Өңірлер

Солтүстік Қазақстанда ауру өршіп тұр: Петропавлда құс қырылып жатыр

© Sputnik / Елена БережнаяБольная птица
Больная птица  - Sputnik Қазақстан
Жазылу
Жергілікті билік өкілдерінің айтуынша, ауыл тұрғындарына келген шығынның орны толтырылады. Тәркіленген немесе көзі жойылған құстардың құны арнайы комиссияның шешімімен жынысы мен жасына, түрлеріне қарай орташа нарықтық бағаға сәйкес есептеледі

НҰР-СҰЛТАН, 18 қыркүйек – Sputnik. Солтүстік Қазақстан облысында құс тұмауына байланысты жеті ауданның он ауылы карантинге жабылды. Онда тек үй құстары ғана емес, жабайы құстар да өліп жатыр, деп хабарлайды Sputnik Қазақстан.

Петропавлда өлген қарға, көгершін, торғайларды қала саябақтары мен көшелерінен кездестіруге болады. Сонымен қатар, ауырған құстар жетіп артылады.

© Sputnik / Елена БережнаяКоммуналдық шаруашылық қызметкерлері күн сайын қала көшелерінен ондаған құстың өлексесін жинайды
Солтүстік Қазақстанда ауру өршіп тұр: Петропавлда құс қырылып жатыр - Sputnik Қазақстан
Коммуналдық шаруашылық қызметкерлері күн сайын қала көшелерінен ондаған құстың өлексесін жинайды

"Міне, мына көгершіннің жағдайына қараңызшы, өлуге айналған. Ана жердегі қарғаның түрі де аянышты, қатты әлсіреген. Ал мұндай құстарды әр қадам аттаған сайын қала көшелері мен ескі саябақтан көруге болады", - деді қала тазалығына жауап беретін коммуналдық қызмет көрсету мекемесінің өкілі Андрей Ивлев.

Ол күн сайын көшені ондаған өлген құстан тазалауға мәжбүр болып отырғанын айтады.

© Sputnik / Елена БережнаяҚарға мен көгершін, торғай сияқты қала тіршілігінде өмір сүруге бейімделген жабайы құс түрлері өліп жатыр
Солтүстік Қазақстанда ауру өршіп тұр: Петропавлда құс қырылып жатыр - Sputnik Қазақстан
Қарға мен көгершін, торғай сияқты қала тіршілігінде өмір сүруге бейімделген жабайы құс түрлері өліп жатыр
"Бүгінге дейін қаланы қанша өлген құстан тазалағанымызды есептеген жоқпын. Мыңның айналасында болар. Жалпы бұл жағдай, жаз мезгілінде басталған. Тек ол кезде бірен-саран құсты ғана кездестіретін едік. Қазір қадам басқан сайын сілейіп жатқан қарға мен көгершінді көретін болдық", – дейді ол.

Жергілікті тұрғындар да қала көшелерінен көліктермен жаншылған көгершіндерді жиі байқайды екен. Құстар ештеңеге мән бермейтін болды, тіпті көлік жақын келген күннің өзінде де ұшып кетпей, жол үстінде сүлесоқ отыра беретінін байқап жүрміз, дейді жүргізушілер.

"Менің басымнан бүгін қызық бір жағдай өтті. Көлігіммен келе жатып жол үстінен бір топ көгершінді көрдім, сигнал беремін, бірақ олар ұшып кетпей тапжылмастан отыра берді. Шынымды айтсам, денем тітіркеніп кетті", – дейді Петропавл тұрғыны Ербол.
© Sputnik / Елена БережнаяҚұстардың өздеріне төнер қауіп-қатерді мүлдем елеп-ескермейтін күйге түскеніне қала тұрғындары таңғалуда. Олар жаяу жүргіншілер жолы мен тротуарларда қаннен қаперсіз отыра береді
Солтүстік Қазақстанда ауру өршіп тұр: Петропавлда құс қырылып жатыр - Sputnik Қазақстан
Құстардың өздеріне төнер қауіп-қатерді мүлдем елеп-ескермейтін күйге түскеніне қала тұрғындары таңғалуда. Олар жаяу жүргіншілер жолы мен тротуарларда қаннен қаперсіз отыра береді

Тұрғындарды алаңдатқан жәйтке Sputnik Қазақстан тілшісі де көз жеткізді. Ол қала көшелерін аралаған бір сағаттың ішінде 20 шақты өлген құсты кездестірген. Тіпті, коммуналдық қызмет көрсету мекемесінің өкілдері орталық көшелерді уақытылы тазалап отырған күннің өзінде, өлген, ауырған құстан көз сүрінеді.

© Sputnik / Елена БережнаяСаябақтағы көгершіндер
Солтүстік Қазақстанда ауру өршіп тұр: Петропавлда құс қырылып жатыр - Sputnik Қазақстан
Саябақтағы көгершіндер

Еске сала кетейік, Солтүстік Қазақстан облысында құс тұмауының күрт өршуіне байланысты, жеті ауданға қарасты он ауыл – Тимирязев, Тайынша, Жамбыл, Қызылжар, Шал ақын және Ғабит Мүсіреп пен Мағжан Жұмабаев атындағы ауылдар карантинге жабылды.

Карантин талабына сәйкес, адамдар мен көліктердің қозғалысына қатаң шектеу қойылған. Карантин аймағына жататын құс шауашылығындағы құс етін, жемін, оған қатысты басқа да өнімдер мен құрылғыларды сыртқа шығаруға тыйым салынады. Сондай-ақ, аурудың таралу көзіне айналған құстарды жою, өртеу бойынша тиісті шаралар жүргізіледі.

Жергілікті билік өкілдері ауыл тұрғындарына келген шығынның орны толтырылатынын айтып уәде берді. Тәркіленген және көзі жойылған құстардың жалпы құны арнайы комиссияның шешімі бойынша, құстардың жынысы мен жасына, түрлеріне қарай орташа нарықтық бағаға сәйкес есептеледі.

Сау құстарға вакцина жүргізіліп, ветеринар мамандардың бақылауында болады.

Оқи отырыңыз: Қазақстанда құс тұмауы өршіді – адамдар ауруды жұқтыруы мүмкін бе?

Ресми мәліметтер бойынша, бүгінде бұл аймақта жеті мың құс қырылған және бұл көрсеткіш одан әрі өсіп келеді. Бірақ ауыл тұрғындары бүгінге дейін шамамен 10 мың құстың өлгенін, тіпті қырылған қаз, тауық, үйректерді өртеп үлгере алмай жатқанын айтады.

Жаңалықтар
0