жаңбыр

Жаңбыр, найзағай және бұршақ: жексенбіде ауа райы қандай болады?

659
Жексенбі Қазақстанның бес өңірінде қатты жел мен найзағайға байланысты дабылды ескерту жарияланды

НҰР-СҰЛТАН, 28 маусым – Sputnik. Қазақстанның басым бөлігінде атмосфералық фронттардың ықпалынан құбылмалы ауа райы сақталады.

Кей жерде найзағай ойнап, нөсер жаңбыр жауады, бұршақ түсуі ықтимал. Тек батыста күн ашық болады.

Республика бойынша кей жерлерде жел күшейіп, дауыл, оңтүстікте шаңды дауыл, солтүстік-батыста тұман күтіледі.

Өңірлерде ауа райы қандай болады

Ақмола, Солтүстік Қазақстан облыстарында желдің екпіні 23-28 м/с-ке жетіп, кей жерде найзағай ойнайды, бұршақ түсуі ықтимал, Солтүстік Қазақстан облысының кей жерінде дауыл соғады.

Қостанай облысында желдің күші - 15-20, екпіні - 23 м/с, кей жерде найзағай, дауыл, тұман күтіледі, бұршақ жаууы ықтимал.

Павлодар облысында жел 15-20, кей жерде екпіні 23-28 м/с болады, кей жерде найзағай, дауыл күтіледі, бұршақ түседі.

Шығыс Қазақстан, Қарағанды облыстарында кей жерде найзағай, дауыл, жел күшейеді, бұршақ жауады деп күтілуде.

Ақтөбе облысында күндіз жел 17-22 м/с-ке дейін күшейеді, кей жерде бұршақ түсуі мүмкін, кей жерде найзағай, дауыл, тұман болжанып отыр.

Алматы облысының кей жерінде найзағай күтіледі, жел 18-28 м/с-ке дейін күшейеді.

Батыс Қазақстан, Жамбыл облыстарының кей жерінде найзағай ойнайды, күндіз кей жерде жел 15-20 м/с-ке дейін күшейеді.

Қызылорда, Атырау облыстарының кей жерінде жел 15-20 м/с-ке дейін күшейіп, шаңды дауыл тұрады, Қызылорда облысында таңертең және күндіз найзағай күтіледі.

Түркістан облысының кей жерінде найзағай ойнап, жел 15-20 м/с-ке дейін күшейеді.

Мегаполистердегі ауа райы

Нұр-Сұлтанда найзағай ойнап, жаңбыр жауады. Түнде ауа температурасы +8 +10, күндіз +18 +20 градус болады. Жел секундына 20 метрге дейін күшеюі ықтимал. 

Алматыда күн бұлтты, жаңбыр жауады деп болжанып отыр. Түнде ауа температурасы +10 +12, күндіз +20 +22 градус болады.

Шымкентте күн алабұлтты, жаңбыр жаумайды, түнде +15+17, күндіз +26+28 градус.

659
Кілт сөздер:
бұршақ, жаңбыр, найзағай
Қостанай қаласы

Қостанай әкімі отставкаға кетуі мүмкін 

10
(Жаңартылды 17:34 07.08.2020)
23 шілде күні Қостанай қаласы әкімінің өкімімен тергеудегі Қостанай қаласы әкімінің орынбасары Финк қызметінен босатылған болатын

НҰР-СҰЛТАН, 7 тамыз – Sputnik.  Қостанай қаласының әкімі Қайрат Ахметов отставкаға кетуі мүмкін. Себебі оның орынбасарына қатысты тергеу шаралары жүргізіліп жатыр. Бұл туралы сыбайлас жемқорлыққа қарсы іс-қимыл агенттігі мәлімдеді, деп хабарлайды Sputnik Қазақстан тілшісі.

Агенттіктің аға тергеушісі Данияр Биғайдаровтың айтуынша, қазіргі кезде Қостанай облысы бойынша сыбайлас жемқорлыққа қарсы қызмет мамандары әкімдіктің бірқатар лауазымды тұлғаларына қатысты сотқа дейінгі тергеу жүргізіп жатыр. 

"Олар лауазымдық өкілеттіктерін асыра пайдаланып, дүкен құрылысына арналған жер учаскесінің нысаналы мақсатын заңсыз өзгертіп, сәулет-жоспарлау тапсырмасын жасағаны үшін күдікке ілінді", - дейді Биғайдаров.

