Архивтегі фото

Алматыда білім саласына қатысты бірқатар шешім қабылданды

266
(Жаңартылды 16:30 19.05.2020)
Қалада мектеп жанындағы жазғы лагерь жұмыс істемейді, 1-сыныпқа баратын жеткіншектердің құжатын қабылдау 1 маусымнан басталады

АЛМАТЫ, 19 мамыр – Sputnik. Алматыда оқу жылын қорытындылауға дайындық, мектеп түлектерін аттестаттаудан өткізу кезіндегі санитарлық-эпидемиологиялық талаптар және ҰБТ өткізу мәселесі талқыланды.

Сонымен қатар жаңа оқу жылына 1-сыныпқа балаларды қабылдау дайындығы қаралды, деп хабарлады қала әкімдігінің баспасөз қызметі.

Аттестат табыстау шарасы қалай өтеді

2020 жылы Алматыда 9 299 түлек аттестат алады, оның 8 667-сі мемлекеттік мектептердің түлегі, 632 оқушы жекеменшік мектепті бітіреді.

Қалалық білім басқармасының ақпаратына сәйкес, биыл 9-11 сынып оқушылары үшін қорытынды аттестаттау өткізілмейді. Білім беру ұйымдарында оқу жылы 25 мамырда аяқталады.

"Негізгі орта және жалпы орта білім беретін мектепті бітіргені жөніндегі аттестаттау кезінде бұған дейінгі бағалар есепке алынады. Орта білім беру ұйымдарының басшыларына электронды журналдағы бағаны түзеуге үзілді-кесілді тыйым салынады", - делінген ақпаратта.

Сонымен қатар 1-10 сынып оқушылары үшін салтанатты жиындар қашықтан өткізіледі.

Ал 11-сыныпты бітірген түлектерге аттестат табыстау шарасы 3-4 маусымда барлық санитарлық-эпидемиологиялық талапты қатаң сақтау арқылы өтеді.

Санитарлық-эпидемиологиялық талаптар 

Салтанатты жиынды өткізу барысында елдегі, қаладағы эпидемиологиялық жағдай ескеріледі. Соған сәйкес санитарлық-эпидемиологиялық талаптар бекітілді:

  • Жиын тек бітіруші сынып үшін өткізіледі және оқушылардың арасындағы әлеуметтік қашықтық кемінде 2 метрден кем болмауы тиіс;
  • Аттестат тек сыныптар бойынша табысталады, бұл шараға оқушыларды, олардың ата-аналары мен педагогикалық ұжым өкілдерін қосқанда шамамен 60 адамға ғана қатысуға рұқсат етіледі;
  • Бір сыныптың түлектері мен екінші сыныптың түлектеріне аттестат табыстау шараларының аралығы кемінде 1 сағат болуы керек;
  • Түлектердің отбасынан жиынға 1-2 ата-ана ғана келуіне кеңес берілді, ал түлектердің егде жастағы ата-әжелеріне линейкаға келуден бас тартқаны абзал.

ҰБТ маусымда басталады 

ҰБТ дәстүрлі форматта өтеді, барлық санитарлық-эпидемиологиялық талап сақталады. 2020 жылы Алматыда 9 047 түлек ұлттық бірыңғай тестілеуге қатысады.

"ҰБТ Алматыда 20 маусым мен 5 шілде аралығында 8 өткізу пунктінде барлық қауіпсіздік шарасы сақтала отырып өткізіледі. ҰБТ-ға маусым айында 190 мемлекеттік және 49 жекеменшік мектеп қатысады", - делінген ақпаратта.

Жазғы лагерлер ашылмайды

Сонымен қатар жиын барысында коронавирус індетін жұқтыру қаупі бар екені ескеріле отырып, Алматы қаласының мектеп оқушылары үшін қала сыртынан да, мектеп жанынан да лагерь ашпау жөнінде шешім қабылданды.  

1-сыныпқа қабылдау қашан басталады

Алматыда 1 маусымнан бастап 1-сыныпқа баратын жеткіншектердің құжатын қабылдау басталады.  

Ал 15 мамырдан бастап дарынды балаларға арналған мамандандырылған гимназияларға, лицейлерге құжат қабылданады.

