Архивтегі фото

Түркістан облысында бір топ адам шырт ұйқыда жатқан тұрғындардың зәресін ұшырды

5422
(Жаңартылды 16:23 22.07.2020)
Кентау қаласында жекеменшік үйге тас лақтырған ер адамдардың бұзақылық әрекетінен үш адам зардап шекті 

АЛМАТЫ, 22 шілде – Sputnik. Түркістан облысының полицейлері Кентау тұрғыны мен оның туыстарына тас лақтырды деген күдікпен төрт адамды ұстады. Бұзақылық фактісі бойынша сотқа дейінгі тергеу басталды, деп хабарлайды Otyrar.kz басылымы.  

Қылмыс туралы хабарлама Кентау қалалық полициясының кезекші бөліміне 21 шілде күні түнгі бір шамасында келіп түскен. Қоңырау шалған тұрғын өзін және туыстарын ауылдастары соққыға жыққанын айтты.

"Полиция ауылдағы көшелердің бірінде ер адам мен ауыл тұрғынының сөзге келіп қалғанын анықтады. Біраз уақыт өткен соң жәбірленушінің үйінің маңына белгісіз адамдар мінген бірнеше автокөлік келіп тоқтаған. Олар жәбірленушінің және көрші үйлердің ауласына тас атқан. Артынша ізін суытқан", - деп хабарлады Түркістан облысының полиция департаменті.

Тәртіпсіздік кесірінен жәбірленушінің үш туысы түрлі жарақат алды. Оларға оқиға орнында медициналық көмек көрсетілді.

Оқи отырыңыз: Алматы облысында ауыл тұрғындары түн ортасында полицияны аяққа тік тұрғызды 

Кейін жедел уәкілдер төрт күдіктіні ұстады. Егер олардың кінәсі дәлелденсе, Қылмыстық кодекстің 293-бабы ("Бұзақылық") бойынша бес жылға дейін бас бостандығынан айырылуы мүмкін.

5422
Кілт сөздер:
Түркістан облысы, бұзақылар
Тақырып бойынша
Алматының ірі базарында саудагерлер мен күзетшілер жұрттың зәресін ұшырды
Түркістанда оқушыларды ұрып-соққан жасөспірімнің анасы кешірім сұрады
Полиция Қарағанды зообағында арыстандарды таспен ұрғандарды іздеп тапты
"Беті қан-қан": Сарыағашта тұрмыстағы келіншекпен көңіл қосқан жігіт өлім құшты
Иллюстративті фото

Қытаймен шекарада түсірілген видео жарияланды

4089
"Нұр жолы" кеден бекетінде 30 шақырымға дейінгі кептеліс пайда болғаннан кейін арнайы тексеріс жүргізіліп, заңсыз ақша алғандар ұсталды

НҰР-СҰЛТАН, 15 тамыз – Sputnik. Сыбайлас жемқорлыққа қарсы іс-қимыл агенттігі "Нұр жолы" кеден бекетінің 8 лауазымды қызметкері ұсталған сәттің видеосын жариялады, деп хабарлайды Sputnik Қазақстан.

Ресми мәліметке сәйкес, ұлттық қауіпсіздік комитеті мен бас көлік прокуратурасы бірлесіп өткізген операция барысында "Нұр жолы" кеден бекетінде жұмыс істеген 8 лауазымды тұлға ұсталды. 30 шақырымға дейінгі кептеліс пайда болғаннан кейін арнайы тексеріс жүргізуге шешім қабылданған. Сол кезде Қытай Халық Республикасына көлік өткізгені үшін заңсыз ақша алынғаны анықталды.   

"Кеден бекетінің 6 лауазымды тұлғасы ұсталып, Талдықорған қалалық полиция басқармасының уақытша ұстау изоляторына қамалды. Ал 2 қызметкер өз кінәсін толық мойындауына байланысты ұсталған жоқ", - дейді тергеушілер.

Айта кетейік, бұған дейін бас көлік прокуратурасы "Нұр жолы" кеден бекетінде сыбайлас жемқорлыққа қатысы бар деген күдікпен мемлекеттік кірістер, сондай-ақ ветеринарлық және фитосанитарлық бақылау органдары қызметкерлерінің ұсталғанын хабарлаған болатын.

Істі тергеу барысын бас көлік прокуратурасы бақылауға алды. Тергеу мүддесі үшін басқа ақпарат жария етілмейді, делінген ведомство хабарламасында.

"Адам басына 3 мыңнан алған": Шекарада орналасқан үйлердің тұрғындары ұсталды

4089
Кілт сөздер:
видео, шекара, Қытай
Тақырып бойынша
Қазақстан мемлекеттік шекараны дронмен күзетуі мүмкін
Қазақстан транзиттік жүк көліктерін қадағалап отыратын болды
Шетелде емделетіндер шекарада қандай құжат көрсетеді
Қытаймен шекарадағы әскери техниканың не үшін шығарылғаны белгілі болды – видео
зейнеткер

Қостанайда зейнеткер бірге тұрып жатқан әйелдің 4 жасар немересін өлтірді

1946
65 жастағы Қарасу ауданының тұрғыны мас күйінде жантүршігерлік қылмыс жасады, ол 20 жылға сотталуы мүмкін

НҰР-СҰЛТАН, 15 тамыз  – Sputnik. Қостанайда қылмыстық істер жөніндегі ауданаралық сотта онлайн режимде төрт жасар баланың өліміне қатысты іс қаралды.

Прокурор күдіктіні 20 жылға бас бостандығынан айыруды сұрады, деп хабарлайды alau.kz.

Жантүршігерлік оқиға Қарасу ауданында биыл 17 наурызда болған. Аудандық полицияның кезекші бөліміне төрт жасар баланың денесі табылғаны туралы хабарлама түседі. Оқиға орнына келген полицейлер 65 жастағы ер адамды ұстайды.

Төрт жасар баланы өлтірген күдікті
© Photo : alau.kz
Төрт жасар баланы өлтірген күдікті

Ол мас күйінде сұмдық қылмысқа барған. Зейнеткер бірге тұрып жатқан әйелдің немересін алдымен ұрып-соғып, одан кейін қырық литрлік ыдыстың ішінде суға батырып өлтірген.

Оқи отырыңыз: Басын кесіп тастаған: Риддерде жас қыз жантүршігерлік қылмыс жасады

 

1946
Кілт сөздер:
зейнеткер, Қостанай
ҰБТ, архивтегі фото

Грант иегерлерінің тізімі қашан жарияланатыны белгілі болды

0
(Жаңартылды 17:08 15.08.2020)
2020 жылғы грант иегерлерінің тізімі 15 тамыз күні сағат 18:00-де testcenterkz парақшасында жарияланады

НҰР-СҰЛТАН, 15 тамыз – Sputnik. 2020 жылғы білім гранты иегерлерінің тізімі 15 тамызда жарияланады, деп хабарлайды Sputnik Қазақстан.

"Грант иегерлерінің тізімі бүгін сағат 18:00-де testcenterkz парақшасында жарияланады", - деп жазды Ұлттық тестілеу орталығының басшысы Дидар Смағұлов Instagram-да.

Оның айтуынша, комиссия отырысы аяқталып, шешім қабылданған.

 

0
Кілт сөздер:
грант тізімі, грант