Бердібек Сапарбаев

"Басқаша сөйлесеміз": Сапарбаев жұмысы шикі басқарма басшыларына шүйлікті

1439
(Жаңартылды 08:43 03.03.2020)
Жамбыл облысының әкімі өңірде әлі күнге дейін кепілді әлеуметтік пакеттер берілмей жатқанына қынжылыс білдірді

НҰР-СҰЛТАН, 3 наурыз – Sputnik. Жамбыл облысының әкімі Бердібек Сапарбаев облыстық әкімдікте өткен аппараттық кеңесте әлеуметтік салаға жауапты басқармалардың жұмысын сынға алды.

"Абайдың 175 жылдығына арнайы ұйымдастырылған концерт төмен деңгейде өтті. Алғыс айту күнін өткізу кезінде техникалық жапсырма әзірленбеген. Мәдени-көпшілік іс-шаралар өткізу ойдағыдай жолға қойылмаған", - деді аймақ басшысы өз сөзінде.

Әсіресе ауылдық кітапханалардың әлеуетін кеңінен пайдалану, жастар арасында рухани-адамгершілік бағыттағы кітаптарды насихаттап, оқылымын арттыру қажеттігі айтылды.  

"Бұл жағдай сабақ болсын": Сапарбаев жаңа қызметтегі алғашқы тапсырмасын берді 

Сондай-ақ, өңірден шыққан спорт саңлақтары мен чемпиондардың ауыл балаларымен кездесулерін ұйымдастыру, мектептерді спорттық құрал-жабдықтармен қамтамасыз ету жайы сөз болды, деп хабарлады облыс әкімінің баспасөз қызметі.

Аймақ басшысы спорт басқармасының басшысына білім басқармасымен бірлесіп аудандарды аралап, жастардың бос уақытын тиімді ұйымдастыру стратегиясын әзірлеуді, әрбір ауылдағы спортты дамыту жөніндегі инспектордың штатын қарастыруды тапсырды.

Ол ғана емес, жиында АӘК алмайтын отбасылардың жұмыспен қамтылуы, аз қамтылған отбасыларға көмек көрсету үшін оларды кәсіпкерлерге, шаруа қожалықтарына бекіту қажеттілігі туралы да баса айтылды.

Сапарбаев әлі күнге дейін кепілді әлеуметтік пакеттер берілмейтініне қынжылыс танытты.

"Егер осы аптада әлеуметтік пакеттерді беру шарасы нақты қолға алынбаса, басқаша сөйлесетін боламыз", - деді аймақ басшысы жұмыспен қамтуды үйлестіру және әлеуметтік бағдарламалар басқармасының басшысына.

Жұмыспен қамту басқармасымен бірлесе отырып, жастар арасындағы жұмыссыздық мәселесін жою бойынша карта әзірлеу, жұмыс болмаған жағдайда колледждерде тегін оқыту жайы да сөз болды.

"Жастар неге қоғамдық тәртіпті бұзады? Үйі мен күйі болмағандықтан! Егер оларға арналып әр түрлі демалыс шаралары ұйымдастырылып отырса, олардың бұзақылық жасауға уақыты болмайды", - деп есептейді Сапарбаев.

Еріктілер тек көшелерді тазалау және қарияларға көмек көрсету үшін ғана емес, өмірдің барлық салаларына тартылуы тиіс. Бұл шараларды ішкі саясат басқармасы ұйымдастырып, бақылап отыруы міндет.

 

1439
Кілт сөздер:
әлеуметтік көмек, Бердібек Сапарбаев
Тақырып бойынша
"Дұрыс түсінген жоқ": Тоқаев Қордайдағы мәселе туралы айтты
Назарбаев жаңа қызметіне кіріскен Тоғжановқа не деді?
Қордайда дүнгендермен кездескен мәжіліс депутаты эмоциясын ұстай алмады
Сапарбаев Қордай ауданындағы қазіргі жағдай жайлы айтты
Тоқаев билік қандай кемшілік жібергенін айтты
Мерседес аударылып кетті

Алматыда жолда келе жатқан көлік аударылып кетті видео

184
Mercedes Benz GLE алдындағы көлікті басып озу кезінде жол апатын жасады, оқиға салдарынан бес адам жарақат алды

АЛМАТЫ, 30 мамыр – Sputnik. Сенбіге қараған түні Алматының Достық даңғылында жол талғамайтын көлік пен жеңіл көлік апатқа ұшырады, деп хабарлады Sputnik Қазақстанға құқық қорғау органдары.

Жүргізушілер мен куәгерлердің айтуынша, Hyundai Solaris пен Mercedes Benz GLE Достық даңғылының бойымен оңтүстік бағытта бірінің артынан бірі келе жатқан. Hyundai Solaris жүргізушісі айтқандай, Mercedes өткізіп жібер деп шам жарығымен белгі берген.  Hyundai сәл оңға қарай ығыса бергенде, Mercedes бірден басып озып, Hyundai-ды бар жылдамдықпен қағып өтіп, аударылып қалған.

