға әкеліп жатқан жоқ - министрлік

109
(Жаңартылды 19:02 20.02.2020)
Шығыс Қазақстан облысында екі ауылдың тұрғындары коронавирус жұқтырған науқастар осы өңірге жеткізілуде деген сөзді естіп, көшеге шықты

НҰР-СҰЛТАН, 20 ақпан – Sputnik. Шығыс Қазақстан облысындағы медициналық мекемелер коронавирус жұқтырған науқастарды қабылдауға дайындалып жатқан жоқ. Денсаулық сақтау министрлігі өңір тұрғындарының алаңдауына еш негіз жоқ деп ресми түрде мәлімдеді.

19 ақпан күні әлеуметтік желі арқылы коронавирус жұқтырған шетелдік науқастарды Қытайдан әкеп емдеу үшін өңірдегі ауруханаларда дайындық жұмыстары жүргізілуде деген ақпарат тарады. Осыған алаңдаған Сарытерек пен Айнабұлақ тұрғындары көшеге шығып, жағдайды түсіндіруді талап етті.

Тағы оқыңыз: Петропавлда коронавирус жұқтырды деген күдікпен 4 адам шұғыл ауруханаға жеткізілді

Денсаулық сақтау министрлігі еліміздің бас санитарының арнайы қаулысына сай, Қазақстан аумағында коронавирус инфекциясына қатысты профилактикалық шаралар күшейтілгенін айтты. Осыған орай, карантин жарияланған жағдайда медициналық мекемелерде адамдарды оқшаулау үшін арнайы орындар әзірленуде.

Карантин қанша уақытқа созылады

Коронавирус жұқтыру қаупі жоғары саналатын аймақтардан (Сингапур, Жапония, Таиланд, Оңтүстік Корея, Тайвань (ҚХР), Гонконг пен Макао арнайы әкімшілік аудандары) келген азаматтар Қазақстан шекарасына кірген соң 24 күн бойы жергілікті медицина мамандарының бақылауында болады. Оның ішінде алғашқы 14 күнде дәрігерлер пациенттің үйіне келіп тексерсе, қалған 10 күнде қашықтықтан бақылау арқылы мониторинг жүргізеді.

"Егер азамат ол жақта көп уақыт өткізбесе, медициналық бақылау да қысқа мерзімде жүзеге асырылады", - делінген хабарламада.

Мәселен, коронавирус жұқтыру оқиғасы аз тіркелген аймақтардан (Малайзия, Вьетнам, Германия, Австралия, АҚШ, БАӘ, Канада, Италия) келген азаматтарды 24 күн бойы қашықтықтан бақылау керек деп нақтыланған.

"Сондай-ақ, Қытайдан келген азаматтарымыз стационарлық оқшаулау орталығында 14 күн болып, қалған 10 күнде тұрғылықты жері бойынша қашықтықтан бақыланады", - деп түсіндірді денсаулық сақтау министрлігі.

Сол сияқты үкіметтік делегация мен ресми өкілдерді, қызметтік және дипломатиялық паспорт иелерін, әуе компанияларының ұшқыштары мен экипаж мүшелерін 24 күн бойы қашықтықтан бақылау қарастырылған.

Карантин кімге, не үшін керек

Әлем бойынша коронавирус инфекциясын жұқтыру және одан көз жұму қаупі өршіп тұрған шақта, қазақстандықтар үшін профилактикалық шаралар сақтау аса маңызды.   

"Денсаулық сақтау министрлігі отандастарымызға вирус жұқтыру қаупі басым аймақтардан келген азаматтармен байланыс жасауды мейлінше шектеп, үй жағдайындағы карантин шарасын берік ұстануға шақырады. Мұндай жағдай өзіңіз бен жақындарыңыз үшін өте маңызды", - делінген ресми хабарламада.

Осы мәселеге қатысты қандай да бір сұрақ туындаса, тәулік бойы жұмыс істейтін 1406 сall-орталығына хабарласуға болады.

109
Кілт сөздер:
түсініктеме, Денсаулық сақтау министрлігі
Тақырып бойынша
Уханьдағы аурухананың бас дәрігері коронавирустан көз жұмды
Министрлік лайнерде қамалып қалған қазақстандықтар туралы ақпарат берді
Сағынтаев коронавирус жайлы: Бәрі жақсы болады
Қазақстанда коронавирусқа байланысты ерекше режим енгізілді
Жолаушылар пойызында коронавирус "табылды": вагон қоршауға алынды
Архивтегі фото

Атыраудың тергеу абақтысында сотталғандар бүлік шығарды

134
Жанжалды бастағандар режимді бұзып, қамауға алынған басқа адамдарды тәртіпсіздік жасауға шақырды. Қазіргі уақытта мекемедегі жағдай тұрақтанды

НҰР-СҰЛТАН, 3 маусым – Sputnik. Атырау тергеу изоляторында отырған бес сотталушы режимді бұзып, қамауға алынған басқа адамдарды тәртіпсіздік жасауға шақырды, деп хабарлады ІІМ қылмыстық-атқару жүйесі комитетінің баспасөз қызметі.

