Бетперде таққан оқушылар, архивтегі сурет

"Бетперде тағуға болмайды": Петропавл мектептеріне қатысты шешім шықты

494
Бетпердеге қатысты негізгі талап – балалар кабинеттен шыққанда немесе үзіліс кезінде тағып жүруі тиіс

НҰР-СҰЛТАН, 29 тамыз – Sputnik. Петропавл қаласының санитарлық дәрігерлері сабақ барысында бастауыш сынып оқушыларын бетпердемен отыруға мәжбүрлеудің қажеті жоқ деген қорытындыға келді. Өйткені, балалар үшін бетпердемен ұзақ уақыт отыру қиынға соғады. Оның үстіне олардың тыныс алу жүйесі әлі толық қалыптаспаған, деп хабарлайды Петропавловск.news сайты.

Бетпердеге қатысты негізгі талаптың бірі – балалар кабинеттен шыққанда немесе үзіліс кезінде тағып жүруі тиіс, дейді Солтүстік Қазақстан облыстық тауарлар мен қызметтердің сапасын бақылау мен қауіпсіздігін бақылау департаменті бастығының орынбасары Татьяна Горлова.

"Дүниежүзілік денсаулық сақтау ұйымының ұсынысы бойынша бес-алты жасар балалар көшеде жүргенде бетперде тағуға болмайды. 12 жастан асқан балалар ересектер сияқты маска режимін ұстануы керек. Сондықтан, балалар сабақ үстінде бетпердемен отырмайды. Бұл олардың тыныс алу жүйесіне өте ауыр жүктеме", – деп түсіндірді ол.

Маман бірнеше рет қолданылатын маскаларды 4 сағатта бір рет, ал бір реттік масканы екі сағатта бір рет ауыстыру қажеттігін айтады.

"Менің ойымша, бала өзімен бірге бірнеше рет пайдалануға болатын бір немесе бір рет қолданылатын екі масканы алып жүруі тиіс. Өйткені, балалар үзілісте көп қозғалып, жүгіріп терлейді", – дейді Горлова.

Қорғаныш құралдарымен кім қамтамасыз етеді  

Ал Солтүстік Қазақстан облыстық білім басқармасының бастығы Гүлмира Кәрімова жеке сулық пен антисептик және қорғаныш маскаларын сатып алу ата-аналардың міндеті екенін атап өтті.

Ал дезинфекциялаушы заттар мемлекет есебінен қамтамасыз етіледі.

Оқи отырыңыз: Айыппұл 30 есе азаяды - бетперде тағуға қатысты ұсыныс жасалды

Сонымен қатар, әр мектеп портативті кварцпен қамтылып, белгілі бір кестеге сай, әсіресе, бірінші ауысым аяқталғаннан кейін сынып іші кварц шамымен өңделуі тиіс.

"Қашықтыққа бағдарланып таза ауада өтетін дене тәрбиесінде бетперде тағу  міндетті емес ", – деді Кәрімова.

494
Кілт сөздер:
бетперде, балалар құқығы, балалар
Тақырып:
Коронавирус эпидемиясы (1523)
Тақырып бойынша
ДДҰ бетперде тағуға қатысты ұсынысын өзгертті
Астаналық студенттерге ресейліктер 5 мың бетперде жіберді
Алматыда бетперде таққан автобус пайда болды - фото
"20 миллион теңге төледі": жүздеген адам бетперде тақпағаны үшін жауапқа тартылды
Денсаулық сақтау министрі бетперде тағуға қатысты соңғы өзгерісті жариялады
Иллюстративті фото

Шымкенттің екі тұрғыны баласына бүйрегін берді

51
Екі әйелдің де ұлы ұзақ уақыт бойы бүйрек жеткіліксіздігінен зардап шеккен, екі жағдайда да операция сәтті аяқталды

АЛМАТЫ, 22 қыркүйек – Sputnik. Шымкент қаласында №1 клиникалық ауруханада бүйрек трансплантациясы бойынша екі операция сәтті аяқталды, деп хабарлады Otyrar.kz өңірлік сайты.