266
Кілт сөздер:
түлектер, Алматы
Тақырып:
Төтенше жағдай және карантин (397)
Тақырып бойынша
Тоқаевтың тапсырмасынан кейін жаңа орталық құрылды – оны кім басқарады
Бес жылда білім саласы қалай өзгереді – министр жаңа бағдарламаны таныстырды
Білім министрі таяуда жақсы жаңалық болатынын мәлімдеді
"Кім жауап береді?": Сенатор білім саласындағы былықты жайып салды   
Білім және ғылым саласын толығымен жаңғыртамыз – мемлекет басшысы
Жедел жәрдем, архивтегі фото

Ақтөбеде хром қосылыстары зауытында 4 адам көз жұмды

674
(Жаңартылды 19:24 28.05.2020)
Абайсызда екі немесе одан да көп адамның өліміне әкеп соқтырған техника қауіпсіздігі ережелерін бұзу бабы бойынша сотқа дейінгі тергеу жүріп жатыр

НҰР-СҰЛТАН, 28 мамыр – Sputnik. Техника қауіпсіздігі ережесін бұзу салдарынан Ақтөбе хром қосылыстары зауытының төрт қызметкері қаза болды.

Оқиға 28 мамыр күні "АХҚЗ" АҚ-ның №4 цехында 50 текше метрлік бактың ішін тазарту жұмыстары кезінде болған. Бұл туралы облыстық полиция департаменті хабарлады.

Тағы екі адам ауыр жағдайда жатыр, олар жедел жәрдем ауруханасына жатқызылды.

Аталған факті бойынша Ақтөбе облысының полиция департаменті Қылмыстық кодекстің 156-бабы 4-бөлігі "Абайсызда екі немесе одан да көп адамның өліміне әкеп соқтырған техника қауіпсіздігі ережелерін бұзу" бойынша сотқа дейінгі тергеуді бастады.

Оқи отырыңыз: Түркістан облысында көз жұмған екі бала туралы ақпарат жарияланды 

Бұл бап жеті жылға дейінгі мерзімге бас бостандығын шектеу немесе дәл сол мерзімге бас бостандығынан айыру түріндегі жазаны қарастырады.    

Трагедияның мән-жайы анықталып жатыр. Оқиға орнында полиция мен құтқарушылар жүр.  

674
Кілт сөздер:
төтенше жағдай, зауыт
Тақырып бойынша
Нұр-Сұлтандағы трагедия: жүргізуші жас жігітті құтқару үшін өз өмірін қиған
Трагедия видеоға түсіп қалған: көпір құлап, адамдар қаза болды
Төрт жұмысшы кәріз құдығында қаза болды: жауаптылар 7 жылға сотталуы мүмкін
Үш адам қаза болды – Қарағандыдағы қайғылы оқиғаның мән-жайы
Қырғызстанда төтенше жағдай: екі адам көз жұмып, біреуі кепілге алынды
Зауыт қызметкері жұмыс істеп тұрған еттартқышқа құлап кетті
Ақша, архивтегі сурет

Еліміздің әр аймағында парамен ұсталғандардың видеосы жарияланды

104
(Жаңартылды 15:41 28.05.2020)
Парақорлардың қатарында 1 175 500 теңгені кәсіпкер шотына аудару арқылы алғандар да бар. Тіпті, кейбіреулері ақша алудың амалы ретінде банкоматты да пайдаланған

НҰР-СҰЛТАН, 28 мамыр – Sputnik. Сыбайлас жемқорлыққа қарсы іс-қимыл агенттігі парамен ұсталған лауазымды тұлғалардың видеосын жариялады, деп хабарлайды Sputnik Қазақстан тілшісі.

Ресми ақпаратқа сәйкес, Павлодар облыстық ауыл шаруашылығы басқармасының бөлім басшысына қатысты сотқа дейінгі тергеуді аяқтады. Ол Успен аудандық ветеринария станциясының қызметкерлеріне тиесілі ақшаны жымқырғаны үшін айыпталып отыр. Енді, шенеунік сот алдында жауап береді. 

Ал Түркістан облысында Келес аудандық жұмыспен қамту және әлеуметтік бағдарламалар бөлімінің қызметкеріне қатысты сотқа дейінгі тергеу бастады. Ол атаулы әлеуметтік көмектің ақшасын тағайындап аударғаны үшін 40 мың теңге көлемінде пара алды деген күдікке ілінді. Күдікті тергеуді тездетіп аяқтауға өтініш берді. 

Шымкентте экономикалық тергеу департаментінің жедел бөлімінің аға жедел уәкілі тергеуге алынды. Ол жалған акциздік маркаларды қолданған кәсіпкерден 200 мың теңге көлемінде пара алғаны үшін айыпталды.

Бұдан бөлек, ұттық экономика министрлігіне қарасты бәсекелестікті қорғау және дамыту комитетінің Шымкент қалалық департаментінің талдау бөлімінің басшысы парамен ұсталды. Қызметкер "Қазақстан теміржолы" АҚ филиалының жүк тасымалы бөлімі инженерінен 500 мың теңге көлемінде пара алды деп күдіктелуде. 

