Толқын Забирова - әнші

"Ұстаздың өзі білімді болуы керек" Толқын Забирова Димаш туралы ойын айтты

7099
(Жаңартылды 20:48 17.02.2019)
Әнші өнердің деңгейі түсіп кеткен мына заманда Димаш секілді жастарды көптеп тәрбиелеу қажеттігін атап өтті

АЛМАТЫ, 17 ақпан – Sputnik, Айгерім Таубай. Үлкеннің де, кішінің де жүрегіне әсем әнімен, әуезді үнімен, өзіне тән стилімен жол тапқан Т.Жүргенов атындағы Қазақ Ұлттық өнер академиясының профессоры, әнші Толқын Забирова Sputnik тілшісіне өнер мен бүгінгі жастардың мәдениеті жайында және өзі орындайтын әндерді қалай таңдайтыны туралы айтып берді. Көптен бері көгілдір экраннан көрінбей кеткен тұлғаның қай істің басында жүргенін де сұрадық.

– Неге көрінбей кеттіңіз?  Шығармашылыңызда не жаңалық?

– Жақында ғана Арман Дүйсеновтің әніне жазылған "Қалқажан" әні жарыққа шықты. Сол әнге бейнебаян түсірдік. Оны бір ай көлемінде теледидардан көрсетті. Телефон шалып, әнімді сағынған көпшілік жақсы қабылдады. Ән таңдау, өлең таңдауға үлкен жауапкершілікпен қарап, жақсы әндерді ұзақ таңдаймын. Сондықтан болар әндерім сирек шығады. Үйге келсем, композиторлардың ұсыныстары толып тұрады. Бірақ соның ішінен іліп аларын таппаймын. Өздеріне айтуды ұят көремін, себебі ол да біреудің еңбегі.

Бір әннен соң екіншісін шығарып жататын әншілерге таңғаламын. Ән болған соң оның сапасы болуы керек, берері болуы керек. Ал соған мән бермейтін өнерде жүрген кісілер көп. Содан болар өнердің деңгейі түсіп кетті. Тек өнер адамдары ғана емес, тыңдарман да бұған себепші болып отыр. Соңғы екі әнімнің арасы 3-4 жыл. Онда тұрған түк те жоқ. Біз бір айда бірнеше ән шығарғанға үйреніп қалғанбыз. Мұндай кезде асығыстық жасамау керек. Той-томалақта айтылатын ән деп үсті-үстіне ән шығаруды құптамаймын.

– Жас әншілерге, жастарға жиі сын айтасыз ба?

– Қазіргі жастар сын көтере алмайды. ХХІ ғасырдың жастарын Кеңес одағындағылармен салыстыруға келмейді. Қазір нарықтық экономика заманы. Олар Кеңес дәуірінің идеологиясын көрген жоқ.

Мен одақ кезінде тудым, өстім, оқыдым, білім жинадым. Ол кезде әжелеріміз отырғызып ақыл айтатын. Оны тыңдайтын құлақ та, жүрек те болды. Ал қазіргі жастар өз дегенімен жүреді. Оны көшеден өтіп бара жатып та байқаймын. Топ жігіттің ортасында тұрып қыздардың боқауыз сөз айтқанын естігенде мен ұялып кетемін. Барлығы тәрбиеден. Бала үйде тәрбие көрсе, ертеңгі күні  оқуында да, араласатын ортасына да, кездесетін болашақ жарына да үлкен жауапкершілікпен қарайды.

Қазір білім саласында жүрмін. Балалардан байқайтыным, ақша табамын деп оқуға да уақыт таба алмай жатады. Оларды да түсінуге болады. Ата-анасына салмақ салмай, өздері оқуының ақысын төлейтіндер де бар. Дәл бүгінгі күні қалтасы ақшаға толса, бір ән шығарып, бір бейнебаян жазып, адам танымай шіреніп кететіндер де бар. Мен сияқты, менімен қатарлы әріптестер өнердің бір кірпішін қалап, өз еңбегімізді сіңірдік. Жастар неге соны білмейді? Тойдың әнін жатқа біліп, орындаушысын ғана таниды.

