Калашников автоматы. Архивтегі фото

Шымкентте әскери бөлімнен қару ұрлаған сержант кім көмектескенін айтты

2149
Келісімшарт бойынша жұмыс істеген сержант кінәсін мойындап, майордың қолдауымен ұрлық жасағанын хабарлады

АЛМАТЫ, 27 тамыз — Sputnik. Шымкент гарнизонының әскери сотында 2020 жылдың басында әскери бөлімнен рұқсатсыз кетіп қалған 25 жастағы Абылай Балғынбайдың ісіне қатысты сот отырысы өтіп жатыр, ол келісімшарт бойынша жұмыс істеген. Онымен бірге сот алдында тағы жеті адам жауап берді, деп хабарлады КТК.

Балғынбай қару ұрлығы, жарғы ережелерін бұзу, қаруды заңсыз иемдену және тапсыру, сондай-ақ, қашып кетті деп айыпталып отыр.  

Айыптау тарапының болжамына сәйкес, сотталушылар 13 қаңтардан 20 ақпанға дейін бір топта әрекет етіп, әскери бөлімнен бірнеше рет қару алып шыққан. Олар 29 АК-74 автоматын, 28 Макаров тапаншасын, бір травматикалық тапанша мен оқ-дәрілерді ұрлаған.

Абылай Балғынбайдан 26 тамызда жауап алынды, ол жауап беру кезінде шатасқандықтан, судья оның денсаулық жағдайын сұрады.

Келісімшартпен жұмыс істеген азаматтың айтуынша, ол әскери бөлімнен бірнеше рет қару алып шығып, сатқан. Айтуынша, бірнеше апта бойы майор Дәуітов қамқорлық жасаған. Тергеу кезінде Балғынбай бұл туралы тіс жармаған, сот барысында мұны айтуға қорыққанын жеткізді.

Сотталушы қылмыстан бірнеше күн бұрын майордың әскери бөлімнен 100 автоматты шығаруды ұсынғанын айтты. Осы сәтте қоймадағы кезекші Шорасұловтың тәжірибесі жоқ екенін ескеріп, Балғынбай қылмысты өзі жасауға бел буады. 19 ақпаннан 20 ақпанға қараған түні ол бөлімнен қару ұрлаған. Оған екі адам көмектескен. Сотталушы өз кінәсін мойындады.

Оқи отырыңыз: Әскери бөлімнен қарумен қашып кеткен сарбаз ұсталды

Тәжірибесі жоқ деп көрсетілген кезекші Шорасұлов куәгер ретінде қатысты.

"Сағат 23.00 шамасында Балғынбайға кілттерді тапсырып, ұйықтауға кірістім. Ол менің үшінші кезекшілігім еді, жұмыспен толық таныс емеспін. Кілттерді жарғы бойынша тапсырмағаным белгілі болды. Оянған соң Балғынбайды іздей бастадым. Ол штабта болмай шықты. Оның қылмысқа баратыны туралы ойлаған да емеспін, себебі ертеңіне комиссия келуі керек еді. Мен оны іздей бастадым. Сосын өзі қайтып келетін шығар деп күттім. Таңғы алтыда ол туралы басшылыққа баяндадым. Олар таңғы жетіде қару-жарақ тұрған бөлмені ашып, не болғанын түсінді", - деді ол.

Куәгер ретінде Балғынбайдың тікелей бастығы Омархан Әбдірамановтан да жауап алынды.

"Таңғы сағат 7 шамасында сержант Байбек маған қоңырау шалып, рота бойынша кезекші орнында жоқ екенін айтты. Ол кезде мен жұмысқа бара жатқанмын. Сол дивизион командирінің міндетін уақытша атқарушы майор Дәуітовпен бірге қару сақталатын бөлмеге кірдік, Балғынбайдың орнында жоқ екенін білдік", - деді ол.

Әскери бөлімнен қару ұрлау ісі

Түркістан облысында 20 ақпанда әскери қызметші, келісімшарт бойынша жұмыс істейтін сержант Абылай Балғынбай әскери салаға қатысы жоқ 1995 және 1996 жылы туған екі досымен бірге 29 автомат, 28 тапанша мен екі қару пышағын ұрлап, қашып кеткен. Ол сол күні кешке Алматыда ұсталды. Сот бұл істі қарауды тамызда бастады.