Оқиға 2 маусымда кешкі тексерістен кейін болған.

"Атырау қаласының тергеу изоляторында сотталған бес адам жүріп-тұру режимін бұзды, сондай-ақ қамауға алынып, тергеліп жатқан басқа адамдарды тәртіпсіздікке шақырды. Заңсыз әрекеттерді болдырмау үшін жоғарыда аталған адамдар тәртіптік изоляторға қамалды", - деп хабарлады комитет.   

Ведомствоның баспасөз қызметінің мәліметінше, тәртіпсіздікті ұйымдастырушылар кісі өлтіру, қасақана ауыр дене жарақатын салу, ірі көлемде ұрлық жасау секілді ауыр және аса ауыр қылмыстар жасағаны үшін жазасын өтеп жатыр.

Оқи отырыңыз: Арқалықтағы "қасапшылар түрмесіне" алғаш рет әйел түсті

Облыстық қылмыстық-атқару жүйесі департаментінің басшылығы, прокуратура қызметкерлері, сондай-ақ ұлттық алдын-алу жүйесінің өкілдері оқиға орнына барып, сотталғандар арасында сауалнама жүргізіп жатыр.

Қазақстан Қылмыстық кодексінің 428-бабы бойынша (қылмыстық-атқару мекемесі әкімшілігінің заңды талаптарын орындамау) сотқа дейінгі тергеу басталды.

Қазіргі уақытта мекемеде жағдай тұрақты, жүріп-тұру режимін бұзуға жол берілмеді.  

134
Кілт сөздер:
Атырау, тергеу абақтысы
Тақырып бойынша
Түрмедегілер бүлік шығарды: екі офицер мен 25 тұтқын көз жұмды
Түрмедегі коронавирус: жүкті әйелдің сынамасы қате болып шықты 
Челахтың түрмеде көз жұмғаны рас па – ресми жауап
Көкшетауда әкімшілік жазасын өтеп жатқан екі адам көз жұмды
Украина түрмесінде бүлік шықты – оқиға орнында түсірілген видео
Жандарбек Бекшин

Бекшин Алматыда енгізілген шектеу шараларын түсіндірді

719
Қазір қалада адамдар кәсіпкерлердің үйін жалға алып жатыр. Ұжым болып жиналып, карантин режимін бұзатындар көбейген

АЛМАТЫ, 3 маусым – Sputnik. Алматының бас санитар дәрігері Жандарбек Бекшин 1 маусымда қабылданған қаулыдағы шектеу шараларын түсіндірді, деп хабарлайды Sputnik Қазақстан тілшісі.

Қаулыға сәйкес, қала аумағанда топ болып жиналуға тыйым салынады.

"Қала алаңдарында, аумағында адамдардың топ болып жүруіне шектеу қойып жатырмыз. Қазір адамдар жеке үйлерді, кәсіпкерлердің үйін жалға алып жатыр. Ұжым болып жиналып, карантин режимін бұзатындар көбейді. Сол себепті осындай шешім қабылдадық", - деді ол.

Сонымен қатар баланы балабақшадан алып қайтуға егде жастағы кісілерді жібермеуге қатысты ұсынысын түсіндірді.

"60-65 жастан асқан кісілер инфекцияны тез жұқтыратын қауіпті топқа кіреді. Ең бірінші талап – оларды оқшаулау. Үлкендер бұл талапты қатаң сақтап келгендіктен науқастар арасында олардың саны көп емес. Жастардың үлесі – 41%,  үлкендердің үлесі жеті процентке жетпейді. Үлкендерге қарым-қатынасты азайту керек", - деді ол.

Қаланың бас санитар дәрігері мемлекеттік балабақшаны ашу туралы мәселе 15 маусымға дейін көтерілмейтінін айтты.  

Сонымен қатар ашық бассейн мен жағажайдың жұмысына рұқсат беру мәселесі де 15 маусымнан кейін қаралатынын жеткізді.

Оқи отырыңыз: Алматыда карантин шарасы күшейтіледі 

"Бізде күн ыстық, көбіне судың сапасы қажетті бактериологиялық және паразитологиялық көрсеткіштерге сәйкес келмейтінін көпжылдық талдау көрсетіп отыр. Сол себепті шомылу аймақтарын ашу мәселесін қарастырмаймыз. Оларды 1 маусымнан бастап ашу жөнінде бірқатар ұсыныс түсті, алайда бұл мәселені 15 маусымнан кейін қарастырамыз", - деді Бекшин.

Ол қаладағы спорт кешендерінде бассейн ашық екенін, ал Алматыдағы су қоймаларының сапасы сын көтермейтінін алға тартты.

