Алматы базары, архивтегі фото

Алматыда 29 базар карантинге жабылды

1379
Қалада 3 378 азық-түлік дүкені жұмыс істеп тұр. Басқа тауарлар сататын 2 263 дүкен карантинге жабылды

АЛМАТЫ, 18 наурыз – Sputnik. Алматыда азық-түлік базарлары мен әмбебап базардағы азық-түлік қатарлары жұмысын жалғастырады. Бұл туралы Алматы қаласы әкімдігінің баспасөз қызметі хабарлады.

Қалада қазір 52 базар тіркелген, оның ішінде алты базар штат режимінде жұмыс істейді. Олар – "Жұлдыз","Барыс-4", "Берекем, "Қарасу", "Саудакент", "Ақ-Бұлақ" базары.

 Оқи отырыңыз: Назарбаев өз қорынан 200 млн теңге бөлді

Сондай-ақ, қалада 17 әмбебап базар жұмыс істеп тұр. Ол жерлерде азық-түлік қатарынан басқасы жабылады. Олар "Тастақ", "Кәрім", "Ақсай-3", "Арыстан", "Сарыарқа", "Орбита", "Айнабұлақ", "Сәлем", "Верненский", "Көк базар", "Таусамалы", "Барлық", "Мехриниса", "Түрксіб","Керуен", "Алматы-1",  "Жетісу-Семиречье" базары.

"Қалада 29 базар карантинге жабылды. "Арлан", "Кенжехан", "Қазына", "Өжет", "Үш-Қоңыр", "Ақбұлақ", "Алатау", "Еуразия", "Саяхат", "Азия", "Сауран", "Жібек-Жолы", "Тұлпар", "Тигрохауд", "Алатау-1" , "Дәстүр", "Олжа", "Юпитер", "Байсат", "Рахат КЗ", "Ялан-2", "Батыр", "Рахат", "Барыс", "Нұрсат","Ақ-бұлақ", "Бахар", "Үміт", "Алтай" секілді азық-түлік сатылмайтын базарлар карантинге жабылды", - делінген ақпаратта.

Алматыдағы 24 сауда және ойын-сауық орталығы, 38 сауда орталығы, 58 сауда үйі жұмысын тоқтатты. Олардың аумағында орналасқан дәріхана, азық-түлік дүкендері жұмысын жалғастырады.

Қала бойынша 3 378 азық-түлік дүкені жұмыс істеп тұр. Азық-түлік сатпайтын 2 263 дүкен карантинге жабылды.

Коронавирус эпидемиясы

Соңғы мәлімет бойынша, Қазақстанда коронавирус жұқтырғандар саны 35 адамға жетті. 18 адам Нұр-Сұлтанда тіркелді, Алматы қаласында – 17 адам.

Президент Қасым-Жомарт Тоқаевтың шешімімен 16 наурыздан бастап Қазақстанда төтенше жағдай жарияланды. Ол 15 сәуірге дейін жалғасады.

19 наурыз 00.00-ден бастап Нұр-Сұлтан мен Алматы қаласы карантинге жабылады. Президент жанындағы төтенше жағдай режимін қамтамасыз ету жөніндегі мемлекеттік комиссия Қазақстанның басқа қалаларына коронавирустың таралуына жол бермес үшін осындай шешім шығарды.

Ішкі істер министрлігі Нұр-Сұлтан мен Алматы қаласының айналасында көлік пен адам қозғалысын шектеу үшін арнайы блок-посттар орнатады. Нұр-Сұлтан мен Алматыға осы қалаларда тіркелген азаматтар ғана кіре алады.

1379
Кілт сөздер:
Алматы, карантин
Тақырып:
Коронавирус эпидемиясы (856)
Тақырып бойынша
Алматы облысының тұрғындары қаладағы жұмысына бара ала ма?
Карантин депутаттардың жұмысына өзгеріс енгізді – Нығматулин мәлімдеме жасады
 "Алты ай төлемақы алуға болады": Министр жұмыссыз қалғандарға кеңес берді
Жұмыс беруші ақысыз демалысқа жіберемін десе, не істеу керек – министрдің жауабы
Тоқаев Нұр-Сұлтан және Алматы әкімдерімен қашықтан кеңес өткізді
Тұрғындар, жаз

Аптап ыстық болады - бейсенбіге арналған ауа райы болжамы

114
(Жаңартылды 23:33 27.05.2020)
Синоптиктер бейсенбі, 28 мамыр күні Қазақстанның алты өңірінде аптап ыстық болып, жел күшейетінін хабарлады

НҰР-СҰЛТАН, 27 мамыр - Sputnik. Қазгидромет синоптиктері бейсенбі күні ауа райы қандай болатынын айтты.

Елдің басым бөлігінде жауын-шашын болмайды. Солтүстік, солтүстік-батыста циклон әсерінен дауыл болып, жауын, бұршақ жаууы мүмкін.

Кей жерлерде жел күшейіп, оңтүстік, оңтүстік-шығыста - шаңды дауыл, солтүстікте - тұман.

Дабылды ескерту

28 мамырда Қызылорда облысында аптап ыстық болады, плюс 41 градус, желдің жылдамдығы - 15-20 м/с, шаңды дауыл.

