Жарқанат

Қостанайда супермаркеттен сатып алынған пакет ішінен тірі жарқанат шықты видео

2097
(Жаңартылды 13:42 10.09.2020)
Супермаркет әкімшісі бұл жерде жауапкершілік тауар өндірушіге жүктеледі десе, ресейлік өндіруші мұндай пікірмен мүлдем келіспейді

НҰР-СҰЛТАН, 10 қыркүйек – Sputnik. Қостанай қаласының тұрғыны 6 қыркүйек күні супермаркеттен пакетке салынған салат жапыраған сатып алған. Ал таңертең балаларына арнап сэндвич жасай бастағанда, таңғажайып жағдайға тап болады. Салат жапырағы салынған пакет ішінен тірі жарқанат шыққан, деп хабарлайды өңірлік "Костанайские новости" басылымы.

"Кешке пакетті тоңазытқышқа салғанмын. Таңертең жапырақтың бір бөлігін алып, алаңсыз жуа бастадым. Кенет қандай да бір сықырлаған дыбыс естідім. Пакет шығар деп ойлап, оралған пакетті жазып қарасам жапырақ отырғызылған құтының жанында тірі тіршілік иесі тұр. Жан дауысымның шыққанынан шошып кеткен күйеуім оның жарқанат екенін айтты", – дейді Ирина Вишненко.

Ол қорқыныштан әлі де ес жия алмай жүргенін айтады.

"Бір атап өтерлігі, жарқанат қолымнан тістеген жоқ. Оның үстіне көп жағдайда тоғыз жасар қызымыз салат жапырағын өзі алып, дайындап жатады. Сол кезде шыға келсе не болар еді?", – деп таңданады Ирина.

Ерлі-зайыптылар мән-жайды анықтау үшін дүкенге барған. 

"Дүкен әкімшілігі жарқанаттың пакет ішіне қоймада түсуі мүмкін екенін айтқан соң, басқа да пакеттерді қайта қарап шығу үшін және қауіпті жарқанатты талапқа сай жою үшін алған затымызды дүкенге кері қайтардық. Өйткені, ол ауру тасымалдаушы болуы мүмкін. Солай бола тұра, бізден кешірім сұраған ешкім жоқ. Тіпті, ақшаны қайтарып беруді де ұсынбады. Мен бұл жағдайға кім кінәлі екенін білмеймін, бірақ енді қайталанбаса деймін", – дейді Ирина.

Кейінірек жергілікті БАҚ өкілдері ресми түсініктеме алу үшін супермаркет әкімшісі Темірлан Нысанбаевқа хабарласқан. Ол республикалық дүкендер желісінің бас кеңсесіне хат жазуға кеңес берген.

Оқи отырыңыз: Жарқанат вирустың таралуына әсер ете алмайды – маман пікірі

Оның пікірінше, бұл жерде жауапкершілік тауарды өндірушіге жүктеледі. Ал өндіруші Евгений Ионин (Свердлов облысы, Ресей) мұндай пікірмен мүлдем келіспейді.

"Бұл пакет дүкенге жеткенге дейін қаншама қолдан өтеді. Сондай-ақ, ол қалай тасымалданып, қалай сақталды – мен білмеймін. Пакеттің аузы ашық болғандықтан, жарқанат кез-келген қоймада кіріп кетуі мүмкін. Мәселен, біз тауарымызды жөнелтер алдында мұқият тексереміз. Сол сияқты дүкен иелері де тексеріп қабылдауға міндетті деп санаймын", – дейді Евгений Ионин.

2097
Кілт сөздер:
жарқанат, тұтынушылар, Қостанай
Тақырып бойынша
Алматы - Қостанай рейсінің жолаушысы ұшақ бортында көз жұмды
Тұтынушылар лигасы адамдардың жеке мәліметін заңсыз пайдаланатындардың былығын айтты
Қостанай соты баласын қоқысқа тастаған әйелге ешкім күтпеген үкім шығарды
Мемлекет басшысы тұтынушылар құқығын қорғауға қатысты заңға қол қойды
Сатушы мен тұтынушы құқы: заң қабылданып, президентке жіберілді
Пәтер кілті

Пневмониядан қайтыс болған ауыл имамының ұлына баспана кілті табыс етілді

498
(Жаңартылды 17:52 27.09.2020)
Тұрғын үй Түркістан облысының имамдары мен облыстық "Зекет" қорының өкілдігі және ерікті жамағаттың қолдауымен салынды

НҰР-СҰЛТАН, 27 қыркүйек – Sputnik. Қазақстан мұсылмандары діни басқармасының төрағасы, бас мүфти Наурызбай қажы Тағанұлы Түркістан облысына жасаған сапары аясында Сайрам ауданының Арыс ауылындағы мешітте имамдық қызмет еткен марқұм Мәдікәрім Құрбанбаевтың балаларына мүфтият салып берген баспананың кілтін табыс етті.

Мүфтияттың баспасөз қызметінің хабарлауынша, көп жылдан бері дін жолында қызмет етіп, Исламды насихаттап, түрлі игі шаралардың басы-қасында жүрген Мәдікәрім Құрбанбаев пневмония кеселіне шалдығып, қайтыс болған. Артынша өмірлік жан жары да осы жаман індеттен көз жұмған.

