Қатты жел

Бірнеше өңірде дабылды ескерту жарияланды - ертеңге арналған ауа райы болжамы

3392
Елдің оңтүстігі мен батысында жауын-шашынсыз. Синоптиктер кей жерлерде жел күшейетінін хабарлап отыр

НҰР-СҰЛТАН, 19 шілде – Sputnik. Дүйсенбі, 20 шілде күні елдің басым бөлігінде жауын жауып, жел күшейеді, күн күркірейді. 

Оңтүстік пмен батыста жауын-шашынсыз. Кей жерлерде жел күшейеді, оңтүстікте шаңды дауыл болады.

Кейбір өңірлерде аптап ыстық сақталады, деп хабарлайды "Қазгидромет".

Ірі қалалардағы ауа райы

Елордада 20 шілде күні жауын-шашын болмайды. Күндіз плюс 31-33 градус, түнде 15-17 градус жылы.

Алматыда күндіз 33-35 градус ыстық, түнде плюс 23-25.

Шымкентте күндіз плюс 36-38 градус, түнде сынап бағанасы 22-24 нөлден жоғары болады.

Дабылды ескерту

Жамбыл облысында 20-22 шілде күндері күн күркірейді, дауыл болады, солтүстік-батыс желінің жылдамдығы секундына 15-20 метр.

Солтүстік Қазақстан облысында 20 шілде күні күн күркірейді, бұршақ жаууы мүмкін, солтүстік-шығыс желінің жылдамдығы - 15-20 м/с.

Қарағанды облысында 20-21 шілде күндері күн күркірейді, дауыл, бұршақ жаууы мүмкін. Желдің екпіні секундына 23 метрге дейін жетуі мүмкін.

20-21 шілде күндері оңтүстікте 38 градусқа дейін аптап ыстық болады.

Қарағандыда 20 шілде күні солтүстік-шығыс, шығыстан соққан желдің екпіні секундына 15 метрге дейін жетеді.

Жезқазғанда күндіз 20-21 шілде күндері 36-38 градус ыстық болады. 

Қостанай облысында күн күркіреп, бұршақ жауады. Аптап ыстық 35-38 градус.

Қызылорда облысында 40-42 градус ыстық, өрт қаупі жоғары. 

20 шілде күні Түркістан облысында шаңды дауыл болады, күн күркірейді.

 

3392
Кілт сөздер:
дабылды ескерту, шілде, ауа райы
Саябақта серуендеп жүрген әйел

Қостанай облысында карантин жеңілдеді: тұрғындар нені білуі тиіс

40
Бұған дейін Алматы мен Қарағанды облысында карантин шаралары жеңілдетіліп, Бурабай мен Зерендіде суға түсуге рұқсат берілді

НҰР-СҰЛТАН, 10 тамыз – Sputnik. Бүгіннен бастап Қостанай облысында шектеу шаралары жеңілдетілді, деп хабарлайды Sputnik Қазақстан.

Шұғыл штабтың шешіміне сәйкес, бүгіннен бастап 500 шаршы метрге дейінгі азық-түлік емес дүкендері ашылады. Ал одан үлкен сауда орындары  "клиентке дейін жеткізу" форматында істей береді.

Бұдан бөлек, саябақтар және сол жерде орналасқан сауда орындары ашылады. Бірақ аттракциондар мен балалар алаңы, батуттар, велосипед және балалар ойыншықтарын жалға беру қызметі жұмыс істемейді.

Ал саябақ аумағына бір үйдің адамдары болмаса, үш адамнан артық топтасып кіруге болмайды. Адамдар арасындағы арақашықтық сақталуы тиіс.

Қаладағы қоғамдық көлік таңғы сағат 06:00 мен кешкі сағат 21:00 арасында жүреді.

Оқи отырыңыз: Қазақстанда карантин кезінде қандай мәселе ушыға түскені айтылды

Айта кетейік, бұған дейін Алматы мен Қарағанды облысында карантин шаралары жеңілдетілген болатын. Ал Ақмола облысы бойынша Бурабай мен Зерендіде суға түсуге рұқсат берілді.