Той деген жақсы. "Қазақтың тойы бітпесін" деп жүреміз барлығымыз. Алайда рухани жағынан да бай болуымыз керек. Рухымызды асқақтатып, еңсемізді көтеріп, рухани байлық беретін, патриоттық сезімді оятатын әндерді де жастар білуі керек. Мен де өз шәкірттеріме көп оқыңдар деп айтып отырамын.

– Үш жыл жаңа ән шығармағаныңызды айтып қалдыңыз. Осы аралықта тойларға шықтыңыз ба?

– Той әншісі болмасам да, тойда мен де ән айтамын. Халық тек ойнап, билейтін әндерді сұрамайды. Арасында мәдениетті, әдемі әндерді сұрайды. Тәуба деймін, мені тыңдайтын көрерменім бар. Солардың арқасында анда-санда тойда ән саламын. Көңілім толатыны, классикалық шығармаларды орындап беріңізші деп шақырады. Дәл осы әніңізді орындаңызшы деп жатады. Алайда күрделі, әйгілі классикалық шығармаларды біреу тамақ ішіп, біреу шарап ішіп отырған жерде орындаған кезде өзгеше күй кешемін. Екінші жағынан қалың жұрт жиналған жиын-тойда сол әнімді халық сұрап жатса, ол да мәдениеттің бір түрі шығар деп қабылдаймын.

– Гонорарыңыз қанша?

– Мен доллар төмен болған кезде де, орташа, шарықтап  кеткен кезде де бір қалыпты бағаны айтамын. Бай болса, көп сұрап, жағдайы орташа болса, төмен баға айту деген жоқ.

– Қазіргі әншілерден кімді тыңдайсыз?

– Біраз әншіні сырттай танимын. Өнер адамы ретінде оқырманға  ешкімді тыңдамаймын деп айтқаным түрпідей тиюі мүмкін. Десек те менің күн тәртібім, 24 сағат өте тығыз. Оның ішінде отырып үш сағаттап теледидар қарауға мүмкіндік бола бермейді. Десек те "Х фактор" секілді бағдарламаларды қараймын. Не болып жатқанын біліп отырамын.

Шәкірт тәрбиелейтінім жайлы жоғарыда айтып өттім. Сол шәкірттерге бір жаңа ақпаратты беріп, білім беруім үшін менде де білім қоры болу керек. 20 жыл ән айттым, 21-жылы атағымды алдым, 15 жыл еңбек етіп, кандидаттық диссертациямды қорғадым. Оның бәрі еңбекпен келді. Сол секілді тыңдарман іздеп көретіндей әнші болуы үшін еңбек ету керек, ойы кең, білімі терең болуы тиіс.

Досхан Жолжақсынов ағамыздың фильмдері қандай еді? Қайталап көре бергің келетін. Ал бүгінгі отандық  комедия жанрындағы фильмді екінші рет қарай алмаймын. Нақты есімін атап, әншілердің тізімін атамасам да ойымды жеткіздім деп санаймын.

– Димаш Құдайбергенов жайында ойыңызбен бөліссеңіз.

– Димаш – Алланың  берген сыйы. Біз Димаш секілді жастарды тәрбиелеуіміз керек. Ол үшін тәрбие, білім беретін ұстаздардың өзі білімді болуы керек. Барлығы мәдениет пен өнерге келіп тіреледі. Қазақстанды басқа ел мәдениет пен спорт арқылы таниды. Мұны Елбасы да әр сөзінде айтып жүр. Басқа ел  Бекзат Саттарханов, Серік Сәпиев, Димаш Құдайберген, Роза Рымбаева арқылы Қазақстанды таниды. Сондықтан жастарымыз ұлт пен ұлысқа бөлінбей, бір жеңнен қол, бір жағадан бас шығарып, өздерін жетілдіріп, білімдерін толықтырып, жаңа дүниелерге ұмтылуы керек.

– Әңгімеңізге рақмет! Шығармашылық табыс тілеймін!

