Сәдуақас Байғабылов

Байғабылов Атырау облысының бас санитар дәрігері қызметіне тағайындалды

471
(Жаңартылды 20:28 13.07.2020)
Бұған дейін ол көліктегі бас санитар дәрігер қызметін атқарған болатын. Жаңа қызметіне кіріскен Байғабылов Атырау облысындағы дәрі-дәрмекке қатысты пікір білдірді

АЛМАТЫ, 13 шілде – Sputnik. Сәдуақас Байғабылов Атырау облысының бас мемлекеттік санитар дәрігері болып тағайындалды. Бұған дейін ол көліктегі бас санитар дәрігер қызметін атқарды.

"Бүгін аймақтағы коронавирус инфекциясы бойынша санитарлық-эпидемиологиялық жағдайды тұрақтандыру мақсатында мені Атырау облысының бас санитар дәрігері етіп тағайындады",- деп түсіндірді Sputnik Қазақстан тілшісіне Байғабылов.

Байғабылов әр жылдары Нұр-Сұлтан қаласы мен Павлодар облысының тауарлар мен көрсетілетін қызметтердің сапасы мен қауіпсіздігін бақылау департаментінің басшысы қызметін атқарды.

Жаңа қызметіне кіріскен Байғабылов Атырау облысындағы дәрі-дәрмекке қатысты пікір білдірді.

"Облыста 314 дәріхана бар, оның 223-і қалада орналасқан. Олар дәрілер мен медициналық мақсаттағы заттарды бөлшек саудада өткізу бойынша жұмыс істейді. 7 шілдеде "Іңкәр" ЖШС көтерме қоймасы 220 миллион теңгеге 430 дәрі-дәрмек түрін әкелді. Оның ішінде антибиотиктер (азитромицин, цефазолин, цефтриаксон) және метрид, сондай-ақ дене қызуын түсіретін және қабынуға қарсы дәрілер бар", - деді Байғабылов.

13 шілдеде облыстың 145 дәріханасына ең қажетті дәрі-дәрмек жеткізілді, деп толықтырды ол.

Оның айтуынша, өңірде карантиндік шаралардың, шекті бағалардың сақталуын және дәрі-дәрмектің бағасына қатысты алыпсатарлыққа жол бермеуді тексеретін мемлекеттік органдардан бақылаушы мобильді топ құрылған.

Атырау облысында 7 928 адамнан COVID-19 инфекциясы табылды, 4 766 адам сауығып шықты.

Бұған дейін Ресейден келген алты дәрігер Атырауда емделушілерге көмек көрсету үшін облысқа барды. Сонымен қатар өңірге COVID-19-ға қарсы күрес жүргізу үшін жүз отандық маман жіберіледі.

 

471
Кілт сөздер:
дәрігер, Атырау облысы
Тақырып:
Коронавирус эпидемиясы (1340)
Тақырып бойынша
Президент: шілде айына 42 500 теңге төленеді
Тоқаев карантин режимі қашанға дейін жалғасатынын айтты
Өкпе зақымданған кезде қымыз бен шұбат ішуге бола ма - дәрігер жауабы
Үкіметте карантинге қатысты қосымша шаралар қабылданды
Дәрігер денсаулық министрлігінің тағы бір қателігін айтты
Бала, ойыншық

Алматыда полицейлер екі баланы түні бойы іздеді

28
Балалар дүйсенбі күні таңертең табылды. Олар түнді шағын дәмхананың қасында өткізгені белгілі болды. Екеуі де үйден кету себебін айтқысы келмеді

НҰР-СҰЛТАН, 3 тамыз – Sputnik. Алматыда 11 және 8 жастағы екі ағайынды үйден кетіп, қайта оралмаған. Балаларды 30 полицей мен 15 кинолог іздеді. Алты сағаттан кейін балалар аман-сау табылды.

Екі ағайындының жоғалып кеткені туралы хабарлама полицияға түнгі сағат 01:45-те түсті, деп хабарлайды Polisia.kz порталы.

Оқи отырыңыз: Түркістан облысында үш бала тауда адасып кетті, біреуі жардан құлаған 

Ата-анасы балалар үйден кетіп, қайтып оралмағанын айтқан, бірақ бұған дейін ондай әрекет жасамаған.  

