Семей қаласы

Семейліктер көшеге шықты қала билігінің жауабы қандай

1526
(Жаңартылды 17:41 10.08.2020)
Шілде айының жалақысын алмаған жүргізушілер, оның толық төленгенін талап етеді. Ал қала билігі карантинге байланысты қоғамдық көліктер күніне 6 сағат қана жүргенін алға тартады

НҰР-СҰЛТАН, 10 тамыз – Sputnik. Семей тұрғындары кейбір автобустардың жоқтығына шағымданды. Ал Semey bus компаниясымен мұны "форс-мажор жағдайы" деп түсіндірді.

"Автопарк жүргізушілері шілде айындағы жалақыны төмендетілген мөлшерде емес, толық көлемде төлеуді талап етіп, өз бағыттарына шығудан бас тартқан. Бұл оқиға аймақ басшысы Даниал Ахметовтің қалаға сапары кезінде болды", деп хабарлады semey.city сайты.

Жүргізушілердің айтуынша, оларға жұмыс істеген әр күн үшін 4 500 теңге төлеген, ал негізінен 8 000 теңгеден асып түсуі тиіс екен. Жұмысшылар автопарк басшылығымен кездескенде, "егер ұнамаса, шығып кетіңіз" деген жауап алған.

Жұмысшылардың мұндай әрекетке бару себебін анықтау үшін оқиға орнына әкімдік қызметкерлері келді.

"Сағат 6.30-да Semey bus ЖШС-нің 104-ке жуық көлігі қозғалысқа түсуді жоспарлады. Бірақ, жүргізушілер шілде айы үшін толық төлем талап етіп, желіге шығудан бас тартқаны туралы ақпарат түсті", - деп түсіндірді Sputnik Қазақстанға жолаушылар көлігі және автомобиль жолдары бөлімінің бастығы Серікқали Жұманов.

Ол қалада карантин енгізілгендіктен, қоғамдық көліктер тек 10.00-ден 16.00-ге дейін жүрген жұмыс уақытына ғана төленгенін түсіндірді. Алайда, мұндай шешім жүргізушілердің көңілінен шықпаған.

Тіпті, олар жалақыларының қысқартылатынын білмегенін айтады.

Забастовка водителей автобусов в Семее 10 августа 2020 года
© Photo : Youtube
Карантин енгізілгендіктен, қоғамдық көлік жүргізушілеріне тек 10.00 - 16.00-ге дейінгі жұмыс уақыты үшін төленген

"Біздің жалақымыз төмендетілді, зейнетақы жарналары да жоқ. Жалақыны 50%-ке азайтқан", - дейді бір жүргізуші.

"Коронавирус басталғалы оны төрт-бес рет қана берген шығар. Мен жеке кәсіпкер болғанмын, зейнетақы жарналарын төлеп тұрдым. Ал жеке кәсіпкерлікті жауып, осында ауысқалы ешқандай аударым жоқ. 2019 жылдың желтоқсан айынан бері жұмыс істеймін. Медициналық сақтандыру да, бұйрық та жоқ. Соңғы жалақы әдеттегідей 128 мың теңгені құрады. Бірақ, біздің бригадиріміз 12 жұмыс күнінде 65 мың теңге алды, бұл кондуктордың жалақысы. Ол 156 мың теңге алуы керек еді", - деді тағы бір жұмысшы.

Электронды төлем жүйесі енгізілуіне байланысты кейбір кондукторлар жұмыстан шығарылды. Жүргізушілер қолма-қол ақшамен төлеуді жалғастырған жолаушылармен өздері жұмыс істеуге мәжбүр болған.

"Жүргізушілер кондуктор болғаны үшін қосымша ақы төлеуді сұрады. Автопарк басшылығы барлық проблемалық мәселелерді назарға алып, ал біз жүргізушілермен сөйлесіп, қандай жұмыстар жүргізіліп жатқандығын түсіндірдік", - деп жалғастырды Жұманов.

Жүргізушілер мәселесі қалай шешіледі

Тұтынушылардан түскен қаражат жолаушылар тасымалы орталығынан өтеді, деді жолаушылар көлігі бөлімінің бастығы. Ал қаражатты бөлу бойынша арнайы жұмыс тобы бар.

"Semey bus басқармасының жетекшілері жүргізушілердің салықтық төлемдері мен жалақысы және кондукторлық қызметке үстемақы төлеу бойынша проблемалық мәселелерді шешу үшін он күн сұрайды. Біз жағдайды тұрақтандыру үшін тағы да кездесіп, айтылған мәселелер бойынша арнайы жұмыс тобы құрылатын болады", - деді Жұманов.

