Архивтегі фото

Алматыда күзде әскерге мың жарым адам шақырылады

35
Әскерге шақырылғандар ПТР-тест тапсырады. Сонымен қатар медициналық комиссия құрамына инфекционист дәрігер қосылды

АЛМАТЫ, 14  қыркүйек – Sputnik. 2020 жылы күзде мерзімдік әскери қызметке Алматыдан шамамен мың жарым адам шақырылады. Бұл туралы қалалық қорғаныс істері департаментінің басшысы Амантай Өсербаев мәлімдеді, деп хабарлайды Sputnik Қазақстан тілшісі.

2020 жылдың қыркүйегі мен желтоқсаны арасында жасы 18 бен 27 аралығындағы азаматтар заңды түрде мерзімдік әскери қызметке шақырылады.

Департамент басшысының айтуынша, мерзімдік қызметке шақыруға байланысты комиссия құрылды. Оның төрағасы – қала әкімінің бірінші орынбасары Ерлан Қожағапанов. Комиссия құрамында құқық қорғау органдары мен қоғамдық бірлестіктер өкілдері бар.

"Әскери қызметке шақырудың негізгі ерекшелігі – әскерге шақырылғандар ПТР-тест тапсырады. Сонымен қатар медициналық комиссия құрамына инфекционист дәрігер қосылды. Қорғаныс министрлігінің тапсырмасы бойынша әскерге шақыру пункттерінде санитарлық-эпидемиологиялық шаралар күшейтілген. Әрбір шақырылушының арасында арақашықтықты сақтау ерекше бақылауға алынған", - деді Өсербаев.

Медициналық тексеріс кезінде екі метр арақашықтық сақталады. Әскерге шақырылушыларға ПТР зерттеуі екі рет: біріншісі әскерге шақыру кезінде жиын пункттерінде, екіншісі жас буын әскери бөлімдерге келген кезде жүргізіледі.

Әскерге шақырылушылардан респираторлы ауруларға тән белгілер анықталған жағдайда әрекет ету әдісі жеке қарастырылады.

"Мерзімдік әскерге шақырылушы ең алдымен аудандық медициналық тексеруден өтеді. Аудандық медициналық комиссия әскерге жарамды деп таныса, азамат қалалық медициналық комиссияға жіберіледі. Содан кейін ғана әскер қатарына қабылданады. Тексеру барысында емді қажет ететін азаматтар табылып жатса, олар жергілікті емхана жіберіледі, әскерге шақырудан уақытша босатылады", - деді ол.

Оқи отырыңыз: Әскери борышты өтеу мерзімі ұзартылды деген рас па? 

Өсербаевтың айтуынша, әскерге шақыру жұмыстарына пандемияға байланысты бірқатар өзгеріс енгізілді. Бұған дейін шақыру күнінде ата-аналар бірге шақырылып, салтанатты түрде шығарып салу жұмыстары ұйымдастырылған. Пандемияға байланысты осы жұмыстарға шектеу қойылды.

"Соған қарамастан, шақыру пунктінен кетер алдында әскерге шақырылғандар ата-анасымен жүздесе алады", - деп толықтырды департамент басшысы.

Сонымен қатар Амантай Өсербаев "әскерге баруды кейінге қалдыру", "әскерден босату" секілді барлық жұмысты арнайы құрылған комиссия шешетінін жеткізді. Айтуынша, жергілікті атқарушы органдар бұл мәселені шеше алмайды. Сол себепті алаяқтардың арбауына түсіп қалмауға шақырды. Сондай-ақ, әскерге бару туралы қандай да бір сұрақ болса, қорғаныс министрлігі, қорғаныс істері департаментіне хабарласу қажет.

