Алматы, архивтегі фото

Алматыда коронавирустың жаңа ошақтары анықталды

1236
(Жаңартылды 13:06 27.03.2020)
Коронавирустан жазылып шыққан алматылықтың үйіне енгізілген шектеу шаралары 27 наурыздан бастап алынды

АЛМАТЫ, 27 наурыз – Sputnik. Алматыда жиырма коронавирус ошағы карантинге алынды. Оның бірі, атап айтқанда, коронавирустан жазылып шыққан алматылықтың үйіне енгізілген шектеу шаралары алынды. Бұл туралы Алматы қаласы тауарлар мен қызметтердің сапасын бақылау департаменті хабарлады.

"2020 жылдың 26 наурызындағы жағдай бойынша, Алматыда коронавирус ошағы саналатын 20 подъезд бен жеке ошақ карантинге алынды. Осы кезеңде подъезде күшейтілген дезинфекциялық режим енгізілді, басқа үй тұрғындарының қозғалысы мен кіруіне шектеу қойылды ", - делінген ақпаратта.

Қазір Алматыда коронавирус инфекциясының 19 ошағы бар:

  • Әуезов ауданында екі инфекция ошағы бар: Жетісу-2 ықшам ауданы, 70А және Мамыр-4 ықшам ауданы, 313.
  • Алатау ауданында 3 жұқтыру ошағы бар: Заря-Восток ықшам ауданы, Сары-ой көшесі, 234, Ақкент ықшам ауданы, 7, Ақбұлақ ықшам ауданы, 9;
  • Алмалы ауданы бойынша да 3 ошақ бар: Желтоқсан көшесі, 125, Жароков көшесі, 16, Жароков көшесі, 7;
  • Медеу ауданында 3 ошақ тіркелді; Достық көшесі, 162, Гоголь көшесі, 75, Қонаев көшесі, 62;
  • Жетісу ауданында 2 ошақ бар: Еңлікгүл, 34а, Волочаевская көшесі, 51;
  • Түрксіб ауданында 5 ошақ тіркелген: Алтай-1, 8, "Жас қанат" ықшам ауданы, 86, Майлин көшесі, 77, Спасская көшесі, 63,  Жұлдыз-2 ықшам ауданы, 45;
  • Бостандық ауданында бір ошақ: Тұрғыт Озал көшесі, 242. 

Айта кетейік, коронавирустан жазылып шыққан алматылықтың үйіне енгізілген шектеу шаралары алынды.

"Зенков көшесі, 59 мекенжайы бойынша шектеу шаралары 27 наурыз сағат 00.00-ден бастап тоқтатылды. Алматы қаласында коронавирустан жазылып шыққан пациент 14 күн үй карантинінде болады, медицина қызметкерлері денсаулық жағдайына мониторинг жүргізеді", - делінген ақпаратта.

Қазақстанда коронавирустан бір адам қайтыс болды 

Соңғы мәлімет бойынша, Қазақстанда коронавирус жұқтырғандар саны 120 адамға жетті. Нұр-Сұлтан қаласында – 60, Алматы қаласында – 47, Қарағанды қаласында – 4, Шымкент қаласында – 2, Алматы облысында – 1, Ақтөбе облысында – 1, Жамбыл облысында – 3, Солтүстік Қазақстаноблысында – 1, Ақмола облысында – 1 адам тіркелді.

26 наурызда ақпарат және қоғамдық даму министрі Дәурен Абаев Қазақстанда коронавирустан бір адам қайтыс болғанын хабарлады.

16 наурыздан бастап Қазақстанда коронавирусқа байланысты төтенше жағдай режимі жарияланды. Ал 19 наурыздан астана мен Алматы карантинге жабылды.

