Дәрігерлер коронавируспен ауырған науқастар жатқан аурухананың алдында отыр

Алғашқы тест теріс болған: Павлодарда 63 жастағы ер адам коронавирустан қайтыс болды

720
Ер адам үйінде екі-үш күн бойы ауырған, дәрігерлердің көмегіне жүгінбеген. Коронавирусқа тапсырған алғашқы тесті теріс нәтиже көрсеткен

НҰР-СҰЛТАН, 8 маусым – Sputnik. Павлодарда 1957 жылы туған ер адам коронавирустан көз жұмды, деп хабарлайды Павлодар облысының денсаулық сақтау басқармасы.

Басқарманың ақпаратынша, пациент жүрек-қан тамырлары ауруымен ауырған, май алмасуы бұзылған.

29 мамыр күні ол үйіне дәрігер шақыртқан. Ер адамның дене қызуы көтеріліп, тамағы жыбырлап, құрғақ жөтел пайда болған, өзін әлсіз сезінген. Емхананың мобильді бригадасының дәрігері оны қарап, ем тағайындайды. Коронавирусқа анализ алады, тест теріс нәтиже көрсеткен.

Ер адам дәрігерлерге 2-3 күн бойы ауырғанын айтқан, бірақ медициналық көмекке жүгінбепті.

30 мамырда павлодарлық қайтадан дәрігер шақыртқан. Жедел жәрдем бригадасы оны провизорлық стационарға жеткізді. Пациент ауруханаға ауыр хәлде түскен, бірден интенсивті терапия палатасына жатқызылады. Одан тағы да анализ алынып, 1 маусымда тест оң нәтиже көрсеткен. Осыдан кейін науқас инфекциялық стационарға ауыстырылып, жансақтау бөліміне жатқызылды.

Тағы оқыңыз: Денсаулық сақтау министрі коронавирустан өздігінен жазылатындар туралы айтты

3 маусымда пациенттің жағдайы нашарлап, жасанды тыныс алдырту аппаратына қосуға тура келген.

Науқасқа барлық қажетті медициналық көмек көрсетілді, күн сайын Нұр-Сұлтандағы ұлттық шұғыл медицинаны үйлестіру орталығының сарапшыларымен консилиум өткізілді. Ем бекітілген стандарттарға сәйкес жүргізілді.

Өкінішке қарай, интенсивті терапияға қарамастан, 6 маусымда сағат 18:50-де биологиялық өлім тіркелді. Өлім жағдайларын зерттейтін комиссияның шешіміне сәйкес, ер адамның өліміне коронавирус себеп болған, делінген Павлодар облысы денсаулық сақтау басқармасының хабарламасында.

720
Кілт сөздер:
ер адам, коронавирус, Павлодар
Тақырып:
Коронавирус эпидемиясы (1541)
Тақырып бойынша
Қазақстанда коронавирустан қайтыс болғандар саны 52-ге жетті
Қазақстанда тағы 4 адам коронавирустан көз жұмды
Бұрынғы КСРО елдерінде коронавирустан қайтыс болу көрсеткіші төмен
Ребенок у окна, архивное фото

Шипажайда баланы сүлгімен ұрған тәрбиеші қылмыстық жазаға тартылмайтын болды

31
Ақтөбе қаласының Алматы аудандық полиция бөлімі жүргізген сотқа дейінгі тергеу екі жақтың татуласуымен аяқталды, қылмыстық іс тоқтатылды

АЛМАТЫ, 28 қыркүйек – Sputnik. Ақтөбеде баланы сүлгімен ұрған тәрбиешіге қатысты қылмыстық іс тоқтатылды, деп хабарлады өңірлік "Мой Город" басылымы.

2020 жылдың наурызында Ақтөбе облысындағы "Шағала" шипажайының 58 жастағы тәрбиешісі баланы сүлгімен ұрып-соққаны жария болған еді. Сол жердегі баланың бірі оқиғаны видеоға түсіріп алған, ал оны ата-анасы әлеуметтік желіде жариялады. Бұл шипажайда туберкулезбен ауыратын балалар оңалтудан өтеді.

Видеода балалардың еденде отырғанын, ал ақ халат киген әйелдің бір баланы сүлгімен ұрғанын көруге болады. Бала жыласа да, әйел оны бірнеше рет ұрған. Басқа балалар да "бізді аяқ киіммен де ұрады" дейді.  

Видео жарияланғаннан кейін шипажайға полиция мен прокуратура қызметкерлері барған. Аталған факті бойынша Қылмыстық кодекстің 140-бабы 2-бөлігі бойынша сотқа дейінгі тергеу басталып, сараптама тағайындалды.

Оқи отырыңыз: Алматы облысында балабақшадағы видеодан кейін тәрбиеші хабарсыз кетті 

Тергеу барысында тәрбиешінің 20 жылдық жұмыс өтілі бар екені белгілі болды. Оның айтуынша, бала тәрбиешіге тіл тигізген. Содан ашуланып, сүлгімен сабай бастаған.

Ақтөбе қаласының Алматы аудандық полиция бөлімі жүргізген сотқа дейінгі тергеу екі жақтың татуласуымен аяқталды, қылмыстық іс тоқтатылды.