Екі жағдайда да анасы баласына бүйрегін берген. Дәрігерлер 55 жастағы әйелдің бүйрегін алып, екі жыл "бүйрек жеткіліксіздігі" диагнозымен есепте тұрған және гемодиализден өткен 33 жастағы ұлына салып берді.

Екінші жағдайда Шымкенттің тағы бір тұрғыны ұзақ жыл бойы төсекте жатқан ұлына бүйрегін ауыстырып салуға келісті. Дәрігерлер трансплантацияны 10 қыркүйекте өткізді. Операция екі сағатқа созылды және сәтті аяқталды.

Оқи отырыңыз: Оралда бейтаныс қызға бүйрегін берген жігіт үйленді 

Шымкент қалалық клиникалық ауруханасында 2013 жылдан бері бүйрек алмастыру бойынша 160 операция жасалған, сондай-ақ, 21 адамның бауырын алмастырып салған. Алайда қазір гемодиализ орталығында бүйрек трансплантациясын қажет ететін 400-ге жуық науқас бар.

Қазақстанда бір жыл ішінде ағзасын алмастыруды қажет ететін 221 адам қайтыс болды. Осы аралықта Нұр-Сұлтан мен Павлодар қаласының екі тұрғыны қайтыс болған соң донор болуға келіскен.

51
Кілт сөздер:
бүйрек доноры, Шымкент
Тақырып бойынша
Адам ағзаларын алған: Тұрғымбаев белгілі дәрігердің ісі туралы айтты
Ақтөбеде бүйрегін ауыстырған науқасқа көмектескен шенеунік қызметінен айырылуы мүмкін
Бүйрегін бейтаныс қызға сыйлаған жігіт ерекше құрметке бөленді
Дәрігер науқастың бүйрегін қатерлі ісікпен шатастырып алып тастады
Дәрігер жұртты донор болуға қатысты ұстанымын тірі кезінде білдіріп кетуге үндеді
Архивтегі фото

"Бомба түскендей шулап жатыр": әкімдік спортзалдағы оқиғаға қатысты түсініктеме берді

411
(Жаңартылды 15:57 22.09.2020)
Салынып жатқан спортзалдың бір блогында шатырдың кішкентай бір шеті құлап кеткен, дүрлігуге себеп жоқ, дейді Алматы облысы құрылыс басқармасы басшысының орынбасары

НҰР-СҰЛТАН, 22 қыркүйек – Sputnik. Алматы облысында дене шынықтыру кешенінің шатыры опырылып құлауына байланысты арнайы жұмыс тобы құрылып, мамандар апаттың себебін анықтауға кірісті, деп хабарлайды Sputnik Қазақстан тілшісі.

Алматы облысының әкімдігі таратқан мәліметке сәйкес, Ұйғыр ауданындағы Шоңжы ауылында дене шынықтыру – сауықтыру кешенінің үшінші блогы – спортзалдың шатырын жасағанда металл конструкция опырылып құлаған. Бұл блоктың жалпы ауданы 1058,4 шаршы метрді құрайды. Ал бірінші және екінші блоктарға зақым келмеген. 

"Зардап шеккен және қайтыс болған адамдар жоқ. Құрылыстың бас мердігері – "Лидер-НК" ЖШС. Нысанның құрылысы өткен жылы қараша айында басталды", - дейді әкімдік мамандары.

Қазіргі кезде облыс әкімі Амандық Баталовтың тапсырмасы бойынша арнайы жұмыс тобы құрылды. Оған әкімнің бірінші орынбасары Ләззат Тұрлашов басшылық етеді. Жұмыс тобының өкілдері апаттың себебін анықтау мақсатында оқиға орнына аттанды. Олардың арасында облыстық құрылыс басқармасы басшысының орынбасары Еркебұлан Усманбаев та бар. Оның айтуынша, дүрлігуге себеп жоқ. Өйткені шатыр құлаған нысан – дене шынықтыру кешенінің бір блогы ғана. Ал фотодан үлкен бір аймақ сияқты көрінеді.

