Дәрі-дәрмек

Алматыда дәрі-дәрмекке 5 миллиард теңге бөлінді Сағынтаев 

49
(Жаңартылды 15:37 10.07.2020)
Алматы әкімі қалада дәрілерді жеткізу мәселесі қалыпқа келгенін айтты. Барлық ауданда 105 дәріханаға сұранысқа ие 41 дәрі қойылады

АЛМАТЫ, 10 шілде – Sputnik. Алматыда дәрі-дәрмектің тұрақты қорын жасау үшін 5 миллиард теңге бөлінді. Бұл жайында қала басшысы Бақытжан Сағынтаев мәлімдеді, деп хабарлайды Sputnik Қазақстан.

"Дәрі-дәрмек жеткізушілерді 6-8 ай мерзімге процентсіз несиелендіру үшін 5 миллиард теңге  бөлінді. Бұл дәрі-дәрмекті ағымдағы баға бойынша сатып алынады. Нарықтағы жағдайға байланысты біртіндеп пайдалануға беріледі", - деп жазды қала әкімі Facebook парақшасында.

Сондай-ақ, өңір басшысы бүгін, 10 шілдеде Ресейден препараттардың ірі партиясы келетінін хабарлады.

"Келіп түскен дәрі-дәрмектер дәріхана сөрелеріне бір тәуліктің ішінде қойылады. Шамамен 55 тонна дәрілік заттар, соның ішінде Covid-19-ға қарсы температураны түсіретін препараттар мен антикоагулянттар бар. Шілденің соңына дейін әлеуметтік маңызы бар дәрі-дәрмектің 4,2 миллион қаптамасы жеткізілуі тиіс",- деді Сағынтаев.

Айтуынша, қалада дәрілерді жеткізу мәселесі қалыпқа келді. Барлық аудандағы 105 дәріханаға жоғары сұранысқа ие 41 дәрі қойылады.

"Бірінші шілдеден бастап дәріханаларға әлеуметтік маңызы бар препараттардың 581 мың қаптамасы түсті. Қазір 105 дәріханада және жеткізуші қоймаларда осындай дәрі-дәрмектің 1,8 миллион қаптамасы бар", - деді әкім.

Айта кетейік, Бақытжан Сағынтаев дәрілік препараттарға сұранысты қамтамасыз ету және жедел жағдай бойынша қажетті шараларды талқылау үшін фармацевтика саласы өкілдерімен кездесті.
Бұған дейін қала әкімдігі, дәрі жеткізушілер мен дәріханалар өзара келісімге қол қойды. Соның нәтижесінде әлеуметтік маңызы бар 41 дәрі жылдам жеткізілетін 105 дәріхана анықталды.

49
Кілт сөздер:
Сағынтаев, дәрі, коронавирус, Алматы
Тақырып:
Коронавирус эпидемиясы (1384)
Тақырып бойынша
"Ұпай жинайсыз деді": Тоқаев үкіметті неге отставкаға жібермегенін ашық айтты
Тоқаев биліктің қалай өзгеретінін айтты
Президент екінші Жолдауында қандай мәселені көтеретінін айтты
Президент халықты қолдау шараларын әзірлеуді тапсырды
Тоқаев министрлер мен әкімдерге: демалысты ұмытыңдар
Иллюстративті фото

Шымкентте жоғалған қыз Алматы облысынан табылды

8
Хабар-ошарсыз кеткен қызды табуға Абай АПБ-ның барлық жеке құрамы мен полиция департаментінің бөлімшелері жұмылдырылды

НҰР-СҰЛТАН, 12 тамыз – Sputnik. Шымкент қаласы полиция департаментінің қызметкерлері жоғалған қызды Алматы облысының Қаскелең қаласынан тапты.

Абай ауданының полиция басқармасына әйел қызының жоғалып кеткені туралы арызданды, деп хабарлады Polisia.kz.

Оқи отырыңыз: Түркістанда жоғалған бойжеткеннің екі апта бойы не істегені белгілі болды 

Хабар-ошарсыз кеткен қыздың жүрген жерін анықтау мақсатында Абай АПБ-ның барлық жеке құрамы мен полиция департаментінің бөлімшелері жұмылдырылды. Жедел іздестіру шаралары барысында, атап айтқанда, республиканың барлық өңіріне бағдар жіберілгеннен кейін хабар-ошарсыз кеткен қыздың Алматы облысының Қаскелең қаласында екені анықталды.

Абай АПБ криминалдық полиция бөлімінің қызметкерлері қызды Шымкент қаласына жеткізді.

 

8
Кілт сөздер:
Шымкент
Тақырып бойынша
Түркияда қазақ қызы жұмбақ жағдайда жоғалып кетті
19 жыл бұрын ұшты-күйлі жоғалған қазақстандық қыз Тәжікстаннан табылды
"Қызымды жылатқан" Есікте жігітпен желі арқылы танысқан қыз жоғалып кетті
Жиырма жыл бұрын жоғалған қыз ата-анасымен қауышты – видео
СҚО тасжолында КамАЗ бен Тойота соқтығысты

Солтүстік Қазақстанда жантүршігерлік жол апаты болды: жеңіл көлік жапырылып қалды  

79
Апат Челябі – Новосібір  тасжолында Пеньково ауылының маңында болды. Соққыдан кейін КамАЗ жол жиегіне ұшып түсті, ал шетелдік көлік металл үйіндісіне айналды

ПЕТРОПАВЛ, 12 тамыз – Sputnik. Солтүстік Қазақстан облысында екі адамның өмірін қиған жол апатына қатысты тергеу жүріп жатыр, деп хабарлады Sputnik Қазақстанға облыстық полиция департаментінің баспасөз қызметі.

Жол апаты Челябі – Новосібір автожолында Қызылжар ауданындағы Пеньково ауылының маңында болған.

"Мағжан Жұмабаев ауданының 62 жастағы тұрғыны Toyota Camry көлігімен қарсы жолаққа шығып кетіп, Булаево қаласының 56 жастағы тұрғыны жүргізіп келе жатқан КамАЗ автокөлігімен соқтығысқан. Жол апаты салдарынан Toyota Camry жүргізушісі мен оның 1957 жылы туған жолаушысы алған жарақатынан оқиға орнында көз жұмды. КамАЗ жүргізушісі зардап шеккен жоқ", - деп хабарлады полиция.

КамАЗ и Тойота столкнулись на трассе в СКО
© Photo : пресс-служба департамента полиции Северо-Казахстанской области
СҚО тасжолында "КамАЗ" бен "Тойота" соқтығысты

Солтүстік Қазақстан облысы полиция департаменті бастығының бірінші орынбасары полковник Қанат Айтбаевтың айтуынша, барлық қажетті сараптама тағайындалды.  

Осы жылдың жеті айында Солтүстік Қазақстан жолдарында 98 жол апаты болып, салдарынан 13 адам көз жұмып, 129 адам жарақат алды.

79
Кілт сөздер:
Солтүстік Қазақстан облысы, жол апаты
Тақырып бойынша
Ақтау – Жаңаөзен тасжолында бірнеше адам көз жұмды – видео
Атырау облысында болашағынан үміт күттірген үш боксшы қаза болды  
Қостанай облысында 7 жасар бала полициядан қашқан әкесінің көлігінде көз жұмды
Алматыда дрифт жасаған жүргізуші ірі апатқа себепкер болды