Дәнекерлеуші, архивтегі сурет

Алматыда 15 мыңнан астам бос жұмыс орны бар әл-ауқат басқармасы

50
(Жаңартылды 17:49 24.08.2020)
Алматы қаласында 12 мыңнан астам азамат қоғамдық жұмысқа тартылған. Жалақысы – 85 мың теңгеге жетіп отыр

АЛМАТЫ, 24 тамыз — Sputnik. Алматыда 15 мыңнан астам ашық вакансия бар, оның ішінде жұмысшылар мен қызмет көрсету орындары қызметкерлеріне сұраныс көп. Бұл туралы Алматы қаласы әлеуметтік әл-ауқат басқарма басшысының орынбасары Данияр Әлкебайұлы мәлімдеді, деп хабарлайды Sputnik Қазақстан тілшісі.

Айтуынша, "Еңбек" бағдарламасы аясында алматылықтарды жұмыспен қамту, қайту оқыту, оларға қайтарымсыз мемлекеттік грант беру, микрокредит ұсыну секілді жұмыстар жүріп жатыр.

"Төтенше жағдай, карантин енгізілуі халықты жұмыспен қамту мәселесіне қатты әсер етті. Қазір "Еңбек" бағдарламасы жалғасып жатыр. Жыл басынан бері Алматыда 23 мыңнан астам адам тұрақты жұмыс орнына орналасты. Қазір еңбек биржасында 15 мыңнан астам ашық вакансия бар. Оның ішінде жұмысшылар, сварщик, электрші, жүргізуші, жүк тасушы, қызмет көрсету орындарына даяшы, барменге сұраныс көп", - деді Әлкебайұлы.

Сонымен қатар, медицина қызметкерлері мен дәрігерлер іздеп жатқандар да көп. 

"Еңбек" бағдарламасында уақытша жұмыспен қамту да қарастырылған. Бізде қоғамдық жұмыс орындары бар. Жалақысы – 85 мың теңге. Алматы қаласында 12 мыңнан астам азамат осы жұмыстарда жүр. Жыл соңына дейін 15 мыңға жуық азаматты орналастыруды жоспарлап отырмыз", - деді Әлкебайұлы.

Айтуынша, бұл көрсеткіш өткен жылмен салыстырғанда бес есе көп. 2019 жылы 3 мың адам қоғамдық жұмысқа жіберілген.

Қалада жастарды жұмыспен қамтуға байланысты қолға алынған жобаның бірі – жастар практикасы. Ол бойынша қазірге дейін 869 жас маман жұмыспен қамтылды. 

"Бұл – оқуды жуырда тәмамдағандар үшін жақсы мүмкіндік. Олар алты ай бойы тәжірибеден өтеді, 69 мың теңге көлемінде жалақы төленеді. Алты айдан кейін жұмыс беруші тұрақты жұмыс ұсынуы мүмкін", - дейді Әлкебайұлы.

Сонымен қатар жыл басынан бері 500-ге жуық қала тұрғыны кәсіптік оқудан өткен. Оның ішінде дәнекерлеуші, даяшы жұмысын меңгергендер саны көп.

"Бүгінде көптеген мамандық керек болмай қалды, сондықтан адамдар қайта оқуға келеді. Сварщик, даяшының оқуын 500-ге жуық адам оқып шықты. Тағы 200-дей адам қысқамерзімді курстарды оқитын болады. Курс бір айдан алты айға дейін созылады. Шәкіртақысы төленіп отырады", - деді ол.

Мемлекеттік грант

"Кәсіп ашамын деген азаматтарға 555 мың теңге (200 АЕК) көлемінде шәкіртақы беріледі. 1306 адам осы грантты алды. Жыл соңына дейін 1705 адам грант алады деп жоспарланып отыр, ақша бөлінген", - деді Әлкебайұлы.

Техникалық және кәсіптік, орта білімнен кейінгі, жоғары және жоғары оқу орнынан кейінгі білім беру ұйымдарында немесе "Бастау Бизнес" жобасы бойынша кәсіпкерлік негіздері бойынша оқу курсын аяқтаған азаматтар, қандастар, атаулы әлеуметтік көмек алатын отбасылар, көпбалалы отбасылар мемлекеттік грантқа өтініш бере алады.

