Көмір тиелген вагондар

Көмір тиелген вагонмен Қазақстанға жеткен ресейлік жасөспірімдер Петропавлда ұсталды

239
Қазіргі уақытта жасөспірімдердің жеке тұлғасы, сондай-ақ олардың мұндай қауіпті сапарға бару себебі анықталып жатыр

НҰР-СҰЛТАН, 8 қыркүйек – Sputnik. Көліктегі полиция департаментінің қызметкерлері Петропавл станциясында жүк пойызымен Қазақстан шекарасын заңсыз кесіп өткен төрт жасөспірімді ұстады. Олар көмір тиелген вагонға мініп, Ресейден келген, деп хабарлайды аталған ведомствоның баспасөз қызметі.

Шекарадан заңсыз өту фактісі 7 қыркүйекте тіркелген.

"Петропавл станциясындағы полиция бөлімі көші-қон қызметінің мамандары "Транзит" жедел алдын алу шарасы кезінде Ресей Федерациясының кәмелетке толмаған 13-17 жас аралығындағы төрт азаматын ұстады", – дейді көліктегі полиция департаментінің бастығы Оңал Бекиев.

Көмір тиелген жүк пойызы Қазақстанға Ресейдің Омбы облысындағы шекара бекеті арқылы келген. Балалар осы жылжымалы құрамға отырып, Қазақстанға жеткен.

Қазіргі уақытта жасөспірімдердің жеке тұлғалары, сондай-ақ олардың мұндай қауіпті сапарға бару себебі анықталып жатыр. Сонымен қатар, мемлекеттік шекараны заңсыз кесіп өту фактісі бойынша тергеу басталды.

Оқи отырыңыз: Біртанов 16 жастағы жасөспірімдер үшін қандай жаңашылдық енгізілгенін айтты

Айта кетейік, бұл көліктегі полиция қызметкерлерінің шекараны заңсыз кесіп өту фактісі бойынша анықтаған оныншы оқиға. Сондай-ақ, заңсыз көші-қонға қатысты екі факті тіркелсе, Қазақстан Республикасында болу ережесін бұзған 345 шетелдік азамат әкімшілік жауапкершілікке тартылды.

239
Кілт сөздер:
жүк пойызы, шекара, Петропавл
Тақырып бойынша
Теміртау қаласының балалар мен жасөспірімдер театры – қызықты деректер
Шетелге түскен студенттің елден шығу тәртібі қандай – шекара қызметі түсіндірді
Екібастұзда жасөспірімдер 3-сынып оқушысын соққыға жығып, видеоға түсірген
Қазақстан мен Ресей шекара межелеуді аяқтады
Қазақстандықтар үшін Қырғызстанмен шекара әлі ашылған жоқ
Махамбет Досмұхамбетов

Атырау облысының әкімі орынбасарының кінәсі дәлелденсе, қызметінен кетуге дайын

24
Әкімнің бірінші орынбасары мен құрылыс басқармасының бастығы 420 мың доллар көлемінде пара алды деген күдікпен ұсталды

НҰР-СҰЛТАН, 30 қыркүйек – Sputnik. Атырау облысының әкімі Махамбет Досмұхамбетов бірінші орынбасары Нұрлан Таубаев шынымен де кінәлі деп танылып, сот үкімі шықса, қызметінен кететінін мәлімдеді.

Әкімнің орынбасары мен құрылыс басқармасының бастығы 182 миллион теңге (420 мың доллардан астам) көлемінде пара алды деген күдікпен ұсталды, деп жазды "Ақ Жайық" басылымы.

"Заң бәріне ортақ. Егер тергеу аяқталып, сот оны кінәлі деп тапса, онда мен заңға сәйкес, отставкаға кетуге дайынмын. Оны қабылдай ма, жоқ па, президент өзі шешеді", - деді әкім Махамбет Досмұхамбетов.

Еске сала кетейік, 2019 жылдың қарашасында "Мемлекеттік қызмет туралы" заңға түзетулер енгізілді, оған сәйкес қарамағындағы қызметкердің кінәсі дәлелденіп, сот үкімі заңды күшіне енгеннен кейін басшы қызметінен кетуге міндетті.   

Оқи отырыңыз: Қазақстанда бірнеше әкім отставкаға кетуге өтініш берді 

Сыбайлас жемқорлыққа қарсы іс-қимыл агенттігі бұған дейін заң аясында қандай қызметкерлер тікелей бағынышты ретінде қарастырылатынын түсіндірген болатын.

24
Кілт сөздер:
отставка, әкім, Атырау облысы
Тақырып бойынша
Білім саласында жемқорлық неге көбейді?
Нұр-Сұлтанда әкім қызметінен кетті
Жезқазғанға жаңа әкім тағайындалды
Тоқаевтың тапсырмасы: облыс әкімінің орынбасары мен аудан әкімі отставкаға кетті
Архивтегі фото

Жамбыл облысында есірткі тасымалдаған қылмыстық топ сотталды

46
Күдіктілерді тінту шаралары барысында жалпы салмағы 100 килограмм марихуана есірткі заты табылған болатын

НҰР-СҰЛТАН, 30 қыркүйек – Sputnik. Қырғызстаннан Қазақстанға есірткі тасымалдаумен айналысқан қылмыстық топтың тоғыз мүшесі сотталды, деп хабарлады Polisia.kz.

Сотталушыларға 10 жылдан 17 жылға дейін бас бостандығынан айыру жазасы кесілді.

Еске сала кетейік, 2019 жылдың қаңтар айында Жамбыл облысында полиция департаменті криминалдық полиция басқармасының қызметкерлері өңірдегі Ұлттық қауіпсіздік комитетімен бірлесіп, Қырғызстаннан Қазақстанға аса ірі көлемде "марихуана" есірткі затын тасымалдаумен айналысқан адамдарды әшкерелеп, ұстаған болатын.

Оқи отырыңыз: Түркістан облысында өзге өңірдің екі тұрғыны 700 келі есірткімен ұсталды 

Облыстық полиция департаменті бастығының орынбасары Нұржан Қалметовтың айтуынша, тінту шаралары барысында ұсталғандардан жалпы салмағы 100 килограмм марихуана есірткі заты табылған.

"Алдын ала тергеу нәтижесінде топ басшылары мен мүшелері шекарада марихуана сатып алып отырғандығы анықталды, оны сату үшін Нұр-Сұлтан қаласына жіберіп отырған", - дейді Қалметов.

Жыл басынан бері облыс бойынша есірткімен байланысты 508 қылмыс тіркелген. Заңсыз айналымнан 2,5 тоннадан астам түрлі есірткі заттары, оның ішінде 1,5 келі героин, 55 келі гашиш және 2,5 келіден астам синтетикалық есірткі заттары тәркіленді.    

46
Кілт сөздер:
қылмыстық топ, есірткі, Жамбыл облысы
Тақырып бойынша
Қызылордада полицейлер есірткі диллерлерін тікұшақпен қуып жүріп ұстады – видео
Ұлттық қауіпсіздік комитеті Нұр-Сұлтанда арнайы операция өткізді  
Байқоңырда көпбалалы ана сотталды
Шетелде өмір бойына сотталған тағы бір қазақстандық туралы ақпарат шықты