Иллюстративті фото

Шығын 40 миллионнан асады: Алматыда ер адам тұрғындарды ерекше тәсілмен алдаған

571
(Жаңартылды 15:28 29.05.2020)
Қаскүнем жалған жеке куәліктер жасатып, өзін әр түрлі атпен таныстырған, дейді Алмалы аудандық полиция басқармасының басшысы  

НҰР-СҰЛТАН, 29 мамыр – Sputnik. Алматыда 39 жастағы ер адам жалған құжатпен екі жылдан астам уақыт бойы полициядан жасырынып жүрген.

Ол қала тұрғындарын ерекше жолмен алдап келген. 1981 жылы туған күдікті ұлттық және шетел валютасында жедел түрде ауқымды биржалық операциялар жасағысы келген адамдарды интернет арқылы іздеген, деп хабарлады Polisia.kz.

Күдікті арам ниетін жүзеге асыру үшін валюта айырбастау операциялары туралы жарнамалар жасаған. Келіссөз аяқталғаннан кейін ол клиенттермен жалға алынған бөлмелерде кездескен. Ол қолма-қол ақшаны алып, оның тұпнұсқа екенін тексеремін деп басқа бөлмеге кіріп, қосалқы есіктер арқылы қашып кетіп отырған.

Оқи отырыңыз: Түркістан облысында жүкті әйел жиырмаға жуық тұрғынды алдаған 

Қаскүнем өзін әр түрлі атпен таныстырған және ол үшін жеке куәліктер дайындаған, дейді Алмалы аудандық полиция басқармасының басшысы Есен Ысқақов.

Күдікті қазір қамауға алынды. Алмалы ауданының аумағында ол осыған ұқсас төрт қылмыс жасаған. Материалдық шығын 40 миллион теңгеден асады.

Ттергеу бөлімі оның қаладағы қылмыстарға қатысы бар-жоғын анықтап жатыр.   

571
Кілт сөздер:
алаяқ, Алматы
Тақырып бойынша
Халықты алдаған ломбард басшыларының қайда екені анықталды
Ақтөбеде тұрғындарды сан соқтырып кеткен шенеунік әйел ұсталды
Алматыда әйел адам арзан пәтер тауып беремін деп жұртты алдаған
Kaspi Bank бұрынғы қызметкерін тапқан адамға 10 миллион теңге береді
"Үйінің ақшасын беріп жіберген": Алматыда алаяққа алданғандар шу шығарды
Жол белгісі, архивтегі фото

Түркістан облысында жол жиегінде көлігін жөндеп жатқан ер адам көз жұмды

1888
(Жаңартылды 10:28 15.07.2020)
Жол жиегінде бұзылып тұрған "VAN Hool" жолаушылар автобусының ақауын жүргізуші мен оның көмекшісі тексеріп тұрған

НҰР-СҰЛТАН, 15 шілде – Sputnik. Түркістан облысында полицейлер екі адамды қағып, оқиға орнынан қашып кеткен жүргізушіні ұстады, деп хабарлайды Polisia.kz.

Шардара ауданының тұрғыны түнгі уақытта Бәйдібек аудандық полиция бөліміне арызданып, Шымкент-Самара тасжолының бойында өздерін белгісіз көлік қағып кетіп, жанындағы серіктесі көз жұмғанын хабарлаған.

Шұғыл жеткен полиция қызметкерлері оқиғаның мән-жайын анықтады. Жол жиегінде бұзылып тұрған "VAN Hool" маркалы жолаушы тасымалдайтын автобустың ақауын жүргізуші мен оның көмекшісі тексеріп тұрған. Осы кезде "Газ-53" маркалы белгісіз жүк көлігі  автобустың жанынан соғып, одан кейін сол жерде тұрған марқұм мен көлік жүргізушісін қағып өтеді. Содан кінәлі жүргізуші оқиға орнынан қашып кеткен.

Салдарынан автобус жүргізушісі жеңіл дене жарақатын алса, оның көмекшісі оқиға орнында көз жұмған.

Оқи отырыңыз: Бурабайда терминалға жол ақысын төлемек болған жүргізуші көз жұмды

Жүк көлігінің жүргізушісін ұстау мақсатында Бәйдібек аудандық полиция бөлімі қызметкерлері жедел іздестіру шараларын бастады. Нәтижесінде жүк көлігі Сайрам ауданынан табылып, автокөлікті жөндеуге қалдырып кеткен күдіктінің жеке басы анықталды. Ол Сайрам ауданының тұрғыны болып шықты.

Тексеру барысында күдікті жол апатын жасап, оқиға орнынан бой тасалағанын толық мойындады. Күдікті қамауға алынып, оның жүк көлігі айып тұрағына қойылды. 

Қазіргі таңда сотқа дейінгі тергеп-тексеру амалдары жүргізіліп жатыр.​​​

1888
Кілт сөздер:
Түркістан облысы, жол апаты
Тақырып бойынша
Ақмола облысы әкімінің орынбасары жол апатынан қаза тапты
Нұр-Сұлтанда әйел мас күйде көлік айдап, үш қызды қағып кетті – фото
Нұр-Сұлтанда автокөлік бағанды құлатып, аялдамаға соғылды
Алматыда жаппай жол апаты болды
Жамбыл облысында жол жиегінде тұрған үш адамды "Камаз" қағып өлтірді
Қару, архивтегі фото

Шымкентте төрт адамды өлтіріп кетті

1859
(Жаңартылды 09:07 15.07.2020)
Өлген екі адам жеке үйдің жанында тұрған көлікте отырған. Полицейлер үйден тағы екі адамның мәйітін тапты

НҰР-СҰЛТАН, 15 шілде – Sputnik. Шымкентте үш ер адам мен әйелді өлтіріп кетті. Оқиға орнынан атыс қаруы табылды, деп хабарлады Otyrar.kz өңірлік басылымы қалалық полиция департаментіне сілтеме жасап.

