Атырау облысындағы дауыл салдары

Атырау облысында дауыл бірнеше ғимараттың шатырын ұшырды

496
(Жаңартылды 14:52 17.05.2020)
Куәгерлер әлеуметтік желіде Атырау облысындағы дауылдың видеосын жариялады. Ресми мәлімет бойынша құрбан болғандар мен зардап шеккендер жоқ

НҰР-СҰЛТАН, 17 мамыр – Sputnik. Дауыл Атырау облысының Құрманғазы ауданында бірқатар ғимараттардың шатырын ұшырған.

16 мамыр күні кешке аймақта қолайсыз ауа райы қалыптасып, желдің екпіні секундына тоғыз метрге жеткен. Куәгерлер суреттер мен видеоларды әлеуметтік желілерде жариялады.

Посмотреть эту публикацию в Instagram

Публикация от @zello.ganyushkino

Төтенше жағдайлар комитеті Құрманғазы мен Сафоновка ауылындағы мектептердің шатыры ұшқанын хабарлады.

Сондай-ақ, Байда ауылының шекара заставасы аумағындағы қазандықтың төбесі бұзылып, тәлімбақ зақымданған.

Последствия урагана в Атырауской области
© Photo : Комитет по ЧС МВД
Атырау облысындағы дауыл салдарынан қираған ғимарат шатыры

Ресми дерек бойынша құрбан болғандар мен зардап шеккендер жоқ.

Айта кетейік, бұған дейін Қазгидромет 17 мамыр күні Қазақстанның бірнеше аймағында жаңбыр жауып, қатты жел болады деп хабарлаған.

Последствия урагана в Атырауской области
© Photo : Комитет по ЧС МВД
Қираған ғимарат шатыры

Ал Атырау облысында найзағай ойнап, жел күшейеді. Кей жерлерде бұршақты жаңбыр жауады деп болжанған.

496
Архивтегі фото

Оралда балабақшаның екі қызметкерінен коронавирус табылды

9
Қаладағы балабақшалардың жұмысы 15 маусымға дейін тоқтатылды. Мектепке дейінгі мекемелердің тәрбиеленушілері   инфекция жұқтырған жоқ   

АЛМАТЫ, 25 мамыр – Sputnik. Оралда балабақшаның екі қызметкерінен коронавирус анықталды, деп хабарлады жергілікті Мой город басылымы.

Бұл жайында Батыс Қазақстан облысы тауарлар мен қызметтердің сапасы мен қауіпсіздігін бақылау департаментінің басшысы Нұрлыбек Мұстаев мәлімдеді.

Облыста жалпы 414 адамнан коронавирус инфекциясы табылды. Мұсатаевтың айтуынша, олардың арасында балабақша мен білім беру бөлімінің қызметкері бар.

"Науқастрадың он бесі – 14 жасқа дейінгі балалар. 252 жағдай сырттан әкелінген, 162 адам байланыста болғандар, оның ішінде 64 медицина қызметкері, 5 полиция қызметкері, 2 балабақша қызметкері, 2 білім беру бөлімінің қызметкері, 2 оқу орталығының қызметкері, блок бекеттің бір қызметкері бар", - деді Мұсатаев.

Науқастардың арасында балабақша тәрбиеленушілері жоқ.

"Мектепке дейінгі мекемелердің тәрбиеленушілері арасында инфекция жұқтырғандар жоқ, бірақ оқу орталығының оқытушысы мен білім алушыдан коронавирус табылды. Олармен байланыста болған барлық адам анықталды, медициналық бақылау жүргізіліп жатыр. Жұқтыру ошақтарына дезинфекция жасалып жатыр", - деді Мұсатаев.

Сонымен қатар облыстың бас санитар дәрігерінің қаулысымен карантин режимі 15 маусымға дейін ұзартылды. Ал 25 мамырға дейін ашылған барлық нысан жұмысын жалғастырады, яғни қайта жабылмайды.

Орал әкімдігі жанындағы жедел штабтың шешімімен 25 мамырдан бастап Орал қаласындағы барлық балабақша жабылады.

Мұсатаевтың айтуынша, облыс аудандарында коронавирус инфекциясын жұқтырғандар саны артып келеді. Ақжайық ауданында 5, Бөрлі ауданында 7, Теректі және Жәнібек аудандарында – 2  адамнан, Сырым ауданында және Бәйтерек ауданында 5  адамнан, Тасқала ауданында 11 адам анықтады. Ал қалған 377 дерек қалада тіркелді.

Жоспар өзгерді: Жамбыл облысында халыққа қызмет көрсету орталықтары ашылмайды 

"Жәнібек ауданында екі адамның инфекция жұқтырғаны анықталды. Бірі Қамысты ауылының тұрғыны, жеке кәсіпкер. Ал екіншісі Теңіз кен орнынан вахтадан оралған Борсы ауылының тұрғыны. Коронавирусқа тапсырған алғашқы тестің нәтижесі теріс болды, алайда үйіне барған соң ауру белгілері пайда болды. Олар қазір облыстық ауруханаға жатқызылды", - деді ол.

Қамысты және Борсы ауылында карантин жарияланды. Сонымен қатар Сырым ауданында және Қарашығанақ кен орнында карантин шарасы енгізілді. Өйткені Қарашығанақ Петролиум Оперейтингтің бір қызметкерінен коронавирус анықталды, деп нақтылады Нұрлыбек Мұстаев.

Айта кетейік, Батыс Қазақстан облысында 24 мамырда 16 адамнан инфекция анықталды, өсім 7,3%-ті құрады.