Дереу криминалдық полиция қызметкерлері, учаскелік инспекторлар, ювеналды полиция өкілдері мен тергеу-жедел тобының қызметкерлерінен арнайы іздеу тобы құрылды. Сондай-ақ, балаларды іздеуге 15 кинолог тартылды.

"Ең алдымен, үйдің жанындағы аумақты, жақын жерде орналасқан жыра-сайды тексердік, көршілерден сұрастырдық. Қалай болғанда да, біз жақсы нәтижеге қол жеткізуді көздедік", - дейді Алатау ауданы полиция басқармасының бастығы Ілияс Өмірсеріков.  

Ол балалар сағат 07:35-те табылғанын атап өтті. Ағайындылар түнді шағын дәмхананың қасында өткізгені белгілі болды. Балалар бір-бірін мықтап ұстап алыпты. Олар үйден неліктен кеткенін айтқысы келмеген.

Полиция қызметкерлері олардың тұрмысын, отбасылық тәрбиені міндетті түрде тексеріп, ата-анасымен жұмыс істейтіндерін жеткізді. Олар балалар себепсіз үйден кетіп қалмайды деп есептейді.  

28
Кілт сөздер:
балалар, Алматы
Тақырып бойынша
Атырауда үйдің ауласынан 6 жасар қыздың денесі табылды
Түлкібас ауданында 6 ай бұрын жоғалған оқушының не істеп жүргені анықталды
Алматыда әкім іздеу салған оқушы табылды
Атырауда бір жарым жасар сәби жоғалып кетті
Ақмола облысында жоғалған жасөспірімнің 9 жыл бойы қайда жүргені белгілі болды
Бала, ойыншық

Оралда 6 жасар қызды алып кетпек болған бейтаныс адам қарсылыққа тап болды видео

925
(Жаңартылды 20:05 03.08.2020)
Сол маңнан өтіп бара жатқан жергілікті тұрғын қаскүнемнің әрекетіне назар аударып, қызды аман алып қалды

НҰР-СҰЛТАН, 3 тамыз – Sputnik. Оралда белгісіз біреу аулада ойнап жүрген қызды алып кетпек болды, бірақ ол ойы жүзеге аспады. Сыртқы бақылау камерасына түсіп қалған видео Желіде жарияланды.   

Оқиға 2 тамызда Зашаған шағын ауданында Мөңкеұлы көшесіндегі көпқабатты үйлердің ауласында болған, деп хабарлады "Мой Город" өңірлік басылымы. Видеодан ер адамның қызға жақындап, біраз уақыттан кейін бірге кетіп бара жатқан сәтін көруге болады.   

Посмотреть эту публикацию в Instagram

Публикация от Новости Казахстана (@42500_tenge)

Бейтаныс адам бірнеше метр жүріп үлгереді, бірақ бір нәрседен күдіктенген жергілікті тұрғындардың бірі оның жолын бөгеп, ұрып-соққан. 

Сәтбаевтағы оқиға: полицияның педофилді үйінен қалай алып шыққаны белгілі болды

Қыздың ата-анасы полицияға шағым түсірді. Кейін ер адамның жеке басы анықталып, қамауға алынғаны белгілі болды.

"Қазіргі уақытта қыздың анасының арызы Зашаған полиция басқармасының бөлімінде тіркеліп, ер адам анықталып, қамауға алынды. Оқиғаның мән-жайы тексеріліп жатыр. Содан кейін процессуалдық шешім қабылданады", - деп хабарлады Батыс Қазақстан облысының полиция департаменті.

Ведомство күдіктінің орта дәрежеде мас болғанын хабарлады. 

925
Кілт сөздер:
қыз, Орал
Тақырып бойынша
Абзал Құспан педофилдер үшін өлім жазасын енгізуге қарсы шықты
Шымкентте белгісіз біреу 5 және 8 жастағы қыздарды зорламақ болды
20 жылға сотталуы мүмкін: Қызылордада 29 жастағы жігіттің азғындық әрекеті әшкере болды
Ақтауда педофил ұсталды - видео