Түркістан қаласының қақпасы

"Ауруханада орын жоқ": Түркістан облысында не болып жатыр

4107
Егер өсім көрсеткіші төмендемесе, карантиндік талаптар қайта күшейтіледі. Сондықтан тұрғындар қарапайым сақтық шараларын сақтауы тиіс

НҰР-СҰЛТАН, 16 маусым – Sputnik. Түркістан қалалық орталық ауруханасына тұмаудың белгілері бар азаматтар жиі келе бастады. Науқастарда дене қызуының көтерілуі, жөтел және әлсіздік байқалып отыр. Бұл туралы облыстық қоғамдық денсаулық сақтау басқармасының басшысы Марат Пашимов мәлімдеді, деп хабарлайды Sputnik Қазақстан тілшісі.

Сала мамандары соңғы күндері өңірдегі жағдайға байланысты әлеуметтік желелерде тарап жатқан түрлі қауесетке емес, ресми мәлімдемелерге назар аударуды сұрайды.

"Бүгінгі таңда ауруханаларда науқастарға төсек-орын жеткілікті. Кентау қалалық орталық ауруханасында 50 орындық соматикалық бөлімше қайта даярланды. Түркістан қалалық орталық ауруханасында да қосымша 30 төсек-орын әзірленген", - деді Пашимов.

Сондай-ақ науқастарды жоспарлы жатқызуға шектеу қойылып, жеке клиникалар да өздеріне бекітілген тұрғындарға тиісті медициналық қызмет көрсетуде.

Ал облыстың бас санитар-дәрігері Нұрбек Нышанов карантин шараларын жеңілдету тәртібін түсіндірді.

Оның сөзіне қарағанда, эпидемиологиялық ахуал тұрақтануы үшін өсім бір аптаның ішінде 5 проценттен аспауы қажет. Осы көрсеткіш 2 проценттен аспаса, қосымша жеңілдіктерді енгізуге болады.

"Өсім көрсеткіші төмендемесе, карантиндік талаптар қайта күшейтіледі. Сондықтан тұрғындар қарапайым сақтық шараларына ерекше назар аударуы тиіс. Атап айтқанда, екі және одан көп адамның бірлесіп серуендеуі кезінде міндетті түрде бетперде тағып, әлеуметтік қашықтықты сақтау қажет", - деді Нышанов.

Бірқатар нысан қызметіне шектеу енгізілген

Түркістан облысында осы күндердегі карантинге байланысты бірқатар шектеулер енгізілген. Олар:

• отбасылық іс-шараларды ұйымдастыруға;

• ойын-сауық, спорттық және басқа да бұқаралық іс-шараларды өткізуге;

• сауда орталықтары жанындағы балалардың ойын алаңдары, кинотеатрлар, театрлар, көрмелер, түнгі клубтар, батут пен фудкорттарды ашуға;

• өңірдегі мал базарлардың жұмысына шектеу енгізілген.

Оқи отырыңыз: "Халық емханаға бармайды": денсаулық сақтау министрлігі жаңа қызметті іске қоспақшы

Айта кетейік, бүгінге дейін Түркістан облысы бойынша коронавирус індетін жұқтырған 464 жағдай тіркелген. Ауырғандардың 3-і қайтыс болып, 275 адам жазылып шықты. Ал республика бойынша инфекция жұқтырғандардың саны 15 192 адамға жетті.

4107
Кілт сөздер:
карантин, төтенше жағдай, Түркістан облысы
Тақырып:
Төтенше жағдай және карантин (595)
Тақырып бойынша
Түркістан облысында карантин режимі ұзартылды
Түркістан облысында жантүршігерлік жол апаты төрт адамның өмірін қиды
Түркістан облысында жүкті әйел жиырмаға жуық тұрғынды алдаған
Түркістан облысында үш бала тауда адасып кетті, біреуі жардан құлаған
Түркістан облысында селден зардап шеккендерге 300-ден астам үй салына бастады
Иллюстративті фото

Шымкентте жоғалған қыз Алматы облысынан табылды

36
Хабар-ошарсыз кеткен қызды табуға Абай АПБ-ның барлық жеке құрамы мен полиция департаментінің бөлімшелері жұмылдырылды

НҰР-СҰЛТАН, 12 тамыз – Sputnik. Шымкент қаласы полиция департаментінің қызметкерлері жоғалған қызды Алматы облысының Қаскелең қаласынан тапты.