1236
Кілт сөздер:
коронавирус, Алматы
Тақырып:
Коронавирус эпидемиясы (1078)
Тақырып бойынша
Дүкенде инфекция жұқтырып алмау үшін қалай қолма-қол есеп айырысу керек – видео
Нұр-Сұлтанға 22 наурыздан бері келгендердің үшеуі коронавирус жұқтырған
Тоқаев коронавирустан қайтыс болған әйелдің туыстарына көңіл айтты
Алматыда алты адамның қалай инфекция жұқтырғаны айтылды
Шымкентте тұрғын үй алабы карантинге алынды
Нұр-Сұлтанда автобус паркі карантинге жабылды
Үйлену тойы

Алматыда үйлену тойы кезінде күтпеген жағдай болды видео

11756
(Жаңартылды 15:05 06.07.2020)
Қазақстанда коронавирусқа байланысты бесінші шілдеден бастап екі аптаға карантин шарасы күшейтілген болатын

АЛМАТЫ, 6 шілде – Sputnik. Алматы тұрғындары карантин кезінде үйде той өткізуге тырысты. Полицейлер жасырын жиынның үстінен түсті.

StopCov Almaty мәліметіне сәйкес, қала тұрғындары енгізілген қатаң шектеу шараларына қарамастан, 30 адамның басын қосып, үйлену тойын ұйымдастырған. 

"Той Ақжар шағын ауданы Жаңашаруа көшесіндегі үйлердің бірінде болды. Наурызбай ауданы тауарлар мен қызметтердің сапасы мен қауіпсіздігін бақылау комитетінің қызметкерлері жергілікті полициямен бірлесіп, салтанатты жиын қызған уақытында үстінен түсті. Отбасылық шара тоқтатылды", - деп хабарлады басқарманың баспасөз қызметі.

Айта кетсек, Қазақстанда коронавирусқа байланысты бесінші шілдеден бастап екі аптаға карантин шарасы күшейтілді. Тұрғындарға қонақ шақырып, отбасылық, діни жиын және басқа да салтанатты шара өткізуге тыйым салынды.

11756
Кілт сөздер:
той, видео, полиция, Алматы
Тақырып бойынша
Парацетамол мен ибупрофенді кімдерге ішуге болмайды?
COVID-19: дәрігер желіде тараған кеңес несімен қауіпті екенін айтты
Қазақстанда коронавирусқа қарсы вакцина бірінші кезекте кімдерге егіледі
Қазақстанда өткен тәулікте 1 403 адамнан коронавирус табылды
Нұр-Сұлтанда дәрі-дәрмекке қатысты жедел желі іске қосылды
Қап, адам

Маңғыстау әкімдігі желіде тарап кеткен видеоға қатысты түсініктеме берді

7471
(Жаңартылды 17:45 05.07.2020)
Әлеуметтік желіде ауруханада пакетте адам денелері жатқаны туралы ақпарат тарап кеткен болатын. Әкімдік мұны жоққа шығарып отыр

НҰР-СҰЛТАН, 5 шлде – Sputnik. Әлеуметтік желіде Ақтаудағы ауруханада пакеттерде мүрделер жатыр деген видео тарап кетті. Бұл видеоның Маңғыстау облысына еш қатысы жоқ, деп хабарлады облыс әкімдігі.

"Бұл ақпарат шындыққа жанаспайтынын ресми түрде мәлімдейміз. Аталған видеоны Ақтау қаласындағы ауруханамен байланыстырмауды сұраймыз", - деді облыстық әкімдікте.

Бұған дейін әлеуметтік желіде екінші карантин кезінде 75 мың теңге төленеді деген ақпарат тараған болатын. Сондай-ақ, қазақстандықтар Нұрсұлтан Назарбаев қан плазмасы негізінде коронавирусқа қарсы вакцина жасалады деген жалған ақпарат таратты.

Ақпарат және қоғамдық даму министрлігі жалған ақпарат тарату үшін қылмыстық кодекстің 274-бабына сәйкес жауапкершілік қарастырылғанын ескертті.

Бір айлық есептік көрсеткіштен 1 мың АЕК-ке (2 778 000 теңге) дейінгі айыппұл қарастырылған. Сондай-ақ, бір жылға дейін бас бостандығы шектеліп немесе бас бостандығынан айырылуы мүмкін.