Ол осындай пікір алмасудан кейін сағат 9.30-да желіге 30 шақты көлік қосылғанын атап өтті.

"Автобустар әр сағаттың басында немесе жарты сағат сайын қосылады. Желіде Semey bus-тан басқа да автопарктер бар. Қазіргі таңда біздің 195 бірлік көлігіміз қозғалысқа қосылған", - деді ол.

Оқи отырыңыз: "Жаман сөздің бәрін біз естиміз": Нұр-Сұлтанда автобус айдайтын көпбалалы ананың әңгімесі

Жұманов карантинге байланысты Семейдегі жолаушылар тасымалы екі есеге қысқарғанын еске салды.

1526
Кілт сөздер:
карантин, автобус, Семей
Тақырып бойынша
Қазақстанда карантин кезінде қандай мәселе ушыға түскені айтылды
Коронавирус жұқтырған жолаушыны Шымкентке жеткізген автобус туралы не білеміз
Қарағанды облысында автобус шығаратын зауыт салынады
Нұр-Сұлтанда автобус паркі карантинге жабылды
Алматыда бетперде таққан автобус пайда болды - фото
Архивтегі фото

Қарағанды облысында ұрланған көлік өртеніп кетті

29
Полицияға ауылдан шығаберісте қатты жылдамдықпен жүрген көлік аударылып, өртеніп кеткені туралы хабарлама түскен

НҰР-СҰЛТАН, 21 қыркүйек – Sputnik. Қарағанды облысында біреудің көлігін айдап әкеткен азамат жол апатына ұшырады, деп хабарлады Polisia.kz.  

20 қыркүйек күні Қарағанды облысы Бұқар жырау аудандық полиция басқармасына 47 жастағы Қарағанды қаласының тұрғыны хабарласып, аудан орталығына туысының үйіне келгенде түнгі сағат 1.00 шамасында белгісіз біреу аулада тұрған автокөлігін айдап әкеткенін жеткізген.

Арада біршама уақыт өткенде полицияға ауылдан шығаберісте қатты жылдамдықпен жүрген көлік аударылып, өртеніп кеткені туралы хабарлама түскен. Оқиға орнына келген полиция қызметкерлері өртенген ұрланған көлік екенін анықтады.

Оқи отырыңыз: Ордабасы тұрғыны көшеде келе жатып, ұрланған көлігін танып қойды 

Куәгерлер көлік аударылғанда оның ішінен белгісіз азамат шығып, оқиға орнынан ізін суытқанын айтқан.

Автокөліктің қатты өртенгені сондай, қайта жөндеуге жарамсыз болған. Жәбірленушіге келтірілген шығын көлемі үш миллион теңгеден асқан.

Жедел іздестіру іс-шаралары барысында полиция қызметкерлері аталған іске қатысы бар деген күдікпен 28 жастағы ер адамды ұстап, оған қатысты Қазақстан Қылмыстық кодексінің 200-бабына сәйкес қылмыстық іс қозғады.

Қазіргі уақытта тергеу амалдары жүргізіліп жатыр.

29
Кілт сөздер:
ұрлық, көлік
Тақырып бойынша
Түркістанның екі тұрғыны ұрланған көлікпен жол апатына түсті
Денис Теннің өліміне күдікті өз өмірі туралы шындықты айтты
Алматыда 350-ге жуық көлік айнасын ұрлаушы ұсталды
Ұрланған ақшаға көлік алған: Шымкент тұрғынын өртеп жіберген қаскүнем ұсталды
Алматыда көлік айдап әкеткен қос ұры өлім аузынан қалды - фото
Жоғалған автокөлік нөмірін үйден шықпай-ақ қалпына келтіруге болады
Теңге, ақша

Қырылған құсқа 390 миллион теңге өтемақы беріледі

44
(Жаңартылды 17:34 21.09.2020)
Республикалық эпизоотикалық топ өтемақыны қырылған құстың иесінің жеке есепшотына аударып отырады, деп атап өтті вице-министр Исаева

НҰР-СҰЛТАН, 21 қыркүйек – Sputnik. Ауыл шаруашылығы вице-министрі Гүлмира Исаева құс тұмауынан зардап шеккендерге өтемақы беру тәртібін түсіндірді, деп хабарлайды Sputnik Қазақстан тілшісі.

"Барлық әкімдікте арнайы комиссия құрылды. Олар қырылған құстың орташа нарықтық бағасын анықтайды. Ал өтемақыны республикалық эпизоотикалық топ төлейді", - деді Исаева орталық коммуникациялар қызметінде өткен онлайн брифингте.

