Сәби көтерген ана, иллюстративті сурет

Маңғыстауда әйел туған баласын беріп, кредитін жаппақ болды

292
Әйел кредитін өтеу үшін сәбиін асырап алуға берген, алданып қалғанын түсінгеннен кейін полициядан көмек сұраған

НҰР-СҰЛТАН, 18 маусым – Sputnik. Маңғыстау облысында кредитін өтеу үшін сәбиін басқа әйелге берген ана полицияға жүгінді.

Баланың анасы екі банктен алған 907 мың теңге кредитін өтеу үшін жақын танымайтын әйелге сәбиін асырап алуға берген. Алайда ол уәдесін орындамаған, деп хабарлайды Polisia.kz.

"Қылмыстық кодекстің 128-бабы "Адам саудасы" бойынша сотқа дейінгі тергеу жүріп жатыр. Қос тараптан да ешқайда кетпеу туралы қолхат алынды", - деп мәлімдеді полициядан.

Бұл бап бойынша мүлкі тәркіленумен үш жылдан бес жылға дейін бас бостандығынан айыру жазасы қарастырылған.

Тағы оқыңыз: Қостанайда екі жігіт кредитін жауып, жаңа жыл тойлау үшін қылмысқа барды

Адам саудасымен байланысты қылмыстарды әшкерелеумен ішкі істер органдарының арнайы бөлімшелері айналысады. Олар басқа қызметтерді тарту арқылы тоқсан сайын "STOP трафик" жедел-алдын алу шарасын өткізеді.

Қазақстанда кезекті ауқымды операция маусым айының ортасында жүргізілді. Нәтижесінде полицейлер адам судасына қатысты 50-ден аса қылмысты анықтады.

292
Кілт сөздер:
сәби, әйел, Маңғыстау облысы, кредит
Тақырып бойынша
21 мың теңгенің жыры: жалғызбасты ана екі баласын әкімдікке тастап кетті  
"Бәрі жылап жүр": сәби өлімінен кейін перзентхана дәрігерлері арыз жазды
Басына пакет кигізген: қоқыстан табылған сәби өліміне қатысты тың дерек шықты
Терісі салбырап қалған: жауапсыз ана баласын өлтіріп алды
Бір жасар сәби жұмбақ жағдайда жоғалып кеткен: анасының қылмысы әшкере болды
Бай ата-ана 5 жылдан бері перзентханада тұратын қызын әкетуден бас тартты  
Архивтегі фото

Қостанайда жас қызға анайы ұсыныс жасаған ер адам іздестіріліп жатыр

466
(Жаңартылды 15:10 13.08.2020)
Қостанайлық ерлі-зайыпты бейтаныс ер адамның қызға жақындап барып, онымен сөйлесіп тұрғанын байқаған

АЛМАТЫ, 13 тамыз – Sputnik. Қостанайда полиция жас қызға тиіскен белгісіз ер адамды іздеп жатыр. Қала тұрғындары WhatsApp арқылы күдіктінің фотосын таратып, сақ болуды сұрады, деп хабарлады өңірлік "Алау" басылымы.

Басылымның хабарлауынша, қостанайлық ерлі-зайыпты бейтаныс ер адамның қызға жақындап барып, онымен сөйлесіп тұрғанын байқаған.   

"Оқиға қаланың дәл орталығында болды. Шамамен 13 жастағы қызбен сөйлескен ер адамды байқап қалдық. Сырт көзге әдеттегі жағдай сияқты көрінді, алайда әйелім бұл жерде шикілік бар екенін байқады. Жанына жақын барып тоқтадық, ер адамның қызға сұлу екенін айтып, өзін сүюін сұрағанын естідік. Мен бірден қыздың жанына барып, ер адам жайлы сұрадым. Қыз оны танымайтынын айтты. Сосын оны бірден қуып жібердім, - дейді оқиға куәгері болған ер адам.

Қостанай облысының полиция департаменті қазіргі уақытта барлық жеке құрам осы ер адамды іздестіріп жатқанын хабарлады.

"Полиция бұл адамды тауып, оқиғаның мән-жайын анықтау үшін шаралар қабылдап жатыр. Бағдар полиция жасағына жіберілді", - деп хабарлады Қостанай облысы полиция департаментінің баспасөз қызметі.

