Архивтегі фото

Алматыда пневмониямен ауруханаға түсетіндер саны екі есеге азайды

226
Ауру таралу шыңына жеткен кезде тәулігіне 300 науқасқа дейін ауруханаға жатқызылған болса, қазір бұл көрсеткіш 133 адамнан аспайды

АЛМАТЫ, 22 шілде – Sputnik. Алматыда пневмониямен ауыратын науқастар саны екі есеге азайды. Бұл жайында Алматы қаласы қоғамдық денсаулық сақтау басқармасының басшысы Қамалжан Надыров мәлімдеді, деп хабарлайды Sputnik Қазақстан тілшісі.

"Жыл басынан бері пневмониямен ауырған 6 175 науқас емделіп шықты. Карантин шаралары жеңілдетіліп, блок бекеттер алынған маусым айынан бастап науқастар саны артты. Қазір жағдай тұрақтанды. Ауру таралу шыңына жеткен кезде тәулігіне 300 адамға дейін ауруханаға жатқызылған болса, қазір бұл көрсеткіш екі есе төмендеді. Тәулігіне емдеуге жатқызылып жатқан науқастар саны 133 адамнан аспайды", - деді Надыров.

Айтуынша, амбулаториялық емдеу бойынша да жағдай тұрақтанды.

"Шілдеде өкпесі қабынған науқастар саны 2 есеге төмендеді, яғни, 1000-нан 480-ге дейін азайды", - деді басқарма басшысы.

Сонымен қатар басқарма басшысы пневмониямен ауырған тұрғындардың 60%-і әйелдер екенін хабарлады және пандемия кезінде жүкті әйелдерге айрықша көңіл бөлініп жатқанын айтып өтті.

Оқи отырыңыз: Денсаулық сақтау министрі халыққа үндеу жолдады 

"Пандемия кезінде барлық әйелдің қауіпсіз босануы, босануға дейінгі және босанғаннан кейінгі күтім қолжетімді болуы маңызды болып отыр. Қаладағы барлық перзентханада коронавирус инфекциясын жұқтырған жүкті әйелдерді қабылдайтын бөлім бар", - деді Надыров.

Айтуынша, қаладағы №4 перзентханаға тағы 105 төсек-орын қосылады.

226
Кілт сөздер:
Алматы, коронавирус
Тақырып:
Коронавирус эпидемиясы (1340)
Тақырып бойынша
Ауруханаға түсетін науқастардың 90%-і пневмонияға шалдыққан – дәрігер
Денсаулық министрі пневмониядан қайтыс болғандардың санын жариялады 
Тоқаевтың кеңесшісі 2 миллионға жуық қазақстандық коронавирус жұқтырғанын айтты
Министр "белгісіз пневмония" жайлы ақпарат таратқан Қытай елшісімен сөйлесті
Балада коронавирус белгілері байқалса не істеу қажет?
Бала, ойыншық

Алматыда полицейлер екі баланы түні бойы іздеді

36
Балалар дүйсенбі күні таңертең табылды. Олар түнді шағын дәмхананың қасында өткізгені белгілі болды. Екеуі де үйден кету себебін айтқысы келмеді

НҰР-СҰЛТАН, 3 тамыз – Sputnik. Алматыда 11 және 8 жастағы екі ағайынды үйден кетіп, қайта оралмаған. Балаларды 30 полицей мен 15 кинолог іздеді. Алты сағаттан кейін балалар аман-сау табылды.

Екі ағайындының жоғалып кеткені туралы хабарлама полицияға түнгі сағат 01:45-те түсті, деп хабарлайды Polisia.kz порталы.

Оқи отырыңыз: Түркістан облысында үш бала тауда адасып кетті, біреуі жардан құлаған 

Ата-анасы балалар үйден кетіп, қайтып оралмағанын айтқан, бірақ бұған дейін ондай әрекет жасамаған.  