Ақтөбе қаласында облыстық полиция департаментінің қызметкері ұсталды. Патрульдік полиция инспекторы карантиндік блок-бекетті айналып өткен адамға әкімішлік хаттамаға толтырмаған. Сол үшін 15 000 теңге алды деген күдік бар.

Алматы облысында техникалық қадағалау қызметкерінің қылмысы әшкереленді. Ол Қаратал ауданында жолды күрделі жөндеу бойынша жалған құжаттарға қол қойып, мемлекетке 90 миллион теңгеден астам шығын келтірді.

Сондай-ақ, Таразда кәсіпкерлік, өнеркәсіп және туризм бөлімінің бұрынғы басшысы мен бухгалтеріне қатысты сотқа дейінгі тергеу басталды. Олар да жасалмаған жұмыстардың актілеріне қол қойған. Сөйтіп, жеке кәсіпкерге бюджет қаражатын аудару арқылы 1 175 500 теңге жымқырды деген күдік бар.

104
Кілт сөздер:
пара алу, пара беру, парақорлық
Тақырып бойынша
СҚО-да карантинде кедергісіз жүру үшін полицей 1 миллион 300 мың пара алған
Ақмола облысында әкімнің орынбасары пара алды деген күдікпен ұсталды
Қостанай облысында пара алған полицей видеоға түсірілді
Блок-бекетте пара алған шенеуніктерге қатысты сот үкімі шықты
Аса ірі көлемде пара алған басқарма төрағасына қатысты тергеу басталды
Қазақстан президенті Қасым-Жомарт Тоқаев

Қазақстан қақтығыстарды бейбіт жолмен реттеуге үлес қоса алады Тоқаев

9
Қасым-Жомарт Тоқаев "COVID-19 дәуірінде және одан кейінгі кезеңде дамуды қаржыландыру" атты жоғары деңгейдегі шарада сөз сөйледі

НҰР-СҰЛТАН, 28 мамыр – Sputnik. Қазақстан қақтығыстарды бейбіт жолмен реттеуге өз үлесін қоса алады, деді президент Қасым-Жомарт Тоқаев БҰҰ форумында.

Мемлекет басшысы теңізге шығуға мүмкіндігі жоқ Дамушы елдер тобының атынан сөз сөйледі.

"Қазақстан азық-түлік қауіпсіздігі, делдалдық, жанжалдарды шешу және бейбітшілік орнату сияқты негізгі салалардағы жаһандық күш-жігерге өз үлесін қоса алады", - деді Тоқаев  "COVID-19 дәуірінде және одан кейінгі кезеңде дамуды қаржыландыру" атты жоғары деңгейдегі шарада.

Ол пандемия кезінде Қазақстан коронавирустың өршуіне гуманитарлық жауап қату жаһандық жоспары аясында қаражат жібергенін атап өтті.

"Біз вирусқа қарсы күресте бірқатар елге гуманитарлық көмек көрсеттік", - деді Тоқаев.

Президент өз сөзінде жеке инвесторларды цифрлық теңсіздікті еңсеруге көмектесуге шақырды.

"Халықаралық сауда да барлық елдің, ең алдымен, аз дамыған елдердің мүдделері үшін тез дамып отыруы керек", - деп толықтырды ол.

Оқи отырыңыз: БҰҰ Бас хатшысы Қазақстанның коронавируспен күреске елеулі үлес қосқанын айтты 

"COVID-19 дәуірінде және одан кейінгі кезеңде дамуды қаржыландыру" форумы БҰҰ бастамасымен ұйымдастырылып, бейнеконференция түрінде өтіп жатыр.

Сессия барысында БҰҰ Бас хатшысы Антониу Гутерриш, Канаданың премьер-министрі Джастин Трюдо, Германия канцлері Ангела Меркель, Франция президенті Эммануэль Макрон және басқа елдердің басшылары сөз сөйледі.

9
Кілт сөздер:
БҰҰ, коронавирус, Қасым-Жомарт Тоқаев
Тақырып бойынша
Коронавирус салдары қандай болады - мамандар болжам жасады
Тоқаев: Қазақстан мен Швейцарияның ұстанымдары ортақ
Коронавирус пандемиясы кезінде Тоқаевтың жұмыс кестесі қалай өзгерді?
БҰҰ Тоқаевтың шешіміне қатысты пікір білдірді
Бөлінген қаржы қалай игерілуде: Тоқаев есеп комитетінің басшысын қабылдады