Науқас, архивтегі фото

"Төсекке лақтырды": Көкшетау тұрғыны науқастың қалай қайтыс болғанын айтты

8277
Ақмола облыстық денсаулық сақтау басқармасы медицина қызметкерлерінің жетпей жатқанын, мамандардың ауыр жүктемемен жұмыс істейтінін айтты

АЛМАТЫ, 9 шілде – Sputnik. Әлеуметтік желіде Көкшетаудағы провизорлық стационарда түсірілген видео тарады. Онда науқас өзімен бір палатада жатқан көршісі қайтыс болып кеткенін айтады.

Видеоны әлеуметтік желіге COVID-19 инфекциясынан қайтыс болған марқұмның қызы Нарғыз Жұмабаева жариялады.

"4 маусымда әкемді жедел жәрдем көлігімен тері-венерологиялық диспансерге алып келді (медициналық мекемеде провизорлық стационар ашылған –Sputnik). Әкем ол жерге өз аяғымен барды. 72 жаста болғандықтан, әрине, оған қиын болды. Бұған дейін ешқашан ауырған емес. Кейінгі үш күнде ентігу пайда болды, әкем есін білетін. Оны қабылдау бөлімінде қалдырған кезде менімен сөйлесіпо тырды", - дейді марқұмның қызы.

Ал марқұммен бір палатада жатқан науқас оған ешқандай көмек көрсетілмегенін айтып видео түсірген.

"Міне, адам қайтыс болды. Оған ешқандай көмек көрсетілген жоқ. Ауруханаға менен жарты немесе бір сағат бұрын түсті. Менің де жағдайым нашарлап барады. Ординатор кабинетіне бардым, "шыдаңыз, біз барамыз" деп айтты. Ал бұл ер адам тіпті жылап жіберді, қатты ауырсынған сияқты. Санитар оның жылағанын көргенін айтты. Олар оны кері алып келіп, төсекке лақтырды, тағы бір рет тұратын болса, кереуетке байлап қоятындарын айтып қорқытты", - дейді науқас.

Sputnik Қазақстан тілшісі Ақмола облыстық денсаулық сақтау басқармасынан видеоға қатысты түсініктеме беруді сұрады.

"1948 жылы туған науқас ауыр жағдайда 4 маусымда сағат 08:16-да жедел жәрдем бригадасымен тері-венерология орталығындағы провизорлық бөлімнің қабылдау бөліміне жеткізілді. Үш күн бойы ауырған, медициналық көмекке жүгінбеген. Түскен кезде ентігіп, жөтелетінін, әлсіреп, дене қызуы 37 градусқа дейін көтерілгенін айтты. Өкпенің оттегімен қанығуы қабылдау бөлімінде 60% болды (94% және одан жоғары көрсеткіш қалыпты болып саналады – Sputnik). Тыныс алу қозғалысының жиілігі минутына 34-ті көрсетті. Науқас ауруханаға жатқызылды", - деді облыстық денсаулық сақтау басқармасы.

Оқи отырыңыз: Жамбыл облысында даулы видеодан кейін бас дәрігер науқасты сотқа берді 

Басқарманың баспасөз қызметі науқасты емдеу бекітілген хаттама бойынша жүргізілгенін атап өтті. Алайда сағат 16:00-де жүрегі тоқтады.

"Жүргізілген реанимациялық шараларға қарамастан, сағат 16:30-да науқас қайтыс болды. Туған-туыстары мен жақындарына қайғырып көңіл айтамыз", - деп атап өтті басқармадағылар.

Сонымен қатар ауруханаға түсіп жатқан науқастардың көп екенін айтып, түсіністік танытуды сұрады.

"Кейінгі кездері медицина қызметкерлеріне науқастар мен олардың туыстары тарапынан айып тағу, қорқыту және қысым көрсету жиілеп кетті. Сонымен қатар дәрігер, медбикелер мен санитарлардың мойнында халықтың өмірі үшін үлкен жауапкершілік жатыр. Олар бар күш-жігерін жұмсап, психоэмоционалды және физикалық жүктемені басынан өткізіп жатыр",- деп атап өтті ведомство.

Облыстық денсаулық сақтау басқармасы баспасөз қызметінің хабарлауынша, провизорлық ауруханада көп науқас ауыр жағдайда жатыр.

"Медицина қызметкерлері маман тапшылығына байланысты күрделі жағдайда жұмыс істеп жатыр. Кадрларды жұмылдыру бойынша жұмыстар жүргізілуде. COVID-19 инфекциясы расталған және инфекция жұқтыруы мүмкін деген бірқатар қызметкер карантинге жабылды", - деп түсіндірді басқарма.

Сондай-ақ, ведомство бас дәрігердің қаулысына сәйкес, барлық медицина ұйымында (жұқпалы аурулар, провизорлық және карантиндік стационарларда) фото және видео түсіруге тыйым салынғанын хабарлады.

"Осындай типтегі видеоны түсіру оператордың тарапынан этикаға жат деп санаймыз", - деп түйіндеді басқарма.