 

50
Кілт сөздер:
жұмыс, Алматы
Тақырып бойынша
Коронавируспен ауырғандар жұмысқа қашан шыға алады
Шымкенттік шенеунік жұмысқа орналастырғаны үшін 15 мың доллар алған – видео  
"Жұмысқа қан-жоса болып келді": Әнші Әміре Қашаубаев туралы не білеміз?
Аймағамбетов мұғалімдерді артық жұмысқа тартқандар қалай жазаланатынын айтты
Көлгінов тұрғындардың жұмысқа орналасуына көмектесетінін айтты
Архивтегі фото

"Дуа ма, әлде сиқыр ма?": Түсініксіз рәсім қарағандылықтардың зәресін ұшырды

706
Белгісіз біреулер қаладағы адам көп жүретін саябақта сабына жіп байланған пышақтарды төрт-төрттен қадап кеткен

НҰР-СҰЛТАН, 29 қыркүйек – Sputnik. Қарағандыда ерекше рәсім жасаумен жұртты шошытқандар іздестіріліп жатыр.

Белгісіз біреулер қаладағы адам көп жүретін саябақта сабына жіп байланған пышақтарды қадап кеткен. Оның айналасында тиындар шашылып жатыр, деп хабарлады КТК.

Ас пышағы төрт-төрттен төрт жерде қадалып тұр. Үрейі ұшқан тұрғындар бұның не үшін жасалғанын түсінбей жатыр. "Дуа ма, әлде сиқыр ма?" деп бас қатыруда. Ал мұндай жағдай бірнеше рет қайталанған. Соңғы мәрте жасалған түсініксіз рәсім бұқараның тіптен зәресін ұшырды. Өйткені соңғысында пышақты жерге кесілген бауырмен бірге қадаған. Қазір оның қай жануарға немесе аң-құсқа тиесілі екені анықталуда.

Күйеуін қайтармақшы болған: баласына он ине тыққан әйел сотталды

Мұндай көрініс бұған дейін де болған. Ол кезде 68 жастағы зейнеткер әйел осы әдіспен аяғын емдеген. Бірақ сол үшін 8 мың айыппұл төлеген. Ал бұл жолғы елдің зәресін алғандар ұсталса да, жауапқа тартылмайды екен.

"Бұл жағдай бойынша қылмыстық іс қозғалмайды. Тек осы нәрсені жасаған адамды анықтауымыз керек. Оның ақыл-есі дұрыс па, бұрыс па, сол жағы тексеріледі. Егер ақыл есінде кемістігі болса, оны психдиспансер сынды мекемеге жібереміз. Алдымен қолға түсіруіміз қажет. Бірақ ол адам ешқандай жазаға тартылмайды", - дейді Қарағанды қалалық ПБ орталық бөлімше бастығының орынбасары Асылбек Сейітжанов.

706
Тақырып бойынша
Діни рәсім кезінде 11 адам күріш жеп, көз жұмды
Қызылордалық әйел дуадан құтылу үшін 9 миллион теңгеcін шығындаған
Әпкесін өлтірген жігіт сот залының төбесі арқылы қашып кетпекші болды – видео
Көкшетауда ақыл-есі кем адам көшеде дұға оқып, жұрттың үрейін туғызды
Ребенок у окна, архивное фото

Шипажайда баланы сүлгімен ұрған тәрбиеші қылмыстық жазаға тартылмайтын болды

95
Ақтөбе қаласының Алматы аудандық полиция бөлімі жүргізген сотқа дейінгі тергеу екі жақтың татуласуымен аяқталды, қылмыстық іс тоқтатылды

АЛМАТЫ, 28 қыркүйек – Sputnik. Ақтөбеде баланы сүлгімен ұрған тәрбиешіге қатысты қылмыстық іс тоқтатылды, деп хабарлады өңірлік "Мой Город" басылымы.

2020 жылдың наурызында Ақтөбе облысындағы "Шағала" шипажайының 58 жастағы тәрбиешісі баланы сүлгімен ұрып-соққаны жария болған еді. Сол жердегі баланың бірі оқиғаны видеоға түсіріп алған, ал оны ата-анасы әлеуметтік желіде жариялады. Бұл шипажайда туберкулезбен ауыратын балалар оңалтудан өтеді.

Видеода балалардың еденде отырғанын, ал ақ халат киген әйелдің бір баланы сүлгімен ұрғанын көруге болады. Бала жыласа да, әйел оны бірнеше рет ұрған. Басқа балалар да "бізді аяқ киіммен де ұрады" дейді.  

Видео жарияланғаннан кейін шипажайға полиция мен прокуратура қызметкерлері барған. Аталған факті бойынша Қылмыстық кодекстің 140-бабы 2-бөлігі бойынша сотқа дейінгі тергеу басталып, сараптама тағайындалды.