Ал шипажайдың хабарлауынша, баланы ұрған тәрбиеші мен сол жерде әйелді тоқтатпаған екінші тәрбиеші Еңбек кодексінің 52-бабы 14-бөлігі бойынша жұмыстан босатылған.

31
Кілт сөздер:
қылмыстық іс, тәрбиеші
Тақырып бойынша
Түркістан облысы лагеріндегі шу: оқиғаның неден басталғаны белгілі болды
"Аюға намаз үйреткен таяқ": тәрбиеші әріп білмеген бүлдіршінді ұрып-соқты – видео
Студент тәрбиешінің балаларды ұрып жатқанын видеоға түсіріп алды
Атырауда тәрбиешінің бүлдіршінді сабап жатқан сәті видеоға түсіп қалды
Балабақшада балалар кішкентай қызды жабылып соққыға жықты – видео
Елбасы Түркістан қаласын одан әрі дамыту жоспарымен танысты

Түркістанда түрлі форумдар мен спорт шараларын өткізіп тұру қажет Назарбаев

29
Түркістан қаласының жаңа нысандары бүкіл Қазақстан мен әлемнен турист тартатын, тұрғындардың назарын аударатын көрнекті орынға айналады, деп атап өтті Қазақстанның тұңғыш президенті

НҰР-СҰЛТАН, 28 қыркүйек – Sputnik. Елбасы Нұрсұлтан НазарбаевТүркістан қаласын одан әрі дамыту жоспарымен танысты, деп хабарлады Ақорда.

Нұрсұлтан Назарбаевқа "Керуен-сарай" кешені таныстырылып, "Әзірет Сұлтан" қорық-мұражайы аумағындағы археологиялық зерттеулердің нәтижелері туралы мәлімет берілді. Сондай-ақ Елбасыға осы жылдың тамыз айында Қазақстан президенті Қасым-Жомарт Тоқаевтың хаттамалық тапсырмаларын орындау аясында жүзеге асып жатқан басқа да жобалар туралы баяндалды.

Елбасы туристік және қала инфрақұрылымы құрылысының қарқыны жоғары екенін атап өтті.

Нұрсұлтан Назарбаев өзінің 2018 жылы қабылдаған Түркістанды қайта түлету туралы шешіміне Қазақстан халқы қолдау білдіргенін айтты.

"Бүгін біз Түркістанның жаңа нысандарымен таныстық. Олар бүкіл Қазақстан мен әлемнен турист тартатын, тұрғындардың назарын аударатын көрнекті орынға айналады. Түркістанның ауқымды құрылысы тұтас өңірдің экономикалық дамуына зор септігін тигізіп отыр", – деді Қазақстанның тұңғыш президенті.

Нұрсұлтан Назарбаев қаланың орналасқан жері, түркі әлемінің маңызды рухани орталықтарының бірі ретіндегі оның мәртебесі болашақта Орталық Азия елдерінің интеграциясына қызмет ететінін атап өтті.

"Түркістанда Түркітілдес елдердің саммитін өткізуді жоспарлаған болатынбыз. Әлемдегі күрделі ахуалға байланысты ол кейінге шегерілді. Егер бәрі ойдағыдай болса, оны Наурыз мерекесіне қарай өткіземіз деп ойлаймын", – деді Елбасы.

Сондай-ақ шара барысында туристік инфрақұрылым қалыптастыруды және көлік-логистикалық жобаларды іске асыруды жалғастыру қажеттігі аталып өтті.

Түркістан қаласында жаңа әуежай іске қосылды: рәсімге Елбасы қатысты 

Елбасы Түркістан қаласының тұрғындары мен қонақтары үшін жайлы жағдай жасаудың маңыздылығына да тоқталды.

"Қала өсіп, халқының саны да арта түсетініне сенімдімін. Мұнда түрлі форумдар мен жастар жиындарын, спорт шараларын өткізіп тұру қажет. Осылайша, біз қаланы көпшілікке таныстырып, көрсетуіміз керек. Түркістанды қайта түлетудің біздің халқымыз үшін маңызы зор", – деді Қазақстанның тұңғыш президенті.

Нұрсұлтан Назарбаев қала мен өңірдің одан әрі өсіп-өркендей беретініне сенім білдірді.

Соңында Елбасы БАҚ өкілдеріне арналған брифинг өткізіп, "Қазақстанның рухани астанасының" жаңа "Визит-орталығында" орналасқан музейді аралады.

29
Кілт сөздер:
Түркістан, Назарбаев, форум
Тақырып бойынша
Назарбаев пен Мирзиёев Сарыағашта өзекті мәселелерді талқылады
Мен көрген қиындықты ешкімнің басына салмасын – Түркістан әкімі 
Назарбаевтың ұсынысы: наурызда тағы бір мереке пайда болуы мүмкін
Назарбаев Маңғыстау облысына не үшін барды?
Нұрсұлтан Назарбаев Түркістан қаласына барды
Назарбаев: Тәуелсіздік алғаннан соң Түркістанды астана ретінде қарастырдым