Ал 23 шілде күні Қостанай қаласы әкімінің өкімімен тергеудегі Қостанай қаласы әкімінің орынбасары Финк қызметінен босатылған болатын.

"Егер оның кінәсі сотта дәлелденсе, онда 10 күнтізбелік күн ішінде қала әкімі отставкаға кетуі тиіс", - деп атап көрсетті Биғайдаров.

10
Кілт сөздер:
отставка, әкім, Қостанай
Тақырып бойынша
Алматыда бұрынғы әкімнің ұсталған сәтінің видеосы жарияланды
Әкімдікке қарасты кәсіпорынның былық-шылығы ашылды - видео
"Әкімнің уәдесі қайда?": Теңіз кенішінің жұмысшылары тағы бас көтерді
Ұлттық ұланның лауазымды қызметкері ұсталды – видео
Денсаулық вице-министрі коронавирустың екінші толқыны туралы айтты
Петропавлда ер адам екі ұлымен бірге өрт кезінде қайтыс болды

"Әйелі үйде болмаған": Петропавл тұрғыны екі баласымен бірге ажал құшты

1010
(Жаңартылды 14:48 07.08.2020)
Өрт сөндірушілер оқиға орнына келген сәтте үйдің шатыры толығымен өртеніп, жалын көрші үйге шарпи бастағанын анықтады

АЛМАТЫ, 7 тамыз – Sputnik. Петропавлда жеке үйдегі өрт кезінде ер адам мен оның екі ұлы көз жұмды. Балалар бес және тоғыз жаста болған. Бұл жайында Солтүстік Қазақстан облысы төтенше жағдайлар департаменті бастығының орынбасары Нұрлан Атығаев брифинг кезінде айтты, деп хабарлайды Sputnik Қазақстан.

"6 тамыздан 7 тамызға қараған түні сағат түнгі екі жарымда Жұмысшы кентінде Щорс көшесі, 24 мекенжайындағы тұрғын үйдің жанып жатқаны туралы хабарлама келіп түсті. Оқиға орнына жедел түрде №4 өрт сөндіру бөлімінің екі техникасы және сонымен бірге №3 мамандандырылған өрт сөндіру бөлімінің тағы екі техникасы жіберілді", - деп хабарлады Атығаев.

Мужчина и двое его малолетних сыновей погибли в огне в Петропавловске
© Photo : ДЧС СКО
Петропавлда ер адам екі ұлымен бірге өрт кезінде қайтыс болды

Оқиға орнына бірінші болып барған бөлімше үйдің шатыры толығымен отқа оранғанын анықтады. Бұл өрт шыққаны туралы хабардың кеш жіберілгенін көрсетеді. Өрт әрі қарай көрші үйге тараған.

"Көршілердің айтуынша, үйде үй иесі мен балалары болған. Газ-түтіннен қорғау қызметі сағат 2.51-де 2011 жылы туған баланың денесін, бір минуттан кейін 2015 жылы туған екінші баланың денесін тапты. Сағат 2.55-те 1988 жылы туған үй иесінің денесі табылды. Балалардың анасы үйде болмаған", - деді Атығаев.

Қаза болғандардың денесі сот-медициналық сараптамаға жіберілді. Өрттің және өлімнің себебін жедел-тергеу тобы анықтайды.

Нұр-Сұлтанда моншадан әйел адамның мәйіті табылды

Нұрлан Атығаев отбасының тату-тәтті, берекелі болғанын айтты. Шаңырақ иесі көлік жүргізушісі болып жұмыс істеген, таяуда ғана сапардан оралған.

Айта кетейік, жыл басынан бері өрттен 28 адам қаза болды, өткен жылмен салыстырғанда қаза болғандар саны артып отыр.

1010
Кілт сөздер:
өрт, Петропавл
Тақырып бойынша
Үш кішкентай бала үйде жалғыз қалған: Көкшетауда қайғылы оқиға болды
Корея тұрғындары ерлік жасаған қазақ жігітін мемлекеттік марапатқа ұсынды
Көкшетауда шырт ұйқыда жатқан 120 адамды құтқарушылар оятты
Атырауда жанармай құю бекетінде жарылыс болды: көлік жүргізуші көз жұмды
Ақмола облысында үйінді астынан үш баланың мәйіті табылды