Оқи отырыңыз: Кәсіпкер Нұр-Сұлтанның қымбат үйлерінің қорқынышты фотоларын жариялады   

"Қазір жұрт ядролық бомба түсіп кеткендей шулап жатыр. Шын мәнінде бір блокта шатырдың кішкентай бір шеті құлап кеткен. Ана бір жас бала фотоға түсіргенде дұрыс қырынан алмаған. Сөйтіп, суретті жан-жаққа таратып жіберген. Қазір комиссия қай жерден қате кеткенін анықтауға кірісті. Бір айдың ішінде белгілі болатын шығар. Біз де осында жүрміз", - деді Усманов Sputnik Қазақстан тілшісіне берген сұхбатында.       

Оның сөзіне қарағанда, дене шынықтыру кешені Шоңжы ауылының шетінде орналасқан. Құрылыстың екі блогы салынып тұр. Үшінші блоктың шатыры қалпына келтіріледі.

"Жоспар бойынша нысанды жыл соңына дейін тапсыру қажет. Болмаса, тағы бір айға созамыз. Ауыр жұмыс емес, жылдам аяқтайды", - деп түйіндеді Усманов.

Құрылыстың жалпы құны – 1,1 миллиард теңге. Ол жерде бір уақытта 180 спортшы жаттығу жасай алады.

411
Кілт сөздер:
бомба, шатыр, спорт зал
Тақырып бойынша
Оралда темекі тартуға шыққан тұрғындар балконмен бірге құлап кетті
Астанада кран құлап, 29 жастағы жігіт қаза тапты
Петропавлда жұмысшының үстіне құрылыс плитасы құлап кетті
Астана билігі "сақалды" құрылыстардағы крандарды алып тастауға кірісті
"Отырамыз ба тозып?" Қарағандыда құлап қалған үйдің тұрғындары шу көтерді  
Операторлар, иллюстративті фото

Журналистердің кәсіподағы құрылды

0
Жаңа ұйымның төрағалығына журналистика саласында 30 жылдық тәжірибесі бар танымал тележүргізуші Зейін Әліпбек сайланды

НҰР-СҰЛТАН, 22 қыркүйек – Sputnik. Қазақстанда бұқаралық ақпарат құралдары мен телерадио хабарларын тарату қызметкерлерінің "BAQ KASIPODAQ" салалық кәсіподағы құрылды. Бұл туралы бүгін ZOOM платформасында өткен бейнеконференцияда белгілі болды, деп хабарлайды Sputnik Қазақстан тілшісі.

Бейнеконференцияға танымал журналистер мен медиаменеджерлер қатысты. Сол жерде жаңа ұйымның төрағалығына журналистика саласында 30 жылдық тәжірибесі бар танымал тележүргізуші Зейін Әліпбек сайланды. Осыдан кейін кәсіподақ басшысы құрылымның жоспары мен алдағы бағыттары туралы жан-жақты баяндап берді.

Оқи отырыңыз: Қазақстанда митингтен хабар тарататын журналистер нені білуі тиіс 

"Алда журналистердің әлеуметтік-құқықтық жағдайын жақсартуды көздейтін көптеген шаруа, игі бастамалар тұр. Әсіресе, журналистердің шеберлігін шыңдап, кәсіби өсуіне бағытталған және қазақстандық БАҚ-тың әлеуетін күшейтуге арналған ілкімді жобалар бар. Оны тек қана кәсіподақ атқарады деуге болмайды. Оның барлығына сіздермен, құрметті әріптестер, бірлесе отырып қана қол жеткізе аламыз", - деді Әліпбек.

Айта кетейік, 2020 жылдың 10 қаңтарындағы мәлімет бойынша Қазақстанда 3669 БАҚ тіркелген. Республикада 2964 мерзімді басылым, 161 телеарна, 73 радио, 471 ақпарат агенттігі және желілік басылым бар.

0
Кілт сөздер:
журналистика