2149
Кілт сөздер:
қару, әскери қызметкер
Тақырып бойынша
Қытаймен шекарадағы әскери техниканың не үшін шығарылғаны белгілі болды – видео
Шымкент және Түркістан облысының полицейлері аяғынан тік тұрды
Сыбайластары болуы мүмкін: ІІМ қару ұрлаған сарбаз ісіне қатысты ақпарат берді
Қаруланған әскери қызметші бөлімнен қашты: жоспар қалай жүзеге асырылды?
Әскери бөлімнен қару ұрлау ісі: тағы бір күдікті ұсталды
Иллюстративті фото

Шымкенттің екі тұрғыны баласына бүйрегін берді

45
Екі әйелдің де ұлы ұзақ уақыт бойы бүйрек жеткіліксіздігінен зардап шеккен, екі жағдайда да операция сәтті аяқталды

АЛМАТЫ, 22 қыркүйек – Sputnik. Шымкент қаласында №1 клиникалық ауруханада бүйрек трансплантациясы бойынша екі операция сәтті аяқталды, деп хабарлады Otyrar.kz өңірлік сайты.

Екі жағдайда да анасы баласына бүйрегін берген. Дәрігерлер 55 жастағы әйелдің бүйрегін алып, екі жыл "бүйрек жеткіліксіздігі" диагнозымен есепте тұрған және гемодиализден өткен 33 жастағы ұлына салып берді.

Екінші жағдайда Шымкенттің тағы бір тұрғыны ұзақ жыл бойы төсекте жатқан ұлына бүйрегін ауыстырып салуға келісті. Дәрігерлер трансплантацияны 10 қыркүйекте өткізді. Операция екі сағатқа созылды және сәтті аяқталды.

Оқи отырыңыз: Оралда бейтаныс қызға бүйрегін берген жігіт үйленді 

Шымкент қалалық клиникалық ауруханасында 2013 жылдан бері бүйрек алмастыру бойынша 160 операция жасалған, сондай-ақ, 21 адамның бауырын алмастырып салған. Алайда қазір гемодиализ орталығында бүйрек трансплантациясын қажет ететін 400-ге жуық науқас бар.

Қазақстанда бір жыл ішінде ағзасын алмастыруды қажет ететін 221 адам қайтыс болды. Осы аралықта Нұр-Сұлтан мен Павлодар қаласының екі тұрғыны қайтыс болған соң донор болуға келіскен.

45
Кілт сөздер:
бүйрек доноры, Шымкент
Тақырып бойынша
Адам ағзаларын алған: Тұрғымбаев белгілі дәрігердің ісі туралы айтты
Ақтөбеде бүйрегін ауыстырған науқасқа көмектескен шенеунік қызметінен айырылуы мүмкін
Бүйрегін бейтаныс қызға сыйлаған жігіт ерекше құрметке бөленді
Дәрігер науқастың бүйрегін қатерлі ісікпен шатастырып алып тастады
Дәрігер жұртты донор болуға қатысты ұстанымын тірі кезінде білдіріп кетуге үндеді
Архивтегі фото

"Бомба түскендей шулап жатыр": әкімдік спортзалдағы оқиғаға қатысты түсініктеме берді

371
(Жаңартылды 15:57 22.09.2020)
Салынып жатқан спортзалдың бір блогында шатырдың кішкентай бір шеті құлап кеткен, дүрлігуге себеп жоқ, дейді Алматы облысы құрылыс басқармасы басшысының орынбасары

НҰР-СҰЛТАН, 22 қыркүйек – Sputnik. Алматы облысында дене шынықтыру кешенінің шатыры опырылып құлауына байланысты арнайы жұмыс тобы құрылып, мамандар апаттың себебін анықтауға кірісті, деп хабарлайды Sputnik Қазақстан тілшісі.

Алматы облысының әкімдігі таратқан мәліметке сәйкес, Ұйғыр ауданындағы Шоңжы ауылында дене шынықтыру – сауықтыру кешенінің үшінші блогы – спортзалдың шатырын жасағанда металл конструкция опырылып құлаған. Бұл блоктың жалпы ауданы 1058,4 шаршы метрді құрайды. Ал бірінші және екінші блоктарға зақым келмеген. 

"Зардап шеккен және қайтыс болған адамдар жоқ. Құрылыстың бас мердігері – "Лидер-НК" ЖШС. Нысанның құрылысы өткен жылы қараша айында басталды", - дейді әкімдік мамандары.