Оның айтуынша, арнайы комиссиялар қырылған құстың нарықтық бағасын анықтағаннан кейін тиісті құжаттар республикалық эпизоотикалық топта қаралады. Ветеринарлық қызметтің құжаттары да соған жіберіледі.

Оқи отырыңыз: Құс тұмауы адам үшін қауіпті ме - ауыл шаруашылығы министрлігі жауап берді 

"Республикалық эпизоотикалық топ өтемақыны қырылған құстың иесінің жеке есепшотына аударып отырады. Егер барлық құжат дұрыс болса, онда ақша үш күнге жетпей түседі. Қазіргі кезде республикалық эпизоотикалық топта шамамен 390 миллион теңге бар. Бұның барлығы өтемақы ретінде беріледі", - деп атап өтті Исаева.

Айта кетейік, Солтүстік Қазақстан, Ақмола, Павлодар, Қостанай және Қарағанды облыстарында құс тұмауы анықталды. Осыған байланысты бірнеше елді мекенде шектеу шаралары енгізіліп, құс өнімдерін шығаруға тыйым салынды.   

44
Кілт сөздер:
құс, өтемақы
Тақырып бойынша
Құс тұмауы Қазақстанның тағы бір облысына жетті
Солтүстік Қазақстанда ауру өршіп тұр: бір тәулікте 180 мың құс қырылып қалды
Бірнеше облыста құс тұмауы тіркелді: мамандар аурудың қалай тарағанын анықтады
Медицина құралдары, архивтегі фото

Дәрігерлер трактордың астына түскен қызды аман алып қалды

0
Қыз жедел хирургия бөліміне ес-түссіз күйде түскен. Дәрігерлер оны бірден аппаратқа қосып, жамбасына шұғыл ота жасаған

НҰР-СҰЛТАН, 21 қыркүйек – Sputnik. Астаналық дәрігерлер абайсызда трактордың астына түскен бес жасар қызға ота сәтті жасалғанын мәлімдеді, деп хабарлайды Sputnik Қазақстан тілшісі.

Айта кетейік, 6 қыркүйек күні Қорғалжын ауылында екі бала шөп тиелген трактордың тіркемесіне шыққан. Алайда екеуі де құлап, доңғалақтың астына түскен. Салдарынан 8 жасар ұл оқиға орнында жан тапсырды. Ал бес жасар қыз Нұр-Сұлтан қаласының №2 көпбейінді балалар ауруханасына жеткізілді.

Ақмола облысында екі бала шөп тиелген трактордың астына түсті 

Аурухананың травматолог дәрігері Мұхтар Ахмұрзаевтың айтуынша, қыз жедел хирургия бөліміне ес-түссіз күйде түскен. Оны бірден аппаратқа қосып, жамбасына шұғыл ота жасаған. Бала 10 күн бойы жансақтау бөлімінде жатты.

"Бала өте ауыр жағдайда түсті, жарақаттан қатты шок алып қалған.  Бірақ аурухана мамандары – хирургтар, нейрохирургтар, травматолог пен реаниматологтар жедел көмек көрсетіп, отаны сәтті жасап шықты", - дейді Ахмұрзаев.

Қазіргі кезде бала ауруханадан шығуға дайындалып жатыр. Ата-анасы дәрігерлерге шексіз ризашылығын жеткізді.

"Қазір қызымның жағдайы жақсы. Көңіл-күйі де жақсарған. Әкесімен видео байланыс арқылы сөйлесіп тұрады. Отбасымызбен дәрігерлерге алғыс айтамыз. Бірінші Құдайдың қалауымен, екінші дәрігерлердің арқасында қызымыз аман қалды", - дейді қыздың анасы.

Полиция осы оқиға бойынша Қылмыстық кодекстің 345-бабы 3-тармағы "Көлiк басқаратын адамдардың жол жүрісі немесе көлiкті пайдалану қағидаларын бұзуы" бойынша сотқа дейінгі тергеуді бастаған болатын.

 

0
Тақырып бойынша
"Рөлді ұстамай-ақ айдаймын": мас жүргізушінің оқиғаға дейінгі әрекеті белгілі болды
Алматылық әйел бір уақытта екі көліктің астына түсті - фото
Алматыда ер адам автобустың астына жатып алды – видео
Нұр-Сұлтанда әйел адам көлік астына түсіп қаза болды
Жүк көлігі самокат мінген жігітті басып кете жаздады – видео