Аскорбин қышқылы

Қазақстаннан көшіп кеткен кәсіпкер туған ауылына 30 мың доллардың дәрісін жіберді

7955
Мәскеу тұрғыны 30 мың долларға дәрі-дәрмек сатып алып, Баянауыл аудандық ауруханасына жіберген. Эпидемия кезінде жерлестеріне көмектескісі келген демеуші атын атамауды жөн көрді

ПАВЛОДАР, 20 шілде – Sputnik. Қазір Мәскеуде тұратын кәсіпкер өзінің туып-өскен ауылындағы Баянауыл орталық аудандық ауруханасына 30 мың долларға дәрі-дәрмек пен оттегі концентраторларын сатып алды, деп хабарлады Ertis – adaldyq alańy жобалық кеңсесі.    

Павлодар облысындағы сыбайлас жемқорлыққа қарсы қызмет пен Ertis – adaldyq alańy жобалық кеңсесі көмекті қабылдап, дәрі-дәрмектерді Баянауыл орталық аудандық ауруханасына табыстауға қатысты, бұл дәрілерді әлдекімдер сатып жібермеу үшін әр бумаға "Тегін" деген мөр қойылған.

Гумпомощь медикаментами, присланная из Москвы в Баянаул
© Photo : проектный офис Ertis – adaldyq alańy
Мәскеуден Баянауылға жіберілген гуманитарлық көмек

"Бүгін туған елге деген алғыстың жарқын үлгісін көріп отырмыз. Баянауылдың тумасы өзінің туған жерін ұмытпай, өмір үшін маңызды дәрі-дәрмектерді жеткізіп, ауданға тағы бір рет көмектесті", - деді Ertis – adaldyq alańy жобалық кеңсесінің басшысы Ризабек Исабеков.

Аудан орталығына "Цефтриаксон", "Ингавирин", "Левофлоксацин", "Клексан", С дәрумені, парацетамол сияқты дәрі-дәрмектер мен басқа да заттар тиелген жүк көлігі келді. Сонымен қатар, аты-жөнін атағысы келмеген меценат сегіз оттегі концентраторын, сондай-ақ ересектер мен балаларға арналған пульсоксиметрлер және жеті жылу контейнерін тапсырды.

Антибиотик Цефтриаксон
© Photo : проектный офис Ertis – adaldyq alańy
"Цефтриаксон" антибиотигі

Демеушінің жалғыз талабы дәрі-дәрмектердің мақсатына сай ашық түрде қолданылуын қамтамасыз ету болды.   

Сонымен қатар, демеуші өңір дәрігерлері үшін мәскеулік профессормен консультация ұйымдастырды, ол аудан тұрғындарына медициналық көмек көрсету бойынша ұсынымдарын бөлісті.

"Біз емдеу тактикасын жасадық, біздің хаттамамыздың аясында ұсынымдар берді. Аптасына екі рет профессорға хабарласып тұрдық, ол бізге дәрі-дәрмектерге қатысты кеңес берді. Жерлесімізге көмектескені үшін көп рахмет!" - дейді аудандық аурухананың бас дәрігері Сержан Арынов.

7955
Кілт сөздер:
дәрі-дәрмек, кәсіпкер, гуманитарлық көмек
Тақырып:
Коронавирус эпидемиясы (1340)
Тақырып бойынша
Қазақстанға келген гуманитарлық көмек екі айға жуық қоймада жатқан
"Кеш қалдыңыздар": дәрігер қазақстандықтардың ең басты қателігін атады
Назарбаевтың қорынан тағы қанша отбасы 50 мың теңгеден алғаны белгілі болды
Грузиядан Қазақстанға гуманитарлық көмек келді
Өзбекстан Түркістанға гуманитарлық көмек жіберді
Қазақстандағы жағдай екі аптадан кейін жақсара бастайды – пульмонолог
Бала, ойыншық

Алматыда полицейлер екі баланы түні бойы іздеді

12
Балалар дүйсенбі күні таңертең табылды. Олар түнді шағын дәмхананың қасында өткізгені белгілі болды. Екеуі де үйден кету себебін айтқысы келмеді

НҰР-СҰЛТАН, 3 тамыз – Sputnik. Алматыда 11 және 8 жастағы екі ағайынды үйден кетіп, қайта оралмаған. Балаларды 30 полицей мен 15 кинолог іздеді. Алты сағаттан кейін балалар аман-сау табылды.

