Шымкент, архивтегі фото

Коронавирус жұқтырған азаматпен Шымкентке бірге келгендер табылды  

877
(Жаңартылды 16:17 26.03.2020)
Ленгір қаласындағы "Тау жұлдызы", Жібек жолы елді мекеніндегі "Дархан", Түркістан қаласындағы "Түркістан орталық", "Яссы" автовокзалы жабылды

АЛМАТЫ, 26 наурыз – Sputnik. 20 наурызда Нұр-Сұлтан – Шымкент бағытындағы автобусқа коронавирус жұқтырған азаматпен бірге мінген 56 жолаушының жеке тұлғасы анықталды, деп хабарлады Түркістан облысы әкімдігінің баспасөз қызметі.

"18 наурыздан бастап Алматы және Қызылорда бағытындағы шекаралық аймақтарға коронавирус инфекциясына байланысты тәулік бойы жұмыс істейтін "Сауран" және "Шақпақ"блок бекеттері қойылды. Қазір Шымкент – Нұр-Сұлтан бағытындағы kz 646 FNB 13 нөмірлі автобуспен коронавирус жұқтырған азаматпен бірге келген 56 адамның нақты дерегі анықталып отыр. Көліктегі жолаушылар туралы толық ақпаратты Түркістан облысы Түлкібас ауданындағы "Шақпақ" бекетінің қызметкерлері 20 наурызда жазып алған", - делінген ақпаратта.

Автобуста болған азаматтың барлығы оқшауланды. Сонымен қатар облыста коронавирус инфекциясының таралуына жол бермеу, тұрғындардың қауіпсіздігін қамтамасыз ету мақсатында ауданаралық тұрақты бағыттардағы рейстер саны 50%-ке қысқартылды. Адам көп жиналатын төрт автовокзал жұмысын тоқтатты: Ленгір қаласындағы "Тау жұлдызы", Жібек жолы елді мекеніндегі "Дархан", Түркістан қаласындағы "Түркістан орталық", "Яссы" автовокзалы.

Кентау қаласындағы "Транзитсервис", Арыс қаласындағы "Арыс", Сарыағаш ауданы Жібек жолы елді мекеніндегі "Сайран Жібек жолы", Сарыағаш қаласындағы "Сарыағаш", "Сау Бол", Отырар ауданы Шәуілдір елді мекеніндегі "Нәлібек", Жетісай қаласындағы "Жаз", Түркістан қаласындағы "Мерей", "Алтынорда" автобекетінің қызметі карантин режимі аяқталғанша уақытша тоқтатылды.   

Оқи отырыңыз: Шымкентте тағы бір адам коронавирус жұқтырды 

Айта кетейік, 20 наурыз күні Нұр-Сұлтан қаласынан Шымкент қаласына келген 24 жастағы азаматтан коронавирус инфекциясы анықталған болатын.

Қазір елімізде вирус жұқтырғандар саны 97 адамға жетіп отыр. Нұр-Сұлтанда – 55, Алматыда – 34, Қарағандыда – 2, Шымкентте – 2, Алматы облысында – 1, Ақтөбе облысында – 1, Жамбыл облысында – 1, Солтүстік Қазақстанда – 1 адам.

16 наурыздан бастап Қазақстанда коронавирусқа байланысты төтенше жағдай режимі жарияланды. Ал 19 наурыздан астана мен Алматы карантинге жабылды.

877
Кілт сөздер:
Шымкент, коронавирус
Тақырып:
Коронавирус эпидемиясы (1375)
Тақырып бойынша
Қостанайда коронавирус туралы әзілдеген полицей жұмыстан қуылды
Солтүстікте алаяқтар жоқ бетперделерді "сатты"
Мәжіліс жасы 65-тен асқан депутаттарды жұмыстан шеттетті
"Ел арна" мен "Балапан" телеарналарында оқушылар үшін сабақ өтеді
Алматы қаласы жаңа режимге көшті
Қазақстанда тағы 9 адам коронавирус жұқтырды
Саябақта серуендеп жүрген әйел

Қостанай облысында карантин жеңілдеді: тұрғындар нені білуі тиіс

25
Бұған дейін Алматы мен Қарағанды облысында карантин шаралары жеңілдетіліп, Бурабай мен Зерендіде суға түсуге рұқсат берілді

НҰР-СҰЛТАН, 10 тамыз – Sputnik. Бүгіннен бастап Қостанай облысында шектеу шаралары жеңілдетілді, деп хабарлайды Sputnik Қазақстан.

Шұғыл штабтың шешіміне сәйкес, бүгіннен бастап 500 шаршы метрге дейінгі азық-түлік емес дүкендері ашылады. Ал одан үлкен сауда орындары  "клиентке дейін жеткізу" форматында істей береді.

Бұдан бөлек, саябақтар және сол жерде орналасқан сауда орындары ашылады. Бірақ аттракциондар мен балалар алаңы, батуттар, велосипед және балалар ойыншықтарын жалға беру қызметі жұмыс істемейді.

