Алакөл көлі

Алакөлге баратындар нені білуі тиіс?

168
(Жаңартылды 17:57 28.07.2020)
22 шілде күні Үржар ауданының бас санитары Алакөл аймағында демалушыларды қабылдауды тоқтату туралы қаулы шығарған болатын. Екі күннен соң қаулының күші жойылды

НҰР-СҰЛТАН, 28 шілде – Sputnik. Мәдениет және спорт министрлігінің туризм индустриясы комитеті Алакөлге қатысты тағы бір талапты жариялады, деп хабарлайды Sputnik Қазақстан тілшісі. 

Комитет төрағасы Дастан Рыспековтың айтуынша, Алакөлдің шығыс жағынан келетін демалушыларда коронавирусқа тапсырылған тест сынамасының анықтамасы болуы қажет. Оны барлық отбасы мүшелеріне алудың қажеті жоқ. Біреуі ұстап жүрсе болады. 

"Шығыс Қазақстан Алакөл көлінің жағалауында отбасының бір мүшесінде ПТР-анықтама болса, бұрын көзделген талаптарды ескере отырып, демалуға болды. Ал блок бекеттерде туристік аймақтарда бронь жасалған орындардың бар-жоғы тексеріледі", - деді Рыспеков орталық коммуникациялар қызметінде өткен онлайн брифингте. 

Комитет басшысы осы талаптың тек шығыс жағынан келетін адамдарға ғана қатысты екенін ескертті.

Алакөл қайта ашылды

22 шілде күні Үржар ауданының бас санитары Ляззат Шокобалинова Алакөл аймағында демалушыларды қабылдауды тоқтату туралы қаулы шығарған болатын. Осыдан кейін жергілікті тұрғындар облыс әкіміне үндеу жолдап, президенттің атына хат жолдады. Кәсіпкерлер бір күннің ішінде бетон блоктарының қойылғанына наразылық білдіріп, Алакөлдің жағасын 30 тамызға дейін жаппауды талап етті. 

Посмотреть эту публикацию в Instagram

Публикация от ANATOLIY KIM (@kazmma)

24 шілде күні Шығыс Қазақстан облысының бас санитарлық дәрігері Магомед Исмаилов аудандағы әріптесінің қаулысын тоқтатты. Осылайша, екі күнге жабылған Алакөл қайтадан ашылған болатын.

168
Кілт сөздер:
карантин, демалыс, Алакөл
Тақырып бойынша
Қыркүйектен бастап жоғары оқу орындары оқытушыларының жалақысы өседі
Қазақстанда стационарлар жабылып жатыр
Алматылық бойжеткеннің біртүрлі әрекеті желіде қызу талқыланып жатыр - видео
Депутат 42 500 теңге төлеуге қатысты тың ұсыныс жасады
Министрлік қанша қазақстандыққа 42 500 теңге төленгенін айтты
Архивтегі фото

Ақтөбе облысында әкім тергеуге алынды  

53
Ауыл әкімі мен бас маман өздерінің карточкалық шоттарына 2,1 миллион теңге жалақы мен іссапар төлемдерін негізсіз аударған

НҰР-СҰЛТАН, 14 тамыз – Sputnik. Сыбайлас жемқорлыққа қарсы іс-қимыл агенттігі ауыл әкімі тергеуге алынғанын мәлімдеді, деп хабарлайды Sputnik Қазақстан.

Ресми мәліметке сәйкес, Ақтөбе облысында ауылдық округ әкімі мен әкім аппаратының бухгалтерлік есеп жөніндегі бас маманына қатысты сотқа дейінгі тергеу шаралары басталды.

"Аталған тұлғалар өздерінің карточкалық шоттарына жалпы сомасы 2,1 миллион теңге жалақы мен іссапар шығыстары бойынша төлемдерді негізсіз аударған", - дейді тергеушілер.

Ал Жамбыл облыстық әкімдігінің жұмыспен қамтуды үйлестіру және әлеуметтік бағдарламалар басқармасына қарасты бөлім басшысы алаяқтық жасаған. Ол осы басқарманың құрылымдық бөлімшесінің қызметкеріне жоғары лауазымға тағайындауға жәрдем көрсетемін деп, 400 мың теңгесін алдап алған.

Оқи отырыңыз: Алматы полициясының лауазымды тұлғасы қылмыс үстінде қолға түсті – видео 

Алматы қаласында ақпарат және қоғамдық даму министрлігінің "Қоғамдық келісім" РММ-нің бас сарапшысына қатысты пара алу фактісі бойынша сотқа дейінгі тергеу басталды.

"Ол роликтер шығару бойынша орындалған жұмыстар актілеріне кедергісіз қол қойғаны үшін Алматы қаласының кәсіпкерінен 1 миллион теңге сомасында қаражат алды деп айыпталып отыр", - делінген ресми хабарламада.