35
Кілт сөздер:
Алматы, әскери борыш
Тақырып бойынша
Қыркүйекте әскерге шақырудың күзгі науқаны басталады
Қазақстанда күзде 17 мыңнан аса адам әскерге шақырылады 
Әскерге шақыру басталды: полковник күзгі науқан несімен ерекшеленетінін айтты
Теңге, ақша

Қырылған құсқа 390 миллион теңге өтемақы беріледі

36
(Жаңартылды 17:34 21.09.2020)
Республикалық эпизоотикалық топ өтемақыны қырылған құстың иесінің жеке есепшотына аударып отырады, деп атап өтті вице-министр Исаева

НҰР-СҰЛТАН, 21 қыркүйек – Sputnik. Ауыл шаруашылығы вице-министрі Гүлмира Исаева құс тұмауынан зардап шеккендерге өтемақы беру тәртібін түсіндірді, деп хабарлайды Sputnik Қазақстан тілшісі.

"Барлық әкімдікте арнайы комиссия құрылды. Олар қырылған құстың орташа нарықтық бағасын анықтайды. Ал өтемақыны республикалық эпизоотикалық топ төлейді", - деді Исаева орталық коммуникациялар қызметінде өткен онлайн брифингте.

Оның айтуынша, арнайы комиссиялар қырылған құстың нарықтық бағасын анықтағаннан кейін тиісті құжаттар республикалық эпизоотикалық топта қаралады. Ветеринарлық қызметтің құжаттары да соған жіберіледі.

Оқи отырыңыз: Құс тұмауы адам үшін қауіпті ме - ауыл шаруашылығы министрлігі жауап берді 

"Республикалық эпизоотикалық топ өтемақыны қырылған құстың иесінің жеке есепшотына аударып отырады. Егер барлық құжат дұрыс болса, онда ақша үш күнге жетпей түседі. Қазіргі кезде республикалық эпизоотикалық топта шамамен 390 миллион теңге бар. Бұның барлығы өтемақы ретінде беріледі", - деп атап өтті Исаева.

Айта кетейік, Солтүстік Қазақстан, Ақмола, Павлодар, Қостанай және Қарағанды облыстарында құс тұмауы анықталды. Осыған байланысты бірнеше елді мекенде шектеу шаралары енгізіліп, құс өнімдерін шығаруға тыйым салынды.   

36
Кілт сөздер:
құс, өтемақы
Тақырып бойынша
Құс тұмауы Қазақстанның тағы бір облысына жетті
Солтүстік Қазақстанда ауру өршіп тұр: бір тәулікте 180 мың құс қырылып қалды
Бірнеше облыста құс тұмауы тіркелді: мамандар аурудың қалай тарағанын анықтады
құс тұмауы

Бірнеше облыста құс тұмауы тіркелді: мамандар аурудың қалай тарағанын анықтады

35
Республикалық резервтен 1,4 миллион екпе таратылды, тағы да қосымша 1 миллион вакцина жеткізілмек

НҰР-СҰЛТАН, 21 қыркүйек – Sputnik. Ауыл шаруашылығы министрлігі құс тұмауының қалай тарағанын анықтады, деп хабарлайды Sputnik Қазақстан тілшісі.

Вице-министр Гүлмира Исаеваның айтуынша, эпизоотикалық тексеріс кезінде вирустың жабайы құстар арқылы таралғаны анықталды. Қазіргі кезде осы құстар солтүстіктен оңтүстікке қоныс аударып жатыр. Олар су ішкен қоймаларда үй құстары да жүрген. 

"Вирус ортақ су қоймалары тараған. Ол жерде жергілікті үй құстары да жүріп, құс тұмауын жұқтырған", - деді Исаева орталық коммуникациялар қызметінде өткен онлайн брифингте.

Оның айтуынша, құс тұмауы анықталғаннан кейін оған қарсы вакцина беріле бастады. Республикалық резервтен 1,4 миллион екпе таратылды, ол 4,7 миллион құсты вакцинациялауға жеткілікті. 

"Ертең қосымша 1 миллион доза жеткізіледі. Осы вакцинамен 3,5 миллион құсты егіп шығуға мүмкіндік бар", - деп атап көрсетті Исаева.

Бірнеше облыста шектеу шаралары енгізілді

Бүгін ауыл шаруашылығы министрлігі бірнеше облыста құс тұмауының анықталғанын мәлімдеді. Мәселен, Солтүстік Қазақстанда 23 ауылда қауіпті вирус тіркелді. Осыған байланысты 17 қыркүйектен бастап 7 ауданда құс өнімдерін шығаруға шектеу енгізілді. Олар:

  • Тимирязев ауданы;
  • Жамбыл ауданы;
  • Қызылжар ауданы;
  • Тайынша ауданы;
  • Шал ақын ауданы;
  • Ғабит Мүсірепов ауданы;
  • Мағжан Жұмабаев ауданы.