Ал саябақ аумағына бір үйдің адамдары болмаса, үш адамнан артық топтасып кіруге болмайды. Адамдар арасындағы арақашықтық сақталуы тиіс.

Қаладағы қоғамдық көлік таңғы сағат 06:00 мен кешкі сағат 21:00 арасында жүреді.

Оқи отырыңыз: Қазақстанда карантин кезінде қандай мәселе ушыға түскені айтылды

Айта кетейік, бұған дейін Алматы мен Қарағанды облысында карантин шаралары жеңілдетілген болатын. Ал Ақмола облысы бойынша Бурабай мен Зерендіде суға түсуге рұқсат берілді.

25
Кілт сөздер:
Қостанай облысы, карантин
Тақырып:
Төтенше жағдай және карантин
Тақырып бойынша
ДДҰ карантин режиміне қатысты мәлімдеме жасады
Министр карантин қандай жағдайда ұзартылатынын айтты
Қостанайда карантин режимін бұзған жолаушы полицейдің құлағын тістеп алды   
Қазақстанда тағы бір облыста карантин жеңілдетіледі
Тоқаев: үкімет карантин режимін сақтау шараларын күшейтуге міндетті
аурухана, коронавирус

"Балалар ауырып жатыр": әкімдік желіде тараған ақпаратқа түсініктеме берді

133
(Жаңартылды 17:22 10.08.2020)
Атырау облысының әкімдігі әлеуметтік желілерде тараған ақпарат шындыққа жанаспайтынын мәлімдеді

АЛМАТЫ, 10 тамыз – Sputnik. Әлеуметтік желіде Атырау облысы Мақат ауданында балалар коронавирус инфекциясымен ауырып жатыр деген ақпарат тарады. Атырау облысы денсаулық сақтау басқармасының баспасөз қызметі бұл ақпараттың шындыққа жанаспайтынын мәлімдеді.

"Әлеуметтік желілерде Атырау облысының Мақат ауданында балалар коронавирус инфекциясымен ауырып жатыр деп тараған ақпарат жалған", - делінген хабарламада. 

Мақат аудандық аурухананың бас дәрігерінің міндетін атқарушы Асұлан Әбдірахмановтың айтуынша, ауданда балалар коронавирус инфекциясымен ауырып жатқан жоқ.

"Ауданда балалар коронавирус инфекциясымен ауырып жатыр деген жалған ақпарат болып саналады. Қазір аурухананың провизорлық стационарында 11 адам емделіп жатыр, ішінде бір ғана бала бар. Он айлық нәрестеге суықтан пайда болған пневмония деген диагноз қойылды. Сәбидің жағдайы жақсы, жақында үйіне шығарылады", - дейді Әбдірахманов. 

Айта кетейік, Қазақстанда коронавирус инфекциясын жұқтырғандар саны 99 442 адамға жетті. Пневмонияға шалдыққандар 13 280 науқас болды. Ресми статистикаға сүйенсек, коронавирустан 1269, ал пневмониядан 164 адам қайтыс болды. 

133
Кілт сөздер:
әлеуметтік желілер
Жарылыс, от

Ресейде жанармай бекетінде болған жойқын жарылыс видеоға түсіп қалды

0
(Жаңартылды 20:55 10.08.2020)
Екінші деңгейлі өрт болғаны анықталды. Қала әкімшілігінің ақпараты бойынша 13 адам зардап шеккен, төртеуі - өрт сөндіруші

НҰР-СҰЛТАН, 10 тамыз – Sputnik. Ресейдің Волгоград қаласында жанармай бекетіндегі өртті сөндіріп жатқанда газ жарылды.

Волгоград қаласы төтенше жағдайлар қызметінің мәліметіне сәйкес, жанармай бекетінде ішінде газ бар цистерна жарылған, деп хабарлайды РИА Новости.

Екінші деңгейлі өрт болғаны анықталды. Қала әкімшілігінің ақпараты бойынша 13 адам зардап шеккен, төртеуі - өрт сөндіруші. 

От жергілікті уақыт бойынша 14:20-да (Нұр-Сұлтан қаласы бойынша 16:20) ауыздықталды.

"Өрт туралы хабар түскен соң оқиға орнына өрт сөндіру-құтқару бөлімдерінің қызметкерлері жетті. Өртті сөндіре бастағанда газ жарылды", - деді ведомство. 

Көрші елдің прокуратурас оқиғаға қатысты тексеріс бастады. 

0
Кілт сөздер:
жарылыс, видео, жанармай
Тақырып бойынша
"Жарылыс деп ойладық": Нұр-Сұлтан тұрғындары ұйқыдан шошып оянды – видео
Атырауда жанармай құю бекетінде жарылыс болды: көлік жүргізуші көз жұмды
Ақтөбеде жанармай бекетінде кассир әйел қарулы қарақшыға қарсы тұрды – видео
Есікте жанармай құю бекетінде жарылыс болды
Бейруттегі жойқын жарылыс: Қазақстан консулы жараланды