Архивтегі фото

Қазақстанда дауылды жел 160 ғимараттың шатырын ұшырып әкетті

299
Табиғат апатынан ең көп зардап шеккен Қостанай және Ақмола облысы болды. Сондай-ақ, жел Қазақстанның солтүстігіндегі ғимараттарды зақымдады

НҰР-СҰЛТАН, 8 сәуір – Sputnik. Қазақстанда дүлей желдің салдарынан 160-тан астам ғимараттың шатыры бүлінді. Бұл туралы ТЖ комитеті дағдарысты ахуалдарды басқару орталығының басшысы Рустамбек Амрин айтты, деп хабарлайды Sputnik Қазақстан.

Қатты желдің салдарынан Ақмола, Қостанай және Солтүстік Қазақстан облыстарының 22 ауданы мен екі қаласында 160-тан астам ғимараттың шатыры жұлынып кетті.

Ақмола және Қостанай облыстарының тоғыз ауданында электр желілері зақымданды. Зақымдалған нысандар мен материалдық шығындар көлемі анықталып жатыр.  

Сонымен қатар, ауа-райының қолайсыздығына байланысты Ақмола және Қостанай облыстарындағы республикалық маңызы бар автомобиль жолдарының тоғыз учаскесі және Қостанай облысындағы облыстық маңызы бар автомобиль жолдарының 20 учаскесі жабылды.

7 сәуірде Қазақстанның өңірлерінде ауа райы бұзылды. Боран Қостанай облысының тұрғындарын электр, су және жылусыз қалдырды, Көкшетауда жел шатырларды ұшырып әкетті.

Оқи отырыңыз: Қостанай облысында жетпістен аса адам қар құрсауында қалды

Ақмола облысының Үрүмқай ауылында дауыл салдарынан күзетшіге шатыр құлап, ер адам қайтыс болды.

7 сәуірден 9 сәуірге дейін Қазақстанның басым бөлігінде дабылды ескерту жарияланды.

13 облыста желдің екпіні секундына 30 метрге дейін жетеді деп болжануда, сондай-ақ қар мен жаңбыр жауады, түнде ауа температурасы минус сегіз градусқа дейін төмендейді.

299
Кілт сөздер:
шатыр, жел, дауыл
Тақырып бойынша
Сәуірге ауа райы болжамы: "30 градусқа дейін ыстық болады"
Бірнеше өңірде дабылды ескерту жарияланды: ертеңге ауа райы болжамы
Күн күрт суытады: еліміздің басым бөлігінде дабылды ескерту жарияланды
Биылғы жаз қандай болады - ауа райы болжамы жарияланды
Фонтан, бала

Қырық градус ыстық болады: ертеңге ауа райы болжамы

284
31 мамырда республиканың басым аумағында ауа райы жауын-шашынсыз, күн ыстық болады. Өңірлерде дабылды ескерту жарияланды

НҰР-СҰЛТАН, 30 мамыр – Sputnik. Қазақстан аумағында 31 мамырда ауа температурасы 41 градусқа дейін көтеріледі. Нұр-Сұлтанда жел күшейеді деп болжанып отыр. Қазгидромет жекелеген өңірлерде дабылды ескерту жариялады.

Қырық градус ыстық

Күндіз Қызылорда облысында 41 градусқа дейін аптап ыстық болады, солтүстік-шығыстан 15-20 м/с жел соғады.

Түркістан облысында да – 40 градус ыстық, кей жерлерде жылдамдығы 15-20 м/с жел тұрады. Түркістанда сынап бағанасы 40 градусқа дейін көтеріледі.

Қарағанды облысында 31 мамыр мен 2 маусым аралығында 35-39 градус ыстық күтіледі.

Тағы оқыңыз: Жаңбыр, бұршақ жауып, ыстық болады: маусымға ауа райы болжамы жарияланды

Қостанай облысында да аптап ыстық болжануда - 35-38 градус.

Қатты жел

31 мамыр күндіз Ақмола облысында желдің екпіні 15-20 м/с дейін барады.

Нұр-Сұлтанда оңтүстіктен және оңтүстік-батыстан соғатын желдің жылдамдығы секундына 15-18 метрге жетеді.

Мегаполистердегі ауа райы

Қазақстан астанасында сынап бағанасы 31-33 градусты көрсетеді деп күтілуде, көшпелі бұлт шығады, күн ашық. Желдің екпіні – 15-18 м/с.