Оқи отырыңыз: Оралда оқушының соңынан үйге кірген қаскөй күтпеген жағдайға тап болды - видео

Құқық қорғаушылар облыс орталығының тұрғындарынан осындай оқиғаның куәгері болып жатса, бірден 102 нөміріне хабарласуын сұрады. 

466
Кілт сөздер:
педофил, Қостанай
Тақырып бойынша
Әкесі 13 жасар қызына тиіскен ер адамды жұрттың көзінше піштірді
Атырауда балаға қол жүгірткен ер адам ұсталды – видео
Алматы облысында қыз балаға қол жүгірткен жігіт табылды
Екібастұздағы лифтіде педофил қаршадай қызды зорламақ болды
Аялдамада қызға тиіскен жігіт ажал құшты
Бала, аривтегі фото

Министрлік балаларды қазақ тілінде сөйлетудің жолын тапты

202
Қазақстанда кабельді операторлар арқылы тарайтын шетелдік арналардың өнімдері қазақ тіліне аударылады

НҰР-СҰЛТАН, 13 тамыз – Sputnik. Ақпарат және қоғамдық даму министрлігі танымал шетелдік мультарналарды қазақ тіліне аудару мәселесін қарастырып жатыр. Бұл туралы вице-министр Болат Тілепов мәлім етті, деп хабарлайды Sputnik Қазақстан тілшісі.

Оның айтуынша, ақпарат және қоғамдық даму министрлігінің тапсырмасымен руханияттың өзегі – тіл мәселесіне қатысты бастамалар қарастырылып жатыр.

"Мәселен, елімізде кабельді операторлар арқылы тарайтын шетелдік арналардың өнімдерін қазақ тіліне аударуды жоспарлап отырмыз. Әрине, кез келген тілдің ертеңі – бала тілінде. Сондықтан бұл жұмысты танымал шетелдік мультарналардан бастау керек деген ұсыныс бар", - деді Тілепов орталық коммуникациялар қызметінде өткен онлайн брифингте.

Вице-министрдің айтуынша, осы іспетті бастамалардың барлығы қоғамдық талқылаудан өтеді. Сол кезде зиялы қауым, сарапшылар мен ата-аналардың пікірі ескеріледі.

"Таңданыспен қарайды": Тоқаев қазақ тілінің мүшкіл хәлі туралы айта бермеуге шақырды 

Айта кетейік, брифинг кезінде вице-министр "Рухани жаңғыру" бағдарламасы аясында үш жылдың ішінде атқарылған жұмыстарды қорытындылап, халық алдында есеп берді.

Оның айтуынша, осы уақытқа дейін бағдарламаны басқарудың институтционалдық негізі қаланды, барлық өңірде жобалық кеңселер ашылды. Сөйтіп, әр жердің ерекшелігіне қарай мазмұндық жоспарлар жасалды. Дегенмен, іс-шараларды өткізу кезінде науқаншылыққа да жол берілді.

"Жасыратыны жоқ, кейбір жерлерде есеп беру мен науқаншылық сияқты үрдістер болған. Ол жайында мемлекеттік комиссияның отырысында да айтылды. Нәтижесінде өңірлердегі барлық шараға қайта талдау жасалып, рухани жаңғыруға мүлдем қатысы жоқ, мағынасы саяз, мақсаты сұйық көптеген шара алынып тасталды. Мәселен, былтырғы жоспарда 229 шара көзделген болса, биыл барлығы – 97", - деп түйіндеді Тілепов.

202
Кілт сөздер:
рухани жаңғыру, қазақ тілі
Тақырып бойынша
Тоқаев қазақ тілін тиімді оқытудың әдісін тапты
Депутаттар алдында жауабын 100 пайыз орыс тілінде берген шенеунік сөз естіді
"Кім жауап береді?": депутат қазақ тілінің мәселесін көтерді
"Бұл қорлау емес": Бекболат Тілеухан мәжілістегі әріптестерінің қылығына күйініп кетті
Карантинде қазақ тілін үйренуге арналған қосымшаны қолданушылар саны артты