Оқи отырыңыз: Алматы облысында балабақшадағы видеодан кейін тәрбиеші хабарсыз кетті 

Тергеу барысында тәрбиешінің 20 жылдық жұмыс өтілі бар екені белгілі болды. Оның айтуынша, бала тәрбиешіге тіл тигізген. Содан ашуланып, сүлгімен сабай бастаған.

Ақтөбе қаласының Алматы аудандық полиция бөлімі жүргізген сотқа дейінгі тергеу екі жақтың татуласуымен аяқталды, қылмыстық іс тоқтатылды.

Ал шипажайдың хабарлауынша, баланы ұрған тәрбиеші мен сол жерде әйелді тоқтатпаған екінші тәрбиеші Еңбек кодексінің 52-бабы 14-бөлігі бойынша жұмыстан босатылған.

95
Кілт сөздер:
қылмыстық іс, тәрбиеші
Тақырып бойынша
Түркістан облысы лагеріндегі шу: оқиғаның неден басталғаны белгілі болды
"Аюға намаз үйреткен таяқ": тәрбиеші әріп білмеген бүлдіршінді ұрып-соқты – видео
Студент тәрбиешінің балаларды ұрып жатқанын видеоға түсіріп алды
Атырауда тәрбиешінің бүлдіршінді сабап жатқан сәті видеоға түсіп қалды
Балабақшада балалар кішкентай қызды жабылып соққыға жықты – видео
Архивтегі фото

Өзбекстанда тұратын қазақ көмек сұрады

0
Жорықбаев қазақ мәдени орталығының құрылысын екі жыл бұрын бастаған. Ол үшін бизнесін сатып, банктен кредит алған

НҰР-СҰЛТАН, 29 қыркүйек – Sputnik. Өзбекстанда қазақ мәдени орталығын салып жатқан азамат Қазақстандағы қандастарынан көмек сұрады, деп хабарлайды "Хабар 24".

Жақсылық Жорықбаев қазақ жастары арасында ұлттық мәдениет пен салт-дәстүрді дәріптеу үшін орталық ғимаратын өз есебінен тұрғызбақшы еді. Алайда қазір құрылыс тұралап қалған көрінеді.

Ташкенттен 40 шақырым жерде орналасқан Шыршық шаһарында 25 мыңдай қазақ түтін түтетіп отыр.  

"Бұл – біздің орталықтың екінші қабаты. Бұл жерде домбыра, би, жайдарман үйірмелерін өткізбекшіміз. Өзіміздің фольклорлық ансамбліміз болады", - дейді Шыршық қаласы қазақ мәдени орталығының төрағасы Жақсылық Жорықбаев.

Бұл жерді Жақсылық Жорықбаев жергілікті қазақ жастары жиі бас сұғатын орынға айналдырмақшы. Оның мақсаты – балаларды бауырмалдыққа һәм қазақылыққа тәрбиелеу. Қандас бауырымыз Өзбекстанда ұлтымыздың ұлыларын жиі ұлықтайды. Мысалы, биыл Абайдың 175 жылдығына арнап ауқымды ісшара өткізген.

"Ата дәстүрді үйретуіміз керек. Осы құрылысты сол үшін қолға алдық. Жастарды бір жерге жинап үйретпесек, түсінбейді. Әркім өз тіршілігін істеп жүр", - дейді орталық басшысы.

"Бір мәселеміз бар еді, оны да Мирзиеев шешіп берді": Өзбекстандағы қазақтардың өмірі

Жорықбаев қазақ мәдени орталығының құрылысын екі жыл бұрын бастаған. Ол үшін бизнесін сатып, банктен кредит алған. Ғимаратты былтыр өткен Өзбекстандағы Қазақстан жылы қарсаңында салып бітіруді көздеген еді. Қазір қаржы мәселесі қос бүйірден қысып отыр дейді ол.  

"Мен 120 мың доллардан артық қаржы жұмсадым. Енді 30 мың доллар болса, жұмыс бітеді. Қазақстан халқы жәрдем беріп жатса, Алла разы болады деп ойлаймын", - деп түйіндеді Жақсылық Жорықбаев.

0
Тақырып бойынша
XXI ғасырдың қазағына оғаш көрінетін салт-дәстүрлер
Өзбекстаннан келген оралман отбасында жантүршігерлік қылмыс жасалды
Қаны сирек кездеседі: қазақ жігіті қытайларға қалай көмектесіп жүр
Моңғолияның парламентіне үш қазақ депутат болып сайланды
"Қиыншылық көресің": Түркиядағы қазақ елге неге оралғысы келмейтінін айтты