Тату көршілік акциясы аясында  Атырауға Астраханнан гуманитарлық көмек келді

Атырауға гуманитарлық көмек келді

79
Гуманитарлық жүк маска, респиратор, обаға қарсы костюм, шприц, қан қысымын бақылау құралдары мен дәрі-дәрмектен тұрады

НҰР-СҰЛТАН, 22 шілде – Sputnik. "Тату көршілік" акциясы аясында 22 шілдеде Атырауға Астраханнан (Ресей) гуманитарлық көмек келді.

"Тату көршілік" акциясын Астрахан коммерциялық емес ұйымдары – "Каспий-Евразия" халықаралық және қоғамдық-саяси зерттеулер орталығы және Каспий маңы елдері мемлекеттік университеттерінің қауымдастығы қолдады, деп хабарлады ММУ ақпараттық-талдау орталығы.

В рамках акции Добро-Соседство в Атырау прибыла гуманитарная помощь из Астрахани
© Photo : Информационно-аналитический центр МГУ
"Тату көршілік" акциясы аясында Атырауға Астраханнан гуманитарлық көмек жеткізілді

Сафи Өтебаев атындағы Атырау мұнай және газ университетінің ректоры Гүлзада Шакуликова университет Астрахан облысынан маскалар, респираторлар, обаға қарсы костюмдер, шприцтер, қан қысымын өлшейтін құралдар, дәрі-дәрмектер, ауыр науқастарға арналған жаялықтар, сондай-ақ антисептикалық сұйықтықтар мен ыстық түсіретін препараттардан тұратын 250 килограмнан астам гуманитарлық көмек алатындығын айтты.

Ректор Атырауского университета нефти и газа им. Сафи Утебаева Гульзада Шакуликова поделилась, что университет примет более 250 килограммов гуманитарной помощи из Астраханской области
© Photo : Информационно-аналитический центр МГУ
Атырау мұнай және газ университетінің ректоры Гүлзада Шакуликова университет 250 килограмнан астам гуманитарлық көмек алатынын айтты

"Біз достарымыздың қолдауын өте жоғары бағалаймыз және "Каспий Евразия" орталығына, Астрахан мемлекеттік техникалық университетіне, Каспий маңы елдері университеттерінің қауымдастығына және Астрахан облысының қазақ, армян, әзербайжан, еврей, ноғай және түрікмен ұлттық қауымына көрсеткен көмегі үшін шын жүректен ризашылығымызды білдіреміз. Барлық гуманитарлық көмекті мұқтаждарға таратамыз", - деді ол.

"Тату көршілік" акциясы 9 шілдеде басталып, ай соңына дейін жалғасады. Акцияны Қазақстанмен шекаралас аймақтардағы Ресейдің коммерциялық емес ұйымдары ұйымдастырып отыр.

"Тату көршілік" акциясы аясында Қазақстанға 8,6 миллион теңгеден (20,8 мың доллар) астам сомаға гуманитарлық көмек жіберіледі.  

 

79
Кілт сөздер:
Атырау облысы, гуманитарлық көмек
Тақырып:
Коронавирус эпидемиясы (1392)
Тақырып бойынша
Ақорда коронавируспен күреске бөлінген ақшаның ұрлануына қатысты мәлімдеме жасады
Президентке үндеу жасаған Айнұр Тұрсынбаева қуанышты жаңалық жариялады
Қытайдан әкелінген маскаларға инфекция жұқтырылған - министрлік түсініктеме берді
Түркиядан келген гуманитарлық көмек қысқа мерзім ішінде рәсімделді
Қазақстанның Тәжікстанға көмегі дауға айналды: министрліктің жауабы қандай
Иллюстративті фото

Қытаймен шекарада түсірілген видео жарияланды

1784
"Нұр жолы" кеден бекетінде 30 шақырымға дейінгі кептеліс пайда болғаннан кейін арнайы тексеріс жүргізіліп, заңсыз ақша алғандар ұсталды

НҰР-СҰЛТАН, 15 тамыз – Sputnik. Сыбайлас жемқорлыққа қарсы іс-қимыл агенттігі "Нұр жолы" кеден бекетінің 8 лауазымды қызметкері ұсталған сәттің видеосын жариялады, деп хабарлайды Sputnik Қазақстан.

Ресми мәліметке сәйкес, ұлттық қауіпсіздік комитеті мен бас көлік прокуратурасы бірлесіп өткізген операция барысында "Нұр жолы" кеден бекетінде жұмыс істеген 8 лауазымды тұлға ұсталды. 30 шақырымға дейінгі кептеліс пайда болғаннан кейін арнайы тексеріс жүргізуге шешім қабылданған. Сол кезде Қытай Халық Республикасына көлік өткізгені үшін заңсыз ақша алынғаны анықталды.   

"Кеден бекетінің 6 лауазымды тұлғасы ұсталып, Талдықорған қалалық полиция басқармасының уақытша ұстау изоляторына қамалды. Ал 2 қызметкер өз кінәсін толық мойындауына байланысты ұсталған жоқ", - дейді тергеушілер.

Айта кетейік, бұған дейін бас көлік прокуратурасы "Нұр жолы" кеден бекетінде сыбайлас жемқорлыққа қатысы бар деген күдікпен мемлекеттік кірістер, сондай-ақ ветеринарлық және фитосанитарлық бақылау органдары қызметкерлерінің ұсталғанын хабарлаған болатын.

Істі тергеу барысын бас көлік прокуратурасы бақылауға алды. Тергеу мүддесі үшін басқа ақпарат жария етілмейді, делінген ведомство хабарламасында.

"Адам басына 3 мыңнан алған": Шекарада орналасқан үйлердің тұрғындары ұсталды

1784
Кілт сөздер:
видео, шекара, Қытай
Тақырып бойынша
Қазақстан мемлекеттік шекараны дронмен күзетуі мүмкін
Қазақстан транзиттік жүк көліктерін қадағалап отыратын болды
Шетелде емделетіндер шекарада қандай құжат көрсетеді
Қытаймен шекарадағы әскери техниканың не үшін шығарылғаны белгілі болды – видео
зейнеткер

Қостанайда зейнеткер бірге тұрып жатқан әйелдің 4 жасар немересін өлтірді

1772
65 жастағы Қарасу ауданының тұрғыны мас күйінде жантүршігерлік қылмыс жасады, ол 20 жылға сотталуы мүмкін

НҰР-СҰЛТАН, 15 тамыз  – Sputnik. Қостанайда қылмыстық істер жөніндегі ауданаралық сотта онлайн режимде төрт жасар баланың өліміне қатысты іс қаралды.

Прокурор күдіктіні 20 жылға бас бостандығынан айыруды сұрады, деп хабарлайды alau.kz.

Жантүршігерлік оқиға Қарасу ауданында биыл 17 наурызда болған. Аудандық полицияның кезекші бөліміне төрт жасар баланың денесі табылғаны туралы хабарлама түседі. Оқиға орнына келген полицейлер 65 жастағы ер адамды ұстайды.

Төрт жасар баланы өлтірген күдікті
© Photo : alau.kz
Төрт жасар баланы өлтірген күдікті

Ол мас күйінде сұмдық қылмысқа барған. Зейнеткер бірге тұрып жатқан әйелдің немересін алдымен ұрып-соғып, одан кейін қырық литрлік ыдыстың ішінде суға батырып өлтірген.

Оқи отырыңыз: Басын кесіп тастаған: Риддерде жас қыз жантүршігерлік қылмыс жасады

 

1772
Кілт сөздер:
зейнеткер, Қостанай