Архивтегі фото

Талдықорғанда екі жігіт аса қауіпті қылмыскерді ұстады

732
Алматы облысы полиция департаменті Талдықорған қаласының екі тұрғынын батылдық пен ерлік танытқаны үшін марапаттады

НҰР-СҰЛТАН, 3 сәуір – Sputnik. Талдықорған қаласында екі жаяу жүргінші аса қауіпті қылмыскерді ұстады.  

Жолда келе жатқан екі жас жігіт әйел адамға қастандық жасаған қылмыскерді құрықтаған, деп хабарлайды Polisia.kz.

"Сағат 18.00 шамасында облыс орталығының саябағында белгісіз біреу жаяу жүргінші жолымен келе жатқан әйел адамға шабуыл жасап, оны тұншықтыра бастаған. Осылайша, қаскүнем шарасыз әйелдің сөмкесін тартып алып, жасырынбақ болған сәтте, оқиғаға куә болған екі азамат өздерімен бірге келе жатқан бойжеткендерді жәбірленушінің жанына қалдырып, күдіктінің соңына түскен", - деп атап өтті Талдықорған қалалық полиция басқармасы басшысының орынбасары Ерлан Өтегенов.  

Олар қылмыскерді қуып жетіп, полиция жасағы келгенше оның жанында болған.

"Нәтижесінде күдікті полиция бөліміне жеткізілді. Жәбірленуші батылдық танытып, өзін қорғаған азаматтарға алғысын білдірді", – басқарма басшысының орынбасары.

Оқи отырыңыз: Алматыда сегіз жыл бойы іздеуде жүрген қылмыскер ұсталды - видео

Тәртіп сақшылары О. есімді күдіктінің 1984 жылғы Талдықорған қаласының тұрғыны екенін, бұрын да бірнеше рет ұрлық, тонау және қарақшылық шабуыл жасағаны үшін сотталғанын және қылмыс жасау кезінде мас күйінде болғанын анықтады.

"Қазіргі уақытта Талдықорған қалалық соты ұсталған азаматты аса қауіпті рецидивист деп танып, оған қатысты 3 жылға бас бостандығынан айыру туралы үкім шығарды, жазасын қылмыстық-атқару жүйесінің төтенше қауіпсіз мекемелерінде өтейді", – деп толықтырды Өтегенов.  

18 жастағы Талдықорған қаласының тұрғындары –Дмитрий Носко мен Сергей Набирухин Алматы облысы полиция департаменті бастығының бұйрығымен батылдық пен ерлік танытқаны үшін марапатталды. Оларға салтанатты түрде алғыс хат пен бағалы сыйлық тапсырылды.

732
Кілт сөздер:
Талдықорған, қылмыскер
Тақырып бойынша
Алматыда үйіне келген әйел жатын бөлмеде балтамен жүрген қаскөйдің үстінен түседі
Қазақстанның бірқатар өңірінде іздеуде жүрген қылмыскерлер ұсталды
Шымкентте полицейге шабуыл жасалды
Алматыда сегіз жыл бойы іздеуде жүрген қылмыскер ұсталды - видео
Зорлық жасады деген күдікті Нұр-Сұлтандағы аурухананың аумағынан қашып кетті
Шымкентте он жыл бұрынғы жантүршігерлік қылмыстың беті ашылды
Жедел жәрдем, архивтегі фото

Ақтөбеде хром қосылыстары зауытында 4 адам көз жұмды

648
(Жаңартылды 19:24 28.05.2020)
Абайсызда екі немесе одан да көп адамның өліміне әкеп соқтырған техника қауіпсіздігі ережелерін бұзу бабы бойынша сотқа дейінгі тергеу жүріп жатыр

НҰР-СҰЛТАН, 28 мамыр – Sputnik. Техника қауіпсіздігі ережесін бұзу салдарынан Ақтөбе хром қосылыстары зауытының төрт қызметкері қаза болды.

Оқиға 28 мамыр күні "АХҚЗ" АҚ-ның №4 цехында 50 текше метрлік бактың ішін тазарту жұмыстары кезінде болған. Бұл туралы облыстық полиция департаменті хабарлады.

