Адамның қолы

Көкшетауда перзентханадан қашып кеткен әйел өлі табылды

3364
(Жаңартылды 18:53 28.08.2020)
Әйелдің денесі кешке перинаталды орталықтың маңында табылды. Ол өз-өзіне қол салған. Сот-медициналық сараптама тағайындалды

КӨКШЕТАУ, 28 тамыз — Sputnik. Көкшетауда перзентханадан қашып кеткен әйел өлі табылды, деп хабарлайды Sputnik Қазақстан тілшісі.

Әлеуметтік желілерде із-түссіз жоғалып кеткен әйелдің суреті жарияланған болатын. Еріктілер ол перзентханадан халатпен шығып кеткенін хабарлады.

Кейін 36 жастағы Көкшетау тұрғынының денесі табылды.

"27 тамызда кезекші бөлімге перинаталды орталық бөлімшесінің дәрігерінен хабар түсті. Сағат 05.20-да 36 жастағы пациент нәрестесін тастап, палатасынан қашып кеткен", - деді Ақмола облысы полиция департаменті баспасөз қызметінің жетекшісі Гүлнара Пинчук.

Оқиға орнына жедел-тергеу тобы жетті. 

"Босанған соң әйел абыржып жүрді", - деді оны перзентханада көрген адам.

Әйелдің денесі сағат 19:00-де перинаталды орталық маңында табылды. Ол өз-өзіне қол салған.

"Оқиғаға қатысты Қылмыстық кодекстің 105-бабына сәйкес ("өзін-өзі өлтіруге дейін жеткізу") сотқа дейінгі тергеу басталды. Сот-медициналық сараптама тағайындалды", - деді Пинчук.

Әйел күйеуімен бірге үш ұл тәрбиелеген, төртінші сәби - қыз.

Оның туыстары таң атпай, далаға жіберген күзетке шағымын айтты.

3364
Кілт сөздер:
перзентхана, әйел, Көкшетау
Тақырып бойынша
"Бәрі жылап жүр": сәби өлімінен кейін перзентхана дәрігерлері арыз жазды
"Джекпот ұтып алғандаймын": жас әйел бір жылда екі рет егіз босанды
Әйел жетпіс бес жасында тұңғышын босанды
13 жасында босанды: Сириядан оралған қазақстандық балалардың ауыр тағдыры - видео
"Батареяның қасында тұрып босандым": Астана тұрғыны перзентхана дәрігерлеріне шағымданды
Архивтегі фото

Қарағанды облысында ұрланған көлік өртеніп кетті

7
Полицияға ауылдан шығаберісте қатты жылдамдықпен жүрген көлік аударылып, өртеніп кеткені туралы хабарлама түскен

НҰР-СҰЛТАН, 21 қыркүйек – Sputnik. Қарағанды облысында біреудің көлігін айдап әкеткен азамат жол апатына ұшырады, деп хабарлады Polisia.kz.  

20 қыркүйек күні Қарағанды облысы Бұқар жырау аудандық полиция басқармасына 47 жастағы Қарағанды қаласының тұрғыны хабарласып, аудан орталығына туысының үйіне келгенде түнгі сағат 1.00 шамасында белгісіз біреу аулада тұрған автокөлігін айдап әкеткенін жеткізген.

Арада біршама уақыт өткенде полицияға ауылдан шығаберісте қатты жылдамдықпен жүрген көлік аударылып, өртеніп кеткені туралы хабарлама түскен. Оқиға орнына келген полиция қызметкерлері өртенген ұрланған көлік екенін анықтады.

Оқи отырыңыз: Ордабасы тұрғыны көшеде келе жатып, ұрланған көлігін танып қойды 

Куәгерлер көлік аударылғанда оның ішінен белгісіз азамат шығып, оқиға орнынан ізін суытқанын айтқан.

Автокөліктің қатты өртенгені сондай, қайта жөндеуге жарамсыз болған. Жәбірленушіге келтірілген шығын көлемі үш миллион теңгеден асқан.

Жедел іздестіру іс-шаралары барысында полиция қызметкерлері аталған іске қатысы бар деген күдікпен 28 жастағы ер адамды ұстап, оған қатысты Қазақстан Қылмыстық кодексінің 200-бабына сәйкес қылмыстық іс қозғады.

Қазіргі уақытта тергеу амалдары жүргізіліп жатыр.

7
Кілт сөздер:
ұрлық, көлік
Тақырып бойынша
Түркістанның екі тұрғыны ұрланған көлікпен жол апатына түсті
Денис Теннің өліміне күдікті өз өмірі туралы шындықты айтты
Алматыда 350-ге жуық көлік айнасын ұрлаушы ұсталды
Ұрланған ақшаға көлік алған: Шымкент тұрғынын өртеп жіберген қаскүнем ұсталды
Алматыда көлік айдап әкеткен қос ұры өлім аузынан қалды - фото
Жоғалған автокөлік нөмірін үйден шықпай-ақ қалпына келтіруге болады
Теңге, ақша

Қырылған құсқа 390 миллион теңге өтемақы беріледі

40
(Жаңартылды 17:34 21.09.2020)
Республикалық эпизоотикалық топ өтемақыны қырылған құстың иесінің жеке есепшотына аударып отырады, деп атап өтті вице-министр Исаева

НҰР-СҰЛТАН, 21 қыркүйек – Sputnik. Ауыл шаруашылығы вице-министрі Гүлмира Исаева құс тұмауынан зардап шеккендерге өтемақы беру тәртібін түсіндірді, деп хабарлайды Sputnik Қазақстан тілшісі.

"Барлық әкімдікте арнайы комиссия құрылды. Олар қырылған құстың орташа нарықтық бағасын анықтайды. Ал өтемақыны республикалық эпизоотикалық топ төлейді", - деді Исаева орталық коммуникациялар қызметінде өткен онлайн брифингте.

Оның айтуынша, арнайы комиссиялар қырылған құстың нарықтық бағасын анықтағаннан кейін тиісті құжаттар республикалық эпизоотикалық топта қаралады. Ветеринарлық қызметтің құжаттары да соған жіберіледі.

Оқи отырыңыз: Құс тұмауы адам үшін қауіпті ме - ауыл шаруашылығы министрлігі жауап берді 

"Республикалық эпизоотикалық топ өтемақыны қырылған құстың иесінің жеке есепшотына аударып отырады. Егер барлық құжат дұрыс болса, онда ақша үш күнге жетпей түседі. Қазіргі кезде республикалық эпизоотикалық топта шамамен 390 миллион теңге бар. Бұның барлығы өтемақы ретінде беріледі", - деп атап өтті Исаева.

Айта кетейік, Солтүстік Қазақстан, Ақмола, Павлодар, Қостанай және Қарағанды облыстарында құс тұмауы анықталды. Осыған байланысты бірнеше елді мекенде шектеу шаралары енгізіліп, құс өнімдерін шығаруға тыйым салынды.   

40
Кілт сөздер:
құс, өтемақы
Тақырып бойынша
Құс тұмауы Қазақстанның тағы бір облысына жетті
Солтүстік Қазақстанда ауру өршіп тұр: бір тәулікте 180 мың құс қырылып қалды
Бірнеше облыста құс тұмауы тіркелді: мамандар аурудың қалай тарағанын анықтады