Қазіргі кезде облыс әкімі Амандық Баталовтың тапсырмасы бойынша арнайы жұмыс тобы құрылды. Оған әкімнің бірінші орынбасары Ләззат Тұрлашов басшылық етеді. Жұмыс тобының өкілдері апаттың себебін анықтау мақсатында оқиға орнына аттанды. Олардың арасында облыстық құрылыс басқармасы басшысының орынбасары Еркебұлан Усманбаев та бар. Оның айтуынша, дүрлігуге себеп жоқ. Өйткені шатыр құлаған нысан – дене шынықтыру кешенінің бір блогы ғана. Ал фотодан үлкен бір аймақ сияқты көрінеді.

Оқи отырыңыз: Кәсіпкер Нұр-Сұлтанның қымбат үйлерінің қорқынышты фотоларын жариялады   

"Қазір жұрт ядролық бомба түсіп кеткендей шулап жатыр. Шын мәнінде бір блокта шатырдың кішкентай бір шеті құлап кеткен. Ана бір жас бала фотоға түсіргенде дұрыс қырынан алмаған. Сөйтіп, суретті жан-жаққа таратып жіберген. Қазір комиссия қай жерден қате кеткенін анықтауға кірісті. Бір айдың ішінде белгілі болатын шығар. Біз де осында жүрміз", - деді Усманов Sputnik Қазақстан тілшісіне берген сұхбатында.       

Оның сөзіне қарағанда, дене шынықтыру кешені Шоңжы ауылының шетінде орналасқан. Құрылыстың екі блогы салынып тұр. Үшінші блоктың шатыры қалпына келтіріледі.

"Жоспар бойынша нысанды жыл соңына дейін тапсыру қажет. Болмаса, тағы бір айға созамыз. Ауыр жұмыс емес, жылдам аяқтайды", - деп түйіндеді Усманов.

Құрылыстың жалпы құны – 1,1 миллиард теңге. Ол жерде бір уақытта 180 спортшы жаттығу жасай алады.

371
Кілт сөздер:
бомба, шатыр, спорт зал
Тақырып бойынша
Оралда темекі тартуға шыққан тұрғындар балконмен бірге құлап кетті
Астанада кран құлап, 29 жастағы жігіт қаза тапты
Петропавлда жұмысшының үстіне құрылыс плитасы құлап кетті
Астана билігі "сақалды" құрылыстардағы крандарды алып тастауға кірісті
"Отырамыз ба тозып?" Қарағандыда құлап қалған үйдің тұрғындары шу көтерді  
Операторлар, иллюстративті фото

Журналистердің кәсіподағы құрылды

0
Жаңа ұйымның төрағалығына журналистика саласында 30 жылдық тәжірибесі бар танымал тележүргізуші Зейін Әліпбек сайланды

НҰР-СҰЛТАН, 22 қыркүйек – Sputnik. Қазақстанда бұқаралық ақпарат құралдары мен телерадио хабарларын тарату қызметкерлерінің "BAQ KASIPODAQ" салалық кәсіподағы құрылды. Бұл туралы бүгін ZOOM платформасында өткен бейнеконференцияда белгілі болды, деп хабарлайды Sputnik Қазақстан тілшісі.

Бейнеконференцияға танымал журналистер мен медиаменеджерлер қатысты. Сол жерде жаңа ұйымның төрағалығына журналистика саласында 30 жылдық тәжірибесі бар танымал тележүргізуші Зейін Әліпбек сайланды. Осыдан кейін кәсіподақ басшысы құрылымның жоспары мен алдағы бағыттары туралы жан-жақты баяндап берді.

Оқи отырыңыз: Қазақстанда митингтен хабар тарататын журналистер нені білуі тиіс 

"Алда журналистердің әлеуметтік-құқықтық жағдайын жақсартуды көздейтін көптеген шаруа, игі бастамалар тұр. Әсіресе, журналистердің шеберлігін шыңдап, кәсіби өсуіне бағытталған және қазақстандық БАҚ-тың әлеуетін күшейтуге арналған ілкімді жобалар бар. Оны тек қана кәсіподақ атқарады деуге болмайды. Оның барлығына сіздермен, құрметті әріптестер, бірлесе отырып қана қол жеткізе аламыз", - деді Әліпбек.

Айта кетейік, 2020 жылдың 10 қаңтарындағы мәлімет бойынша Қазақстанда 3669 БАҚ тіркелген. Республикада 2964 мерзімді басылым, 161 телеарна, 73 радио, 471 ақпарат агенттігі және желілік басылым бар.

0
Кілт сөздер:
журналистика