Посмотреть эту публикацию в Instagram

Публикация от МАҢҒЫСТАУ ОБЛЫСЫНЫҢ ӘКІМДІГІ (@akimat_mangystau)

7471
Тақырып бойынша
"Назарбаевтың қанынан вакцина жасайды": министрлік түсініктеме берді
Министрлік 75 мың теңге төленетіні туралы ақпаратқа түсініктеме берді
"Ұшақпен белгісіз зат шашады": министр желіде тараған ақпаратқа жауап берді 
Ер адамның алтыннан жасалған маскасы жұртты таңғалдырды
"Бұған жол беруге болмайды": Тоқаев жұртты алаңдатқан мәселе туралы айтты
Зертхана қызметкері, архивтегі фото

Мәскеу дәрігерлері коронавируспен күресу үшін Қазақстанға келе жатыр

149
Топ құрамында Мәскеудің жетекші ауруханаларының 22 медициналық қызметкері бар, олар коронавирус жұқтырған науқастарды емдеп, бай тәжірибе жинақтаған

НҰР-СҰЛТАН, 6 шілде – Sputnik. Тәжірибелі мәскеулік дәрігерлер тобы Қазақстанға ұшып шықты. Дәрігерлер қазақстандық әріптестеріне көмектесуге дайын.

"22 дәрігерден құралған бригада COVID-19 науқастарын емдеуде жергілікті мамандарға көмек көрсету үшін Қазақстанға аттанды. Мультидисциплинарлы медициналық топты Мәскеу денсаулық сақтау департаменті бастығының орынбасары, нейрохирург Алексей Токарев және Мәскеу денсаулық сақтау департаментінің хирургия жөніндегі ұйымдастыру-әдістемелік бөлімінің басшысы Руслан Маер басқарады", - делінген Мәскеу денсаулық сақтау департаментінің хабарламасында.

Бұл Мәскеу денсаулық сақтау департаменті дәрігерлерінің коронавируспен күресуге көмектесу мақсатындағы алғашқы мемлекетаралық медициналық сапары.

Оқи отырыңыз: Қазақстанда коронавирусқа қарсы вакцина бірінші кезекте кімдерге егіледі 

Топ құрамына пульмонолог, кардиолог, эпидемиолог, КТ рентгенологы, жұқпалы аурулар жөніндегі мамандар, анестезиолог-реаниматологтар, КТ рентгенолог дәрігер және коронавируспен ауырған науқастарды емдеуде бай тәжірибесі бар басқа да мамандар кірген. Бұл мәскеулік жетекші ауруханалардың дәрігерлері.

"Мәскеулік мамандар жергілікті ауруханалардың дәрігерлеріне консультативті-диагностикалық көмек көрсетеді. Бригада COVID ауруханаларына барады, клиникаларды қайта бейіндеуге көмектеседі, пациенттерге қарайды және әртүрлі мамандықтағы дәрігерлер үшін оқу семинарларын өткізеді", - деп атап өтті баспасөз қызметі.

Еске сала кетейік, таяуда Қазақстан премьер-министрі Асқар Мамин Ресей үкімет басшысы Михаил Мишустинмен телефон арқылы сөйлесті, оның барысында Ресей Қазақстанға жұқпалы аурулар ауруханалары мен вирусологиялық зертханалар мамандарын жіберуге дайын екендігі белгілі болды.  

149
Кілт сөздер:
дәрігерлер, коронавирус
Тақырып:
Коронавирус эпидемиясы (1078)
Тақырып бойынша
Грузиядан Қазақстанға гуманитарлық көмек келді
5 шілдеден карантин басталады: ішкі істер министрі ескерту жасады
COVID-19: министр қандай дәрілер көмектеспейтінін айтты
Қазақстанда өткен тәулікте 1 403 адамнан коронавирус табылды
Пневмония эпидемиясы: коронавирус қайда кетті?