Архивтегі фото

Түркістан облысында марихуана сатқан ерлі-зайыпты ұсталды

193
Күдіктілердің үйін тінту кезінде 20-дан астам сіріңке қорабы табылып, тәркіленіп алынды. Қазіргі уақытта сотқа дейінгі тергеу амалдары жүргізілуде

НҰР-СҰЛТАН, 3 наурыз – Sputnik. Түркістан облысында полиция қызметкерлері марихуана сатумен айналысқан ерлі-зайыптыны ұстады, деп хабарлады Polisia.kz.

Облыстық ПД криминалдық полиция басқармасына Түркістан қаласының тұрғындары есірткі сатумен айналысатыны туралы ақпарат келіп түскен. Жедел-іздестіру іс-шарасы барысында полиция қызметкерлері есірткі затын өткізді деген күдікпен Түркістан қаласының тұрғындарын құрықтады.

Оқи отырыңыз: Ұлттық қауіпсіздік комитеті Ақтау әуежайында үш адамды ұстады 

Белгілі болғандай, ер адам мен оның жұбайы ұзақ уақыт бойы облыс орталығының аумағында марихуана сатумен айналысқан. Күдіктілердің үйін тінту кезінде 20-дан астам сіріңке қорабы табылып, тәркіленіп алынды. Сот-криминалистикалық сараптамасына сәйкес, тәркіленген есірткі заты жалпы салмағы 100 грамм болатын "кептірілген марихуана" болып шықты.

Күдіктілер қамауға алынды. Қазіргі уақытта сотқа дейінгі тергеу амалдары жүргізілуде. Күдіктілер 15 жылға дейін бас бостандығынан айырылуы мүмкін.

193
Кілт сөздер:
есірткі, марихуана
Тақырып бойынша
Петропавл полициясы әйелден 3,5 миллион теңгенің есірткісін тәркіледі - видео
ҰҚК Ақмола облысының төрт тұрғынын ұстады
Нұр-Сұлтанда есірткі жасайтын зертхана табылды
Танымал актриса есірткімен ұсталды – оқиғаның мән-жайы
Енді есірткі сатқандар мен педофилдер өмір бойы түрмеде отыруы мүмкін
"Қылмыс әлемінің серкесі" Серік Жаманаев Алматыда қолға түсті  
Сәбидің қолы, иллюстративті фото

Қостанай соты баласын қоқысқа тастаған әйелге ешкім күтпеген үкім шығарды

1888
(Жаңартылды 22:14 07.07.2020)
Сотта әйел нәрестенің тірі туғанын білмегенін айтты. Ол баланы өлді деп ойлап, қоқыс жәшігіне тастап кеткен

НҰР-СҰЛТАН, 7 шілде – Sputnik. Қостанай соты 2019 жылдың соңында жаңа туған сәбиін қоқыс контейнеріне тастап кеткен әйелге қатысты үкім шығарды.

Алғашында бұл іс "Жаңа туған нәрестені анасының өлтіруі" бабы бойынша қаралды. Алайда 7 шілдеде Қостанайдың №2 соты 27 жастағы әйелге "Баланы абайсызда өлтіріп алу" бабы бойынша үкім шығарды, деп хабарлайды alau.kz.  

Сот босану кезінде патологиялық ауытқу болғанын анықтады. Босанған әйел сәбиді өлі туды деп қателескен. Сондықтан іс басқа бапқа ауыстырылды.  

Қостанай қаласының тұрғыны 1 жыл 6 ай мерзімге бас бостандығынан шектелді. Сот оның қарамағында екі кішкентай бала бар екенін ескеріпті.

"Алқасы мойнына жабысып қалған": қоқысқа толы пәтерден маугли қыз табылды - видео 

Еске сала кетейік, 2019 жылдың 23 қарашасында Қостанайда қоқыс контейнерінен жаңа туған нәрестенің денесі табылған болатын.

Дәрігерлер жаңа туған баланың қоқыс контейнерінде жатқанын, оның басында пакет болғанын айтты. Нәресте клиникалық өлім халінде табылған. Дәрігерлер тірілтуге тырысқанмен, нәтиже шықпады. Жаңа туған нәрестенің денесі мәйітханаға жеткізілді.

1888
Кілт сөздер:
қоқыс жәшігі, жаңа туған сәби, Қостанай
Тақырып бойынша
"Бөлшектеп, пакетке тыққан": досын асқан жауыздықпен өлтірген Шымкент тұрғынына үкім шықты
Таразда өртенген қоқыс арасынан нәрестенің денесі табылды
Қостанайда баласын шелекке тастап кеткен әйелдің аналық сезімі оянды
Оралда әйел жаңа туған баласын өлтірді: жантүршігерлік оқиғаның мән-жайы
Жітіқара зиратынан нәрестенің денесі табылды
Жерлеу рәсімі, архивтегі фото

"Жерлеу құны 500 мың теңге": Қарағанды облысының әкімі жағдайды түсіндірді  

728
(Жаңартылды 18:09 07.07.2020)
Қазір адамның неден қайтыс болғанына қарамастан, жерлеу қызметіне кететін шығынның нарықтағы бағасы – 150 мың теңге. Желіде тараған ақпарат расталған жоқ

АЛМАТЫ, 7 шілде – Sputnik. Қарағанды облысында қайтыс болған адамды жерлеуге кететін шығын 150 мың теңгеден қымбат болмайды. Бұл жайында облыс әкімі Жеңіс Қасымбек мәлімдеді, деп хабарлайды Sputnik Қазақстан тілшісі. 