40
Кілт сөздер:
Қостанай облысы, карантин
Тақырып:
Төтенше жағдай және карантин
Тақырып бойынша
ДДҰ карантин режиміне қатысты мәлімдеме жасады
Министр карантин қандай жағдайда ұзартылатынын айтты
Қостанайда карантин режимін бұзған жолаушы полицейдің құлағын тістеп алды   
Қазақстанда тағы бір облыста карантин жеңілдетіледі
Тоқаев: үкімет карантин режимін сақтау шараларын күшейтуге міндетті
аурухана, коронавирус

"Балалар ауырып жатыр": әкімдік желіде тараған ақпаратқа түсініктеме берді

216
(Жаңартылды 17:22 10.08.2020)
Атырау облысының әкімдігі әлеуметтік желілерде тараған ақпарат шындыққа жанаспайтынын мәлімдеді

АЛМАТЫ, 10 тамыз – Sputnik. Әлеуметтік желіде Атырау облысы Мақат ауданында балалар коронавирус инфекциясымен ауырып жатыр деген ақпарат тарады. Атырау облысы денсаулық сақтау басқармасының баспасөз қызметі бұл ақпараттың шындыққа жанаспайтынын мәлімдеді.

"Әлеуметтік желілерде Атырау облысының Мақат ауданында балалар коронавирус инфекциясымен ауырып жатыр деп тараған ақпарат жалған", - делінген хабарламада. 

Мақат аудандық аурухананың бас дәрігерінің міндетін атқарушы Асұлан Әбдірахмановтың айтуынша, ауданда балалар коронавирус инфекциясымен ауырып жатқан жоқ.

"Ауданда балалар коронавирус инфекциясымен ауырып жатыр деген жалған ақпарат болып саналады. Қазір аурухананың провизорлық стационарында 11 адам емделіп жатыр, ішінде бір ғана бала бар. Он айлық нәрестеге суықтан пайда болған пневмония деген диагноз қойылды. Сәбидің жағдайы жақсы, жақында үйіне шығарылады", - дейді Әбдірахманов. 

Айта кетейік, Қазақстанда коронавирус инфекциясын жұқтырғандар саны 99 442 адамға жетті. Пневмонияға шалдыққандар 13 280 науқас болды. Ресми статистикаға сүйенсек, коронавирустан 1269, ал пневмониядан 164 адам қайтыс болды. 

216
Кілт сөздер:
әлеуметтік желілер
Кісен, архивтегі сурет

Ресей Қазақстанға ұйымдасқан топ құрған адамды тапсырды

0
Есірткі Қазақстанға поштамен жіберілген. Бизнесті ұйымдастырушы құжаттарды қолдан жасағаны белгілі болды

НҰР-СҰЛТАН, 10 тамыз - Sputnik. Ресей Қазақстанға есірткі контрабандасымен айналысатын трансұлттық ұйымдасқан топты құрған Қазақстан азаматы Стас Ларинды берді. Бұл туралы Ресейдің бас прокуратурасының баспасөз қызметі. 

Ол қылмыстық кодекстің 264-бабы 1-бөлігі (трансұлттық ұйымдасқан топты құру, жетекшілік ету)
286-бабы 4-бөлігі (есірткі және психотроптық заттар контрабандасы), 297-бабы 4-бөлігі (есірткі және психотроптық заттарды заңсыз сату және сақтау) және 385-баптың 2-бөлігі (жалған құжат қолдан жасау) бойынша айыпталып отыр.

Ларин 2016 жылы есірткі контрабандасымен айналысатын трансұлттық ұйымдасқан топ құрған. 2017 жылдың қазан айына дейін жетекшілік етті.

Ларин 2019 жылдың желтоқсанында Новосибирск  облысында ұсталды. Жуырда Стас Ларин арнайы конвоймен Қазақстанға жеткізілді.

0