Қайғылы оқиға 12 шілде күні кешке болған. Жергілікті тұрғын полицияға хабарласып, Қара бура көшесіндегі жеке үйдің жанында тұрған автокөліктің салонынан екі адамның мәйітін көргенін айтқан. Куәгерлердің мәліметінше, әйнекті сындырған.

Нұр-Сұлтанда полициядан көмек сұраған әйелді үйінің кіреберісінде өлтіріп кетті 

Оқиға орнына жеткен жедел-тергеу тобының қызметкерлері өлген адамдар атыс қаруынан жарақат алғанын анықтады.

Полицияның мәліметінше, көлік тұрған үйді тексеру барысында іштен тағы екі адам  – 40 жастағы ер адам мен оның 28 жастағы әйелінің мәйіті табылған.

Оқиға орнында айғақ зат ретінде екі атыс қаруы, оқ-дәрілер және қорғаныс құралдары алынды. Бұл факті Қазақстан Қылмыстық кодексінің 99-бабы "Адам өлтіру" және 287-бабы "Қаруды, оқ-дәрілерді, жарылғыш заттарды және жарылғыш құрылғыларды заңсыз сатып алу, әперу, сату, сақтау, тасымалдау немесе алып жүру" бойынша сотқа дейінгі тергеудің бірыңғай тізілімінде тіркелді. Тиісті сараптама тағайындалды.

Қазақстан Қылмыстық процестік кодексінің 201-бабына сәйкес тергеу мүддесі үшін басқа ақпарат жария етілмейді, деп хабарлады Шымкент қаласының полиция департаменті.

1859
Кілт сөздер:
Шымкент, қанды оқиға
Тақырып бойынша
Полицейлер көлік шамының сынықтары арқылы ауыр қылмысты ашты
Шымкентте такси жүргізуші көлігінен секіріп түсіп, жолаушылардан қашып кетті
Күйеуін өлтіріп, анасының қабіріне көмген: елордалық әйелдің адам шошырлық қылмысы
Көкшетауда ерлі-зайыптыны өлтіріп кетті
Гуманитарлық көмек, архивтегі фото

Қазақстанның Тәжікстанға көмегі дауға айналды: министрліктің жауабы қандай

0
(Жаңартылды 14:09 15.07.2020)
Отандық өндіруші біздің қажеттілікті де, гуманитарлық көмек түріндегі қажеттілікті де қамтамасыз етуге кепілдік беріп отыр, дейді Бюрабекова

НҰР-СҰЛТАН, 15 шілде – Sputnik. Денсаулық сақтау министрінің орынбасары Людмила Бюрабекова Қазақстанның Тәжікстанға жөнелткелі жатқан гуманитарлық көмегі төңірегіндегі дауға түсініктеме берді, деп хабарлайды Sputnik Қазақстан тілшісі.

Қазақстан үкіметі Тәжікстанға гуманитарлық көмек ретінде жасанды тыныс алдыртудың портативті аппараттарын жөнелтуді жоспарлап отыр. Аппараттар отандық өндірістен шыққан.

Ел ауруханаларында жасанды тыныс алдырту аппараттарының жетіспейтіні туралы БАҚ бетінде жиі жазылып жүр. Осыған байланысты журналистер вице-министрден ішкі қажеттілікті қанағаттандыра алмай отырғанда, өзге мемлекетке көмек көрсету қаншалықты қисынды екенін сұрады.

"Бұл жерде портативті аппараттар туралы сөз болып отыр. Олар пациенттерді тасымалдау үшін қолданылады. Отандық өндіруші біздің қажеттілікті де, гуманитарлық көмек түріндегі қажеттілікті де қамтамасыз етуге кепілдік беріп отыр", - деді Бюрабекова онлайн брифингте.

Ол Қазақстанда жасанды тыныс алдырту аппараттарына қажеттілік қайта қаралғанын атап өтті.

"Жедел жәрдем көліктеріне 680 портативті және ауруханаларда, жансақтау, интенсивті терапия палаталарында қолданылатын 5 мыңға жуық стационарлық аппарат қажет", - деді вице-министр.

Оқи отырыңыз: Қытайдан әкелінген маскаларға инфекция жұқтырылған - министрлік түсініктеме берді 

Сыртқы істер министрінің орынбасары Ержан Ашықбаев індет басталғалы Қазақстанға өзге елдерден 98 жасанды тыныс алдырту аппараты жеткізілгенін айтты.

"Аппараттардың көп бөлігін соңғы екі аптаның ішінде алдық. Түркия үкіметінен – 30, БАӘ-ден –  25,  Грузиядан – 10. Бұған дейін Джек Ма қоры 30 аппарат жеткізді", - деді ол.

Қазақстанға Ресей, Қытай, АҚШ, Жапония, Түркия, Өзбекстан, БАӘ және тағы басқа елдер гуманитарлық көмек көрсетті.

0
Кілт сөздер:
Тәжікстан, гуманитарлық көмек
Тақырып:
Коронавирус эпидемиясы
Тақырып бойынша
Түркиядан келген гуманитарлық көмек қысқа мерзім ішінде рәсімделді
Айнұр Тұрсынбаева желіде жазба жариялады - басы дауға қалған компания жауабы
Грузиядан Қазақстанға гуманитарлық көмек келді
Ешкімге сенбеңіз: еріктілер денсаулық министріне бейнеүндеу жолдады
Коронавируспен күрес: Қазақстан Тәжікстанға гуманитарлық көмек көрсетпек