Ал Айыртау ауданы бойынша Қарақамыс ауылында шектеулер енгізілді. Бұдан бөлек, Ақмола облысында Шойындыкөл ауылы, Павлодар облысында Еңбекші, Ақтау және Трофимовка ауылдары, Қостанай облысында Сокол, Маяк және Красная Пресня ауылдары құс өнімдерін шығара алмайды.

"Сондай-ақ, қазіргі кезде Қарағанды облысының Нұра ауданында құстың қырылуынан қатысты зертханалық жұмыстар атқарылып жатыр", - дейді Исаева.

Санитар дәрігерлердің айтуынша, құс тұмауының адамға жұғу жағдайлары сирек кездеседі. Вирус адамнан адамға тарамайды.

35
Ағылшын ауылының тұрғындары

Қазақстандық олигарх Англияда 200 үй салғалы жатыр: тұрғындар наразылық білдірді

0
(Жаңартылды 21:36 21.09.2020)
БАҚ қазақстандық олигархтың ағылшын ауылындағы сатып алған жеріне 200-ден астам үй салғалы жатқанын хабарлады

АЛМАТЫ, 21 қыркүйек – Sputnik. XII ғасырда іргесі қаланған ұлыбританиялық Ист-Хосли ауылының тұрғындары қазақстандық миллионер Нұрлан Бизақовты сотқа беруге дайын отыр. Қазақстандық сол аймақтағы өзіне тиесілі жылқы зауыты аумағына 205 тұрғын үй кешенін салғалы жатыр, ал тұрғындар бұған наразылық танытуда, деп жазды Daily Mail.

Басылымның хабарлауынша, ауыл тұрғындары бұл құрылыс сол елді мекеннің тарихи келбетін бұзатынына сенімді.

2010 жылы Нұрлан Бизақов Шығыс Сассексте Hesmonds жылқы зауытын сатып алған. Жергілікті тұрғындар бастапқыда бұл жаңалыққа қуанған еді, себебі олигарх зауыттың көркеюіне миллиондаған доллар қаржы құйды.

Алайда жақында Бизақовтың сол аймаққа 205 тұрғын үй салуға рұқсат алғаны белгілі болды. Енді тұрғындар миллионерге және оның бұл жоспарына қарсы болып отыр, олар тіпті Бизақовпен сот арқылы күресуге дайын.

Қазақстандық олигархтар Лондондағы пәтерлерін сатып жатыр: байлар неден қашты? 

Ауылда шамамен 500 үй бар. Алайда тағы екі жүз үй салу туралы жаңалық тұрғындарды қуантпады.

"Барлығы Бизақовтың миллиондаған қаражат құйғанына қарап оны керемет деп санайды. Алайда мұндай ауқымды құрылыс бірегей ауылды құртады, бұл елді мекеннің іргесі мың жыл бұрын қаланған. Бизақов Францияға (Бизақовтың бұл елде де жылқы зауыты бар – Sputnik) тарихи ауылды жоюдан тапқан миллиондаған қаражатты өзімен бірге алып кеткенде ғана бұл іс шешілетіндей көрінеді", - деді жергілікті тұрғындардың бірі Джонатан Уокер.

2017 жылы Нұрлан Бизақов Forbes рейтингісі бойынша Қазақстанның ең бай 50 бизнесменінің қатарына енді. Оның байлығы 445 миллион доллар деп бағаланды. Әр жылдары Бизақов Қазақстанның ұлттық компанияларында жоғары қызметтер атқарған.

0
Кілт сөздер:
бизнесмен, Ұлыбритания
Тақырып бойынша
Қазақстандық бай-манап елді шулатқан Париждегі қымбат үйін сатып жатыр
Олигарх Мақсат Әріптің 17 миллион доллар тұратын үйіне бұғау салынды
Министр Нұрымбетов ауқатты адамдар қай өңірлерде тұратынын айтты