53
Тақырып бойынша
Ірі көлемде пара алған әкім орынбасары қамауға алынды – видео
Петропавлда әкімдікте істейтін жас жігіт парамен ұсталды – видео
Сөмкесінен екі бума ақша шықты – әкімдіктің лауазымды тұлғасы ұсталды
Аса ірі көлемде пара алған басқарма төрағасына қатысты тергеу басталды
Демалыста жүрген полиция майорының заңсыз әрекеті әшкере болды
Архивтегі фото

Алматы полициясының лауазымды тұлғасы қылмыс үстінде қолға түсті видео

1287
Процессингтік орталықтың басшысы мен қызметкері мемлекет бюджетіне 270 миллион теңгеден астам залал келтірген

НҰР-СҰЛТАН, 14 тамыз – Sputnik. Сыбайлас жемқорлыққа қарсы іс-қимыл агенттігі Алматы қалалық полиция департаментінің лауазымды тұлғасын ұстады, деп хабарлайды Sputnik Қазақстан.

"Алматы қаласы полиция департаменті процессингтік орталығының басшысы мен қызметкері 800 мың теңге көлемінде ақшалай қаражатты алып жатқан кезде ұсталды", - делінген ресми хабарламада.  

Олар үш жылдан бері бюджет қаражатын жымқырған. Тергеушілердің айтуынша, күдіктілер 2017 жылдан бастап жалған сот орындаушысымен сөз байласып, жол қозғалысы ережелерін бұзған адамдардың ақшасын алып, қалтасына басып отырған.

"Автоматтандырылған деректер базасына бюджетке түскен ақша қаражаты туралы жалған мәліметтер енгізілген. Алдын ала дерек бойынша, аталған тұлғалардың қылмыстық әрекетінен мемлекет бюджетіне 25 мыңнан астам әкімшілік құқық бұзушылық үшін төленуі тиіс 270 миллион теңгеден астам қаржы түспеген", - дейді тергеушілер.

Оқи отырыңыз: "СК-Фармацияның" бұрынғы басшысы ұсталды 

Қазіргі кезде екеуі де ұсталып, уақытша ұстау изоляторына қамалды.  Олардың басқа қылмыстарға қатысы бар-жоғы тексеріліп жатыр.

1287
Кілт сөздер:
полиция, видео, қылмыс
Тақырып бойынша
Маңғыстауда Нигерия азаматы полицейге пара бермек болды
Ірі көлемде пара алған әкім орынбасары қамауға алынды – видео
Демалыста жүрген полиция майорының заңсыз әрекеті әшкере болды
Полицейлер парамен ұсталды – видео
Алматы облысында "Нұр жолы" бекетінде сегіз кеденші ұсталды
Архивтегі фото

Нұр-Сұлтанда басқарма басшысы 1 миллион теңгеге дейін пара алған видео

0
Елорда әкімдігінің лауазымды қызметкерлері заңды тұлғаларға құрылыс-монтаждау жұмыстарымен айналысуға лицензияларды заңсыз берген

НҰР-СҰЛТАН, 14 тамыз – Sputnik. Сыбайлас жемқорлыққа қарсы іс-қимыл агенттігі елорда әкімдігінің лауазымды тұлғасын тергеуге алды, деп хабарлайды Sputnik Қазақстан тілшісі.

Ресми ақпаратқа сәйкес, "Нұр-Сұлтан қаласының қалалық орта сапасы және бақылау басқармасы" мемлекеттік мекемесінің басшысы мен басқа да тұлғаларына қатысты сотқа дейінгі тергеу басталды.

"Олар 100 000 теңгеден 1 000 000 теңгеге дейінгі ақшалай сыйақы үшін заңды тұлғаларға құрылыс-монтаждау жұмыстарымен айналысуға 1,2,3-санаттағы лицензияларды заңсыз бергені үшін айыпталып отыр", - дейді тергеушілер.

Ал Алматы облысы Кербұлақ ауданының тұрғын-үй коммуналдық шаруашылығы және тұрғын үй инспекциясы бөлімінің басшысы мен басқа да қызметкерлері бюджет қаражатын жымқырғаны үшін тергеуге алынды.

Оқи отырыңыз: Алматы полициясының лауазымды тұлғасы қылмыс үстінде қолға түсті – видео

"Олар 2019 жылдың шілде-тамыз айларында "Сарыөзек ауылының сумен жабдықтау жүйесін ағымдағы жөндеу" объектісі бойынша нақты орындалмаған жұмыстар үшін 35 855 570 теңгені аудару арқылы бюджет қаражатын жымқырды",- делінген ресми хабарламада.

0
Кілт сөздер:
видео, пара