7099
Кілт сөздер:
өнер жұлдыздары, той, әнші, Толқын Забирова, Димаш Құдайберген
Тақырып бойынша
Майра Ілиясова: Ринат айтыста профессор болсын, ал Димашта жұмысы болмасын
Мұхамедиұлы: Елбасы Димашқа мемлекеттік стипендия тағайындады
Лондондағы жанкүйерлері Димашты ерекше қошеметпен қарсы алды — видео
Джеки Чан Димашты ерекше сыйлық беріп қуантты — сурет
қалыңдық

Танымал қазақстандық актриса тұрмысқа шықпақ

7766
Бірінші тамызда актрисаның сүйіктісі Жанболат Төлеген оған тұрмысқа шығуға ұсыныс жасағаны белгілі болды

НҰР-СҰЛТАН, 2 тамыз – Sputnik. Танымал актриса және "КаZахи" КВН командасының бұрынғы ойыншысы Гүлнәр Селбаева қалыңдық атанды, деп хабарлайды Sputnik Қазақстан.

Бірінші тамызда актрисаның сүйіктісі Жанболат Төлеген оған тұрмысқа шығуға ұсыныс жасаған, ал Селбаева келісімін берді. Бұл туралы қос ғашықтың Instagram парақшасындағы жазбасынан белгілі болды.

Посмотреть эту публикацию в Instagram

Публикация от Jan Tolegen (@zhanbolat_jackie)

Актрисаның болашақ жары Жанболат Төлеген - биші, ол "Танцы" және "Биле, Қазақстан" секілді бірнеше жобада бағын сынап көрген болатын. Сондай-ақ қазақстандық әншілердің бейнебаяндарына түсіп, театр сахналарында өнер көрсетіп жүр. 

Посмотреть эту публикацию в Instagram

Публикация от Jan Tolegen (@zhanbolat_jackie)

Гүлнәр Селбаева "КаZахи" КВН командасының құрамында ойнап, елге танылды. Бұдан бөлек, ол "Гламур для дур", "Жених на 5 дней", "Я жених" секілді фильмдерге түсті.

Посмотреть эту публикацию в Instagram

Публикация от Jan Tolegen (@zhanbolat_jackie)

7766
Кілт сөздер:
актриса
Әнші Сейфуллин Жолбарыс

Танымал актер Сейфуллин Жолбарысқа араша түсті

5055
Сақатов әлеуметтік желіде тараған шулы видеоны көргеннен кейін халықтан өнер жұлдызының қылығына кешіріммен қарауды сұрады

НҰР-СҰЛТАН, 9 шілде – Sputnik. Белгілі қазақстандық актер, сатирик Алмат Сақатов басы дауға қалған әнші Сейфуллин Жолбарысқа араша түсті.

Әртіс Facebook-тен Сейфуллин Жолбарыстың дүкенші жігітпен сөзге келіп қалған видеосын көрген.

"Баяғыда бір ақсақал ақ қағаздың бетіне кішкене қара нүкте салып,  оқушыларынан не көріп тұрсыңдар деп сұрапты. Оқушылардың бәрі қара нүкте көріп тұрмыз депті. Сонда ақсақал: "өмірде үйреніңдер, сендер мына жерден қара нүктені көреміз деп, үлкен ақ қағазды көрмей тұрсыңдар" деген екен. Жаңылмайтын жақ, сүрінбейтін тұяқ жоқ. Сондықтан сәл бір сүрінген екен деп жерден алып, жерге салу қажет емес", - деді өнер адамы Instagram-да видео жариялап.

Посмотреть эту публикацию в Instagram

Публикация от Сақатов Алмат (@sakatovalmat)

Ол әншінің дүкендегі әрекеті қателік екенін мойындады.

"Әрине, қателік, бірақ жігітті демейтін қасындағы елі, достары ғой. Аман болыңыздар", - деді Сақатов.

Әншінің даулы видеосы

Жуырда әлеуметтік желіде Сейфуллин Жолбарыстың дүкенші жігітпен жанжалдасып қалған видеосы тарады. Әнші сатушыға боғауыз сөздер айтқан. Дүкенші жігітті сыртқа шығып, жігітше сөйлесуге шақырған.

