Magnum Cash & Carry, архивтегі фото

Полицей әйел жалғызбасты әкеге үш баланы тәрбиелеуге көмектесіп жүр видео

240
(Жаңартылды 11:30 07.09.2020)
Карантин кезінде Бөркебай Танкаев уақытша жұмыссыз қалған. Сол кезде Меруерт Наурызбаева отбасыға азық-түлік, ақша апарып отырған

НҰР-СҰЛТАН, 7 қыркүйек – Sputnik. Алматыда полицей әйел үш баланы жалғыз өзі асырап жүрген ер адамға көмектесіп жүр. Оның келіншегі балаларды тастап кеткен, деп хабарлайды Sputnik Қазақстан.

Наурызбай аудандық полиция басқарамасының инспекторы Меруерт Наурызбаева кәмелеттік жасқа толмаған балалар мәселесіне жауап береді. Бір жолы ауданды аралап жүріп көшеде үш баласымен жүрген ер адамды байқапты. Балалардың үсті-басы кір-қожалақ болғаннан кейін жанына барып, жағдайды сұраған. Сөйтсе, ер адам жалғызбасты әке болып шыққан, балаларын өзі тәрбиелейді екен. Себебі әйелі бәрін тастап, үйден кетіп қалған. Ал Бөркебай Танкаев Түркістан облысынан Алматыға жұмыс іздеп келген.

"Мен балаларды қатты аяп кеттім. Тағдырдың жазуымен олар ана махаббатынан айырылды. Әкелері барын салып, ұлдарын жеткізуге тырысып келеді. Менің өз отбасым, балаларым бар. Сол себепті отбасы жылуы мен ананың қолдауы балалар үшін қаншалықты қажет екенін жақсы білемін", - дейді Наурызбаева.  

Бүгінде Бөркебай Танкаев үш баласымен Әуезов ауданына көшіп кетсе де, Меруерт Наурызбаева оларға жиі барып тұрады. Қолда бар көмекті аямайды.

"Балалар жақсы, әдепті, мейірімді болып өсіп келеді. Әкесін қатты жақсы көреді, артық салмақ салмауға тырысады. Өзім жиі сөйлесіп тұрамын, керек кезде психологиялық көмек те көрсетемін"– деп атап өтті Наурызбаева.

Оқи отырыңыз: Бірнеше тіл меңгерген қостанайлық полицей шетел азаматын таңғалдырды 

Карантин кезінде Бөркебай Танкаев уақытша жұмыссыз қалды. Сол кезде Меруерт Наурызбаева азық-түлік те, ақша да апарып отырды. Жақында балалардың мектебіне қажетті заттарды сыйға берді.  

"Әйелім үш баланы тастап, кетіп қалған. Содан Алматыға жұмыс іздеп келдім. Осы жерде Меруерт Наурызбаева деген инспектор келіп, біздің жағдайымызды көріп, көмектесті. Өте үлкен көмек берді. Карантин кезінде азық-түлік әкеліп, ақшалай да көмектесті. Балалардың құжаттарын реттеді. Мектепке кіргізді. Бізге қатты көмектесті. Рақмет, Алла разы болсын! Қазақтың осындай батыр қыздары көп болсын!", - дейді Танкаев.

240
Кілт сөздер:
Алматы
Тақырып бойынша
Батыс Қазақстанда полицейдің ұлы видео жариялады: анасы жауапқа тартылды
"Прокурор мен полицей" әңгімесінің жазбасы жарияланып кетті – тың ақпарат шықты
Ел-жұртқа масқара болған полицейлерді ішкі істер министрлігі іздеп жатыр – видео
"Балта лақтырды": Алматының патрульдік полициясы түнде қалай жұмыс істейді - фото
Пәтер кілті

Пневмониядан қайтыс болған ауыл имамының ұлына баспана кілті табыс етілді

489
(Жаңартылды 17:52 27.09.2020)
Тұрғын үй Түркістан облысының имамдары мен облыстық "Зекет" қорының өкілдігі және ерікті жамағаттың қолдауымен салынды

НҰР-СҰЛТАН, 27 қыркүйек – Sputnik. Қазақстан мұсылмандары діни басқармасының төрағасы, бас мүфти Наурызбай қажы Тағанұлы Түркістан облысына жасаған сапары аясында Сайрам ауданының Арыс ауылындағы мешітте имамдық қызмет еткен марқұм Мәдікәрім Құрбанбаевтың балаларына мүфтият салып берген баспананың кілтін табыс етті.

Мүфтияттың баспасөз қызметінің хабарлауынша, көп жылдан бері дін жолында қызмет етіп, Исламды насихаттап, түрлі игі шаралардың басы-қасында жүрген Мәдікәрім Құрбанбаев пневмония кеселіне шалдығып, қайтыс болған. Артынша өмірлік жан жары да осы жаман індеттен көз жұмған.

"Өте қиын сәтте рухани һәм материалдық тұрғыдан қолдау мақсатында бас мүфти Наурызбай қажы Тағанұлы "Ел үлесі – пәтерге" акциясының аясында асар әдісімен салынған 5 бөлмелі үйді марқұмның артында қалған ұлы Абдулбасидке табыс етті", – делінген хабарламада.