Абай ауданының полиция басқармасына әйел қызының жоғалып кеткені туралы арызданды, деп хабарлады Polisia.kz.

Оқи отырыңыз: Түркістанда жоғалған бойжеткеннің екі апта бойы не істегені белгілі болды 

Хабар-ошарсыз кеткен қыздың жүрген жерін анықтау мақсатында Абай АПБ-ның барлық жеке құрамы мен полиция департаментінің бөлімшелері жұмылдырылды. Жедел іздестіру шаралары барысында, атап айтқанда, республиканың барлық өңіріне бағдар жіберілгеннен кейін хабар-ошарсыз кеткен қыздың Алматы облысының Қаскелең қаласында екені анықталды.

Абай АПБ криминалдық полиция бөлімінің қызметкерлері қызды Шымкент қаласына жеткізді.

 

36
Кілт сөздер:
Шымкент
Тақырып бойынша
Түркияда қазақ қызы жұмбақ жағдайда жоғалып кетті
19 жыл бұрын ұшты-күйлі жоғалған қазақстандық қыз Тәжікстаннан табылды
"Қызымды жылатқан" Есікте жігітпен желі арқылы танысқан қыз жоғалып кетті
Жиырма жыл бұрын жоғалған қыз ата-анасымен қауышты – видео
СҚО тасжолында КамАЗ бен Тойота соқтығысты

Солтүстік Қазақстанда жантүршігерлік жол апаты болды: жеңіл көлік жапырылып қалды  

114
Апат Челябі – Новосібір  тасжолында Пеньково ауылының маңында болды. Соққыдан кейін КамАЗ жол жиегіне ұшып түсті, ал шетелдік көлік металл үйіндісіне айналды

ПЕТРОПАВЛ, 12 тамыз – Sputnik. Солтүстік Қазақстан облысында екі адамның өмірін қиған жол апатына қатысты тергеу жүріп жатыр, деп хабарлады Sputnik Қазақстанға облыстық полиция департаментінің баспасөз қызметі.

Жол апаты Челябі – Новосібір автожолында Қызылжар ауданындағы Пеньково ауылының маңында болған.

"Мағжан Жұмабаев ауданының 62 жастағы тұрғыны Toyota Camry көлігімен қарсы жолаққа шығып кетіп, Булаево қаласының 56 жастағы тұрғыны жүргізіп келе жатқан КамАЗ автокөлігімен соқтығысқан. Жол апаты салдарынан Toyota Camry жүргізушісі мен оның 1957 жылы туған жолаушысы алған жарақатынан оқиға орнында көз жұмды. КамАЗ жүргізушісі зардап шеккен жоқ", - деп хабарлады полиция.

КамАЗ и Тойота столкнулись на трассе в СКО
© Photo : пресс-служба департамента полиции Северо-Казахстанской области
СҚО тасжолында "КамАЗ" бен "Тойота" соқтығысты

Солтүстік Қазақстан облысы полиция департаменті бастығының бірінші орынбасары полковник Қанат Айтбаевтың айтуынша, барлық қажетті сараптама тағайындалды.  

Осы жылдың жеті айында Солтүстік Қазақстан жолдарында 98 жол апаты болып, салдарынан 13 адам көз жұмып, 129 адам жарақат алды.

114
Кілт сөздер:
Солтүстік Қазақстан облысы, жол апаты
Тақырып бойынша
Ақтау – Жаңаөзен тасжолында бірнеше адам көз жұмды – видео
Атырау облысында болашағынан үміт күттірген үш боксшы қаза болды  
Қостанай облысында 7 жасар бала полициядан қашқан әкесінің көлігінде көз жұмды
Алматыда дрифт жасаған жүргізуші ірі апатқа себепкер болды