Архивтегі фото

Басқа өңірлерден келген: Шорнақ ауылының маңында 80 адам ұсталғаны белгілі болды

2359
Олар мессенджер мен әлеуметтік желілерде тараған жалған үндеулерге еріп келген. Өңір әкімінің орынбасары Сәкен Қалқаманов түні бойы елді мекенді аралап шыққанын хабарлады

НҰР-СҰЛТАН, 24 шілде – Sputnik. Түркістан облысы Шорнақ ауылының маңында 80-нен астам жас ұсталды. Бұл туралы өңір әкімінің орынбасары Сәкен Қалқаманов мәлімдеді, хабарлайды Sputnik Қазақстан.

Жас жігіттер ауылға басқа өңірлерден жиналған.

"Өткен түні құқық қорғау органдары Шорнақ ауылының маңынан басқа аудандар мен өңірлерден келген 80-нен астам жасты ұстады. Олар мессенджер мен әлеуметтік желілерде тараған жалған үндеулерге еріп келген", - деп жазды Қалқаманов фейсбукте.

Айтуынша, ол Кентау әкімімен бірге түні бойы елді мекенді аралап шыққан. Тұрғындар үйлерінде тыныш ұйықтап жатты, деп толықтырды әкім орынбасары.  

Шорнақтағы тәртіпсіздік

21 шілдеге қараған түні Түркістан облысы Шорнақ ауылында жастар арасында тұрмыстық жанжал болған. Екі жақ бір-біріне тас лақтырған.

Тәртіпсіздікті оқиға орнына бірінші болып келген учаскелік инспектор тоқтатқан.

Оқиға салдарынан 1 учаскелік инспектор мен 3 тұрғын жарақат алды. Жедел іздестіру шаралары барысында 4 адам ұсталды.

Бұзақылық фактісіне қатысты сотқа дейінгі тергеу жүріп жатыр.

Кейін ішкі істер министрі елді мекенде жағдай тұрақталғанын мәлімдеді.

"Төрт адам ұсталды": министр Шорнақ ауылындағы тәртіпсіздік жайлы айтты 

ІІМ арандатушылар Шорнақтағы оқиғаны пайдаланып, әлеуметтік желілер арқылы тәртіпсіздік жасауға шақырып, жалған ақпарат таратқанын хабарлады.

Көп ұзамай мемлекет басшысы Қасым-Жомарт Тоқаев Шорнақ ауылындағы жағдайға байланысты кеңес өткізді.

Президент ел ішіндегі тұрақтылықты бұзуға талпынған арандатушылардың алдын алуды, құқық бұзушыларды заң аясында жауапкершілікке тартуды тапсырды.

2359
Тақырып бойынша
Полиция Түркістан облысындағы жағдай туралы ақпарат таратты
Сәтбаевтағы толқу: министр Тұрғымбаев мән-жайды баяндады
Желіні дүрліктірген видеоның Шорнақтағы оқиғаға еш қатысы жоқ болып шықты
Қазақстандықтарды дүрліктірген оқиға: Тоқаев тапсырма берді
Архивтегі фото

Ақтөбе облысында әкім тергеуге алынды  

48
Ауыл әкімі мен бас маман өздерінің карточкалық шоттарына 2,1 миллион теңге жалақы мен іссапар төлемдерін негізсіз аударған

НҰР-СҰЛТАН, 14 тамыз – Sputnik. Сыбайлас жемқорлыққа қарсы іс-қимыл агенттігі ауыл әкімі тергеуге алынғанын мәлімдеді, деп хабарлайды Sputnik Қазақстан.

Ресми мәліметке сәйкес, Ақтөбе облысында ауылдық округ әкімі мен әкім аппаратының бухгалтерлік есеп жөніндегі бас маманына қатысты сотқа дейінгі тергеу шаралары басталды.

"Аталған тұлғалар өздерінің карточкалық шоттарына жалпы сомасы 2,1 миллион теңге жалақы мен іссапар шығыстары бойынша төлемдерді негізсіз аударған", - дейді тергеушілер.

Ал Жамбыл облыстық әкімдігінің жұмыспен қамтуды үйлестіру және әлеуметтік бағдарламалар басқармасына қарасты бөлім басшысы алаяқтық жасаған. Ол осы басқарманың құрылымдық бөлімшесінің қызметкеріне жоғары лауазымға тағайындауға жәрдем көрсетемін деп, 400 мың теңгесін алдап алған.

Оқи отырыңыз: Алматы полициясының лауазымды тұлғасы қылмыс үстінде қолға түсті – видео 

Алматы қаласында ақпарат және қоғамдық даму министрлігінің "Қоғамдық келісім" РММ-нің бас сарапшысына қатысты пара алу фактісі бойынша сотқа дейінгі тергеу басталды.

