Умер главный санитарный врач Алматинской области Кайрат Баймухамбетов

Алматы облысының бас санитар дәрігері Қайрат Баймұхамбетов дүниеден өтті

2813
(Жаңартылды 11:07 10.07.2020)
Қайрат Баймұхамбетов Алматы облысының бас санитар дәрігері лауазымында бір жылдан астам уақыт жұмыс істеді

АЛМАТЫ, 10 шілде – Sputnik. Алматы облысының бас мемлекеттік санитар дәрігері Қайрат Баймұхамбетов пневмониядан қайтыс болды. Қаралы хабарды Sputnik Қазақстан тілшісіне облыс әкімдігінің баспасөз қызметі растады.  

"Бүгін менің тікелей басшым Қайрат Баймұхамбетов дүниеден озды. Бұл туралы таңертең белгілі болды. Мен ол кісіге алғыс айтып үлгермедім, сол себепті көңілім құлазып отыр. Жаныңыз жаннатта болсын, құрметті Қайрат Қажыманұлы", - деп жазды Алматы облысы тауарлар мен көрсетілетін қызметтердің сапасы мен қауіпсіздігін бақылау департаментінің баспасөз хатшысы Әлия Шағиахмет.

Өскеменнің бас полицейі қайтыс болды 

Қайрат Баймұхамбетовтың өмірбаяны  

Қайрат Баймұхамбетов 1964 жылы 16 қаңтарда Шығыс Қазақстан облысында дүниеге келген.

Қарағанды мемлекеттік медицина институтын "Гигиена, санитария және эпидемиолог" мамандығы бойынша бітірген. Сондай-ақ, Өскемен қаласындағы Шығыс Қазақстан өңірлік университетінде "Құқықтану" мамандығында білім алды.

Институтты бітірген соң 1991 жылдан бастап Целинная темір жол санитариялық-эпидемиологиялық стансасының Көкшетау бөлімшесінің санитариялық дәрігері, Шығыс Қазақстан облысында Күршім аудандық санитариялық-эпидемиологиялық стансасының коммуналдық гигиена дәрігері, санитариялық бөлім меңгерушісі қызметін атқарды.

2001 жылдан Глубокое аудандық санитариялық-эпидемиологиялық стансасының бас дәрігері болды.

2013 жылдан 2016 жылға дейін Қазақстан Республикасы денсаулық сақтау министрлігі мемлекеттік санитариялық-эпидемиологиялық қадағалау комитетінің Ақмола облысы бойынша департаментінің, Қазақстан Республикасы ұлттық экономика министрлігі тұтынушылардың құқықтарын қорғау комитеті Ақмола облысы тұтынушылардың құқықтарың қорғау департаментінің басшысы болып қызмет етті.

2016 жылдың 26 шілдесінен бастап Қазақстан Республикасы ұлттық экономика министрлігі тұтынушылардың құқықтарын қорғау комитеті Алматы қаласы тұтынушылардың құқықтарын қорғау департаментінің басшысы болып тағайындалды.

2019 жылдың 23 мамырынан бастап тауарлар мен көрсетілетін қызметтердің сапасы мен қауіпсіздігін бақылау департаментінің басшысы, Алматы облысының бас мемлекеттік санитар дәрігері қызметін атқарды.

"Қазақстан Республикасы денсаулық сақтау ісінің үздігі" төсбелгісімен, "Қазақстан Республикасының Тәуелсіздігіне 20 жыл", "Қазақстан Республикасының Конституциясына 20 жыл" медалімен марапатталған.

2813
Тақырып бойынша
"Ол қазақ қызына тән қайсарлығымен көзге түсті": Әшімбаев Рәбиға Сыздықтың қазасы туралы
Қырғызстан парламентінің экс-спикері коронавирустан қайтыс болды
Танымал актер Дархан Дайырбек өмірден озды
Қазақ ғылымы ауыр қайғыға ұшырады: белгілі ғалым дүниеден өтті
Белгілі композитор Кеңес Дүйсекеев қайтыс болды
Бала, ойыншық

Алматыда полицейлер екі баланы түні бойы іздеді

40
Балалар дүйсенбі күні таңертең табылды. Олар түнді шағын дәмхананың қасында өткізгені белгілі болды. Екеуі де үйден кету себебін айтқысы келмеді

НҰР-СҰЛТАН, 3 тамыз – Sputnik. Алматыда 11 және 8 жастағы екі ағайынды үйден кетіп, қайта оралмаған. Балаларды 30 полицей мен 15 кинолог іздеді. Алты сағаттан кейін балалар аман-сау табылды.