"Өте қиын сәтте рухани һәм материалдық тұрғыдан қолдау мақсатында бас мүфти Наурызбай қажы Тағанұлы "Ел үлесі – пәтерге" акциясының аясында асар әдісімен салынған 5 бөлмелі үйді марқұмның артында қалған ұлы Абдулбасидке табыс етті", – делінген хабарламада.

Айта кетейік, тұрғын үй Түркістан облысының имамдары мен облыстық "Зекет" қорының өкілдігі және ерікті жамағаттың қолдауымен салынды.

Оқи отырыңыз: 2021 жылы салымшылар зейнетақы жинағының бір бөлігін баспана сатып алуға пайдалана алады

498
Тақырып бойынша
Баспана алуға арналған бағдарламалар: мамандар жиі қайталанатын қателікті атады
Алматылық жастар үшін баспана алу шарты жеңілдеді
Зейнетақы жинағына баспана алу шарттары белгілі болды
"5-10-20" және "7-20-25" бағдарламалары бойынша қалай баспана алуға болады
Мемлекет арендалық баспана ақысын қалай төлейді?
әйел

Өскеменде қолына баласын ұстаған тыр жалаңаш әйел көшеде шу шығарды

4656
Көшедегі көліктердің жанында айғай-шу шығарып жүрген тыр жалаңаш әйелдің қолында алты айлық баласы болған

НҰР-СҰЛТАН, 27 қыркүйек — Sputnik. Өскемен тұрғындары қолына кішкентай нәрестесін ұстап көшеде жүрген әйелді видеоға түсіріп алған. Әйелдің өзі де, баласы да тыр жалаңаш, деп жазады YK-news.kz. Ал далада ауа температурасы он градус қана.

Видеодан тыр жалаңаш әйелдің көшеде бағдаршамға тоқтаған көліктердің жанында жүргенін көруге болады. Басылымның хабарлауынша, жүргізушілердің бірі оны көлігіне отырғызады, бірақ әйел айғайлап, адамдарды көмекке шақыра бастайды. Біршама уақыттан кейін оқиға орнына полицейлер келеді.

Шығыс Қазақстан облысы полиция департаментінің мәліметіне сүйенсек, видеодағы әйел 33 жаста, ал қолындағы баласы алты айлық қана екен.

"Әйел арнайы медициналық мекемеге жеткізілді, ол жерде дәрігерлер оған не болғанын анықтайды", - деп хабарлады полиция.

Ал сәби ана мен бала орталығына жеткізілді, оның өміріне ешқандай қауіп төніп тұрған жоқ, деді тәртіп сақшылары.

4656
Кілт сөздер:
видео
Қазақстан премьері мен Татарстан басшысы Қостанайда кездесті

Қазақстан премьері мен Татарстан басшысы Қостанайда кездесті

59
(Жаңартылды 21:17 27.09.2020)
Автомобиль жасау саласындағы жаңа жобалар Қазақстан мен Ресей арасындағы өнеркәсіптік кооперацияның нақты практикалық кеңеюін айғақтайды

НҰР-СҰЛТАН, 27 қыркүйек – Sputnik. Қостанайда премьер-министр Асқар Мамин мен Татарстан президенті Рустам Минниханов кездесіп, үш бірдей автомобиль жасау жобасын бастап берді. Нысандарға тартылған инвестиция көлемі 261 миллиард теңгені құрайды, деп хабарлайды primeminister.kz сайты.

Келісімге сәйкес, алдағы уақытта Қостанай индустриялық аймағында "КАМАЗ" шойын құймасы мен жүк техникасының шанақ-арқалығына арналған құрамдас бөлшектер өндіру зауыты салынып, Қарағанды облысының Саран қаласында автомобиль шиналары өндірісі ашылады. Бұл жердегі шектес салаларды ескере отырып, өндіріс орнында шамамен 1 200 жаңа жұмыс орны құрылады деп жоспарланған.

Ал зауыттардың құрылысы 2023 жылы аяқтау көзделген.

Үкімет басшысы автомобиль жасау саласындағы жаңа жобалар Қазақстан мен Ресей арасындағы өнеркәсіптік кооперацияның нақты практикалық кеңеюін айғақтайтынын атап өтті.

"Автомобиль жасау саласындағы өндіріс көлемі жыл басынан бері 51,8%-ке ұлғайды. Негізгі капиталға салынған инвестициялар 6,6 еседен астам – 9,4 миллиард теңгеге дейін артты", – деді Мамин.

Шара аясында үкімет басшысына ауыл шаруашылығы техникасын жинау және кәдеге жарату зауыты мен "КАМАЗ" инжиниринг орталығын ашудың бірлескен Қазақстан–Ресей жобасы таныстырылды.

Оқи отырыңыз: Таңғалдырмаймыз, бірақ қуантамыз: Ермек Тұрсынов Татарстан киносы күндері жайлы

Сондай-ақ, кездесуде ресейлік "КАМАЗ" бен "Татнефть" және өзбектің "UzAuto" компанияларының басшылығымен автомобиль жасау саласындағы ынтымақтастықты одан әрі дамыту келешегі талқыланды.

59
Кілт сөздер:
экономика, Қазақстан, Татарстан
Тақырып бойынша
Қазақстан мен Татарстан меморандумға қол қойды
Азық-түлікті қымбаттатуға еш себеп жоқ – Мамин
Маска мен дәрі-дәрмек тапшылығы болмайды – Мамин
Татарстан президенті сабан тойды Қостанайда атап өтеді
Татарстан президенті Абай өлеңін қазақ тілінде оқыды