24 мамырда қала әкімдігі жанындағы жедел штаб балабақшалардың жұмысын 15 маусымға дейін тоқтатты.

9
Кілт сөздер:
балабақша, коронавирус
Тақырып:
Төтенше жағдай және карантин
Тақырып бойынша
COVID-19 инфекциясын жұқтырған науқастар үшін қауіпті дәрілер аталды
Қырғызстан парламентінің экс-спикері коронавирустан қайтыс болды
Ғалымдар коронавирус пандемиясы қашан аяқталатынын айтты
Коронавирус инфекциясын бір тәулікте 209 адам жұқтырды  
Атырауда үш жасар қыздың коронавирусты қалай жұқтырғаны анықталды
 Архивтегі фото

Ақтөбе облысында ер адам өртеніп жатқан үйден жеті адамды құтқарды

31
(Жаңартылды 12:45 25.05.2020)
Өрт тұрғындар ұйықтап жатқанда, таңертең ерте шыққан. Көршілердің бір үйдегі адамдарды, оның ішінде жүкті әйел мен үш баланы өрттен аман алып қалды

НҰР-СҰЛТАН, 25 мамыр – Sputnik. Ақтөбе облысының Темір ауданындағы Шұбарқұдық ауылында ер адам өрттен жеті адамды алып шықты, деп хабарлады төтенше жағдайлар комитетінің баспасөз қызметі.

Оқиға 23 мамыр күні таңғы бесте болған.  

Көрші тұратын Медет Қалмұханов өртті байқап қалып, өрт сөндірушілер келгенге дейін терезені сындырып, үйге кірген. Ер адам жеті тұрғынға сыртқа шығуға көмектескен, олардың үшеуі бала, біреуі жүкті әйел.

Оқи отырыңыз: Үй отқа оранды - балаларды құтқарған астаналықтың аты-жөні айтылды 

"Қажет кезде қажет жерден табылғаныма өте қуаныштымын!", - дейді Медет.

Алғашқы өрт сөндіру бөлімдері оқиға орнына төрт минут ішінде жеткен. 100 шаршы метрден астам үйдің шатыры мен дәліз отқа оранды. Өрт сағат 05.04-те ошауланып, 05.56-да сөндірілді.  

31
Кілт сөздер:
Ақтөбе облысы, өрт
Тақырып бойынша
Алматыда ірі тұрғын үй кешені өртенді – видео
"Көршілер айқайлады": Алматылық әйелін құтқару үшін отқа оранған үйге кіріп кеткен
Елордада өрт сөндірушілер коронавируспен күресуге көшеге шықты – видео
Кореяда адамдарды өрттен құтқарған қазақстандыққа күтпеген ұсыныс жасалды
Нұр-Сұлтанда балаларды жанып жатқан көліктен құтқарған ер адам марапатталды
Ішкі істер министрі Ерлан Тұрғымбаев

Алматыдағы трагедия: ішкі істер министрі полицейлердің отбасына көңіл айтты

15
Ішкі істер министрлігінің басшысы қаза болған полицейлер үздік қызметкерлердің бірі болғанын атап өтті

НҰР-СҰЛТАН, 25 мамыр – Sputnik. Ішкі істер министрі Ерлан Тұрғымбаев қызметтік борышын атқару кезінде көз жұмған полиция аға лейтенанты Жарас Жанғазиев пен полиция сержанты Дастан Әбдіқановтың отбасыларына көңіл айтты, деп хабарлайды Sputnik Қазақстан.

"Қаза болған полицейлер екі айдан астам уақыт төтенше жағдай кезінде ерекше режимде жұмыс істеді. Олар күн сайын қызметке кірісе отырып, карантин шараларын қамтамасыз етіп, қоғамдық тәртіпті қадағалады", - деді министр.

Аға лейтенант Жарас Жанғазиев Алматы қаласы патрульдік полиция полкінің инспекторы болып қызмет еткен. 19 жыл ішінде қызметтік міндетін адал атқарғаны үшін ведомстволық наградалармен марапатталған.

Тұрғымбаев Жанғазиев көптеген жас полицейге үлгі бола білгенін айтты. Марқұмның артында екі қызы мен жары қалды, жұбайының үшінші сәбиге аяғы ауыр.

Тағы оқыңыз: Алматы тұрғыны блок бекетті бұзып өтпек болды: полицей көз жұмды

Ал полиция сержанты Дастан Әбдіқанов төрт жыл ішінде өзін жауапты, ұқыпты қызметкер ретінде көрсете білген.

"Болашаққа көп жоспар құратын. Ол азаматтардың тыныштығы мен қауіпсіздігін қамтамасыз ету жолында бар күш-жігерін жұмсады", - деді ведомство басшысы.

Әбдіқанов былтыр шаңырақ көтерген, бір ай бұрын қызы дүниеге келді.

"Екеуі де үздік қызметкерлердің бірі болатын. Отаны үшін әлі де аянбай еңбек етер еді. Ішкі істер министрлігінің жеке құрамы туған-туыстарының қайғысына ортақтасады. Бұл біз үшін орны толмас қаза", - деді Тұрғымбаев.

Еске сала кетсек, трагедия бүгін таңғы сағат алтыда Алматыдағы Көксай шағын ауданында болды. BMW көлігін тізгіндеген 28 жастағы жүргізуші, алдымен, блок бекет қоршауына, содан кейін патрульдік көлікке соқтығысқан.

42 жастағы полицей Жарас Жанғазиев оқиға орнында қаза болды. Ал екінші полицей Дастан Әбдіқанов ауруханада есін жимастан көз жұмды.

15
Кілт сөздер:
полиция, Алматы, Ішкі істер министрлігі