Айта кетейік, тұрғын үй Түркістан облысының имамдары мен облыстық "Зекет" қорының өкілдігі және ерікті жамағаттың қолдауымен салынды.

Оқи отырыңыз: 2021 жылы салымшылар зейнетақы жинағының бір бөлігін баспана сатып алуға пайдалана алады

489
Тақырып бойынша
Баспана алуға арналған бағдарламалар: мамандар жиі қайталанатын қателікті атады
Алматылық жастар үшін баспана алу шарты жеңілдеді
Зейнетақы жинағына баспана алу шарттары белгілі болды
"5-10-20" және "7-20-25" бағдарламалары бойынша қалай баспана алуға болады
Мемлекет арендалық баспана ақысын қалай төлейді?
әйел

Өскеменде қолына баласын ұстаған тыр жалаңаш әйел көшеде шу шығарды

4638
Көшедегі көліктердің жанында айғай-шу шығарып жүрген тыр жалаңаш әйелдің қолында алты айлық баласы болған

НҰР-СҰЛТАН, 27 қыркүйек — Sputnik. Өскемен тұрғындары қолына кішкентай нәрестесін ұстап көшеде жүрген әйелді видеоға түсіріп алған. Әйелдің өзі де, баласы да тыр жалаңаш, деп жазады YK-news.kz. Ал далада ауа температурасы он градус қана.

Видеодан тыр жалаңаш әйелдің көшеде бағдаршамға тоқтаған көліктердің жанында жүргенін көруге болады. Басылымның хабарлауынша, жүргізушілердің бірі оны көлігіне отырғызады, бірақ әйел айғайлап, адамдарды көмекке шақыра бастайды. Біршама уақыттан кейін оқиға орнына полицейлер келеді.

Шығыс Қазақстан облысы полиция департаментінің мәліметіне сүйенсек, видеодағы әйел 33 жаста, ал қолындағы баласы алты айлық қана екен.

"Әйел арнайы медициналық мекемеге жеткізілді, ол жерде дәрігерлер оған не болғанын анықтайды", - деп хабарлады полиция.

Ал сәби ана мен бала орталығына жеткізілді, оның өміріне ешқандай қауіп төніп тұрған жоқ, деді тәртіп сақшылары.

4638
Кілт сөздер:
видео
Қазақстан премьері мен Татарстан басшысы Қостанайда кездесті

Қазақстан премьері мен Татарстан басшысы Қостанайда кездесті

56
(Жаңартылды 21:17 27.09.2020)
Автомобиль жасау саласындағы жаңа жобалар Қазақстан мен Ресей арасындағы өнеркәсіптік кооперацияның нақты практикалық кеңеюін айғақтайды

НҰР-СҰЛТАН, 27 қыркүйек – Sputnik. Қостанайда премьер-министр Асқар Мамин мен Татарстан президенті Рустам Минниханов кездесіп, үш бірдей автомобиль жасау жобасын бастап берді. Нысандарға тартылған инвестиция көлемі 261 миллиард теңгені құрайды, деп хабарлайды primeminister.kz сайты.

Келісімге сәйкес, алдағы уақытта Қостанай индустриялық аймағында "КАМАЗ" шойын құймасы мен жүк техникасының шанақ-арқалығына арналған құрамдас бөлшектер өндіру зауыты салынып, Қарағанды облысының Саран қаласында автомобиль шиналары өндірісі ашылады. Бұл жердегі шектес салаларды ескере отырып, өндіріс орнында шамамен 1 200 жаңа жұмыс орны құрылады деп жоспарланған.

Ал зауыттардың құрылысы 2023 жылы аяқтау көзделген.

Үкімет басшысы автомобиль жасау саласындағы жаңа жобалар Қазақстан мен Ресей арасындағы өнеркәсіптік кооперацияның нақты практикалық кеңеюін айғақтайтынын атап өтті.

"Автомобиль жасау саласындағы өндіріс көлемі жыл басынан бері 51,8%-ке ұлғайды. Негізгі капиталға салынған инвестициялар 6,6 еседен астам – 9,4 миллиард теңгеге дейін артты", – деді Мамин.

Шара аясында үкімет басшысына ауыл шаруашылығы техникасын жинау және кәдеге жарату зауыты мен "КАМАЗ" инжиниринг орталығын ашудың бірлескен Қазақстан–Ресей жобасы таныстырылды.

Оқи отырыңыз: Таңғалдырмаймыз, бірақ қуантамыз: Ермек Тұрсынов Татарстан киносы күндері жайлы

Сондай-ақ, кездесуде ресейлік "КАМАЗ" бен "Татнефть" және өзбектің "UzAuto" компанияларының басшылығымен автомобиль жасау саласындағы ынтымақтастықты одан әрі дамыту келешегі талқыланды.

56
Кілт сөздер:
экономика, Қазақстан, Татарстан
Тақырып бойынша
Қазақстан мен Татарстан меморандумға қол қойды
Азық-түлікті қымбаттатуға еш себеп жоқ – Мамин
Маска мен дәрі-дәрмек тапшылығы болмайды – Мамин
Татарстан президенті сабан тойды Қостанайда атап өтеді
Татарстан президенті Абай өлеңін қазақ тілінде оқыды