8277
Кілт сөздер:
Көкшетау, науқас, коронавирус
Тақырып:
Коронавирус эпидемиясы (1548)
Тақырып бойынша
Коронавируспен түседі: Нұр-Сұлтанда бас дәрігер ауруханадан видео жариялады
Астана тұрғындары қатаң карантин енгізуге қатысты не ойлайтынын айтты - видео
Дәрігерлер үлгермеді: екі науқас Бішкек ауруханасының ауласында көз жұмды – видео
Науқастар дәлізде жатыр – дәрігерлер желіде тараған видеоға қатысты түсініктеме берді
"Екі науқас жедел жәрдем ішінде өлді" – елді шулатқан дәрігер кешірім сұрады
Махамбет Досмұхамбетов

Атырау облысының әкімі орынбасарының кінәсі дәлелденсе, қызметінен кетуге дайын

34
Әкімнің бірінші орынбасары мен құрылыс басқармасының бастығы 420 мың доллар көлемінде пара алды деген күдікпен ұсталды

НҰР-СҰЛТАН, 30 қыркүйек – Sputnik. Атырау облысының әкімі Махамбет Досмұхамбетов бірінші орынбасары Нұрлан Таубаев шынымен де кінәлі деп танылып, сот үкімі шықса, қызметінен кететінін мәлімдеді.

Әкімнің орынбасары мен құрылыс басқармасының бастығы 182 миллион теңге (420 мың доллардан астам) көлемінде пара алды деген күдікпен ұсталды, деп жазды "Ақ Жайық" басылымы.

"Заң бәріне ортақ. Егер тергеу аяқталып, сот оны кінәлі деп тапса, онда мен заңға сәйкес, отставкаға кетуге дайынмын. Оны қабылдай ма, жоқ па, президент өзі шешеді", - деді әкім Махамбет Досмұхамбетов.

Еске сала кетейік, 2019 жылдың қарашасында "Мемлекеттік қызмет туралы" заңға түзетулер енгізілді, оған сәйкес қарамағындағы қызметкердің кінәсі дәлелденіп, сот үкімі заңды күшіне енгеннен кейін басшы қызметінен кетуге міндетті.   

Оқи отырыңыз: Қазақстанда бірнеше әкім отставкаға кетуге өтініш берді 

Сыбайлас жемқорлыққа қарсы іс-қимыл агенттігі бұған дейін заң аясында қандай қызметкерлер тікелей бағынышты ретінде қарастырылатынын түсіндірген болатын.

34
Кілт сөздер:
отставка, әкім, Атырау облысы
Тақырып бойынша
Білім саласында жемқорлық неге көбейді?
Нұр-Сұлтанда әкім қызметінен кетті
Жезқазғанға жаңа әкім тағайындалды
Тоқаевтың тапсырмасы: облыс әкімінің орынбасары мен аудан әкімі отставкаға кетті
Архивтегі фото

Жамбыл облысында есірткі тасымалдаған қылмыстық топ сотталды

50
Күдіктілерді тінту шаралары барысында жалпы салмағы 100 килограмм марихуана есірткі заты табылған болатын

НҰР-СҰЛТАН, 30 қыркүйек – Sputnik. Қырғызстаннан Қазақстанға есірткі тасымалдаумен айналысқан қылмыстық топтың тоғыз мүшесі сотталды, деп хабарлады Polisia.kz.

Сотталушыларға 10 жылдан 17 жылға дейін бас бостандығынан айыру жазасы кесілді.

Еске сала кетейік, 2019 жылдың қаңтар айында Жамбыл облысында полиция департаменті криминалдық полиция басқармасының қызметкерлері өңірдегі Ұлттық қауіпсіздік комитетімен бірлесіп, Қырғызстаннан Қазақстанға аса ірі көлемде "марихуана" есірткі затын тасымалдаумен айналысқан адамдарды әшкерелеп, ұстаған болатын.

Оқи отырыңыз: Түркістан облысында өзге өңірдің екі тұрғыны 700 келі есірткімен ұсталды 

Облыстық полиция департаменті бастығының орынбасары Нұржан Қалметовтың айтуынша, тінту шаралары барысында ұсталғандардан жалпы салмағы 100 килограмм марихуана есірткі заты табылған.

"Алдын ала тергеу нәтижесінде топ басшылары мен мүшелері шекарада марихуана сатып алып отырғандығы анықталды, оны сату үшін Нұр-Сұлтан қаласына жіберіп отырған", - дейді Қалметов.

Жыл басынан бері облыс бойынша есірткімен байланысты 508 қылмыс тіркелген. Заңсыз айналымнан 2,5 тоннадан астам түрлі есірткі заттары, оның ішінде 1,5 келі героин, 55 келі гашиш және 2,5 келіден астам синтетикалық есірткі заттары тәркіленді.    

50
Кілт сөздер:
қылмыстық топ, есірткі, Жамбыл облысы
Тақырып бойынша
Қызылордада полицейлер есірткі диллерлерін тікұшақпен қуып жүріп ұстады – видео
Ұлттық қауіпсіздік комитеті Нұр-Сұлтанда арнайы операция өткізді  
Байқоңырда көпбалалы ана сотталды
Шетелде өмір бойына сотталған тағы бір қазақстандық туралы ақпарат шықты