"Желіде жерлеу қызметінің құны 500 мың теңге болып жатыр деген ақпарат тарады. Қазір адамның неден қайтыс болғанына қарамастан, жерлеу қызметіне кететін шығынның нарықтағы бағасы – 150 мың теңге. Желіде бұл ақпарат тараған соң оны тексеруді бастадық. Қарағандыдағы мәйітханада жатқан денені жерлеу үшін 500 мың теңге сұрады деген ақпарат расталған жоқ", - деді Қасымбек.

Сонымен қатар облыстағы әкімдіктер жерлеу шараларын өткізетін қызметкерлермен сөйлесіп, бір келісімге келген.

Оқи отырыңыз: Қазақстанда коронавирустан қайтыс болғандарды жерлеу тәртібі өзгерді 

"Егер марқұмды облыстың басқа жеріне жеткізу қажет болса, жалпы бағасы 200 мың теңгеден жоғары болмайды. Біз осылай келістік. Егер осы бағадан қымбат баға ұсынатын болса, әкімдік бақылауына алады", - деп түсіндірді өңір басшысы.

728
Кілт сөздер:
коронавирус, Қарағанды облысы
Тақырып:
Коронавирус эпидемиясы
Тақырып бойынша
"Қоңыраулар саны азайды" – Алтай Көлгінов карантиннің пайдасы туралы
Министр Цой: тағы 110 адамның өлімін зерделеп жатырмыз
Бурабай жағажайлары карантинге жабылды
Қызылордада 80 млн теңгеге оттегі баллондарын шығаратын цех салынады
Министр коронавирустан емделетіндердің басты қателігін атады
Сқақов 22 мың теңге тұратын қорғаныс киіміне қатысты пікір білдірді
Отшашу, архивтегі фото

Карантин кезінде отшашу жасау заңды ма ішкі істер министрлігі жауап берді

0
Бас санитар дәрігердің қаулысында жазылған талаптар бұзылса ғана жеке және заңды тұлғалар жауапқа тартылады, деп түсіндірді вице-министр Калайчиди

НҰР-СҰЛТАН, 7 шілде – Sputnik. Ішкі істер министрінің орынбасары Алексей Калайчиди карантин кезінде отшашу ұйымдастыруға қатысты пікір білдірді, деп хабарлайды Sputnik Қазақстан тілшісі.  

Оның айтуынша, бас санитар дәрігердің қаулысын бұзғаны үшін жауапкершілік қарастырылған.

"Ол жаза Әкімшілік құқық бұзушылық туралы кодекстің 425-бабында көрсетілген. Демек, қаулыда жазылған талаптар бұзылса ғана жеке және заңды тұлғалар жауапқа тартылады. Ал осы құжатта отшашуға тыйым салу жайында жазылмаған", - деді Калайчиди бүгінгі онлайн брифингте.

Ол Нұр-Сұлтан қаласында кешегі фейерверкті тамашалаған адамдар да жауапқа тартылмағанын атап өтті.

"Отшашуды тамашалағаны үшін бірде-бір адам жауапқа тартылған жоқ. Фейерверкті көргені үшін жауапкершілік қарастырылмаған. Санитар дәрігердің қаулысында көрсетілген талаптар бұзылса ғана жаза қолданылады. Егер ондай жағдайлар анықталса, онда заңды түрде адамды жауапқа тарту мәселесін көтеруге болады. Ал ондай себеп болмаса, жазаға тарта алмаймыз", - деп түсіндірді Калайчиди.

Айта кетейік, бұған дейін 6 шілде күні елорда күнін тойлау отшашумен аяқталған болатын. Отшашу орталық саябақ, ботаника бағы және Пушкин мен Абылайхан көшелерінің қиылысынан атылды. Әлеуметтік желі қолданушылары пандемия кезінде отшашу жасау орынсыз екенін айтып, наразылық білдірді.

Оқи отырыңыз: Нұр-Сұлтан әкімдігі пандемия кезіндегі отшашуды түсіндірді 

Нұр-Сұлтан әкімдігі пандемия кезіндегі отшашуға қатысты сынға жауап берді. Мәдениет басқармасы отшашу арқылы коронавирус пандемиясымен күресіп жатқан медицина қызметкерлерін қолдағысы келгенін хабарлады. Сондай-ақ, қала тұрғындарының көңіл-күйін көтеруге тырысқан.

Нұр-Сұлтан қаласында Жеңіс күніне арналған отшашу COVID-19 инфекциясына байланысты ұйымдастырылған жоқ. Ал Ұлыбританияның патшайымы екінші Елизавета 2020 жылдың сәуірінде 94 жасқа толды. Ол коронавирусқа байланысты дәстүрлі отшашуды ұйымдастыруды орынсыз деп тапты.

0
Кілт сөздер:
отшашу, карантин
Тақырып:
Коронавирус эпидемиясы
Тақырып бойынша
Пневмония эпидемиясы: коронавирус қайда кетті?
"Бұған жол беруге болмайды": Тоқаев жұртты алаңдатқан мәселе туралы айтты
Нұр-Сұлтанда дәрі-дәрмекке қатысты жедел желі іске қосылды
"Кеш қалдыңыздар": дәрігер қазақстандықтардың ең басты қателігін атады
"Ненің құрметіне?!": Димаш шенеуніктерге неге шүйлікті