"Ол роликтер шығару бойынша орындалған жұмыстар актілеріне кедергісіз қол қойғаны үшін Алматы қаласының кәсіпкерінен 1 миллион теңге сомасында қаражат алды деп айыпталып отыр", - делінген ресми хабарламада.

48
Тақырып бойынша
Ірі көлемде пара алған әкім орынбасары қамауға алынды – видео
Петропавлда әкімдікте істейтін жас жігіт парамен ұсталды – видео
Сөмкесінен екі бума ақша шықты – әкімдіктің лауазымды тұлғасы ұсталды
Аса ірі көлемде пара алған басқарма төрағасына қатысты тергеу басталды
Демалыста жүрген полиция майорының заңсыз әрекеті әшкере болды
Архивтегі фото

Алматы полициясының лауазымды тұлғасы қылмыс үстінде қолға түсті видео

1265
Процессингтік орталықтың басшысы мен қызметкері мемлекет бюджетіне 270 миллион теңгеден астам залал келтірген

НҰР-СҰЛТАН, 14 тамыз – Sputnik. Сыбайлас жемқорлыққа қарсы іс-қимыл агенттігі Алматы қалалық полиция департаментінің лауазымды тұлғасын ұстады, деп хабарлайды Sputnik Қазақстан.

"Алматы қаласы полиция департаменті процессингтік орталығының басшысы мен қызметкері 800 мың теңге көлемінде ақшалай қаражатты алып жатқан кезде ұсталды", - делінген ресми хабарламада.  

Олар үш жылдан бері бюджет қаражатын жымқырған. Тергеушілердің айтуынша, күдіктілер 2017 жылдан бастап жалған сот орындаушысымен сөз байласып, жол қозғалысы ережелерін бұзған адамдардың ақшасын алып, қалтасына басып отырған.

"Автоматтандырылған деректер базасына бюджетке түскен ақша қаражаты туралы жалған мәліметтер енгізілген. Алдын ала дерек бойынша, аталған тұлғалардың қылмыстық әрекетінен мемлекет бюджетіне 25 мыңнан астам әкімшілік құқық бұзушылық үшін төленуі тиіс 270 миллион теңгеден астам қаржы түспеген", - дейді тергеушілер.

Оқи отырыңыз: "СК-Фармацияның" бұрынғы басшысы ұсталды 

Қазіргі кезде екеуі де ұсталып, уақытша ұстау изоляторына қамалды.  Олардың басқа қылмыстарға қатысы бар-жоғы тексеріліп жатыр.

1265
Кілт сөздер:
полиция, видео, қылмыс
Тақырып бойынша
Маңғыстауда Нигерия азаматы полицейге пара бермек болды
Ірі көлемде пара алған әкім орынбасары қамауға алынды – видео
Демалыста жүрген полиция майорының заңсыз әрекеті әшкере болды
Полицейлер парамен ұсталды – видео
Алматы облысында "Нұр жолы" бекетінде сегіз кеденші ұсталды
Архивтегі фото

Нұр-Сұлтанда басқарма басшысы 1 миллион теңгеге дейін пара алған видео

0
Елорда әкімдігінің лауазымды қызметкерлері заңды тұлғаларға құрылыс-монтаждау жұмыстарымен айналысуға лицензияларды заңсыз берген

НҰР-СҰЛТАН, 14 тамыз – Sputnik. Сыбайлас жемқорлыққа қарсы іс-қимыл агенттігі елорда әкімдігінің лауазымды тұлғасын тергеуге алды, деп хабарлайды Sputnik Қазақстан тілшісі.

Ресми ақпаратқа сәйкес, "Нұр-Сұлтан қаласының қалалық орта сапасы және бақылау басқармасы" мемлекеттік мекемесінің басшысы мен басқа да тұлғаларына қатысты сотқа дейінгі тергеу басталды.

"Олар 100 000 теңгеден 1 000 000 теңгеге дейінгі ақшалай сыйақы үшін заңды тұлғаларға құрылыс-монтаждау жұмыстарымен айналысуға 1,2,3-санаттағы лицензияларды заңсыз бергені үшін айыпталып отыр", - дейді тергеушілер.

Ал Алматы облысы Кербұлақ ауданының тұрғын-үй коммуналдық шаруашылығы және тұрғын үй инспекциясы бөлімінің басшысы мен басқа да қызметкерлері бюджет қаражатын жымқырғаны үшін тергеуге алынды.

Оқи отырыңыз: Алматы полициясының лауазымды тұлғасы қылмыс үстінде қолға түсті – видео

"Олар 2019 жылдың шілде-тамыз айларында "Сарыөзек ауылының сумен жабдықтау жүйесін ағымдағы жөндеу" объектісі бойынша нақты орындалмаған жұмыстар үшін 35 855 570 теңгені аудару арқылы бюджет қаражатын жымқырды",- делінген ресми хабарламада.

0
Кілт сөздер:
видео, пара