Алматыда да ауа райы жауын-шашынсыз, 29-31 градус ыстық.

Шымкентте күн ашық, күндіз ауа температурасы 34-36 градусқа дейін жоғарылайды.

284
Кілт сөздер:
ыстық, ауа райы болжамы
Мерседес аударылып кетті

Алматыда жолда келе жатқан көлік аударылып кетті видео

350
Mercedes Benz GLE алдындағы көлікті басып озу кезінде жол апатын жасады, оқиға салдарынан бес адам жарақат алды

АЛМАТЫ, 30 мамыр – Sputnik. Сенбіге қараған түні Алматының Достық даңғылында жол талғамайтын көлік пен жеңіл көлік апатқа ұшырады, деп хабарлады Sputnik Қазақстанға құқық қорғау органдары.

Жүргізушілер мен куәгерлердің айтуынша, Hyundai Solaris пен Mercedes Benz GLE Достық даңғылының бойымен оңтүстік бағытта бірінің артынан бірі келе жатқан. Hyundai Solaris жүргізушісі айтқандай, Mercedes өткізіп жібер деп шам жарығымен белгі берген.  Hyundai сәл оңға қарай ығыса бергенде, Mercedes бірден басып озып, Hyundai-ды бар жылдамдықпен қағып өтіп, аударылып қалған.

 Хюндай после аварии
© Sputnik / Стрингер.
Hyundai Solaris көлігі апатқа ұшырады

Жол апаты салдарынан бес адам жарақат алды – Mercedes жүргізушісі мен үш жолаушысы және Hyundai жолаушысы. Дәрігерлер қарап шыққаннан кейін барлығы ауруханаға жатудан бас тартты.  

350
Кілт сөздер:
видео, Алматы, жол апаты
Тақырып бойынша
Блок бекеттегі трагедия: күдіктінің әкесі полиция мәлімдемесін жоққа шығарды - видео
Бурабайда терминалға жол ақысын төлемек болған жүргізуші көз жұмды 
Түркістан облысында жантүршігерлік жол апаты төрт адамның өмірін қиды
Нұр-Сұлтанда жол апаты болды - 13 адам ауруханаға жеткізілді
Аурухана қызметкері

Қазақстанда тағы 476 адам коронавирус жұқтырды

0
Өткен тәулікте вирус жұқтырған 476 адам анықталды, өсім қарқыны 4,6 процентті құраған, ауырғандардың ең көбі Нұр-Сұлтан мен Алматы қаласында

НҰР-СҰЛТАН, 31 мамыр – Sputnik. Қазақстанда бір тәуліктің ішінде індетке шалдыққан тағы 476 адам тіркелді, деп хабарлайды жедел штаб.

"Өткен тәулікте коронавирус инфекциясын жұқтырған тағы 476 адам тіркелді. Өсім қарқыны – 4,6%", - делінген хабарламада.

Оның ішінде:

  • Нұр-Сұлтан қаласы – 149 (7,6%)
  • Алматы қаласы – 117 (4,7%)
  • Қарағанды облысы – 44 (5,3%)
  • Батыс Қазақстан облысы – 41 (7,1%)
  • Маңғыстау облысы – 31 (13,8%)
  • Қызылорда облысы – 25 (7,2%)
  • Шымкент қаласы – 22 (2,7%)
  • Қостанай облысы – 12 (7,3%)
  • Атырау облысы – 12 (1,2%)
  • Жамбыл облысы – 7 (1,9%)
  • Түркістан облысы – 6 (1,7%)
  • Шығыс Қазақстан облысы – 5 (4,4%)
  • Алматы облысы - 4 (1,1%)
  • Ақмола облысы – 1 (0,7%).

Республикада вирус жұқтырғандар саны 10 858 адамға жетті. 5220 адам жазылып шықса, отыз сегіз науқас қайтыс болды.

0
Кілт сөздер:
коронавирус
Тақырып:
Коронавирус эпидемиясы
Тақырып бойынша
Нұр-Сұлтанда коронавирус жұқтырған 14 науқас жансақтау бөлімінде жатыр 
Сұлтанғазиев қай облыстарда коронавирус жұқтырғандар саны артқанын айтты 
Дәрігер салонға барғанда коронавирус жұқтырудан қалай сақтану керектігін айтты
Кентауда коронавирус жұқтырған әйел дені сау бала туды