Екі ағайындының жоғалып кеткені туралы хабарлама полицияға түнгі сағат 01:45-те түсті, деп хабарлайды Polisia.kz порталы.

Оқи отырыңыз: Түркістан облысында үш бала тауда адасып кетті, біреуі жардан құлаған 

Ата-анасы балалар үйден кетіп, қайтып оралмағанын айтқан, бірақ бұған дейін ондай әрекет жасамаған.  

Дереу криминалдық полиция қызметкерлері, учаскелік инспекторлар, ювеналды полиция өкілдері мен тергеу-жедел тобының қызметкерлерінен арнайы іздеу тобы құрылды. Сондай-ақ, балаларды іздеуге 15 кинолог тартылды.

"Ең алдымен, үйдің жанындағы аумақты, жақын жерде орналасқан жыра-сайды тексердік, көршілерден сұрастырдық. Қалай болғанда да, біз жақсы нәтижеге қол жеткізуді көздедік", - дейді Алатау ауданы полиция басқармасының бастығы Ілияс Өмірсеріков.  

Ол балалар сағат 07:35-те табылғанын атап өтті. Ағайындылар түнді шағын дәмхананың қасында өткізгені белгілі болды. Балалар бір-бірін мықтап ұстап алыпты. Олар үйден неліктен кеткенін айтқысы келмеген.

Полиция қызметкерлері олардың тұрмысын, отбасылық тәрбиені міндетті түрде тексеріп, ата-анасымен жұмыс істейтіндерін жеткізді. Олар балалар себепсіз үйден кетіп қалмайды деп есептейді.  

40
Кілт сөздер:
балалар, Алматы
Тақырып бойынша
Атырауда үйдің ауласынан 6 жасар қыздың денесі табылды
Түлкібас ауданында 6 ай бұрын жоғалған оқушының не істеп жүргені анықталды
Алматыда әкім іздеу салған оқушы табылды
Атырауда бір жарым жасар сәби жоғалып кетті
Ақмола облысында жоғалған жасөспірімнің 9 жыл бойы қайда жүргені белгілі болды
Бала, ойыншық

Оралда 6 жасар қызды алып кетпек болған бейтаныс адам қарсылыққа тап болды видео

945
(Жаңартылды 20:05 03.08.2020)
Сол маңнан өтіп бара жатқан жергілікті тұрғын қаскүнемнің әрекетіне назар аударып, қызды аман алып қалды

НҰР-СҰЛТАН, 3 тамыз – Sputnik. Оралда белгісіз біреу аулада ойнап жүрген қызды алып кетпек болды, бірақ ол ойы жүзеге аспады. Сыртқы бақылау камерасына түсіп қалған видео Желіде жарияланды.   

Оқиға 2 тамызда Зашаған шағын ауданында Мөңкеұлы көшесіндегі көпқабатты үйлердің ауласында болған, деп хабарлады "Мой Город" өңірлік басылымы. Видеодан ер адамның қызға жақындап, біраз уақыттан кейін бірге кетіп бара жатқан сәтін көруге болады.   

Посмотреть эту публикацию в Instagram

Публикация от Новости Казахстана (@42500_tenge)

Бейтаныс адам бірнеше метр жүріп үлгереді, бірақ бір нәрседен күдіктенген жергілікті тұрғындардың бірі оның жолын бөгеп, ұрып-соққан. 

Сәтбаевтағы оқиға: полицияның педофилді үйінен қалай алып шыққаны белгілі болды

Қыздың ата-анасы полицияға шағым түсірді. Кейін ер адамның жеке басы анықталып, қамауға алынғаны белгілі болды.

"Қазіргі уақытта қыздың анасының арызы Зашаған полиция басқармасының бөлімінде тіркеліп, ер адам анықталып, қамауға алынды. Оқиғаның мән-жайы тексеріліп жатыр. Содан кейін процессуалдық шешім қабылданады", - деп хабарлады Батыс Қазақстан облысының полиция департаменті.

Ведомство күдіктінің орта дәрежеде мас болғанын хабарлады. 

945
Кілт сөздер:
қыз, Орал
Тақырып бойынша
Абзал Құспан педофилдер үшін өлім жазасын енгізуге қарсы шықты
Шымкентте белгісіз біреу 5 және 8 жастағы қыздарды зорламақ болды
20 жылға сотталуы мүмкін: Қызылордада 29 жастағы жігіттің азғындық әрекеті әшкере болды
Ақтауда педофил ұсталды - видео