Sputnik Қазақстан өнер жұлдызына хабарласып, істің мән-жайын білді.

Әнші дүкендегі әрекеті үшін заң жүзінде жауап беріп жатқанын, видеоны желіге салған адам оқиғаның қалай басталғанын көрсетпегенін мәлімдеді.

5055
Кілт сөздер:
видео, әнші, актер
Тақырып бойынша
Танымал қазақстандық әнші коронавирус жұқтырды
Тойда ерсі қылық жасаған танымал әнші концерт қою құқығынан айырылды – видео
Әнші концертте болған жаппай төбелеске қатысты ойын айтты - видео
"Адамдар аштықтан өледі": Танымал әнші Тоқаевқа видео үндеу жолдады
Бала, аривтегі фото

Министрлік балаларды қазақ тілінде сөйлетудің жолын тапты

35
Қазақстанда кабельді операторлар арқылы тарайтын шетелдік арналардың өнімдері қазақ тіліне аударылады

НҰР-СҰЛТАН, 13 тамыз – Sputnik. Ақпарат және қоғамдық даму министрлігі танымал шетелдік мультарналарды қазақ тіліне аудару мәселесін қарастырып жатыр. Бұл туралы вице-министр Болат Тілепов мәлім етті, деп хабарлайды Sputnik Қазақстан тілшісі.

Оның айтуынша, ақпарат және қоғамдық даму министрлігінің тапсырмасымен руханияттың өзегі – тіл мәселесіне қатысты бастамалар қарастырылып жатыр.

"Мәселен, елімізде кабельді операторлар арқылы тарайтын шетелдік арналардың өнімдерін қазақ тіліне аударуды жоспарлап отырмыз. Әрине, кез келген тілдің ертеңі – бала тілінде. Сондықтан бұл жұмысты танымал шетелдік мультарналардан бастау керек деген ұсыныс бар", - деді Тілепов орталық коммуникациялар қызметінде өткен онлайн брифингте.

Вице-министрдің айтуынша, осы іспетті бастамалардың барлығы қоғамдық талқылаудан өтеді. Сол кезде зиялы қауым, сарапшылар мен ата-аналардың пікірі ескеріледі.

"Таңданыспен қарайды": Тоқаев қазақ тілінің мүшкіл хәлі туралы айта бермеуге шақырды 

Айта кетейік, брифинг кезінде вице-министр "Рухани жаңғыру" бағдарламасы аясында үш жылдың ішінде атқарылған жұмыстарды қорытындылап, халық алдында есеп берді.

Оның айтуынша, осы уақытқа дейін бағдарламаны басқарудың институтционалдық негізі қаланды, барлық өңірде жобалық кеңселер ашылды. Сөйтіп, әр жердің ерекшелігіне қарай мазмұндық жоспарлар жасалды. Дегенмен, іс-шараларды өткізу кезінде науқаншылыққа да жол берілді.

"Жасыратыны жоқ, кейбір жерлерде есеп беру мен науқаншылық сияқты үрдістер болған. Ол жайында мемлекеттік комиссияның отырысында да айтылды. Нәтижесінде өңірлердегі барлық шараға қайта талдау жасалып, рухани жаңғыруға мүлдем қатысы жоқ, мағынасы саяз, мақсаты сұйық көптеген шара алынып тасталды. Мәселен, былтырғы жоспарда 229 шара көзделген болса, биыл барлығы – 97", - деп түйіндеді Тілепов.

35
Кілт сөздер:
рухани жаңғыру, қазақ тілі
Тақырып бойынша
Тоқаев қазақ тілін тиімді оқытудың әдісін тапты
Депутаттар алдында жауабын 100 пайыз орыс тілінде берген шенеунік сөз естіді
"Кім жауап береді?": депутат қазақ тілінің мәселесін көтерді
"Бұл қорлау емес": Бекболат Тілеухан мәжілістегі әріптестерінің қылығына күйініп кетті
Карантинде қазақ тілін үйренуге арналған қосымшаны қолданушылар саны артты