Тағы екі адам ауыр жағдайда жатыр, олар жедел жәрдем ауруханасына жатқызылды.

Аталған факті бойынша Ақтөбе облысының полиция департаменті Қылмыстық кодекстің 156-бабы 4-бөлігі "Абайсызда екі немесе одан да көп адамның өліміне әкеп соқтырған техника қауіпсіздігі ережелерін бұзу" бойынша сотқа дейінгі тергеуді бастады.

Оқи отырыңыз: Түркістан облысында көз жұмған екі бала туралы ақпарат жарияланды 

Бұл бап жеті жылға дейінгі мерзімге бас бостандығын шектеу немесе дәл сол мерзімге бас бостандығынан айыру түріндегі жазаны қарастырады.    

Трагедияның мән-жайы анықталып жатыр. Оқиға орнында полиция мен құтқарушылар жүр.  

648
Кілт сөздер:
төтенше жағдай, зауыт
Тақырып бойынша
Нұр-Сұлтандағы трагедия: жүргізуші жас жігітті құтқару үшін өз өмірін қиған
Трагедия видеоға түсіп қалған: көпір құлап, адамдар қаза болды
Төрт жұмысшы кәріз құдығында қаза болды: жауаптылар 7 жылға сотталуы мүмкін
Үш адам қаза болды – Қарағандыдағы қайғылы оқиғаның мән-жайы
Қырғызстанда төтенше жағдай: екі адам көз жұмып, біреуі кепілге алынды
Зауыт қызметкері жұмыс істеп тұрған еттартқышқа құлап кетті
Ақша, архивтегі сурет

Еліміздің әр аймағында парамен ұсталғандардың видеосы жарияланды

103
(Жаңартылды 15:41 28.05.2020)
Парақорлардың қатарында 1 175 500 теңгені кәсіпкер шотына аудару арқылы алғандар да бар. Тіпті, кейбіреулері ақша алудың амалы ретінде банкоматты да пайдаланған

НҰР-СҰЛТАН, 28 мамыр – Sputnik. Сыбайлас жемқорлыққа қарсы іс-қимыл агенттігі парамен ұсталған лауазымды тұлғалардың видеосын жариялады, деп хабарлайды Sputnik Қазақстан тілшісі.

Ресми ақпаратқа сәйкес, Павлодар облыстық ауыл шаруашылығы басқармасының бөлім басшысына қатысты сотқа дейінгі тергеуді аяқтады. Ол Успен аудандық ветеринария станциясының қызметкерлеріне тиесілі ақшаны жымқырғаны үшін айыпталып отыр. Енді, шенеунік сот алдында жауап береді. 

Ал Түркістан облысында Келес аудандық жұмыспен қамту және әлеуметтік бағдарламалар бөлімінің қызметкеріне қатысты сотқа дейінгі тергеу бастады. Ол атаулы әлеуметтік көмектің ақшасын тағайындап аударғаны үшін 40 мың теңге көлемінде пара алды деген күдікке ілінді. Күдікті тергеуді тездетіп аяқтауға өтініш берді. 

Шымкентте экономикалық тергеу департаментінің жедел бөлімінің аға жедел уәкілі тергеуге алынды. Ол жалған акциздік маркаларды қолданған кәсіпкерден 200 мың теңге көлемінде пара алғаны үшін айыпталды.

Бұдан бөлек, ұттық экономика министрлігіне қарасты бәсекелестікті қорғау және дамыту комитетінің Шымкент қалалық департаментінің талдау бөлімінің басшысы парамен ұсталды. Қызметкер "Қазақстан теміржолы" АҚ филиалының жүк тасымалы бөлімі инженерінен 500 мың теңге көлемінде пара алды деп күдіктелуде. 

Ақтөбе қаласында облыстық полиция департаментінің қызметкері ұсталды. Патрульдік полиция инспекторы карантиндік блок-бекетті айналып өткен адамға әкімішлік хаттамаға толтырмаған. Сол үшін 15 000 теңге алды деген күдік бар.