Екі ағайындының жоғалып кеткені туралы хабарлама полицияға түнгі сағат 01:45-те түсті, деп хабарлайды Polisia.kz порталы.

Оқи отырыңыз: Түркістан облысында үш бала тауда адасып кетті, біреуі жардан құлаған 

Ата-анасы балалар үйден кетіп, қайтып оралмағанын айтқан, бірақ бұған дейін ондай әрекет жасамаған.  

Дереу криминалдық полиция қызметкерлері, учаскелік инспекторлар, ювеналды полиция өкілдері мен тергеу-жедел тобының қызметкерлерінен арнайы іздеу тобы құрылды. Сондай-ақ, балаларды іздеуге 15 кинолог тартылды.

"Ең алдымен, үйдің жанындағы аумақты, жақын жерде орналасқан жыра-сайды тексердік, көршілерден сұрастырдық. Қалай болғанда да, біз жақсы нәтижеге қол жеткізуді көздедік", - дейді Алатау ауданы полиция басқармасының бастығы Ілияс Өмірсеріков.  

Ол балалар сағат 07:35-те табылғанын атап өтті. Ағайындылар түнді шағын дәмхананың қасында өткізгені белгілі болды. Балалар бір-бірін мықтап ұстап алыпты. Олар үйден неліктен кеткенін айтқысы келмеген.

Полиция қызметкерлері олардың тұрмысын, отбасылық тәрбиені міндетті түрде тексеріп, ата-анасымен жұмыс істейтіндерін жеткізді. Олар балалар себепсіз үйден кетіп қалмайды деп есептейді.  

12
Кілт сөздер:
балалар, Алматы
Тақырып бойынша
Атырауда үйдің ауласынан 6 жасар қыздың денесі табылды
Түлкібас ауданында 6 ай бұрын жоғалған оқушының не істеп жүргені анықталды
Алматыда әкім іздеу салған оқушы табылды
Атырауда бір жарым жасар сәби жоғалып кетті
Ақмола облысында жоғалған жасөспірімнің 9 жыл бойы қайда жүргені белгілі болды
Бала, ойыншық

Оралда 6 жасар қызды алып кетпек болған бейтаныс адам қарсылыққа тап болды видео

909
(Жаңартылды 20:05 03.08.2020)
Сол маңнан өтіп бара жатқан жергілікті тұрғын қаскүнемнің әрекетіне назар аударып, қызды аман алып қалды

НҰР-СҰЛТАН, 3 тамыз – Sputnik. Оралда белгісіз біреу аулада ойнап жүрген қызды алып кетпек болды, бірақ ол ойы жүзеге аспады. Сыртқы бақылау камерасына түсіп қалған видео Желіде жарияланды.   

Оқиға 2 тамызда Зашаған шағын ауданында Мөңкеұлы көшесіндегі көпқабатты үйлердің ауласында болған, деп хабарлады "Мой Город" өңірлік басылымы. Видеодан ер адамның қызға жақындап, біраз уақыттан кейін бірге кетіп бара жатқан сәтін көруге болады.   

Посмотреть эту публикацию в Instagram

Публикация от Новости Казахстана (@42500_tenge)

Бейтаныс адам бірнеше метр жүріп үлгереді, бірақ бір нәрседен күдіктенген жергілікті тұрғындардың бірі оның жолын бөгеп, ұрып-соққан. 

Сәтбаевтағы оқиға: полицияның педофилді үйінен қалай алып шыққаны белгілі болды

Қыздың ата-анасы полицияға шағым түсірді. Кейін ер адамның жеке басы анықталып, қамауға алынғаны белгілі болды.

"Қазіргі уақытта қыздың анасының арызы Зашаған полиция басқармасының бөлімінде тіркеліп, ер адам анықталып, қамауға алынды. Оқиғаның мән-жайы тексеріліп жатыр. Содан кейін процессуалдық шешім қабылданады", - деп хабарлады Батыс Қазақстан облысының полиция департаменті.

Ведомство күдіктінің орта дәрежеде мас болғанын хабарлады. 

909
Кілт сөздер:
қыз, Орал
Тақырып бойынша
Абзал Құспан педофилдер үшін өлім жазасын енгізуге қарсы шықты
Шымкентте белгісіз біреу 5 және 8 жастағы қыздарды зорламақ болды
20 жылға сотталуы мүмкін: Қызылордада 29 жастағы жігіттің азғындық әрекеті әшкере болды
Ақтауда педофил ұсталды - видео