 Хюндай после аварии
© Sputnik / Стрингер.
Hyundai Solaris көлігі апатқа ұшырады

Жол апаты салдарынан бес адам жарақат алды – Mercedes жүргізушісі мен үш жолаушысы және Hyundai жолаушысы. Дәрігерлер қарап шыққаннан кейін барлығы ауруханаға жатудан бас тартты.  

184
Кілт сөздер:
видео, Алматы, жол апаты
Тақырып бойынша
Блок бекеттегі трагедия: күдіктінің әкесі полиция мәлімдемесін жоққа шығарды - видео
Бурабайда терминалға жол ақысын төлемек болған жүргізуші көз жұмды 
Түркістан облысында жантүршігерлік жол апаты төрт адамның өмірін қиды
Нұр-Сұлтанда жол апаты болды - 13 адам ауруханаға жеткізілді
Иллюстративті фото

Кентауда коронавирус жұқтырған әйел дені сау бала туды

26
Нәрестеден бірден коронавируске талдау алынған. Қазір бөлек палатада оқшауланып, дәрігерлердің бақылауында

НҰР-СҰЛТАН, 30 мамыр – Sputnik. Түркістан облысындағы Кентау қаласында коронавирус жұқтырған әйел дені сау сәбиді дүниеге әкелді, деп хабарлады өңір басшысының баспасөз қызметі.

Кентау қаласының 23 жастағы тұрғыны 27 мамыр күні қалалық жұқпалы аурулар ауруханасына жатқызылған. Коронавируске шалдыққан әйелдің толғағы қысып, денсаулығына қауіп төнуіне байланысты дәрігерлер шұғыл түрде ота жасады.

 Дүниеге келген қыз баланың салмағы – 3 килограмм, бойы – 51 сантиметр. Нәрестеден бірден коронавируске талдау алынған.

"Сәби індеттен дін аман. Қазір бөлек палатада оқшауланып, дәрігерлердің бақылауында. Анасының да жағдайы бірқалыпты. Жас ана инфекциялық бөлімде ем қабылдап жатыр. Бұл оның екінші перзенті", - делінген хабарламада.

Қауіпті дертке ұшырап, сан ойға кеткен әйел ақ халатты жандарға алғысын жаудырды. Отаға жетекшілік еткен реанимотолог-дәрігер Ержан Жұмашев тәулік бойы осы инфекциялық госпитальда болады. Отбасымен алда тағы екі аптада көріспейді.

Оқи отырыңыз: Атырауда коронавирус жұқтырған екі әйел босанды 

"Коронавирус індетіне шалдыққан науқастарға ота жасағанда қорғаныш киімдері аздап ыңғайсыздық тудырады. Біз үшін бұл әйелдің сауығып, перзентін қолына алғаны үлкен қуаныш болады", - дейді ол.

Кентау қалалық ауруханасының дәрігерлері осымен коронавируске шалдыққан екінші науқасты босандырып алды.

Түркістан облысында қауіпті індетті 364 адам жұқтырған. 199 науқас дертінен айығып, үйіне оралды.

26
Кілт сөздер:
Кентау, нәресте, коронавирус
Тақырып:
Коронавирус эпидемиясы
Тақырып бойынша
COVID-19: тест бағасы қанша?   
"Бұл төтенше жағдай": Министр Біртанов неге алаңдап отырғанын айтты
Алматыда тағы 116 медицина қызметкері коронавирус жұқтырды
Алматыда коронавирус жұқтырған әйел босанды
Түрмедегі коронавирус: жүкті әйелдің сынамасы қате болып шықты 
Аурухана палатасындағы медициналық аппаратура

Қазақстанда коронавирустан тағы бір адам қайтыс болды

0
Жұма, 29 мамырда Шымкент қаласында індетке шалдыққан 1945 жылғы науқас қайтыс болды, республикада вирустан көз жұмғандар саны 38 адамға жетті

НҰР-СҰЛТАН, 30 мамыр – Sputnik. Шымкентте коронавирустан бір адам көз жұмды, деп хабарлайды жедел штаб.

Науқас 29 мамырда қайтыс болған. Ол 1945 жылы туған әйел.

"Коронавирус жұқтырған науқастардың өлімін зерттеу жөніндегі комиссия пациенттің өліміне коронавирус инфекциясы себеп болды деген шешімге келді", - делінген хабарламада.

Қазақстанда осымен COVID-19-дан қайтыс болғандар саны 38 адамға жетті.

Республикада барлығы 10382 адамда коронавирус диагнозы расталды, 5057 адам жазылып шықты.

0
Кілт сөздер:
Шымкент, коронавирус
Тақырып:
Коронавирус эпидемиясы