Бетперде таққан бүлдіршін

Ата-аналар Ақтау дәріханаларында балалар маскасы тапшы екенін айтып шағымданды

49
Маңғыстау облысында ата-аналар тарапынан балаларға арналған медициналық маскалар жасау туралы көптеген өтініш келіп түсуде

НҰР-СҰЛТАН, 10 қыркүйек - Sputnik. Ақтаудағы мектеп оқушыларының ата-аналары дәріханаларда балалар маскасы тапшы деп шағымдануда. Олардың айтуынша, қолданыстағы қалыпты маскалар оқушылардың терісін тітіркендіреді.

"Бірінші сынып оқушылары барлық сабақта маска тағып отырады, оны шешуге болмайды. Ал бірнеше сағат бойы маскамен жүру терінің тітіркенуін тудырады. Негізінен оларды әр екі сағат сайын ауыстырып отыру керек. Бірақ біздің дәріханаларда төрт айдан бері балалар маскасы болған емес. Интернет арқылы тапсырыс берсең, 25 данасы 4 500 теңге тұрады. Ата-аналар үшін бұл қымбатқа түсуде", – деп жазады жргілікті "Лада" басылымы.

Қалалық білім бөлімі болса, "балалар маскасы" деген ұғым жоқ екенін айтады.

"Стандартты маска деген бар. Оны балалар сыныпта ақысыз ала алады. Қажет болса, оларды сол жерде ауыстырса да болады. Қорғаныш құралдары бюджет ақшасына сатып алынды және ешқандай проблема жоқ. Егер ата-аналар қаласа масканы балаларына тігіп берсе де қарсы емеспіз. Тек, оны күнделікті жуып, үтіктеп отыру керек", – деп түсіндірді Ақтау қалалық білім бөлімінің мамандары.

Мектеп маскамен қамтамасыз етуге міндетті ме?

Ал Маңғыстау облыстық тауарлардың қауіпсіздігі мен қызметтердің сапасын бақылау департаментінің өкілдері бес жастан асқан балаларға арналған маскалар сатып алу жоспарланып отырғанын айтады.

"Ата-аналар тарапынан балаларға арналған медициналық маскалар жасау туралы көптеген өтініш келіп түсуде. Қазір біз оның бәрін жинап жатырмыз. Осы жылдың қазан айында қалалық дәріханаларға маскалар жеткізуді ұйымдастыруды жоспарлап отырмыз", – деп хабарлады департамент өкілдері.

Нұр-Сұлтанда кезекші сыныптардың мектеп оқушылары сабаққа өздерінің маскаларымен келеді. Кейбір білім беру ұйымдары балалар үшін қорғаныш құралдарын өз бастамасымен сатып алады.

"Балаларды маскамен қамтамасыз ету мектептің міндеті емес. Біз мұғалімдерді ғана қорғаныш құралдарымен қамтимыз", – дейді Нұр-Сұлтан қалалық білім бөлімінің бастығы Шолпан Қадырова.

Оқи отырыңыз: "Бетперде тағуға болмайды": Петропавл мектептеріне қатысты шешім шықты

Айта кетейік, депутаттар премьер-министр Асқар Маминге дәстүрлі оқытуға оралу туралы өтінішпен жүгініп, "мәжбүрлеу, тыйым салу және санкциялық-жазалау" форматында жұмыс істейтін дәрігерлерді сынға алған болатын.

49
Кілт сөздер:
балалар, Ақтау, бетперде
Тақырып:
Коронавирус эпидемиясы (1548)
Тақырып бойынша
Денсаулық сақтау министрлігі қай жерде бетперде тағып жүру керек екенін айтты
ДДҰ бетперде тағуға қатысты ұсынысын өзгертті
Алматыда бетперде таққан автобус пайда болды - фото
Денсаулық сақтау министрі бетперде тағуға қатысты соңғы өзгерісті жариялады
Айыппұл 30 есе азаяды - бетперде тағуға қатысты ұсыныс жасалды
Махамбет Досмұхамбетов

Атырау облысының әкімі орынбасарының кінәсі дәлелденсе, қызметінен кетуге дайын

19
Әкімнің бірінші орынбасары мен құрылыс басқармасының бастығы 420 мың доллар көлемінде пара алды деген күдікпен ұсталды

НҰР-СҰЛТАН, 30 қыркүйек – Sputnik. Атырау облысының әкімі Махамбет Досмұхамбетов бірінші орынбасары Нұрлан Таубаев шынымен де кінәлі деп танылып, сот үкімі шықса, қызметінен кететінін мәлімдеді.