Алдағы екі күнде Солтүстік Қазақстан облысында тұман болып, күн күркірейді. 29 мамырда күндіз бұршақ жауады, желдің жылдамдығы - 15-20 м/с.

Түркістан облысында шаңды дауыл болады, желдің жылдамдығы - 15-20 м/с. Күндіз сынап бағанасы 40 градусқа дейін көтеріледі.

Өңірлердегі ауа райы

Шығыс Қазақстан, Қарағанды, Қостанай облысында желдің жылдамдығы секундына 15-20 метрге дейін жетеді.

Түркістан, Қызылорда, Ақтөбе облысының оңтүстігінде, Атырау, Батыс Қазақстан, Маңғыстау облысында аптап ыстық болады.

Павлодар, Шығыс Қазақстан, Қызылорда облысында өрт қаупі жоғары болады. 

Ірі қалалардағы ауа райы

Елордада түнде плюс 8-10 градус, күндіз 24-26 градус жылы.

Алматыда түнде 17-19 градус жылы, күндіз сынап бағанасы 28-30 градусқа дейін көтеріледі.

Шымкентте түнде плюс 20-22 градус, күндіз 35-37 градус ыстық.

114
Кілт сөздер:
синоптиктер, ауа райы, мамыр
Түркістан қаласының қақпасы

Түркістан облысында карантин режимі ұзартылды

139
(Жаңартылды 18:26 27.05.2020)
Карантин талаптарын сақтамағандарға айыппұл салынып, ал заңға бағынбаған кәсіпкерлерге жаза қолданылады

НҰР-СҰЛТАН, 27 мамыр – Sputnik. Түркістан облысында қалыптасқан эпидемиологиялық ахуалға байланысты карантин режимі 8 маусымға дейін ұзартылды. Бұл туралы аймақ басшысы Өмірзақ Шөкеев онлайн брифингте айтты деп хабарлайды облыс әкімінің баспасөз қызметі.

Осыған орай өңірде бірқатар шектеулер сақталады.

"Ауа арқылы тез тарайтын бұл дерттің әзірге нақты вакцинасы жоқ. Өкінішке қарай, COVID-19 инфекциясының барына күмән келтіретін адамдар көшеде қыдырып, туған-туысының үйіне барып жүр. Балалар да аулада бірге ойнап, бір-бірімен тығыз байланыс жасауда. Бұл дұрыс емес", – деген облыс әкімі дәрігерлер қауымының күн-түн демей вирусты жеңу жолында талмай еңбек етіп жатқанын атап өтті.

Қазіргі кезде індет облыс көлемінде, әр ауданда кеңінен тарап жатыр.

"Отбасымыздың, туған-туыстың, ата-анамыздың амандығын ойласақ әлі де карантин режимін сақтауымыз қажет. Карантин талаптарын сақтамағандарға айыппұл салынады. Құқық қорғау органдарына арнайы жиналыс жасап, тапсырдым. Заңға бағынбаған кәсіпкерлерге жаза қолдану керек", – деді Шөкеев онлайн брифинг барысында.

Айта кетейік, облыста 337 адамның коронавирус инфекциясын жұқтырғаны расталды. Оның ішінде 189 адам ауруынан айығып, үйлеріне оралды. Бір адам індет салдарынан көз жұмды.

Түркістан облысындағы карантин режимі

12 мамыр күні Түркістан облысында карантин режимі 25 мамырға дейін ұзартылғанын облысы әкімінің орынбасары Сәкен Қалқаманов мәлімдеді.

Осыған орай, қоғамдық және демалыс орындары, саябақтар жұмысын бастағанымен, спорттық, мәдени іс-шаралар өткізілмейді. Азық-түлік базарларының жұмысы таңғы сағат 10.00 мен кешкі 17.00 арасында жалғасса, киім-кешек, өзге де заттар сататын дүкендер дезинфекция жұмыстарын күшейтілген режимде жүргізе отырып, таңғы 9.00-20.00 аралығында істейді.

Мемлекеттік мекеме қызметкерлерінің 50 проценті жұмысты қашықтықтан жалғастырады.

Оқи отырыңыз: Тоқаев карантин жайлы: халық біртіндеп үйінен шығуы керек

Халыққа қызмет көрсету қызметі орталығы мен екінші деңгейлі банктер, "Қазпошта" бөлімшелері қазіргі таңда жұмысын бастады. Демалыс орындары, қонақ үйлер, туристік нысандарға санитарлық талаптарды сақтаған жағдайда жұмысын жүргізуге рұқсат етіледі.

139
Кілт сөздер:
Өмірзақ Шөкеев, төтенше жағдай, карантин, Түркістан облысы
Тақырып:
Төтенше жағдай және карантин
Тақырып бойынша
Тоқаев карантин кезінде қандай кітаптар оқып жатқанын айтты
Тоқаев елдегі карантин талаптары қалай жеңілдетілетінін айтты
Түркістан облысында карантин мерзімі ұзартылды
Тоқаев: Карантин шараларының жаңа тәсілдері енгізіледі  
Тоқаев: Карантин өңірлерде біртіндеп алынады