719
Кілт сөздер:
Алматы, Жандарбек Бекшин
Тақырып:
Төтенше жағдай және карантин
Тақырып бойынша
Қазақстанда карантин кезінде балалар суициді жиілеген
Бекшин Алматыда қызметі тоқтатылған нысандарды атады
Әскерге шақырылғандар он төрт күнге карантинге алынады 
Алматыда той жасауға рұқсат берілді ме
Блок бекетте шын мәнінде не болғаны жұртқа жария етіледі – полиция бастығы
Зорлық-зомбылық

"Ұруға болады": бірнеше әйел алғысы келетін оқытушының мәлімдемесі желіні шулатты

0
Ұлттық университет оқытушысы әйелдерді ұруға болады деген пікір айақпарат тексеріліп жатыр. Оның өзін "исламист, ұлтшыл, гомофоб, жидофоб" деп атағаны да қаншалыққа шындыққа жанасатыны анықталады

АЛМАТЫ, 4 маусым – Sputnik. Еуразия ұлттық университетінде оқытушы Ерлан Сүлейменнің айтқан сөзінен кейін тексеру жүргізіледі.

Ер адам Facebook желісінде "әйелдерді ұрып-соғуға болады және солай істеу қажет" деп пікір қалдырған. Скриншоттарға қарасақ, ол "әйелдер тіпті өздерінің жүктілігін де зерттей алмады" деп санаған.

Оқытушының әйелдер жайлы пікірі

Жас ғалымдар альянсының төрағасы Әсия Ермұхамбетова Ерлан Сүлейменов екеуінің пікір алмасқан фотосын жариялады. Ол Лев Гумилев атындағы Еуразия ұлттық университетінде жұмыс істейтін оқытушының сексистік, ұлтшылдық және арандатушылық тудыратын пікір жазғанын айтты.

Бастапқыда бойжеткен Ұлттық қоғамдық сенім кеңесінің отырысында білім беру мәселелерін негізінен ер адамдар талқылағанын жазды. Ал оған Ерлан Сүлейменов бірден жауап берді.

"Әйелдер өмір бойы өз жүктілігін зерттей алмай келеді. Қанша лайық болса, соншасы қатысып отыр", - деді ол.

 

Өзін исламист деп атап, жақша ішіне "көп әйел алуды қолдаймын, әйелдерді ұрып-соғуға болады және кейде ұру да керек" деп жазды.

Осы жағдайды ЕҰУ Sputnik Қазақстан ақпарат агенттігіне түсіндірді.

"Университет өз қызметінде кез келген түрде адамды кемсітуге мүлдем төзбейді. ЕҰУ Ерлан Сүлейменнің дінге және басқа да мәселелерге қатысты жеке пікірін қолдамайды", - деп жауап берді.

Аталған жағдай Еңбек кодексі аясында талқыланады, карантиндік шаралар алынып тасталған соң университетте ішкі тексеру жұмыстары жүргізіледі, деп нақтылады оқу орны.

"Университет пен Ерлан Сүлеймен арасындағы қарым-қатынас Қазақстанның еңбек заңнамасымен реттеледі. Барлық қызметкер оқытушылардың корпоративтік мәдениет кодексінің нормаларын сақтауға міндетті", - деп қосты университет.

Сонымен қатар оқу ордасы университетте нәсілдік, этникалық, діни, әлеуметтік ымырасыздық пен ерекшеліктерді насихаттау, милитаристік және халықаралық құқық пен гуманизм принциптеріне қайшы келетін өзге де идеяларды таратуға тыйым салынғанын атап өтті.

Қазір университет оқытушылары, оның ішінде Ерлан Сүлеймен де қашықтан жұмыс істеу форматына ауыстырылған.

ЕҰУ сайтында Ерлан Сүлейменнің химия ғылымдарының кандидаты, PhD, қолданбалы химия институтының жетекшісі екені көрсетілген.

Қыздарды маркерге теңеді

2020 жылдың наурызында абайтанушы, филология ғылымдарының кандидаты Омар Жәлел Тараздағы Назарбаев зияткерлік мектебінде мектеп оқушыларын оқуға емес, бала тууға үндеді.
Дәріс кезінде қыздарды кеуіп қалатын маркерге теңеген болатын. 

Абайтанушының айтқан сөзі мектеп оқушыларының ашуына тиді. Мектептің 11-сынып оқушысы Instagram желісінде пікірін жазып, оның бұл сөзімен келіспейтінін жеткізді. Мектеп әкімшілігі де оқушының позициясын қолдады.

"Қыз мұраты – кету" дегенді біз ұмыттық. Соның салдарынан қазір біздің қыздарымыз "менің мұратым – оқу" деп ұғады. Сол себепті қазір қазақтың қыздары оқу қуып, тұрмысқа шықпай жатыр. Соның кесірі біздің демографияға кері әсер етіп, халықтың саны өспей жатыр. Мен "ұлдың мұраты – елге қызмет ету, ал қыздың мұраты – ерге қызмет ету" деп айттым", - деп түсіндірді сөзін Омар Жәлел.

0
Кілт сөздер:
мәлімдеме, оқытушы, әйелдер