Әкімнің орынбасары мен құрылыс басқармасының бастығы 182 миллион теңге (420 мың доллардан астам) көлемінде пара алды деген күдікпен ұсталды, деп жазды "Ақ Жайық" басылымы.

"Заң бәріне ортақ. Егер тергеу аяқталып, сот оны кінәлі деп тапса, онда мен заңға сәйкес, отставкаға кетуге дайынмын. Оны қабылдай ма, жоқ па, президент өзі шешеді", - деді әкім Махамбет Досмұхамбетов.

Еске сала кетейік, 2019 жылдың қарашасында "Мемлекеттік қызмет туралы" заңға түзетулер енгізілді, оған сәйкес қарамағындағы қызметкердің кінәсі дәлелденіп, сот үкімі заңды күшіне енгеннен кейін басшы қызметінен кетуге міндетті.   

Оқи отырыңыз: Қазақстанда бірнеше әкім отставкаға кетуге өтініш берді 

Сыбайлас жемқорлыққа қарсы іс-қимыл агенттігі бұған дейін заң аясында қандай қызметкерлер тікелей бағынышты ретінде қарастырылатынын түсіндірген болатын.

19
Кілт сөздер:
отставка, әкім, Атырау облысы
Тақырып бойынша
Білім саласында жемқорлық неге көбейді?
Нұр-Сұлтанда әкім қызметінен кетті
Жезқазғанға жаңа әкім тағайындалды
Тоқаевтың тапсырмасы: облыс әкімінің орынбасары мен аудан әкімі отставкаға кетті
Архивтегі фото

Жамбыл облысында есірткі тасымалдаған қылмыстық топ сотталды

43
Күдіктілерді тінту шаралары барысында жалпы салмағы 100 килограмм марихуана есірткі заты табылған болатын

НҰР-СҰЛТАН, 30 қыркүйек – Sputnik. Қырғызстаннан Қазақстанға есірткі тасымалдаумен айналысқан қылмыстық топтың тоғыз мүшесі сотталды, деп хабарлады Polisia.kz.

Сотталушыларға 10 жылдан 17 жылға дейін бас бостандығынан айыру жазасы кесілді.

Еске сала кетейік, 2019 жылдың қаңтар айында Жамбыл облысында полиция департаменті криминалдық полиция басқармасының қызметкерлері өңірдегі Ұлттық қауіпсіздік комитетімен бірлесіп, Қырғызстаннан Қазақстанға аса ірі көлемде "марихуана" есірткі затын тасымалдаумен айналысқан адамдарды әшкерелеп, ұстаған болатын.

Оқи отырыңыз: Түркістан облысында өзге өңірдің екі тұрғыны 700 келі есірткімен ұсталды 

Облыстық полиция департаменті бастығының орынбасары Нұржан Қалметовтың айтуынша, тінту шаралары барысында ұсталғандардан жалпы салмағы 100 килограмм марихуана есірткі заты табылған.

"Алдын ала тергеу нәтижесінде топ басшылары мен мүшелері шекарада марихуана сатып алып отырғандығы анықталды, оны сату үшін Нұр-Сұлтан қаласына жіберіп отырған", - дейді Қалметов.

Жыл басынан бері облыс бойынша есірткімен байланысты 508 қылмыс тіркелген. Заңсыз айналымнан 2,5 тоннадан астам түрлі есірткі заттары, оның ішінде 1,5 келі героин, 55 келі гашиш және 2,5 келіден астам синтетикалық есірткі заттары тәркіленді.    

43
Кілт сөздер:
қылмыстық топ, есірткі, Жамбыл облысы
Тақырып бойынша
Қызылордада полицейлер есірткі диллерлерін тікұшақпен қуып жүріп ұстады – видео
Ұлттық қауіпсіздік комитеті Нұр-Сұлтанда арнайы операция өткізді  
Байқоңырда көпбалалы ана сотталды
Шетелде өмір бойына сотталған тағы бір қазақстандық туралы ақпарат шықты