Алматы облысында техникалық қадағалау қызметкерінің қылмысы әшкереленді. Ол Қаратал ауданында жолды күрделі жөндеу бойынша жалған құжаттарға қол қойып, мемлекетке 90 миллион теңгеден астам шығын келтірді.

Сондай-ақ, Таразда кәсіпкерлік, өнеркәсіп және туризм бөлімінің бұрынғы басшысы мен бухгалтеріне қатысты сотқа дейінгі тергеу басталды. Олар да жасалмаған жұмыстардың актілеріне қол қойған. Сөйтіп, жеке кәсіпкерге бюджет қаражатын аудару арқылы 1 175 500 теңге жымқырды деген күдік бар.

103
Кілт сөздер:
пара алу, пара беру, парақорлық
Тақырып бойынша
СҚО-да карантинде кедергісіз жүру үшін полицей 1 миллион 300 мың пара алған
Ақмола облысында әкімнің орынбасары пара алды деген күдікпен ұсталды
Қостанай облысында пара алған полицей видеоға түсірілді
Блок-бекетте пара алған шенеуніктерге қатысты сот үкімі шықты
Аса ірі көлемде пара алған басқарма төрағасына қатысты тергеу басталды
Қазақстан президенті Қасым-Жомарт Тоқаев

Қазақстан қақтығыстарды бейбіт жолмен реттеуге үлес қоса алады Тоқаев

8
Қасым-Жомарт Тоқаев "COVID-19 дәуірінде және одан кейінгі кезеңде дамуды қаржыландыру" атты жоғары деңгейдегі шарада сөз сөйледі

НҰР-СҰЛТАН, 28 мамыр – Sputnik. Қазақстан қақтығыстарды бейбіт жолмен реттеуге өз үлесін қоса алады, деді президент Қасым-Жомарт Тоқаев БҰҰ форумында.

Мемлекет басшысы теңізге шығуға мүмкіндігі жоқ Дамушы елдер тобының атынан сөз сөйледі.

"Қазақстан азық-түлік қауіпсіздігі, делдалдық, жанжалдарды шешу және бейбітшілік орнату сияқты негізгі салалардағы жаһандық күш-жігерге өз үлесін қоса алады", - деді Тоқаев  "COVID-19 дәуірінде және одан кейінгі кезеңде дамуды қаржыландыру" атты жоғары деңгейдегі шарада.

Ол пандемия кезінде Қазақстан коронавирустың өршуіне гуманитарлық жауап қату жаһандық жоспары аясында қаражат жібергенін атап өтті.

"Біз вирусқа қарсы күресте бірқатар елге гуманитарлық көмек көрсеттік", - деді Тоқаев.

Президент өз сөзінде жеке инвесторларды цифрлық теңсіздікті еңсеруге көмектесуге шақырды.

"Халықаралық сауда да барлық елдің, ең алдымен, аз дамыған елдердің мүдделері үшін тез дамып отыруы керек", - деп толықтырды ол.

Оқи отырыңыз: БҰҰ Бас хатшысы Қазақстанның коронавируспен күреске елеулі үлес қосқанын айтты 

"COVID-19 дәуірінде және одан кейінгі кезеңде дамуды қаржыландыру" форумы БҰҰ бастамасымен ұйымдастырылып, бейнеконференция түрінде өтіп жатыр.

Сессия барысында БҰҰ Бас хатшысы Антониу Гутерриш, Канаданың премьер-министрі Джастин Трюдо, Германия канцлері Ангела Меркель, Франция президенті Эммануэль Макрон және басқа елдердің басшылары сөз сөйледі.

8
Кілт сөздер:
БҰҰ, коронавирус, Қасым-Жомарт Тоқаев
Тақырып бойынша
Коронавирус салдары қандай болады - мамандар болжам жасады
Тоқаев: Қазақстан мен Швейцарияның ұстанымдары ортақ
Коронавирус пандемиясы кезінде Тоқаевтың жұмыс кестесі қалай өзгерді?
БҰҰ Тоқаевтың шешіміне қатысты пікір білдірді
Бөлінген қаржы қалай игерілуде: Тоқаев есеп комитетінің басшысын қабылдады