Дереу криминалдық полиция қызметкерлері, учаскелік инспекторлар, ювеналды полиция өкілдері мен тергеу-жедел тобының қызметкерлерінен арнайы іздеу тобы құрылды. Сондай-ақ, балаларды іздеуге 15 кинолог тартылды.

"Ең алдымен, үйдің жанындағы аумақты, жақын жерде орналасқан жыра-сайды тексердік, көршілерден сұрастырдық. Қалай болғанда да, біз жақсы нәтижеге қол жеткізуді көздедік", - дейді Алатау ауданы полиция басқармасының бастығы Ілияс Өмірсеріков.  

Ол балалар сағат 07:35-те табылғанын атап өтті. Ағайындылар түнді шағын дәмхананың қасында өткізгені белгілі болды. Балалар бір-бірін мықтап ұстап алыпты. Олар үйден неліктен кеткенін айтқысы келмеген.

Полиция қызметкерлері олардың тұрмысын, отбасылық тәрбиені міндетті түрде тексеріп, ата-анасымен жұмыс істейтіндерін жеткізді. Олар балалар себепсіз үйден кетіп қалмайды деп есептейді.  

36
Кілт сөздер:
балалар, Алматы
Тақырып бойынша
Атырауда үйдің ауласынан 6 жасар қыздың денесі табылды
Түлкібас ауданында 6 ай бұрын жоғалған оқушының не істеп жүргені анықталды
Алматыда әкім іздеу салған оқушы табылды
Атырауда бір жарым жасар сәби жоғалып кетті
Ақмола облысында жоғалған жасөспірімнің 9 жыл бойы қайда жүргені белгілі болды
Бала, ойыншық

Оралда 6 жасар қызды алып кетпек болған бейтаныс адам қарсылыққа тап болды видео

941
(Жаңартылды 20:05 03.08.2020)
Сол маңнан өтіп бара жатқан жергілікті тұрғын қаскүнемнің әрекетіне назар аударып, қызды аман алып қалды

НҰР-СҰЛТАН, 3 тамыз – Sputnik. Оралда белгісіз біреу аулада ойнап жүрген қызды алып кетпек болды, бірақ ол ойы жүзеге аспады. Сыртқы бақылау камерасына түсіп қалған видео Желіде жарияланды.   

Оқиға 2 тамызда Зашаған шағын ауданында Мөңкеұлы көшесіндегі көпқабатты үйлердің ауласында болған, деп хабарлады "Мой Город" өңірлік басылымы. Видеодан ер адамның қызға жақындап, біраз уақыттан кейін бірге кетіп бара жатқан сәтін көруге болады.   

Посмотреть эту публикацию в Instagram

Публикация от Новости Казахстана (@42500_tenge)

Бейтаныс адам бірнеше метр жүріп үлгереді, бірақ бір нәрседен күдіктенген жергілікті тұрғындардың бірі оның жолын бөгеп, ұрып-соққан. 

Сәтбаевтағы оқиға: полицияның педофилді үйінен қалай алып шыққаны белгілі болды

Қыздың ата-анасы полицияға шағым түсірді. Кейін ер адамның жеке басы анықталып, қамауға алынғаны белгілі болды.

"Қазіргі уақытта қыздың анасының арызы Зашаған полиция басқармасының бөлімінде тіркеліп, ер адам анықталып, қамауға алынды. Оқиғаның мән-жайы тексеріліп жатыр. Содан кейін процессуалдық шешім қабылданады", - деп хабарлады Батыс Қазақстан облысының полиция департаменті.

Ведомство күдіктінің орта дәрежеде мас болғанын хабарлады. 

941
Кілт сөздер:
қыз, Орал
Тақырып бойынша
Абзал Құспан педофилдер үшін өлім жазасын енгізуге қарсы шықты
Шымкентте белгісіз біреу 5 және 8 жастағы қыздарды зорламақ болды
20 жылға сотталуы мүмкін: Қызылордада 29 жастағы жігіттің азғындық әрекеті әшкере болды
Ақтауда педофил ұсталды - видео